HighLight News

       ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဟင်္သာတခရိုင်၊ လေးမျက်နှာမြို့၊ မြို့နယ်တာဝန်ခံ ဦးအောင်သန်းဌေးသည် ကျန်းမားရေးဦးစီးဌာန၊ အထွေထွေအုပ်ချုပ်ရေးဦးစီးဌာန၊ စည်ပင်သာယာဦးစီးဌာန၊ ရဲတပ်ဖွဲ့တို့နှင့်အတူပူးပေါင်း၍ ၂၀၂၃ ခုနှစ် ဖေဖော်ဝါရီလ (၁၇) ရက်နေ့၊ နံနက် (၀၈:၀၀)နာရီအချိန်တွင် အမှတ်(၁)ရပ်ကွက်ရှိ ဆေးမျိုးစုံအရောင်းဆိုင်များအား ဈေးကွက်စောင့်ကြည့်စစ်ဆေးခြင်းများကို ဆောင်ရွက်ခဲ့ပါသည်။

     ထိုသို့ကွင်းဆင်းခဲ့ရာတွင် မြို့နယ်တာဝန်ခံက စားသုံးသူမိဘပြည်သူများ ဘေးအန္တရာယ်ကင်းရှင်းစေရန်အတွက် ဈေးကွက်အတွင်းရောင်းချနေသောဆေးဝါးများသည် ကုန်အညွှန်းအမှတ်အသားပြည့်စုံမှုရှိ/မရှိနှင့် သတ်မှတ်စံချိန်စံညွှန်းနှင့်းပြည့်မီခြင်း၊ မှတ်ပုံတင်ထားခြင်းမရှိသောဆေးဝါးများ ရောင်းချခြင်းရှိ/မရှိတို့ကိုစစ်ဆေးခဲ့ပြီးနောက် တရားမဝင်ဆေးဝါးများာကိုး တင်သွင်းရောင်းချခြင်းမပြုရန်၊ စီးပွားရေးလုပ်ငန်းရှင်များအနေဖြင့် ထုတ်ပြန်ထားသောညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့် သတ်မှတ်အရည်အသွေးပြည့်မီသောကုန်စည်များကိုသာ ရောင်းချရန်နှင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များ၊ တားမြစ်ချက်များနှင့် ပြစ်မှုပြစ်ဒဏ်များ စသည်တို့ကို သိရှိနားလည်စေရန် အသိပညာပေးဆွေးနွေးခဲ့ကာ ဆေးဆိုင်(၂)ဆိုင်အား ဈေးကွက်စောင့်ကြည့်စစ်ဆေးခြင်းများကို ဆောင်ရွက်ခဲ့ကြကြောင်း သိရှိရပါသည်။

DOCA(ဧရာဝတီ)

     စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မြန်အောင်ခရိုင်၊ ဒု-ခရိုင်ဦးစီးမှူး ဦးမြင့်အောင်သည် (၁၆-၂-၂၀၂၃)ရက်နေ့ နေ့လယ်(၁၃:၃၀)နာရီအချိန်တွင်  အမှတ်(၄)ရပ်ကွက်ရှိ "PSK" သောက်ရေသန့်လုပ်ငန်းရှင်အိမ်၌ လုပ်ငန်းရှင်များအား စားသုံးသူကာကွယ်ရေး အသိပညာပေးဟောပြောခြင်းကို ဆောင်ရွက်ခဲ့ပါသည်။

