![](http://www.doca.gov.mm/sites/default/files/styles/consumer_inner_image__847x424_/public/aba5e392e651b2f388c8ef7758e5768b.jpg?itok=StupZZCv)
အိန္ဒိယနိုင်ငံ၌ မျိုးစေ့အရည်အသွေးရှိသော အခွံပါစပါးများ (HS Code 10061010) ပြည်ပ သို့တင်ပို့ခြင်းအပေါ် ပို့ကုန်အခွန် ၂၀ ရာခိုင်နှုန်းကောက်ခံရန် သတ်မှတ်ထားရှိမှုအား ပယ်ဖျက်သည့် အကောက်ခွန်ဆိုင်ရာ အမိန့်ကြော်ငြာစာအမှတ် ၃၀/၂၀၂၃ ကို ၁၀-၄-၂၀၂၃ နေ့တွင် အိန္ဒိယဘဏ္ဍာရေးဝန်ကြီးဌာနက ထုတ်ပြန်ခဲ့ကြောင်း သိရှိရသည်။
အိန္ဒိယဗဟိုအစိုးရသည် ပြည်တွင်းဈေးကွက်တွင် ဆန်စပါးလုံလောက်မှုရှိစေရန်နှင့် ဆန်ဈေးနှုန်းများကို လျှော့ချနိုင်ရန်အတွက် အခွံပါစပါးများ၊ အခွံချွတ်ပြီး ဆန်လုံးညိုများနှင့် တစ်ပိုင်းတစ်စ ကြိတ်ခွဲပြီး သို့မဟုတ် အပြည့်အဝကြိတ်ခွဲပြီး ဆန်များအား ပြည်ပသို့တင်ပို့ရာတွင် ပို့ကုန်အခွန် ၂၀ ရာခိုင်နှုန်းကောက်ခံရန် ၂၀၂၂ ခုနှစ် စက်တင်ဘာလ၌ သတ်မှတ်ခဲ့ခြင်းဖြစ်ကြောင်း၊ ဆန်လက်ကျန်အခြေအနေကို ပြန်လည်သုံးသပ်ပြီးနောက် ပြည်ပသို့ မျိုးစပါးတင်ပို့မှုအပေါ် အခွန်ကောက်ခံမှုကို ပယ်ဖျက်ပေးခြင်းဖြစ်သည်ဟု အစိုးရဌာနဆိုင်ရာအရာရှိများက ပြောဆိုကြောင်း၊ ယခုကဲ့သို့ ဖြေလျော့ပေးမှုသည် ၁၁-၄-၂၀၂၃ နေ့မှ စတင်သက်ရောက်မည်ဖြစ်ကြောင်း Economic Times သတင်းဌာနက ဖော်ပြထားသည်။
Source: Economic Times, 11 Apr 2023 (လယ်ယာထွက်ကုန်များနှင့် အဓိကသွင်းကုန်များ၏ ဈေးကွက်စောင့်ကြည့်လေ့လာရေးအဖွဲ့ )