Main menu

သတင်းနှင့် လှုပ်ရှားမှုများ

Powered by Drupal

ကျိုင်းတုံမြို့ စားသုံးသူကာကွယ်ရေးအသိပညာပေးဟောပြောပွဲ

        (၁၀.၆.၂၀၂၂)ရက်နေ့၊ နံနက်(၁၀:၀၀)နာရီအချိန်တွင် စားသုံးသူကာကွယ်ရေးဆိုင်ရာ အသိပညာပေး ဟောပြောပွဲကို အမှတ်(၅) အခြေခံပညာအထက်တန်းကျောင်းတွင် ကျင်းပပြုလုပ်ခဲ့ပါသည်။ ယင်းဟော ပြောပွဲသို့ ဆရာမ(၆)ဦး၊ ကျောင်းသား/သူ (၁၁၆)ဦးနှင့် မုန့်ဈေးဆိုင်ပိုင်ရှင် (၁၉)ဦး တက်ရောက်ခဲ့ပါ  သည်။

          ရှေးဦးစွာ ရှမ်းပြည်နယ်(အရှေ့ပိုင်း)၊ စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ ဒေါ်လင်းမျိုးသာ(လက်ထောက်ညွှန်ကြားရေးမှူး)က အဖွင့်အမှာစကား ပြောကြားပြီး ဦးအောင်လင်းဦး (ဒုတိယဦးစီးမှူး)မှ စားသုံးသူကာကွယ်ရေးဆိုင်ရာလုပ်ငန်းနှင့် ပတ်သက်၍ ကျောင်းသား/သူများအား အသိပညာပေးဟောပြောခဲ့ပါသည်။ အဆိုပါအခမ်းအနားတွင် စားသုံးသူရေးရာဦးစီးဌာနမှ ဦးအောင်လင်းဦး (ဒုတိယဦးစီးမှူး)က စားသုံးသူကာကွယ်ရေးဥပဒေပြဌာန်းချက်ပါ စားသုံးသူ၏အဓိပ္ပါယ်ဖွင့်ဆိုချက်များ၊ စားသုံးသူ၏အခွင့်အရေးနှင့်တာဝန်များ၊ ကုန်စည်တစ်ခုကို မဝယ်ယူမီ စစ်ဆေးကြည့်ရှုရမည့် သိသင့် သိထိုက်သည့်အချက်များကို ရှင်းလင်းပြောကြားပြီး စားသုံးသူအခွင့်အရေး(၈)ချက်ကို ကျောင်းသား/သူ များနှင့် အပြန်အလှန်ဆွေးနွေးမှုများပြုလုပ်ခဲ့ပါသည်။

          ယင်းနောက် စားသုံးသူများသည် ကုန်စည်(သို့) ဝန်ဆောင်မှုများအား ဝယ်ယူသုံးစွဲရာတွင် နစ်နာ ဆုံးရှုံးမှုများနှင့် ပတ်သက်၍ စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ Consumer Information and Complaint Center(CICC) တွင် တိုင်ကြားနိုင်ကြောင်း၊ အဆိုပါ CICC မှ စားသုံးသူနှင့် လုပ်ငန်းရှင်များအကြား စေ့စပ်ညှိနှိုင်း ဖြေရှင်းပေးခြင်းများ ဆောင်ရွက်ပေးလျက်ရှိကြောင်း၊ စားသုံးသူများအနေဖြင့် သတင်းအချက်အလက်မှန်ကန်ပြည့်စုံသော “ကုန်စည်” (သို့) "ဝန်ဆောင်မှု” များကိုသာ ရွေးချယ်ကြရန် လိုအပ်ကြောင်း၊ ဘေးအန္တရာယ်ဖြစ်စေနိုင်သည့် ဆက်စပ်ဌာနများ၏ ထုတ်ပြန်ချက်များတွင်ပါရှိသော စားသုံးရန်မသင့်သည့် ကုန်ပစ္စည်းများအား ရှောင်ကြဉ်သင့်ကြောင်း စ သည့် စားသုံးသူကာကွယ်ရေးဆိုင်ရာ အကြောင်းအရာများကို ကျောင်းသား/သူများအား အသိပညာပေး ဟောပြောဆွေးနွေးခဲ့ပါသည်။

