ပြည်တွင်းကုန်သွယ်မှုသတင်း

ပန်းနှမ်းသီးနှံ ထုတ်လုပ်မှု၊ စျေးနှုန်း၊ စျေးကွက် အခြေအနေလေ့လာသုံးသပ်တင်ပြခြင်း

ပန်းနှမ်းသည် မြန်မာနိုင်ငံရှိ ဆီထွက်သီးနှံများအနက် တစ်မျိုးအပါအဝင်ဖြစ်ပြီး ပြည်ပဝင်ငွေ ရှာဖွေပေးသော သီးနှံအမျိုးအစား တစ်မျိုးလည်း ဖြစ်ပါသည်။ ပန်းနှမ်းသည် သမပိုင်းဒေသ သီးနှံအမျိုးအစား ဖြစ်သော်လည်း အပူပိုင်းဒေသ၌လည်း စိုက်ပျိုးဖြစ်ထွန်းသည့် အပင်ဖြစ်သည်။ နေကြာပင် နှင့် မျိုးရင်းတူသော အပင်ဖြစ်ပြီး တစ်ခင်းလုံးဝါထိန် နေအောင်ပွင့်သည်။ တစ်ဧက (7)တင်းမှ (12) တင်း ခန့်အထိ ထွက်၍ အစေ့တစ်တင်းမှ ဆီ(၆)ပိဿာခန့် ရရှိနိုင်သဖြင့် တစ်ဧကစိုက်ပျိုးလျှင် ဆီ(42)ပိဿာ ကျော်ခန့် ရရှိနိုင်ကြောင်း လေ့လာသိရှိရပါသည်။ ပန်းနှမ်းသည် ရေကြမ်း၊ မြေကြမ်း၊ ရာသီဥတု ကြမ်းတမ်းမှုကို ခံနိုင်သည့် အပင်အမျိုးအစားဖြစ်သဖြင့် ပြည်တွင်းဒေသအနှံ့ စိုက်ပျိုးနိုင်သော်လည်း ယခုလက်ရှိတွင် ရှမ်းပြည်နယ်၊ စစ်ကိုင်းတိုင်းဒေသကြီးနှင့် ကချင်ပြည်နယ်တို့တွင် အဓိကစိုက်ပျိုးကြောင်း လေ့လာသိရှိရပါသည်။

ပန်းနှမ်းကို အောက်တိုဘာလနှင့် နိုဝင်ဘာလများတွင် စိုက်ပျိုးပြီး ဇန်နဝါရီလ၊ ဖေဖော်ဝါရီလ နှင့် မတ်လများတွင် ထွက်ရှိကြောင်း လေ့လာသိရှိရပါသည်။ စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန၏ စာရင်းအရ 2021 ခုနှစ်၊ ပန်းနှမ်း ရည်မှန်းစိုက်ဧကအနေဖြင့် (343,915)ဧက၊ ရိတ်ဧက (343,915)၊ အထွက်နှုန်း (10.94)တင်း ဖြစ်သည့်အတွက် ပန်းနှမ်းအထွက်တင်းပေါင်း (3,763,310) တင်း ဖြစ်ကြောင်း သိရှိရပါသည်။

(21.1.2021)ရက်နေ့ ပြည်တွင်း စျေးကွက်တွင် ဖြစ်ပေါ်နေသော ပန်းနှမ်းစျေးနှုန်းများမှာ

မန္တလေး - ၁၀၂၀၈၀၀/- ကျပ်

တောင်ကြီး - ၉၇၉၈၀၀/- ကျပ် ဖြစ်ကြောင်း လေ့လာသိရှိရပါသည်။

ပန်းနှမ်း ပြည်ပတင်ပို့မှု အခြေအနေမှာ 2019-2020 ဘဏ္ဍာနှစ်တွင် တန်ချိန်(10,797.350) တန်၊ တန်ဖိုးအားဖြင့် အမေရိကန်ဒေါ်လာ (7.002)သန်း တင်ပို့နိုင်ခဲ့ပါသည်။ 2020-2021 ဘဏ္ဍာနှစ် (1.10.2020 မှ 8.1.2021) ရက်နေ့ထိ ပြည်ပနိုင်ငံများသို့ ပန်းနှမ်း တန်ချိန် (152) တန်၊ တန်ဖိုးအား ဖြင့် အမေရိကန်ဒေါ်လာ (0.122)သန်း တင်ပို့နိုင်ခဲ့ကြောင်း လေ့လာသိရှိရပါသည်။

