လွိုင်ကော်မြို့ဈေးကွက်အတွင်းသို့ အခြားဒေသမှ စားသောက်ကုန်အများအပြား ဝင်ရောက်လျက်ရှိပြီး ကြက်ဥကို ရှမ်းပြည်နယ်တောင်ကြီးဘက်မှ အများဆုံးမှာယူ တင်သွင်းရောင်းချလျက်ရှိပါသည်။
ယခုလက်ရှိ ဖေဖော်ဝါရီလပထမပတ်တွင် ဖြစ်ပေါ်နေသောကြက်ဥဈေးနှုန်းမှာ ကြက်ဥ အလုံးကြီးတစ်လုံးလျှင်(၂၅၀)ကျပ်၊ အလုံးလတ်တစ်လုံးလျှင် (၂၃၀) ကျပ်၊ အလုံးသေးတစ်လုံး လျှင်(၂၀၀)ကျပ်တို့ဖြင့် ရောင်းချလျှက်ရှိပြီး ယခင်ဇန်နဝါရီလစတုတ္ထပတ်တွင် ကြက်ဥအလုံးကြီး တစ်လုံးလျှင်(၂၃၀)ကျပ်၊ အလုံးလတ်တစ်လုံးလျှင်(၂၂၀)ကျပ်၊ အလုံးသေးတစ်လုံးလျှင် (၂၀၀) ကျပ်သာရှိခဲ့ပြီး ယခင်ဇန်နဝါရီလစတုတ္ထပတ်နှင့် ယခုဖေဖော်ဝါရီလပထမပတ်ဈေးနှုန်း နှိုင်းယှဉ်ကြည့်လျှင် ကြက်ဥအလုံးကြီး တစ်လုံးလျှင်(၂၀)ကျပ်၊ အလုံးလတ်တစ်လုံးလျှင် (၁၀)ကျပ်ခန့် ဈေးနှုန်းမြင့်တက်ပြီး အလုံးသေးမှာ ဈေးနှုန်းပြောင်းလဲမှုမရှိကြောင်း သီရိမင်္ဂလာဈေးအတွင်းရှိ ကြက်ဥရောင်းချသူတစ်ဦးထံမှ သိရပါသည်။
DOCA(ကယား)