          ထို့နောက် ရှမ်းပြည်နယ်(အရှေ့ပိုင်း)၊ စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ ဒေါ်လင်းမျိုးသာ(လက်ထောက်ညွှန်ကြားရေးမှူး)နှင့် ဝန်ထမ်းများက စားသုံးသူကာကွယ်ရေးဆိုင်ရာ အသိပညာပေး စာအုပ်/စာစောင်များကို ကျောင်းစာကြည့်တိုက်အတွက် ပေးအပ်လှူဒါန်းခဲ့ပြီး စားသုံးသူ ကာကွယ်ရေးဆိုင်ရာ အသိပညာပေးလက်ကမ်းစာစောင်များကိုလည်း ကျောင်းသား/ သူများအား ဖြန့်ဝေ ပေးခဲ့ပါသည်။

DOCA(ရှမ်း)

 

စားသုံးသူကာကွယ်ရေးဆိုင်ရာ အသိပညာပေးဟောပြော ဆွေးနွေးပွဲကျင်းပ

        စီးပွားရေးနှင့်ကူးသန်းရောင်းဝယ်ရေးဝန်ကြီးဌာ၊ စားသုံးသူရေးရာဦးစီးဌာန၊ ရှမ်းပြည်နယ်ဦးစီးမှူးရုံးမှ ဝန်ထမ်းများသည် (၂၃.၆.၂၀၂၂) ရက်နေ့၊ နံနက် (၁၀:၀၀) နာရီအချိန် တောင်ကြီးတက္ကသိုလ်တွင် စားသုံးသူကာကွယ်ရေးဆိုင်ရာ အသိပေးဟောပြောပွဲအခမ်းအနားကို ကျင်းပပြုလုပ်ခဲ့ပါသည်။ အဆိုပါ အခမ်းအနား၌ တောင်ကြီး တက္ကသိုလ်ပါမောက္ခချုပ် ဒေါက်တာကေသီသင်မှ အဖွင့်အမှာစကားပြောကြားပြီး စားသုံးသူရေးရာဦးစီးဌာနမှ လက်ထောက်ညွှန်ကြားရေးမှူး ဦးခွန်ကျော်ဌေးက စားသုံးသူရေးရာဦးစီးဌာန ဖြစ်ပေါ်လာပုံနှင့် အသိပညာပေးဟောပြောပွဲ ကျင်းပပြုလုပ်ရသည့် ရည်ရွယ်ချက်များ ရှင်းလင်းပြောကြားပါသည်။ ထို့နောက် ဒေါ်စောယုထွေး(ဦးစီးမှူး)မှ ၂၀၁၉ စားသုံးသူကာကွယ်ရေးဥပဒေပါ အခန်း(၉) စားသုံးသူ၏အခွင့်အရေး နှင့်တာဝန်များ၊ ကုန်ညွှန်းအမှတ်အသားများ၊ ကုန်စည်နှင့်ဝန်ဆောင်မှုများ ဝယ်ယူအသုံးပြရာတွင် ထိခိုက်နစ်နာဆုံးရှုံးမှုများ ဖြစ်ပေါ်လာပါက တိုင်ကြားရမည့်ပုံစံနည်းစနစ်များကို ဟောပြောဆွေးနွေးခဲ့ပြီး တက်ရောက်လာသော ဆရာ၊ဆရာမများနှင့် ကျောင်းသား၊ကျောင်းသူများက သိရှိလိုသည်များကို အပြန်အလှန် ဆွေးနွေးခဲ့ကြပါသည်။

          အဆိုပါအခမ်းအနားသို့ တောင်ကြီးတက္ကသိုလ်ရှိ ဆရာ၊ဆရာမများနှင့် တက္ကသိုလ်ဝန်ထမ်းများ၊ ကျောင်းသား၊ကျောင်းသူများ (၂၉၀)ဦးခန့် တက်ရောက်ခဲ့ကြကြောင်း သိရှိရပါသည်။

DOCA(ရှမ်း)

 

မအူပင်မြို့ ဈေးကွက်အတွင်းတွင် Gano အစားအသောက်၊ လူသုံးကုန်၊ ဖြည့်စွက်စာ အမည်တူ တရားမဝင်ထုတ်ကုန် ရောင်းချမှု ရှိ/မရှိ ကွင်းဆင်းစစ်ဆေးဆောင်ရွက်