       ဟောပြောပွဲတွင် ဒု-ခရိုင်ဦးစီးမှူးက စားသုံးသူရေးရာဦးစီးဌာနပေါ်ပေါက်လာပုံ၊ ဌာန၏မျှော်မှန်းချက်၊ ရည်မှန်းချက်၊ စားသုံးသူကာကွယ်ရေးဥပဒေပါ  စားသုံးသူအခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ ကုန်အညွှန်းအမှတ်အသားဖော်ပြခြင်း၊ တားမြစ်ချက်များ၊ ပြစ်မှုပြစ်ဒဏ်များနှင့် စီးပွားရေးလုပ်ငန်းရှင်အနေဖြင့်လည်း မိမိတို့ကုန်စည်အပေါ် ပေးအပ်ရမည့်အာမခံချက်နှင့် စားသုံးသူများ ဘေးအန္တရာယ်ကင်းရှင်းစေရန်အတွက် ဦးစားပေးဆောင်ရွက်ရမည့်အချက်များ၊ စားသုံးသူရေးရာဦးစီးဌာန၏ လက်ရှိဆောင်ရွက်နေ့သည့် လှုပ်ရှားမှုအခန်းကဏ္ဍများ၊ စားသုံးသူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ (CICC) ရုံးခန်းများဖွင့်လှစ်ထားရှိမှုအခြေအနေတို့ကို အသိပညာပေးဟောပြောခဲ့ပြီး တက်ရောက်လာသူများကလည်း သိရှိလိုသည်များကိုမေးမြန်း၍ စားသုံးသူကာကွယ်ရေးဥပဒေစာအုပ်နှင့် လက်ကမ်းစာစောင်များကို ဖြန့်ဝေပေးခဲ့ကြကြောင်းသိရှိရပါသည်။

DOCA(ဧရာဝတီ)

         စားသုံးသူရေးရာဦးစီးဌာန၊ ဗန်းမော်ခရိုင်ဦးစီးမှူးရုံးမှ ခရိုင်ဦးစီးမှူး ဦးအောင်ကျော်ဦးသည် ၂၁-၂-၂၀၂၃ ရက်နေ့ မွန်းလွဲ ၁၃:၀၀ နာရီအချိန်တွင် ဗန်းမော်ခရိုင်ဦးစီးမှူးရုံး၌ ဗန်းမော်မြို့အတွင်း  ပဲငပိကြော်ထုတ်လုပ်ဖြန့်ဖြူးရောင်းချနေသော စီးပွားရေးလုပ်ငန်းရှင်များအား တွေ့ဆုံဆွေးနွေးခဲ့ပါသည်။

      ထိုသို့ဆွေးနွေးရာတွင် ခရိုင်ဦးစီးမှူးက စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေ(၂၀၁၉)၊ အခန်း(၁၈)ပါ ကုန်အညွှန်းအမှတ်အသားဖော်ပြခြင်းအရ ကုန်စည်အမျိုးအစားအလိုက် သတ်မှတ်ချက်များနှင့်အညီ သိသာထင်ရှားစွာဖော်ပြရမည့်အချက်(၈)ချက်နှင့် စီးပွားရေးလုပ်ငန်းရှင်၏တာဝန်များဖြစ်သည့် ကုန်စည် သို့မဟုတ် ဝန်ဆောင်မှု၏အာမခံချက်၊ သတ်မှတ်ချက်များနှင့်စပ်လျဉ်း၍ ရိုးရှင်းမှန်ကန်သောသတင်းအချက်အလက်များပေးခြင်း၊ စားသုံးသူကိုခွဲခြားမှုမရှိဘဲ ဖြောင့်မတ်မှန်ကန်စွာဆက်ဆံခြင်း၊ စီးပွား‌ရေးလုပ်ငန်းလုပ်ကိုင်ရာတွင် စီးပွား‌‌ရေးကျင့်ဝတ်၊ စည်းကမ်းနှင့်အညီ ဖြောင့်မတ်မှန်ကန်စွာဆောင်ရွက်ခြင်း၊ စားသုံးသူနစ်နာဆုံးရှုံးမှုဖြစ်ပွားစေမည့် ကုန်စည် သို့မဟုတ် ဝန်ဆောင်မှုကို တိုက်ရိုက်ရောင်းချခြင်း သို့မဟုတ် သွယ်ဝိုက်ရောင်းချခြင်းတို့ကို ရှောင်ကြဉ်ခြင်းစသည့် စီးပွားရေးလုပ်ငန်းရှင်များအတွက် မဖြစ်မနေလိုက်နာဆောင်ရွက်ရမည့်တာဝန်များကို ရှင်းလင်းဆွေးနွေးခဲ့ပြီးနောက် စီးပွားရေးလုပ်ငန်းရှင်များက သိရှိလိုသည်များကိုမေးမြန်းဆွေးနွေးခဲ့ရာ ခရိုင်ဦးစီးမှူးက ပြန်လည်ဖြေကြားဆွေးနွေးကာ ကုန်အညွှန်းအမှတ်အသားဖော်ပြခြင်းဆိုင်ရာလက်ကမ်းစာစောင်များအား ဖြန့်ဝေပေးခဲ့ကြောင်းသတင်းရရှိပါသည်။

