၂၀၂၃ ခုနှစ်၊ ဇန်နဝါရီလ ( ၁၇ ) ရက်နေ့ နံနက်(၁၁:၀၀)နာရီအချိန်တွင် တမူးမြို့နယ် တာဝန်ခံ ဉီးစွမ်းရည်နှင့်ဝန်ထမ်းများသည် တမူးမြို့နယ်၊ (မြို့မ-၃)ရပ်ကွက်ရှိ “ အဓိပတိ ” ဆန်စက်လုပ်ငန်းရှင် ဦးစိုင်းလင်းနှင့် သွားရောက်တွေ့ဆုံဆွေးနွေးခဲ့ပါသည်။
ထိုသို့ တွေ့ဆုံဆွေးနွေးရာ ဆန်စက်လည်ပတ်မှုအခြေအနေများ၊ ရောင်းဝယ်ဖောက်ကားမှုအခြေအနေများကို မေးမြန်းရာတွင် ဧရာမင်း(စပါး)သစ် ( ၁၆ )ပြည်ပါတစ်တင်းလျှင် ( ၁၁၀၀၀ )ကျပ်၊ ချင်း-၃ (စပါး)သစ် ( ၁၆ ) ပြည်ပါတစ်တင်းလျှင် ( ၈၀၀၀ မှ ၈၅၀၀ ) ကျပ်အထိ၊ မှော်ဘီ(စပါး)တစ်တင်းလျှင် (၉၀၀၀ မှ ၉၅၀၀ ) ကျပ်အထိ၊ နှင့် ဧရာမင်း(ဆန်)သစ် ( ၂၄ ) ပြည်ပါတစ်အိတ်လျှင် ( ၄၅၀၀၀ ) ကျပ်၊ ချင်း-၃( ဆန်)သစ် ( ၂၄ ) ပြည်ပါတစ်တင်းလျှင် ( ၃၃၀၀၀ ) ကျပ်၊ မှော်ဘီ(ဆန်)သစ် ( ၂၄ ) ပြည်ပါတစ်တင်းလျှင် (၃၃၀၀၀)ကျပ် ပေါက်ဈေးရှိပြီး ဧရာမင်း၊ မှော်ဘီ၊ ချင်း-၃ (စပါး)သစ်များကို ဒေသတွင်းနှင့် မန္တလေး၊ မုံရွာမြို့များသို့ တင်ပို့ရောင်းချလျက်ရှိပြီး ဧရာမင်း(ဆန်)သစ်နှင့် မှော်ဘီ(ဆန်)သစ်၊ ချင်း-၃ (ဆန်)သစ်များကို ဒေသတွင်းသာရောင်းဝယ်ဖောက်ကားလျက်ရှိပြီး စပါးဈေးနှုန်းများအနေဖြင့် ပေါ်စတွင် ဧရာမင်း(စပါး)သစ် ( ၁၆ ) ပြည်ပါတစ်တင်းလျှင် ( ၉၀၀၀ ) ကျပ်ဈေးနှုန်းဖြင့် ဈေးဖွင့်ခဲ့သော်လည်း ယခုလအတွင်းတွင် စပါးအဝယ်လိုက်သည့်အတွက် စပါးဈေးနှုန်းများနှင့် ဆန်ဈေးနှုန်းများမှာ အရောင်းအဝယ်သွက်လျက်ရှိပါကြောင်း ဆန်စက်လုပ်ငန်းရှင် ဉီးစိုင်းလင်း၏ ဆွေးနွေးပြောကြားချက်များအရသိရှိရပါသည်။ ထို့နောက် တမူးမြို့နယ်တာဝန်ခံ ဦးစွမ်းရည်က စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များ လိုက်နာရမည့်အချက်များကို အသိညာပေးဆွေးနွေးခဲ့ကြောင်းသတင်းရရှိပါသည်။
DOCA(စစ်ကိုင်း)