            စားသုံးသူရေးရာဦးစီးဌာန၊ ဧရာဝတီတိုင်း‌ဒေသကြီး၊ မအူပင်ခရိုင်၊ မအူပင်မြို့နယ်တာဝန်ခံ ဦးအောင်ဇော်ဦးနှင့် ဝန်ထမ်းများသည် (၂၁.၆.၂၀၂၂)ရက်နေ့တွင် မအူပင်မြို့နယ် ဈေးကွက်အတွင်း တရားမဝင်ရောင်းချနေသော ကုန်ပစ္စည်းများ ရှိ/မရှိ ကွင်းဆင်းစစ်ဆေးခဲ့ကြပါသည်။

        ထိုသို့စစ်ဆေးရာတွင် မအူပင်မြို့ ဈေးကွက်အတွင်းရှိ ဆိုင်(၁၄)ဆိုင် တွင် ရောင်းချနေသော ကုန်စည်များတွင် Gno အမှတ်တံဆိပ်ဖြင့် ကော်ဖီ(3 In 1) သွားတိုက်ဆေးနှင့် ဖြည့်စွက်အစားအစာများကို တရားမဝင်တင်သွင်းကုန်စည်များရောင်းချခြင်း ရှိ/မရှိ ကွင်းဆင်းစစ်ဆေးခဲ့ရာ တရားမဝင်တင်သွင်း ကုန်စည်များ ရောင်းချခြင်း မရှိကြောင်း တွေ့ရှိခဲ့ရပါသည်။

            ဆက်လက်၍ မအူပင်မြို့နယ် တာဝန်ခံ ဦးအောင်ဇော်ဦးမှ ရောင်းချနေသော ဆိုင်ရှင်များအား မလေးရှားနိုင်ငံ Gno Excel Industries SDN. BHD မှ အစားအသောက်လူသုံးကုန် ဖြည့်စွက် အစားအစာများကို တစ်ဦးတည်းကိုယ်ပိုင် ကိုယ်စားလှယ်အဖြစ် မှတ်ပုံတင်ပြီးတရားဝင် ရောင်းချလျှက် ကြောင်းနှင့် သက်ဆိုင်ရာဌာနများ၏ ထောက်ခံချက်၊ နှင့် ကုန်အညွှန်း အမှတ်အသား များလည်းကိုက်ညီမှု ရှိပါသော ကုန်အညွှန်းအမှတ်အသားပါဝင်ခြင်းရှိသည့် Gnoအမှတ်တံဆိပ် ကော်ဖီ(3 In 1) သွားတိုက် ဆေးနှင့် ဖြည့်စွက်အစားအစာများကို  လူသုံးကုန်၊ စားသောက်ကုန်စည်ကိုသာ ဦးစားပေးရောင်းချရန် ဆွေးနွေးပြောကြားပြီး စားသုံးသူရေးရာဦးစီးဌာန၏ စားသုံးသူကာကွယ်ရေး ဥပဒေအကြောင်းများကို ရှင်းလင်းပြောကြားကာ လက်ကမ်းစာစောင်များ ဖြန့်ဝေခဲ့ ကြောင်း သတင်းရရှိပါသည်။

DOCA(ဧရာဝတီ)

ပန်းတနော် မြို့နယ် သင်ဖျာလုပ်ငန်းရှင်များနှင့် တွေ့ဆုံ၍ စားသုံးသူကာကွယ်ပေးရေး အသိပညာပေး တွေ့ဆုံဆွေးနွေး

             ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ပန်းတနော်မြို့နယ် တာဝန်ခံသည် ပန်းတနော်မြို့နယ် တာဝန်ခံရုံး၌ ၂၀၂၂ခုနှစ် ဇွန်လ ၂၁ရက်နေ့ နံနက် (၁၀:၃၀)အချိန်တွင် သင်ဖျာ လုပ်ငန်းရှင်(၂၀)ဦးအား ဖိတ်ကြား၍ စားသုံးသူကာကွယ်ပေးရေးပညာပေး တွေ့ဆုံဆွေးနွေးခဲ့ကြပါသည်။

