မလွှပွင့်သည်ဆေးဘက်ဝင်သော ဒေသထွက်ကျေးလက်စားသောက်စရာဖြစ်သော အစားအစာတစ်မျိုးဖြစ်ပါသည်။ မလွှပွင့်ကိုပြုတ်၍ အတို့အမြုပ်အဖြစ် ငါးပိရည်နှင့်တွဲဖက်ပြီး စားသုံးနိုင်သကဲ့သို့ ရေနွေးဖျောထားသော မလွှပွင့်ကိုပါးပါးလှီးကာ ကြက်သွန်ဖြူ/နီ၊ ပုစွန်ခြောက်များနှင့်သုပ်၍လည်း စားသုံးနိုင်ပါသည်။ ကြက်သွန်နီ/စိမ်း၊ ပဲကြော်တို့နှင့် မိုးကြာလက်ဖက်သုပ်အဖြစ် သုပ်စားနိုင်သည့်အပြင် မလွှပွင့်ခြောက်ဖက်များကို ရေနွေးတွင်ခတ်၍ မလွှပွင့်ခြောက်ကို ရေနွေးကြမ်း အဖြစ်လည်း သောက်သုံးနိုင်ပါသည်။
ဆေးအတွက်ဆိုလျှင် မလွှပွင့်သည် ခါးသက်သောအရသာရှိပြီး လေရောဂါကိုနိုင်၏။ ဝမ်းမှန်စေပြီး လေသက်စေ၏။ မလွှပွင့်ကို ရှမ်းလို "လောက်ကဲ'' ဟုခေါပြီး ဝက်သားကို တောက်တောက်စင်း၍ အစာသွပ်ပြီး ကြော်စား၍လည်းရပါသည်။ မလွှပွင့်၏အလယ်မှ ဝတ်ဆံကိုဖြုတ်ကာ ပွင့်ဖက်ကိုရေစင်အောင်ဆေး၍ ရေနွေးဖျောပြီး မိမိလိုသလို ဆီပြန်ဟင်း(သို့) ငါးပိချက်ချက်၍ စားသုံးကြပါသည်။ အရသာမှာခါးလွန်းခြင်းမဟုတ်ဘဲ ခပ်သက်သက်အရသာလေးဖြင့် ချိုလှပါသည်။ အကြောမှာ တင်းတင်းထုတ်ထုတ်လေးနှင့် မှိုနှင့်တန်းတူကြိုက်နှစ်သက်သည့်ဟင်းတစ်မယ်ဖြစ်ပါသည်။ အပွင့်ကို အမျိုးမျိုးလုပ်၍စားသုံးကြသည့်အပြင် မလွှတောင့်ကိုလည်း ပြုတ်၍တို့စားကြပါသည်။ ယခုအချိန်၌ ရာသီစာမလွှပွင့်(၁)ပိဿာလျှင် (၁၀၀၀)ကျပ်ဈေးနှုန်းရှိကြောင်းသိရှိရပါသည်။
DOCA(ပဲခူး)