ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဓနုဖြူမြို့နယ်ဦးစီးမှူးရုံးသည် (၂၁-၄-၂၀၂၃) ရက်နေ့၊ နံနက် (၀၉:၃၀) နာရီအချိန်တွင် ဓနုဖြူမြို့၊ မြို့မဈေးသို့သွားရောက်၍ အစားအသောက်နှင့်ဆေးဝါးကွပ်ကဲရေးဦးစီးဌာန၊ သက်ဆိုင်ရာအဖွဲ့အစည်းများနှင့်ပူးပေါင်း၍ မုန့်မျိုးစုံ/အလှကုန်/လူသုံးကုန်နှင့် မုန့်မျိုးစုံဆိုင်(၄)ဆိုင်မှ ရောင်းချနေသောကုန်စည်များအား ဘေးအန္တရာယ်ကင်းရှင်းစေရေးနှင့် အစားအသောက်များဘေးအန္တရာယ်ကင်းရှင်းမှုရှိစေရန် ကွင်းဆင်းစစ်ဆေးဆောင်ရွက်ခဲ့ကြပါသည်။
ထိုသို့ ကွင်းဆင်းစစ်ဆေးရာတွင် မြို့မဈေးအတွင်း ရောင်းချနေသောကုန်စည်များတွင် FDA ၏တားမြစ်ထားသော ကုန်စည်များရောင်းချခြင်းရှိ/မရှိ၊ သက်တမ်းလွန်နေသောမုန့်များကို ဈေးကွက်အတွင်းရောင်းချနေခြင်းရှိ/မရှိ၊ ဈေးအတွင်း ကုန်မျိုးစုံတွင် ကုန်အညွှန်းအမှတ်အသားပြည်စုံစွာဖော်ပြပါဝင်ခြင်းရှိ/မရှိနှင့် အစားအသောက်များအား ဘေးအန္တရာယ်ကင်းရှင်းမှုရှိစေရန် စစ်ဆေးခဲ့ကြပါသည်။
DOCA(ဧရာဝတီ)