          ထိုသို့ တွေ့ဆုံရာတွင် ပန်းတနော်မြို့နယ်တာဝန်ခံ ဒေါ်သင်းသင်းစိုးက စားသုံးသူကာကွယ်ရေးဥပဒေပါ ဥပဒေများအကြောင်းကို ရှင်လင်းဆွေးနွေးပြီး၊ စီးပွားရေးလုပ်ငန်းရှင်တို့၏ တာဝန်များ၊ အခန်း(၁၁)ပါ ကုန်စည်နှင့် စပ်လျဉ်း၍ အာမခံချက်ပေးခြင်း၊ အခန်း(၁၂) ကုန်စည်နှင့် စပ်လျဉ်း၍ အာမခံထားမှု အပေါ် စားသုံးသူ၏ တောင်းဆိုနိုင်သည့် အခွင့်အရေး အခန်း(၁၇) ပါ ကုန်စည် သို့မဟုတ် ဝန်ဆောင်မှုအပေါ် တာဝန်ရှိမှု စပ်လျဉ်းသည် ကိစ္စရပ်များအကြောင်း ရှင်းလင်းဆွေးနွေးပြောကြားခဲ့ပါသည်။ ဆက်လက်၍ လုပ်ငန်းရှင်များကလည်း သိရှိလိုသည်များ မေးမြန်း၍ အပြန်အလှန် ဆွေးနွေးခဲ့ကြကြောင်း သတင်းရရှိပါသည်။

DOCA(ဧရာဝတီ)

စားအုန်းဆီများ ရည်ညွှန်းဈေးဖြင့် ရောင်းချခြင်း ရှိ/မရှိ ရှောင်တခင်ကွင်းဆင်းစစ်ဆေး

              ရန်ကုန်တိုင်းဒေသကြီး၊ စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံးမှ ခရိုင်ဦးစီးမှူး နှင့် တာဝန်ရှိဝန်ထမ်းများသည် ၁9.၆.၂၀၂၂ ရက်နေ့၊ နံနက် (၁ဝ:ဝဝ) နာရီအချိန်တွင်  စားသုံးသူ ပြည်သူများကို ရည်ညွှန်းဈေးထက် ဈေးနှုန်းမြှင့်တင်ရောင်းချနေခြင်း ရှိ/မရှိ သိရှိနိုင်ရန်အတွက် သင်္ဃန်းကျွန်းမြို့နယ်အတွင်းရှိ စားအုန်းဆီလက်လီရောင်းချလျက်ရှိသော ဆီဆိုင်များသို့ အများပြည်သူများ ဝယ်ယူနေမှုနှင့် ဆီဆိုင်များမှ ဆီရောင်းနေမှုအခြေအနေများကို ရှောင်တခင်သွားရောက်ကြည့်ရှု စစ်ဆေးမှုများပြုလုပ်ခဲ့ကြောင်း သိရှိရပါသည်။

DOCA(ရန်ကုန်)

ညောင်တုန်းမြို့နယ် နတ်ပေး အ.ထ.ကကျောင်းတွင် စားသုံးသူကာကွယ်ပေးရေး အသိပညာပေးဟောပြောပွဲ အောင်မြင်စွာကျင်းပပြီးစီး

            စားသုံးသူရေးရာဦးစီးဌာန၊ ဧရာဝတီတိုင်း‌ဒေသကြီး၊ မအူပင်ခရိုင်၊ ညောင်တုန်းမြို့နယ်ဦးစီးမှူး ဦးအောင်လွင်နှင့် ဝန်ထမ်းများသည် ၂၁.၆.၂၀၂၂ နေ့ (၁၀:၃၀)အချိန် တွင် ညောင်တုန်းမြို့နယ် နတ်ပေး အ.ထ.က ကျောင်းတွင် စားသုံးသူကာကွယ်ပေးရေး အသိပညာပေး ဟောပြောပွဲကို ကျင်းပပြုလုပ်ခဲ့ပါသည်။

