နိုင်ငံတော်၏ရည်ညွှန်ဈေးနှုန်းဖြင့် ဖြန့်ဖြူးပေးသည့်စားအုန်းဆီများကို ကရင်ပြည်နယ်စားသုံးဆီကုန်သည်ကြီးများနှင့် စားသုံးဆီလုပ်ငန်းရှင်များအသင်းက (၁၂-၅-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် ဘားအံမြို့နယ်၊ ထုံအိုင်စံပြကျေးရွာတွင် ဖြန့်ဖြူးရောင်းချပေးလျက်ရှိရာ ကရင်ပြည်နယ်၊ ဈေးကားစိစစ်ကြပ်မတ်ရေးအဖွဲ့က ကွင်းဆင်းကြီးကြပ်ဆောင်ရွက်ခဲ့ကြောင်း သိရပါသည်၊၊
စားအုန်းဆီများရောင်းချရာတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက ထုတ်ပြန်ပေးလျက်ရှိသော စားအုန်းဆီတစ်ပိဿာရည်ညွှန်းဈေးအပေါ်အခြေခံ၍ သယ်ယူပို့ဆောင်ခအပါ ကုန်ကျစရိတ်တွင် အမြတ်၂ရာခိုင်နှုန်းတွက်ချက်၍ ရောင်းချပေးခြင်းဖြစ်ပြီး လူတစ်ဦးလျှင် ၁ပိဿာနှုန်းဖြင့်ရောင်းချပေးကြောင်းနှင့် ကရင်ပြည်နယ်အတွင်း စားသုံးသူပြည်သူများသို့ စားသုံးဆီများအား ရုံးဖွင့်ရက်အတွင်း တစ်ရက်လျှင် ဈေးကား ၂စီးဖြင့် စုစုပေါင်းဆီပိဿာချိန် ၁၁၀၀ခန့်ရောင်းချပေးလျက်ရှိကြောင်း သိရပါသည်၊၊
ကရင်ပြည်နယ်အတွင်း အခြေခံလူတန်းစားပြည်သူများအနေဖြင့် စားသုံးဆီများကို ဈေးနှုန်းသက်သာစွာဖြင့် ဝယ်ယူရရှိစေရေး၊ လက်ဝယ်စနစ်တကျ ရောက်ရှိစေရေး၊ ပစ္စည်းမှန်ဈေးနှုန်းမှန်နှင့် အလေးချိန်မှန်ကန်စွာရရှိစေရေးအတွက် ကရင်ပြည်နယ်ဈေးကားစိစစ်ကြီးကြပ်ရေးအဖွဲ့ကို စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးမှ ပြည်နယ်ဦးစီးမှူးအပါ ဝန်ထမ်း၃ဦး၊ သက်ဆိုင်ရာအသင်းမှ ကိုယ်စားလှယ်၁ဦးနှင့် စုစုပေါင်း ၄ဦးဖြင့် ဖွဲ့စည်းဆောင်ရွက်လျက်ရှိကြောင်း သိရှိရပါသည်။
DOCA(ကရင်)