DOCA(ကချင်)

           စားသုံးသူရေးရာဦးစီးဌာန၊ ချင်းပြည်နယ်ဦးစီးမှူးရုံးမှ ဒေါ်သူဇာမြင့်(ဦးစီးမှူး)၊ ဦးသိန်းထိုက်အောင်(ဒု-ဦးစီးမှူး)၊ ဦးသိန်းအောင်(ကြီး/ရေး)၊ ဒေါ်ထားမဲင်းဇိန်(ရုံးအကူ)တို့သည် ဟားခါးမြို့၊ ဈေးကွက်ရပ်ကွက်ရှိ  ကုန်စုံဆိုင်များအား (၁၇.၂.၂၀၂၃) ရက်နေ့၊(သောကြာနေ့)နံနက် (၀၉:၃၀)နာရီ အချိန်တွင် ကွင်းဆင်းစစ်ဆေးခဲ့ပါသည်။

        ထိုသို့စစ်ဆေးရာတွင် ကုန်ပစ္စည်းများတွင်ကုန်အညွှန်းအမှတ်အသားနှင့်ပတ်သက်၍  မြန်မာဘာသာ သို့မဟုတ် မြန်မာဘာသာနှင့်အခြားဘာသာတစ်ခုခု ဖော်ပြထားခြင်းရှိ/မရှိ၊ Expire Date သက်တမ်းကုန်ပစ္စည်းများဈေးကွက်အတွင်းရှိ/မရှိနှင့် သက်ဆိုင်ရာဌာနကတရားမဝင် ကုန်ပစ္စည်းအဖြစ်ကြေညာထားသည့်ကုန်ပစ္စည်းများ ဈေးကွက်အတွင်းသို့ ဝင်ရောက်လာမှုရှိ/မရှိ စသည့်အခြေအနေတို့ကို စစ်ဆေးခဲ့ပါသည်။ ဆက်လက်၍ ကုန်စုံဆိုင်ရောင်းချသူများအားကုန်ပစ္စည်းများကို မှာယူရာတွင် ကုန်ပစ္စည်းထုတ်လုပ်ဖြန့်ဖြူးရောင်းချသူများ၏ နေရပ်လိပ်စာ သို့မဟုတ်  ကုမ္ပဏီနှင့်ပတ်သက်သော တိကျမှန်ကန်သည့်သတင်းအချက်များကို ကြိုတင်သိရှိရန် အထူးလိုအပ်ပါကြောင်း၊ သို့မှသာလျှင် ဘေးအန္တရာယ်ရှိသည်ဟုယူဆရသော ကုန်စ္စည်းများကို ပြည်သူများ၏ လက်ဝယ်သို့မရောက်ခင် ကြိုတင်အချိန်မီကာကွယ်တားဆီးနိုင်မည် ဖြစ်ပါကြောင်းနှင့်မိမိတို့ သက်ဆိုင်ဌာန၏ လမ်းညွှန်ချက်များကို စဉ်ဆက်မပြတ် ပူးပေါင်းလိုက်နာဆောင်ရွက်သွားကြစေလိုကြောင်းနှင့်စားသုံးသူပြည်သူများ၏ အခွင့်အရေးနှင့်အကျိုးစီးပွားကို ရှေးရှုပြီးစီးပွားရေးလုပ်ငန်းများ လုပ်ကိုင်ကြစေလိုကြောင်း ရှင်းလင်းဆွေးနွေးခဲ့ပါသည်။

