ငရုတ်စိုက်ပျိုးထုတ်လုပ်သူများအသင်းဥက္ကဋ္ဌနှင့် လုပ်ငန်းရှင်များအား တွေ့ဆုံဆွေးနွေးခြင်း

     (၁၆-၃-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် စားသုံးသူရေးရာဦးစီးဌာန၊ ညောင်တုန်းမြို့နယ် ဦးစီးမှူးဦးအောင်လွင်နှင့် ဝန်ထမ်းများသည် ညောင်တုန်းမြို့နယ် ငရုတ်စိုက်ပျိုးထုတ်လုပ်သူများအသင်းဥက္ကဋ္ဌ ဦးဌေးဝင်း (“ခင်ငရုတ်” ရောင်းဝယ်ရေးလုပ်ငန်း)နှင့် မြန်မာပြာသာကျေးရွာအုပ်စုမှ သောင်တန်းကျေးရွာပိုင်ရှင်တို့အားတွေ့ဆုံ၍ ဆွေးနွေးမေးမြန်းမှုများပြုလုပ်ခဲ့ပါသည်။

     အဆိုဆွေးနွေးပွဲတွင် ငရုတ်စိုက်ပျိုးထုတ်လုပ်သူများအသင်းဥက္ကဋ္ဌ ဦးဌေးဝင်းက ညောင်တုန်းမြို့နယ်၊ ငရုတ်စိုက်ပျိုးထုတ်လုပ်သူများအသင်း၌ အသင်းသားဦးရေးနည်းပါးကြောင်း၊ အသင်းသားများ၏လုပ်ငန်းဆောင်ရွက်မှုနှင့် ငရုတ်စိုက်ပျိုးထုတ်လုပ်ချိန်ကာလအတွင်း လိုအပ်မှုများနှင့် ဈေးကွက်ရရှိရေးတို့ကို လစဉ် အစည်းအဝေးများဆောင်ရွက်လျက်ရှိကြောင်း၊ ငရုတ်စိုက်ပျိုးထုတ်လုပ်မှုအတွက် မျိုးစေ့ရရှိနိုင်ရေး၊ မတည်ရင်းနှီးငွေ၊ သွင်းအားစုနှင့် အခြားလိုအပ်ချက်များကို အသင်းအဖွဲ့၏ စည်းမျဉ်း၊ စည်းကမ်းများနှင့်အညီ အသင်းသားများအား ဆောင်ရွက်ပေးခဲ့မှုကိုလည်း ရှင်းလင်းဆွေးနွေးခဲ့ပါသည်။

       ဆက်လက်၍ ညောင်တုန်းမြို့နယ်ဦးစီးမှူး ဦးအောင်လွင်က ငရုတ်စိုက်ပျိုးထုတ်လုပ်သောလုပ်ငန်းရှင်များ၏ လိုအပ်ချက်များဖြစ်သော မတည်ရင်းနှီးငွေလိုအပ်မှု၊ နည်းပညာလိုအပ်မှုနှင့် သွင်းအားစုရရှိရေးတို့ကို သက်ဆိုင်ရာကုမ္ပဏီ၊ အစိုးရဌာနများဖြင့် ချိတ်ဆက်ဆောင်ရွက်ပေးသွားမည်ဖြစ်ကြောင်း၊ စားသုံးသူကာကွယ်ရေးဥပဒေ ၂၀၁၉ အခန်း(၁၀)ပါ စီးပွားရေးလုပ်ငန်းရှင်များ၏တာဝန်များအကြောင်း၊ ဥပဒေပါ အခန်း(၁၈)အရ ကုန်အညွှန်းအမှတ်အသားဖော်ပြခြင်း၊ ဥပဒေပါ အခန်း(၁၉၊ ၂၀၊၂၁)အရ တိုင်ကြားခြင်းနှင့် စိစစ်ညှိနှိုင်းဖြေရှင်းဆောင်ရွက်ခြင်း၊ စီးမံခန့်ခွဲရေးနည်းလမ်းအရအရေးယူခြင်း၊ အယူခံဝင်ခြင်း စသည်တို့ကို ရှင်းလင်းဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)