စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စစ်ကိုင်းခရိုင်စားသုံးသူရေးရာဦးစီးဌာနမှ ဒု-ခရိုင် ဦးစီးမှူး စစ်ဆေးရေးအရာရှိ ဒေါ်ခင်မြတ်မူ ဦးဆောင်သောအဖွဲ့သည် ၂၅.၈.၂၀၂၀ ရက်နေ့တွင် စစ်ကိုင်းမြို့ပေါ်ရှှိိဆေးပစ္စည်းဆိုင်(၁၄)ဆိုင်အား မြို့နယ်အထွေထွေအုပ်ချုပ်ရေးဦးစီး ဌာန၊ မြန်မာနိုင်ငံရဲတပ်ဖွဲ့ မြို့နယ်စည်ပင်၊ မြို့နယ်ကျန်းမာရေးဦးစီးဌာန၊ ရပ်ကွက် အုပ်ချုပ်ရေးမှူး၊ နှင့်ပူးပေါင်း၍ ရှောင်တခင် စစ်ဆေးခဲ့ပါသည်။
ကွင်းဆင်းစစ်ဆေးရာတွင် စားသုံးသူကာကွယ်ရေးဥပဒေအခန်း (၁၈)ပါကုန်အညွှန်းအမှတ် အသားနှင့်ပါတ်သက်၍ ကုန်စည်နှင့်ဝန်ဆောင်မှုများအပေါ်တွင် ပြဌာန်းချက်များနှင့် ကိုက်ညီမှု ရှိမရှိနှင့် အရေးကြီးကုန်စည်နှင့် ဝန်ဆောင်မှုဥပဒေ အရ အရေးကြီးကုန်စည်များအဖြစ် Coronavius Disease Covid-19 ကာကွယ် ထိန်းချုပ်၊ကုသရေး၊ ဆိုင်ရာ အထာက်အကူ ပြုပစ္စည်းများ၊ ဆေးဝါးများ၊ စားသုံးကုန်များအား ဈေးကွက် အတွင်း ဈေးနှုန်းမြှင့် တင်ရောင်း ချခြင်း၊ဖြန့်ဖြူးခြင်း (သို့မဟုက်) ဈေးကစားရန်ရည်ရွယ်၍ သိုလှောင်ခြင်းများ မရှိစေရေး ရှောင်တခင် စစ်ဆေးခဲ့ပြီး စစ်ဆေးတွေ့ရှိပါက အရေးကြီး ကုန်စည်နှင့် ဝန်ဆောင်မှု ဥပဒေပုဒ်မ-၅ ဖြင့်အရေးယူ ဆောင်ရွက်သွားမှာဖြစ်ကြောင်း အသိပညာပေးစစ်ဆေးခဲ့ပြီး စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၏ အမိန့်ကြော်ငြာစာ အမှတ်(၂၁/၂၀၂၀)အား ဖြန့်ဝေခဲ့ကြောင်းသိရသည်။
စစ်ကိုင်းတိုင်းဒေသကြီး
စားသုံးသူရေးရာဦးစီးဌာန