(၂၉-၃-၂၀၂၃) ရက်နေ့တွင် စားသုံးသူရေးရာဦးစီးဌာန (ရုံးချုပ်) မှ ညွှန်ကြားရေးမှူး ဦးဟန်ဝင်းကျော်နှင့် အရာထမ်းများ၊ မွန်ပြည်နယ်ဦးစီးမှူးနှင့် အရာထမ်းများသည် ပြည်တွင်းကုန်သွယ်မှုဖွံ့ဖြိုးတိုးတက်ရေးအတွက် မော်လမြိုင်စက်မှုဇုန်ရှိ “We Mon” အထည်ချုပ်စက်ရုံလုပ်ငန်းရှင်အား တွေ့ဆုံဆွေးနွေးခဲ့ပါသည်။
ထိုသို့ တွေ့ဆုံဆွေးနွေးရာတွင် အထည်ချုပ်စက်ရုံအနေဖြင့် လုပ်ငန်းလည်ပတ်မှုအခြေအနေ၊ ထုတ်လုပ်မှုအခြေအနေ၊ ဈေးကွက်အခြေအနေ၊ ဖြန့်ဖြူးရောင်းချမှုအခြေအနေများအား ဆွေးနွေးခဲ့ရာ "We Mon" အထည်ချုပ်စက်ရုံအနေဖြင့် မွန်ရိုးရာယဉ်ကျေးမှုအဝတ်အထည်များနှင့် တက္ကသိုလ်၊ ကောလိပ်၊ သိပ္ပံ၊ အစိုးရစက်မှုသင်တန်းကျောင်းဝတ်စုံများ၊ အသင်းအဖွဲ့ဝတ်စုံနှင့် အဝတ်အထည်အမျိုးမျိုးကို ထုတ်လုပ်၍ မွန်ပြည်နယ်အတွင်းသာမက မြန်မာပြည်၏ အခြားမြို့ကြီးများသို့လည်း ဖြန့်ဖြူးရောင်းချလျက်ရှိသည့်အပြင် ပြည်ပကအမှာရှိလျှင် ပို့ပေးရကြောင်း သိရှိရပါသည်။
DOCA(မွန်)