လက်ရှိအခြေအနေအရ ပန်းနှမ်းကို အိန္ဒိယနှင့် တရုတ်နိုင်ငံတို့က ဝယ်ယူမှုရှိနေသဖြင့် စတင် ထွက်ပေါ်ချိန်မှာပင် စျေးကောင်း ရရှိနေကြောင်း မန္တလေး ပဲမျိုးစုံစျေးကွက်မှ လေ့လာသိရှိရပါသည်။ ပန်းနှမ်းကို အိန္ဒိယနိုင်ငံက အများဆုံးဝယ်ယူပြီး တရုတ်နိုင်ငံက ဒုတိယအများဆုံး ဝယ်ယူကြောင်း သိရှိရပါသည်။ ယခုနှစ် ပန်းနှမ်း စတင်ပေါ်ထွက်ချိန်ဖြစ်သည့် ဒီဇင်ဘာလ၌ပင် ယခင်နှစ် အလားတူ ကာလတွင် သုံးတင်းဝင်တစ်အိတ်လျှင် (၈၀၀၀)ကျပ်ခန့် စျေးပိုမိုရရှိနေကြောင်း လေ့လာသိရှိရပါ သည်။

ပန်းနှမ်းကို ပြည်ပကဝယ်ယူမှုရှိသကဲ့သို့ ပြည်တွင်း၌ ဆီကြိတ်ပြီး မုန့်လုပ်ငန်းများတွင် ကြော်ဆီ အဖြစ် အသုံးပြုကြောင်း လေ့လာသိရှိရပါသည်။ ပြည်ပနိုင်ငံများတွင် ပန်းနှမ်းကို စားသုံး ဆီအဖြစ် အသုံးပြုခြင်းထက် အလှကုန်ပစ္စည်းနှင့် ဆေးဝါးထုတ်လုပ်သည့် လုပ်ငန်းများတွင် အသုံးပြု ကြောင်း လေ့လာသိရှိရပါသည်။ ပန်းနှမ်းကို အိန္ဒိယနိုင်ငံနှင့် တရုတ်နိုင်ငံများမှ ဝယ်လိုအားကောင်း ပါက ယခင်နှစ်ထက် တင်ပို့မှု ပိုများနိုင်မည်ဖြစ်ကြောင်း လေ့လာသိရှိရပါသည်။

လက်ရှိအခြေအနေတွင် ပန်းနှမ်းများမှာ ရိတ်သိမ်းဆဲဖြစ်သော်လည်း ယခုနှစ်တွင် ရာသီဥတု ကောင်းမွန်သောကြောင့် ပန်းနှမ်းအထွက်နှုန်းမှာ အသင့်အတင့် ကောင်းမွန်နိုင်မည်ဟု ခန့်မှန်းထားကြောင်း လေ့လာသိရှိရပါသည်။

ပဲတီစိမ်းသီးနှံဆိုင်ရာ အပတ်စဉ် ဈေးကွက်၊ ဈေးနှုန်း သုံးသပ်တင်ပြချက်

ပြည်တွင်းကုန်သွယ်မှုသတင်း

စိုက်ပျိုးထွက်ရှိမှုအခြေအနေ

၂၀၂၁ခုနှစ် ပဲတီစိမ်း စိုက်ဧကအနေဖြင့် (၂,၉၄၉,၉၆၉) ဧက၊ အထွက်နှုန်း (၁၅.၇၀)၊ အထွက် တင်းပေါင်း (၄၆,၃၂၄,၃၄၉)တင်း ထွက်ရှိမည်ဟု ရည်မှန်းထားကြောင်း၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနစာရင်းများအရ သိရှိရပါသည်။ ပဲတီစိမ်း ကမ္ဘာ့စိုက်ပျိုးမှုအနေဖြင့် (၇.၃) သန်း အထိရှိပြီး၊ ထွက်ရှိမှုမှာ (၅.၃)သန်း ထိရှိကြောင်း ကမ္ဘာ့ဟင်းသီးဟင်းရွက်စင်တာ စာရင်းများ အရ သိရှိရပါသည်။

ဈေးနှုန်း၊ ဈေးကွက်အခြေအနေ

ပဲတီစိမ်း အဓိက စိုက်ပျိုးထုတ်လုပ် တင်ပို့ရောင်းချနေသည့် ကုန်စည်ဒိုင်ကြီးများ၏ (၂၁.၁.၂၀၂၁)ရက်နေ့တွင် ဖြစ်ပေါ်နေသော ပဲတီစိမ်းတစ်တန် ဈေးနှုန်းများမှာ-

(၁,၃၇၇,၉၀ဝိ/-) ကျပ်၊
(၁,၂၄၅,၀၀ဝိ/-) ကျပ်၊
(၁,၂၄၈,၀၀ဝိ/-) ကျပ်၊
(၁,၂၇၃,၂၀ဝိ/-) ကျပ်၊

