မကွေးတိုင်းဒေသကြီး၊ သရက်ခရိုင်၊ ကံမမြို့နယ်တွင် ဆီထွက်သီးနှံဆောင်းနေကြာများကို (၃၁.၁.၂၀၂၃)ရက်နေ့အထိ စိုက်ပျိုးဧက (၆၃၀၂)ဧကရှိပြီး ရိတ်သိမ်းပြီးဧက (၁၃၀၈)ဧက၊ အထွက်တင်း မှာ(၉၈၁၀)တင်းဖြစ်ပြီး (၁)ဧကအထွက်နှုန်း (၇.၅)တင်းဖြစ်ကြောင်းသိရပါသည်။
ဆောင်းမတ်ပဲသီးနှံမှာ (၃၁.၁.၂၀၂၃)ရက်နေ့အထိ စိုက်ပျိုးပြီးဧက (၇၂၁၇)ဧကဖြစ်ပြီး ဆောင်းမတ်ပဲသီးနှံများ စတင်ထွက်ပေါ်လျက်ရှိရာ ဇန်နဝါရီလ(စတုတ္ထ)ပတ်တွင် မတ်ပဲ(၃၀)ပိဿာဝင် (၁)အိတ်လျှင် ကျပ်(၈၄၀၀၀)ဈေးဖြင့် အရောင်းအဝယ်ဖြစ်ပြီး ဖေဖော်ဝါရီလ(ပထမ)ပတ်တွင် (၃၀)ပိဿာဝင် (၁)အိတ်လျှင် ကျပ်(၉၀၀၀၀)ဈေးဖြင့် ယခင်အပတ်ထက် ကျပ်(၆၀၀၀)အမြင့်ဈေးဖြင့် အရောင်းအဝယ်ဖြစ်လျက်ရှိကြောင်း ကုန်သည်တစ်ဦးထံမှ သိရပါသည်။
ကုလားပဲသီးနှံများကို (၃၀.၁.၂၀၂၃)ရက်နေ့အထိ စိုက်ပျိုးဧက (၈၀၈၉)စိုက်ပျိုးပြီးဖြစ်၍ ကုလားပဲသီးနှံများ စတင်ထွက်ပေါ်လျက်ရှိရာ ဇန်နဝါရီလ(စတုတ္ထ)ပတ်တွင် ကုလားပဲ(၃၀)ပိဿာဝင် (၁)အိတ်လျှင် ကျပ်(၉၀၀၀၀)ဈေးဖြစ်ပြီး ဖေဖော်ဝါရီလ(ပထမ)ပတ်တွင် (၃၀)ပိဿာဝင်(၁)အိတ်လျှင် ကျပ်(၉၄၅၀၀)ဈေးဖြင့် ယခင်အပတ်ထက် ကျပ်(၄၅၀၀)အမြင့်ဈေးဖြင့် အရောင်းအဝယ်ဖြစ်လျက်ရှိ ကြောင်း ကံမမြို့ပေါ်ရှိကုန်သည်တစ်ဦးထံမှ သိရှိရပါသည်။
DOCA(မကွေး)