DOCA(Chin)

   စားသုံးသူရေးရာဦးစီးဌာန၊ မကွေး/ချောက်ခရိုင်ဦးစီးမှူး ဒေါ်တင်တင်လှ (လက်ထောက်ညွှန်ကြားရေးမှူး)၊ ဒု-ခရိုင်ဦးစီးမှူး၊ ဦးမျိုးဝင်း(ဦးစီးမှူး)နှင့် ခရိုင်ဦးစီးမှူးရုံးဝန်ထမ်းများသည် (၁၅-၂-၂၀၂၃)ရက်နေ့ နေ့လယ်(၁၅း၀၀)နာရီမှ (၁၆း၄၅)နာရီအထိ မကွေးပညာရေးဒီဂရီကောလိပ်(ပညာဗိမာန် ခန်းမ)၌  စားသုံးသူကာကွယ်ရေးအသိပညာပေးဟောပြောပွဲကို ဆောင်ရွက်ခဲ့ပါသည်။

         မကွေး/ချောက်ခရိုင်ဦးစီးမှူး ဒေါ်တင်တင်လှ (လက်ထောက်ညွှန်ကြားရေးမှူး)က စားသုံးသူကာကွယ်ရေးဥပဒေ (၂၀၁၉) ပါ စားသုံးသူ၊ စီးပွားရေးလုပ်ငန်းရှင်၊ စားသုံးသူကာကွယ်ရေး၏ အဓိပ္ပါယ်များ၊ စားသုံးသူများရရှိနိုင်မည့်အခွင့်အရေး(၈)ချက်၊ စားသုံးသူများလိုက်နာရမည့်တာဝန်(၄)ချက်နှင့် ကုန်စည်များဝယ်ယူသုံးစွဲရာတွင် သတိပြုရမည့်ကုန်အညွှန်းအမှတ်အသားများ အကြောင်း၊ ဦးမျိုးဝင်း(ဦးစီးမှူး)က စီးပွားရေးလုပ်ငန်းရှင်များ၏တာဝန်နှင့်တားမြစ်ချက်များ၊ ပြစ်မှု၊ ပြစ်ဒဏ်များ၊ ကုန်စည်(သို့)ဝန်ဆောင်မှုနှင့်စပ်လျဉ်း၍ အာမခံပေးထားမှုအပေါ် စားသုံးသူများကတောင်းဆိုနိုင်သည့် အခွင့်အရေးများအားလည်းကောင်း အသေးစိတ်ရှင်းလင်းဆွေးနွေးခဲ့ပြီး စားသုံးသူများသည် နစ်နစ်ဆုံးရှုံးမှုများဖြစ်ပေါ်လာပါက ဌာန၌ဖွင့်လှစ်ထားသော Consumer Information Complaint Center (CICC)သို့လည်းကောင်း၊ MPT, Mytel, Telenor, Oredoo Sim Card များဖြင့် Call Center No. 1535 သို့ ခေါ်ဆိုတိုင်ကြားနိုင်ပုံနှင့် ဌာန၏ Website www.doca.gov.mm သို့လည်းကောင်း၊ face book page တွင် DOCA Myanmar Facebook Page သို့လည်းကောင်း ဝင်ရောက်တိုင်ကြားနိုင်ပုံများအား ရှင်းလင်းဆွေးနွေးခဲ့ပါသည်။

     အဆိုပါအသိပညာပေးဟောပြောပွဲတွင် မကွေးပညာရေးဒီဂရီကောလိပ်မှ ဆရာ/ဆရာမ(၂၅)ဦး၊ သင်တန်းသား/သင်တန်းသူ(၇၀၀)ဦး၊ စုစုပေါင်း (၇၂၅)ဦးတို့တက်ရောက်ခဲ့ကြောင်းနှင့် ဌာနက အသိပညာပေးလက်ကမ်းစာစောင်များ ဖြန့်ဝေပေးခဲ့ကြောင်းသတင်းရရှိပါသည်။

DOCA(မကွေး)