ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ပန်းတနော်မြို့နယ်ဦးစီးမှူးရုံး၌ (၂၁-၄-၂၀၂၃) ရက်နေ့၊ နံနက် (၀၉:၃၀) နာရီအချိန်တွင် ပန်းတနော်မြို့နယ်၊ မရမ်းကုန်ကျေးရွာရှိ ပြည်သူများအား စားသုံးသူကာကွယ်ရေးဥပဒေ ၂၀၁၉ပါ အကြောင်းများကို ပြည်သူများသည် မိမိတို့၏အခွင့်အရေးများကိုသိရှိနိုင်စေရန်ရည်ရွယ်၍ အသိပညာပေးဟောပြောဆွေးနွေးခဲ့ပါသည်။
အဆိုပါ ပညာပေးဟောပြောဆွေးနွေးမှုတွင် ပန်းတနော်မြို့နယ်ဦးစီးမှူး ဦးပိုးဖြူပိုင်မင်းနှင့် ဝန်ထမ်းများသည် ပန်းတနော်မြို့နယ်၊ မရမ်းကုန်းကျေးရွာရှိ ပြည်သူ(၁၀)ဦးအားတွေ့ဆုံ၍ စားသုံးသူကာကွယ်ရေးဥပဒေ(၂၀၁၉)ပါ အကြောင်းများကို အကျယ်တဝင့်ရှင်းလင်းဆွေးနွေးပြီးနောက် စားသုံးသူကာကွယ်ရေးလုပ်ငန်းစဉ်ဖြစ်သည့် ကုန်စည် သို့မဟုတ် ဝန်ဆောင်မှုနှင့်စပ်လျဉ်း၍ စားသုံးသူ၏အခွင့်အရေးနှင့် အကျိုးစီးပွားကိုကာကွယ်ပေးခြင်းနှင့် စားသုံးသူနှင့် စီးပွားရေးလုပ်ငန်းရှင်တို့အကြား ကော်မရှင်နှင့် ကော်မတီအဆင့်ဆင့်တို့မှ သတ်မှတ်ဆောင်ရွက်ပေးသည့် မျှတမှုရှိသောလုပ်ငန်းစဉ်တစ်ရပ်ဖြစ်ကြောင်းကိုရှင်းလင်းပြီး စားသုံးသူနှင့် စီးပွားရေးလုပ်ငန်းရှင်များအား ကုန်စည် (သို့မဟုတ်) ဝန်ဆောင်မှုနှင့်စပ်လျဉ်း၍ နစ်နာဆုံးရှုံးမှုများအကြောင်း၊ စားသုံးသူကာကွယ်ရေးဥပဒေ ၂၀၁၉၊ အခန်း(၄)၊ အခန်း(၆)၊ အခန်း(၉)၊ အခန်း(၁၀)၊ အခန်း(၁၁၊ ၁၂)၊ အခန်း(၁၈)နှင့် အခန်း(၁၉)ပါ တိုင်ကြားခြင်းနှင့် စိစစ်ညှိနှိုင်းဆောင်ရွက်ခြင်းအကြောင်းတို့ကို ရှင်းလင်းဟောပြောခဲ့ပြီး တက်ရောက်လာသောပြည်သူများကသိရှိလိုသည်များကိုမေးမြန်းခဲ့ကြပြီး ဟောပြောပွဲသို့ ပြည်သူ(၁၀)ဦးတက်ရောက်ခဲ့ကြောင်း သိရပါသည်။
DOCA(ဧရာဝတီ)