ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ညောင်တုန်းမြို့နယ်၊ မြို့နယ် ဦးစီးမှူး ဦးအောင်လွင်နှင့်ဝန်ထမ်းများသည် (၂၀.၂.၂၀၂၃) ရက်နေ့ (၁၀:၀၀) နာရီအချိန်တွင် ညောင်တုန်းမြို့ပေါ်ရှိ လျှပ်စစ်ပစ္စည်းအရောင်းဆိုင် (၅) ဆိုင်ကို ဈေးကွက်စောင့်ကြည့်စစ်ဆေးခဲ့ကြပါသည်။
အဆိုပါကွင်းဆင်းစစ်ဆေးရာတွင် လျှပ်စစ်ပစ္စည်းဝယ်ယူအသုံးပြုမှုနှင့်ပတ်သက်၍ ဘေးအန္တရာယ်ကင်းရှင်းစေရန်ရည်ရွယ်ကာ အိမ်သုံးလျှပ်စစ်ပစ္စည်းအရောင်းဆိုင်များသို့သွားရောက်၍ ကုန်အညွှန်းအမှတ်အသားဖော်ပြပါရှိသော ကုန်ပစ္စည်းများကိုသာရောင်းချကြရန်ဖြစ်ကြောင်း၊ မြန်မာစာဖော်ပြပါဝင်မှုကြောင့် ကုန်စည်၏သတင်းအချက်အလက်ကို သိရှိနားလည်ပြီး စားသုံးသူတို့ သုံးစွဲရလွယ်ကူနိုင်မည်ဖြစ်ပါကြောင်းနှင့် ဈေးကွက်အတွင်းစားသုံးသူများအတွက် သုံးစွဲရန်အာမခံချက်ရှိသောကုန်စည်များကိုသာရောင်းချကြရန် ဖြစ်ပါကြောင်းတို့အား ဆွေးနွေးပြောကြားခဲ့ကြောင်းသိရပါသည်။
DOCA(ဧရာဝတီ)