          အဆိုပါအခမ်းအနားတွင် ကျောင်းအုပ်ဆရာမကြီးမှ အဖွင့်အမှာစကား ပြောကြားရာ၌ တက်‌ရောက်သူကျောင်းသားများအနေဖြင့် စားသုံးသူများလိုက်နာသင့် အချက်များကို သိရှိရန်လိုအပ်ကြောင်း၊ စားသုံးသူများ၏ အခွင့်အရေး၊ လိုက်နာရမည့် အချက်များကို သေချာစွာ လေ့လာမှတ်သားထားကြရန် အလေးပေးပြောကြားခဲ့ပြီး စားသုံးသူရေးရာဦးစီးဌာန ညောင်တုန်းမြို့နယ် ဦးစီးမှူး ဦးအောင်လွင်က စားသုံးသူကာကွယ်ရေးဥပဒေအကြောင်း၊ ဌာန၏ ရည်ရွယ်ချက်၊ မျှော်မှန်းချက်များ လုပ်ငန်းရှင်များ လေးစားလိုက်နာရမည့်အချက်များ၊ ကုန်အညွှန်းအမှတ်အသားများအကြောင်းနှင့် စားသုံးသူများအနေဖြင့် ကုန်စည်များကိုဝယ်ယူရာတွင် စိတ်ကျေနပ်မှု မရှိခဲ့လျှင် စားသုံးသူသတင်းပြန်ကြားရေးနှင့် တိုက်ကြားမှု လက်ခံဆောင်ရွက်ရေးစင်တာသို့ တိုင်ကြားနိုင်ကြောင်းတို့ကို အကျယ်တဝင့် ဟောပြောဆွေးနွေးခဲ့ပါသည်။ ဆက်လက်၍ ကျောင်းသား/သူများကလည်း သိရှိလိုသည်များမေးမြန်ကြ၍ မြို့နယ်ဦးစီးမှူးမှ ပြန်လည်ဖြေကြား ဆွေးနွေးခဲ့ပြီး ကျောင်းအုပ်ဆရာမကြီး က နိဂုံးချုပ် အမှာစကားပြောကြားခဲ့ပါသည်။ အဆိုပါ အသိပညာပေးဟောပြောပွဲသို့ ကျောင်းသား/ကျောင်းသူ (၂၅၀) ဦးတက်‌ရောက်ခဲ့ကြောင်း သတင်းရရှိပါသည်။

DOCA(ဧရာဝတီ)

"စတိုးဆိုင်များအား ဈေးကွက်စောင့်ကြည့် ကွင်းဆင်းစစ်ဆေးခြင်း"

      ချင်းပြည်နယ်၊ စားသုံးသူရေးရာဦးစီးဌာန၊ ချင်းပြည်နယ်ဦးစီးမှူးရုံးမှ ဝန်ထမ်းများသည် မြို့နယ်စည်ပင်သာယာရေးအဖွဲ့၊  ပြည်နယ်အစားအသောက်နှင့်ဆေးဝါးကွပ်ကဲရေးဦးစီးဌာနတို့နှင့် ပူးပေါင်းပြီး ဟားခါးမြို့ပေါ်ရှိ  နီနီစတိုး၊  စေတနာစတိုး၊  station store၊  ငြိမ်းစတိုး၊ ဒွေးသဲ စတိုး၊ Ellen စတိုး စသည့် စတိုးဆိုင်များကို ၂၀၂၂ခုနှစ်၊ ဇွန်လ(၂၁)ရက်နေ့တွင် ကွင်းဆင်း စစ်ဆေးခဲ့ကြောင်း သိရပါသည်။

      အဆိုပါစတိုးဆိုင်များတွင် (expire date )သက်တမ်းကုန် ကုန်ပစ္စည်းများ၊ ကုန်အညွှန်းအမှတ်အသားဖော်ပြပါရှိမှုနှင့် ဈေးကွက်အတွင်း ကုန်ပစ္စည်းများကို အဆမတန် ဈေးနှုန်းမြှင့်တင်ရောင်းချခြင်း ရှိမရှိ စသည်တို့ကို ကွင်းဆင်းစစ်ဆေးခဲ့ကြောင်း သိရသည်။ ထို့အပြင် စီးပွားရေးလုပ်ငန်းရှင်များအနေဖြင့် လက်ရှိရင်ဆိုင်နေရသည့် အခက်အခဲပြ ဿနာများကို သက်ဆိုင်ရာ အစိုးရဌာနများနှင့် ပူးပေါင်းပြီး စီးပွားရေးလုပ်ငန်းများ အဆင်ပြေချောမွေ့စွာ လည်ပတ်နိုင်စေရန်အတွက် ဝိုင်းဝန်းကူညီဆောင်ရွက်သွားကြဖို့ ဆွေးနွေးခဲ့ကြောင်း သိရပါသည်။

