ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ သာယာဝတီခရိုင်၊ အုတ်ဖိုမြို့နယ်မှ မြို့နယ်တာဝန်ခံနှင့် ဝန်ထမ်းများသည် အုတ်ဖိုမြို့နယ် အထွေထွေအုပ်ချုပ်ရေးမှူးဦးဆောင်၍ မြို့နယ်ဆရာဝန်ကြီး၊ မြို့နယ်ရဲတပ်ဖွဲ့၊ အစားအသောက်နှင့်ဆေးဝါးကြီးကြပ်ကော်မတီမှ ပူးပေါင်းအဖွဲ့များသည် ၂၀၂၃ ခုနှစ်၊ ဇန်နဝါရီလ နောက်ဆုံးပတ်တွင် အုတ်ဖိုမြို့ရှိ ဆေးဆိုင်များ၌ ဆေးဝါးမှတ်ပုံတင်ရရှိပြီးသောဆေးဝါးများနှင့် Brand Name ဆင်တူသော မြန်မာနိုင်ငံဆေးဝါးမှတ်ပုံတင်အမှတ်မပါရှိသည့် တရားမဝင်ဆေးဝါးများအား ဈေးကွက်အတွင်းရောင်းချမှု ရှိ /မရှိတို့ကို ကွင်းဆင်းစစ်ဆေးခဲ့ပါသည်။
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် ပြည်တွင်းကုန်သွယ်ရေးဖွံ့ဖြိုးမှုလုပ်ငန်းများဆောင်ရွက်ရာတွင် တရားမဝင်ကုန်သွယ်မှုများ လျော့နည်းပပျောက်စေရေးအတွက် ဒေသအဖွဲ့အစည်းများ၏ လုပ်ငန်းဆောင်ရွက်မှုများတွင် စဉ်ဆက်မပြတ် ပူးပေါင်းပါဝင်ကာ ဈေးကွက်စောင့်ကြည့်စစ်ဆေးခြင်းလုပ်ငန်းများကို ဆောင်ရွက်ပြီးနောက် လက်ကမ်းစာစောင်များကို ဖြန့်ဝေခဲ့ကြောင်းသတင်းရရှိပါသည်။
DOCA(ပဲခူး)