စားသုံးသူရေးရာဦးစီးဌာန မွန်ပြည်နယ်ဦးစီးမှူးရုံးမှ ဝန်ထမ်းများသည် ၂၀၂၃ ခုနှစ် ဇန်နဝါရီလ ၂၄ ရက်နေ့၊ နေ့လယ် ၁:၀၀ နာရီအချိန်တွင် ချောင်းဆုံမြို့ အမက(မူလွန်)ကျောင်း၌ စားသုံးသူကာကွယ်ရေးအသိပညာပေးဟောပြောပွဲ ဆောင်ရွက်ခဲ့ကြောင်းသိရပါသည်။
အဆိုပါဟောပြောပွဲ၌ ချောင်းဆုံမြို့နယ်၊ အ - ထ - က(ခွဲ) ကရင်ဝင်းစိန်ကျောင်း၌ ကျောင်းအုပ်ဆရာမကြီးက အဖွင့်အမှာစကားပြောကြားခဲ့ကြောင်း၊ ဆက်လက်၍ စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ ဒေါ်ခင်မြတ်ကျော်(ဦးစီးအရာရှိ)နှင့် ဒေါ်ခင်ကြည်(ဒု-ဦးစီးမှူး)တို့က စားသုံးသူကာကွယ်ရေးနှင့်ပတ်သက်၍ အသိပညာပေးခဲ့ကြောင်း၊ ဟောပြောသည့်အကြောင်းအရာများမှာ ဦးစီးဌာန၏လုပ်ငန်းဆောင်ရွက်မှုများ၊ စားသုံးသူကာကွယ်ရေးဥပဒေ၊ စားသုံးသူအခွင့်အရေးနှင့်တာဝန်များနှင့် စားသုံးသူများနစ်နာမှုဆုံးရှုံးမှုရှိလျှင် တိုင်ကြားနိုင်သူနှင့် တိုင်ကြားရမည့်နေရာနှင့်လိပ်စာများ (ရုံးတည်နေရာ၊ ရုံးဖုန်းနံပါတ်၊ website www. doca. gov. mm နှင့် Doca Call Center 1535)တွင်လည်းကောင်း ပြန်လည်ကုစားနိုင်သည့် အခွင့်အရေးများကို ရယူနိုင်မည်ဖြစ်ကြောင်းနှင့် ကျောင်းသား/သူများသည် ကုန်စည်ပေါ်တွင် ကုန်အညွှန်းအမှတ်အသားဖော်ပြချက်တို့ကို သိရှိစေရန်နှင့် ကုန်အညွှန်းအမှတ်အသားပါမှသာလျှင် စားသုံးသူများမှာ စိတ်ချယုံကြည်စားသုံးနိုင်မည်ဖြစ်ကြောင်းဟောပြောခဲ့ပါသည်။ ထို့နောက် ကျောင်းအုပ်ဆရာမကြီးထံသို့ စားသုံးသူကာကွယ်ရေးအသိပညာပေးလက်ကမ်းစာစောင်များကို ပေးအပ်ခဲ့ကြောင်း၊ တက်ရောက်သူများက သိလိုသည်များ မေးမြန်းခြင်းတို့ကို ပြန်လည်ဖြေကြားခဲ့ပါသည်။ အဆိုပါဟောပြောပွဲသို့ ဆရာ/ဆရာမများနှင့်အတူ Grade-5 ကျောင်းသား/သူများ၊ စုစုပေါင်း လူဦးရေ ၈၀ ဦး တက်ရောက်ခဲ့ပါသည်။
DOCA(မွန်ပြည်နယ်)