 

DOCA(ချင်း)

ညောင်တုန်းမြို့နယ်တွင် သီးနှံစိုက်ပျိုး ထုတ်လုပ်မှု တိုးတက်မြင့်မားရေးနှင့် စားသုံးသူ အကျိုးကာကွယ်ပေးရေး တောင်သူများနှင့် တွေ့ဆုံဆွေးနွေး

     ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်အတွင်းရှိ စိုက်ပျိုးမြေများတွင် သီးနှံစိုက်ပျိုး ထုတ်လုပ်မှု တိုးတက်မြင့်မားရေးအတွက် တူးချောင်းကျေးရွာအုပ်စုနှင့် ညောင်ဝိုင်းကျေးရွာအုပ်စုတို့ရှိ တောင်သူများ(၅၅)ဦးနှင့် တွေ့ဆုံဆွေးနွေးခြင်းကို ၂၀၂၂ခုနှစ် ဇွန်လ ၂၂ရက်နေ့ နံနက် ၁၀နာရီ အချိန်က မြို့နယ်မြန်မာ့လယ်ယာဖွံ့ဖြိုးရေးဘဏ်ခွဲရုံး ခန်းမ၌ပြုလုပ်ခဲ့သည်။

    ထိုသို့တွေ့ဆုံရာတွင် မြို့နယ်သီးနှံစိုက်ပျိုးထုတ်လုပ်မှု တိုးတက်မြင့်မားရေး​ကြီးကြပ်မှု ကော်မတီ ဥက္ကဋ္ဌဦးကျော်စိုးက နွေစပါး၊ မိုးစပါး၊ ဆောင်းသီးနှံ စိုက်ဧကများလျာထားချက်ပြည့်မီအောင် စိုက်ပျိုးနိုင်ရေးစသည့် အကြောင်းအရာများကို ဆွေးနွေးပြောကြားခဲ့ပြီး မြို့နယ်စာသုံးသူရေးရာဦးစီးဌာနမှ ဒုတိယ ဦးစီးမှူးဒေါ်ချိုမီဇင်က ဆီထွက်သီးနှံ နေကြာ စိုက်ပျိုးခြင်းသည် ပြည်တွင်းစားသုံးဆီဖူလုံ၍ ပြည်ပမှ စားအုန်းဆီတင်သွင်းမှုလျှော့ချနိုင်‌ရေး၊ ပြည်တွင်းစားသုံဆီဈေးကွက် ပိုမိုရရှိစေ‌ရေး၊ ဆီစက်လုပ်ငန်းများ ပိုမိုဖွံ့ဖြိုးတိုးတက်လာစေရေး၊ နိုင်ငံခြားငွေအသုံးပြုမှုလျော့နည်းသက်သာလာစေရေး စသည့် ရည်ရွယ်ချက်များနှင့် တောင်သူများ အသုံးပြုလျက်ရှိသည့် စိုက်ပျိုးရေးဆေးများနှင့် မျိုးစေ့များ ဝယ်ယူသုံးစွဲရာတွင် စားသုံးသူကာကွယ်ရေးအသိပညာပေး အကြောင်းအရာများ‌ကို ဆွေးနွေးပြောကြား၍ စိုက်ပျိုးရေးဦးစီးဌာနမှ တာဝန်ရှိသူများက စိုက်ပျိုးနည်းစနစ်မှန်ကန်ရေးနှင့်မျိုးကောင်းမျိုးသန့်များစိုက်ပျိုးနိုင်ရေး၊ နည်းစနစ်မှန် ကန်စွာမြေပြုပြင်ပေးခြင်း၊ စားသုံးဆီဖူလုံရေးနှင့် ဝင်ငွေတိုးစေရန်ဆောင်းသီးနှံ နေကြာအား သီးထပ်သီး ညှပ်လျာထားချက်အတိုင်း စိုက်ပျိုးကြရေးဆွေးနွေးမှာကြားပြီး တက်ရောက်လာကြသည့် တောင်သူများမှ သိရှိလိုသည်များကို ပြန်လည်ဆွေးနွေးဖြေကြားခဲ့ကြောင်း သိရသည်။

