စားသုံးသူရေးရာဦးစီးဌာန၊ ကသာခရိုင်ရုံးမှ ဒု-ခရိုင်ဦးစီးမှူး ဦးကျော်စိန်ဌေးသည် ၂၀၂၀ ပြည့်နှစ် ဒီဇင်ဘာလ (၁၆)ရက်နေ့တွင် ကသာမြို့နယ်၊ အင်းတော်သွားသည့် ကားလမ်းနဘေးတွင် တည်ရှိသော ဒေါ်နန်းခင်အုန်း(နရိန္ဒရာ ကုမ္ပဏီ)၏ မျှစ်ခြောက်လုပ်ငန်းသို့ သွားရောက်လေ့လာခဲ့ပါသည်။
စက်ရုံတည်နေရာမှာ နေပြည်တော်၊ တပ်ကုန်းမြို့နယ်တွင် တည်ရှိပြီး ကသာမြို့နယ်တွင် လုပ်ငန်းခွဲကြီးကြပ်သူအဖြစ် ဝါးစိုက်ပျိုးရေး အကြံပေးပညာရှင် ဦးမြင့်ဟန်မှ ဆောင်ရွက်ကြောင်း၊ ဝန်ထမ်း(၃)ဦး အလုပ်သမား(၁၆)ဦးဖြင့် လုပ်ကိုင်လျက်ရှိကြောင်း၊ မျှစ်ခြောက်ပြုလုပ်ရာတွင် ဝါးဘိုး ဝါးကို အသုံးပြုပြီး လုပ်ငန်းဆောင်ရွက်မှုအနေဖြင့် ၂၀၁၉-၂၀၂၀ ပြည့်နှစ်တွင် ကသာခရိုင်အတွင်းရှိ မြို့နယ်များမှ ဝါးဘိုးဝါးမျှစ်ပြုတ်ပြီး (၆၀၀၀၀)ပိဿာကျော်အား တောပြစ်တစ်ပိဿာ (၅၀၀) ကျပ် နှင့် လုပ်ငန်းခွင်သို့အရောက် (၆၀၀)ကျပ်မှ (၇၀၀)ကျပ်ထိ ဝယ်ယူခဲ့ရကြောင်း၊ ဝယ်ယူရရှိသော ဝါးဘိုးဝါး မျှစ်ပြုတ်များကို ဝါးခြင်းအတွင်း ပလပ်စတစ်ခံပြီး ၎င်းအတွင်းသို့ ဝါးမျှစ်ပြုတ်အလွှာများ ကို အစီအရီထည့်ပြီး ပလပ်စတစ်ကို လေလုံအောင်ထိပ်မှစီးပြီး (၃)လခန့်ထားရကာ ယခု ပွင့်လင်း ရာသီ နိုဝင်ဘာလ၊ ဒီဇင်ဘာလမှစ၍ နေနှင့်တိုက်ရိုက်မထိတွေ့စေဘဲ ဝါးမျှစ်ပြုတ်အလွှာ များကို စင်ပေါ်တင်၍ ပလပ်စတစ်အကြည် ဖုံးအုပ်ကာ နေလှမ်းရပါကြောင်း၊ ဝါးဘိုးမျှစ်အစို တစ်ပိဿာ နေလှမ်းပါက ၈ ကျပ်သားမှ ၁၀ ကျပ်သားအထိ အခြောက်တင်ကြောင်း၊ ရရှိလာသော မျှစ်ခြောက် များကို ထုတ်ပိုးပြီး နေပြည်တော်၊ တပ်ကုန်းရှိ မျှစ်ခြောက်ကုန်ချောစက်ရုံသို့ပို့ကာ စက်ရုံတွင် ပြန်လည် သန့်စင်ခြင်း၊ အရည်အသွေး ခွဲခြားခြင်း၊ Packing (ထုပ်ပိုးခြင်း) တို့ ဆောင်ရွက်ပြီး ပြည်တွင်းသို့လည်းကောင်း ပြည်ပ(ဂျပန်)သို့ တင်ပို့ရောင်းချကြောင်းနှင့် မြန်မာ့မျှစ်ခြောက်မှာ နိုင်ငံ တကာဈေးကွက်တွင် ဈေးကွက်အခြေအနေကောင်းလျှက်ရှိကြောင်းနှင့် မျှစ်ခြောက် (value added) ထုတ်လုပ်သည့် စက်ရုံတစ်ရုံသာရှိသေးကြောင်း သိရှိရပါသည်။
ဆက်လက်၍ နရိန္ဒရာကုမ္ပဏီမှ ကသာခရိုင်အတွင်းဝယ်ယူသော ဝါးဘိုးဝါးမျှစ်များမှာ သဘာဝ တောတောင်များမှ ထွက်ရှိသောမျှစ်ဖြစ်ပြီး နိုင်ငံတကာဈေးကွက်တွင် ဝါးဘိုးဝါးမှ ထွက်ရှိ သော ဝါးမျှစ်ခြောက်သာ ဈေးကွက်ဝင်ပြီး ဝါးမျှစ်များကို ပြုပြင်၍ ကုန်ချောထုတ်လုပ်ရာတွင် မည် သည့် ဓါတုဆေးဝါးမှ မပါဘဲ ထုတ်လုပ်ရကြောင်း၊ ဓါတုဓါတ်ကြွင်းပါဝင်ပါက ဈေးကွက်ပျက်နိုင် သဖြင့် သတိထားလုပ်ဆောင်နေရကြောင်း၊ နရိန္ဒရာကုမ္ပဏီအနေဖြင့် သဘာဝပတ်ဝန်းကျင်နှင့် ဂေဟစနစ်မပျက်စီးစေရန် မြန်မာနိုင်ငံတစ်ဝှမ်း ဝါးစိုက်ခင်းများ ထူထောင်ထားပြီး ကသာခရိုင်တွင် လည်း ကုမ္ပဏီပိုင် ဝါးစိုက်ခင်း (၃၅၀)ဧကနှင့်အထက်ရှိပြီး မြန်မာပြည် ဝါးစိုက်ပျိုးထုတ်လုပ်သူများ အသင်းနှင့်လည်း ချိတ်ဆက်ဆောင်ရွက်လျှက်ရှိကာ ဝါးစိုက်ခင်းထူထောင်လိုသူများအား ဝါးပျိုးပင် များရောင်းချပေးခြင်း၊ နည်းပညာပေးခြင်း၊ ဝါးမှ အခြေခံထုတ်လုပ်သည့် ပရိဘောဂများ(value added) များ လုပ်ကိုင်တတ်စေရန် ကျေးလက်ဦးစီးဌာနနှင့် ပူးပေါင်း၍ သင်တန်းများ ဆောင်ရွက် ပေးလျက်ရှိသည့်အတွက် ကျေးလက်နေပြည်သူများ ဝင်ငွေရရှိလာနိုင်ပြီး အလုပ်အကိုင်အခွင့် အလမ်းများလည်း ရရှိကြကြောင်း ဆွေးနွေးပြောကြား သိရှိရပါသည်။
စစ်ကိုင်းတိုင်းဒေသကြီး
စားသုံးသူရေးရာဦးစီးဌာန