စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်း ဒေသကြီး၊ ကန့်ဘလူခရိုင်၊ ခရိုင်ဦးစီးမှူး၊ မြို့နယ်တာဝန်ခံနှင့် ဝန်ထမ်းများသည် မိတ်ဖတ် ဌာနများနှင့် ပူးပေါင်း၍ ၂၀၂၀ ပြည့်နှစ် ဒီဇင်ဘာလ ၁၆ရက်နေ့တွင် ကန့်ဘလူမြို့ အမှတ်(၅) ရပ်ကွက် ၌ လည်းကောင်း၊ ၁၇ရက်နေ့တွင် ကျွန်းလှမြို့ သစ်ရာမြိုင်ရပ်ကွက် ၌ လည်းကောင်း၊ ၊ ၁၈ရက်နေ့တွင် ကန့်ဘလူမြို့အမှတ်(၂)ရပ်ကွက် ၌ လည်းကောင်း၊ ၂၁ရက်နေ့တွင် ကျွန်းလှမြို့ သစ်ရာမြိုင်ဈေး ၌ လည်းကောင်း ဈေးကွက်စောင့်ကြည့် ကွင်ဆင်းစစ်ဆေးခြင်းများ ဆောင်ရွက်ခဲ့ပါသည်။
ထို့သို့ ကွင်းဆင်းစစ်ဆေးရာတွင် စားသုံးသူကာကွယ်ရေးဥပဒေ အခန်း(၁၈) ကုန်အညွှန်း အမှတ်အသားဖော်ပြခြင်းနှင့်ပတ်သက်၍ မြန်မာနိုင်ငံ စားသုံးသူကာကွယ်ရေးကော်မရှင် ညွှန်ကြားချက် အမှတ်(၂/၂၀၁၉)အရ ကုန်စည်များတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍ တွဲလျှက်ဖြစ်စေ ဖော်ပြခြင်းနှင့်ပတ်သက်၍ လိုက်နာဆောင်ရွက်နိုင်ရန် စီးပွားလုပ်ငန်းရှင်များအား အသိပညာပေးဟောပြောခဲ့ပြီး လက်ကမ်းစာစောင်များအား ဖြန့်ပေးဝေခဲ့ပါကြောင်း သတင်းရရှိပါသည်။
စစ်ကိုင်းတိုင်းဒေသကြီး(DOCA)