DOCA(ဧရာဝတီ)

ပုသိမ်ခရိုင်၊ ကျောင်းကုန်းမြို့နယ်တာဝန်ခံရုံးတွင် အသိပညာပေးဟောပြောဆွေးနွေးခြင်း

         ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ပုသိမ်ခရိုင်၊ ကျောင်းကုန်းမြို့နယ် တာဝန်ခံဦးတင်ကိုသည် စားသုံးသူကာကွယ်ရေးလုပ်ငန်းများ ခိုင်မာတိုးတက်စေရေး၊ စားသုံးသူ ကာကွယ်ရေး ဥပဒေများ အား စားသုံးသူပြည်သူများသိရှိနိုင်စေရန် ရည်ရွယ်၍ ဇွန်လ (၂၂)ရက် နံနက်(၁၀) နာရီတွင် ပုသိမ်ခရိုင်၊ ကျောင်းကုန်းမြို့နယ် ဗိုလ်ချုပ်လမ်းရှိ မုန့်ဆိုင်ပိုင်ရှင်များအား အသိပညာပေး ဆွေးနွေး ဟောပြောခဲ့ပါသည်။

          ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၏ မျှော်မှန်းချက်၊ ရည်ရွယ် ချက်အပါအဝင် ဈေးကွက်အတွင်းရောင်းချနေသော ကုန်ပစ္စည်းများတွင် ကုန်စည် အမျိုးအစား အပေါ်မူတည် ၍ ကုန်အညွှန်းအမှတ်အသားပြည့်စုံစွာပါရှိရေး၊ စားသုံးသူကာကွယ်ရေးဥပဒေပါ စားသုံးသူများရရှိနိုင်သော အခွင့်အရေး(၈)ချက်နှင့် တာဝန်များ အစရှိသည့် စားသုံးသူအခွင့်အရေးနှင့်ပတ်သက်၍ ဆွေးနွေးခဲ့ပြီး ကုန်အညွှန်းအမှတ်အသားဖော်ပြထားသည့် အသိပညာပေး လက်ကမ်းစာစောင်များဖြန့်ဝေပေးခဲ့ကြောင်း သိရှိရပါသည်။

DOCA(ဧရာဝတီ)

ပုသိမ်ခရိုင်၊ ကျုံပျော်မြို့နယ်၌ လုပ်ငန်းရှင်အသိပညာပေးဆွေးနွေးခြင်း

           စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ပုသိမ်ခရိုင်၊ ကျုံပျော်မြို့နယ် တာဝန်ခံရုံးမှ မြို့နယ်တာဝန်ခံဒေါ်ခင်မေဝင်းနှင့် ဝန်ထမ်းများသည် စားသုံးသူဘေးအန္တရာယ် ကင်းရှင်းစွာ သုံးစွဲနိုင် ရေးရည်ရွယ်၍ ဇွန်လ(၂၁)ရက် နေ့လည် (၃) နာရီအချိန်တွင် ကျုံပျော် မြို့နယ်၊ အထောင်မြို့၊ သပြေငူ ကျေးရွာတွင် အသစ်ထုတ်လုပ်လျှက်ရှိသော Good Health သောက်ရေသန့်လုပ်ငန်းသို့ သွားရောက်၍ ဈေးကွက် စောင့်ကြည့်စစ်ဆေးခဲ့ပါသည်။

          ထိုသို့စစ်ဆေးရာတွင် ကျုံပျော်မြို့နယ် တာဝန်ခံက မည်သည့်စီးပွားရေးလုပ်ငန်းရှင်မဆို ကုန်စည်များပေါ်တွင် ကုန်အညွှန်းအမှတ်အသား ပြည့်စုံစွာဖော်ပြရန်နှင့် (၂၀၁၉) စားသုံးသူကာကွယ်ရေးဥပဒေပါ ပြဌာန်းချက်များနှင့်အညီ ထုတ်လုပ်ခြင်းနှင့် ရောင်းချခြင်းများပြုလုပ်ကြရန် ကုန်စည်များအား ကုန်အညွှန်းအမှတ်အသား ပြည့်စုံမှုရှိ၊မရှိ စစ်ဆေးပြီး အသိပညာပေးဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

Pages

Subscribe to RSS - သတင်းနှင့် လှုပ်ရှားမှုများ
a