မူဆယ်ပေါက်ဈေးနှုန်း အနေဖြင့် (၅,၁၉၀) ယွမ် ဈေးဖြင့် ဈေးနှုန်း ဖြစ်ပေါ်နေကြောင်း သိရှိရပါသည်။

ပြည်ပတင်ပို့မှုအခြေအနေ

ပဲတီစိမ်းကို ယခု ဘဏ္ဍာနှစ် ၁.၁၀.၂၀၂၀ မှ ၈.၁.၂၀၂၁ ထိ ပင်လယ်ရေကြောင်းနှင့်နယ်စပ်မှ ပဲတီစိမ်း တန်ချိန်စုစုပေါင်း (၇၃,၈၈၇)၊ တန်ဖိုး (၆၅.၈၂၀) ဒေါ်လာသန်းတင်ပို့နိုင်ခဲ့ပြီး၊ ယခင် ဘဏ္ဍာနှစ် ကာလ တူထက် (၂၈,၇၆၀)တန် တင်ပို့နိုင်ခဲ့ပြီး၊ တန်ဖိုးအားဖြင့် (၂၉.၆၄၄)ဒေါ်လာသန်း ပိုမိုရရှိခဲ့ပါသည်။ (၈.၁.၂၀၂၁) ရက်နေ့၊ တိုင်းဒေသကြီး၊ ပြည်နယ်များ၏ တင်ပြချက်စာရင်းများအရ ခန့်မှန်း လက်ကျန်မှာ (၆,၄၃၂)တန် ဖြစ်ပါသည်။

သုံးသပ်ချက်

မြန်မာနိုင်ငံမှ ပဲတီစိမ်းကို တင်ပို့ရာတွင် ကုန်သွယ်ရေးနည်းလမ်းများဖြစ်သည့် ပင်လယ် ရေကြောင်း နှင့် နယ်စပ်ကုန်သွယ်ရေးလမ်းကြောင်းများဖြင့် ပြည်ပဈေးကွက်များသို့ အဓိက တင်ပို့ လျက်ရှိနေပါသည်။ ပဲတီစိမ်းကို အဓိကအားဖြင့် တရုတ်နိုင်ငံကို အများဆုံးတင်ပို့နေပြီး၊ ယခုနှစ်တွင် ယခင်နှစ် ကာလတူထက် ပိုမိုတင်ပို့နိုင်ခဲ့ပြီး ယခင်နှစ်ကထက် ဈေးနှုန်းလည်း ပိုမိုမြင့်တက်ခဲ့ ပါသည်။

ယခုအပတ်တွင် အိန္ဒိယနိုင်ငံ၌ ပဲတီစိမ်း ဈေးကွက်မှာ ယခင်အပတ်ကထက် ဈေးနှုန်းများ ကျဆင်းခဲ့ပြီး၊ တရုတ်နိုင်ငံ၏ ပဲတီစိမ်းဈေးကွက်မှာ ဈေးနှုန်းတည်ငြိမ်နေကြောင်း သိရှိရပါသည်။

လက်ရှိအချိန်တွင် မြန်မာ့ပဲတီစိမ်း ဈေးနှုန်းများအနေဖြင့် ယခင်နှစ်ကာလတူနှင့် နှိုင်းယှဉ်လျှင် လည်း ဈေးနှုန်းမှာ ပိုမိုရရှိခဲ့ပြီး၊ တင်ပို့မှုမှာလည်း ပိုမိုတင်ပို့နိုင်ခဲ့သည့်အတွက်ကြောင့် အလားအလာ ကောင်းများစွာရှရှိသည့် သီးနှံတစ်ခုဖြစ်ပါသည်။ မြန်မာနိုင်ငံသည် ပဲတီစိမ်း စိုက်ပျိုးမှုများသလို တင်ပို့မှု အပိုင်းတွင်လည်း အများဆုံးတင်ပို့နိုင်သည့် နိုင်ငံစာရင်းတွင် ပါဝင်သည့် နိုင်ငံ တစ်နိုင်ငံ ဖြစ်ပါသည်။

ပဲတီစိမ်းဈေးကွက်သည် အိန္ဒိယနိုင်ငံ၏ ဈေးကွက်တစ်ခုတည်းသာမဟုတ်ပဲ ကမ္ဘာ့ဈေးကွက် အနှံ့ကိုပါ ကျယ်ကျယ်ပြန့်ပြန့် တင်ပို့နိုင်သည့် အခြေအနေရှိသည့်အတွက်ကြောင့် တိုးချဲ့စိုက်ပျိုးသင့်သည့် သီးနှံတစ်ခုဖြစ်ပါကြောင်း၊ သို့ရာတွင်လည်း အခြားနိုင်ငံများ၏ ပဲများ အရည်အသွေးမြင့်ပြီး ထုတ်လုပ်လာနိုင်ပါက မိမိတို့နိုင်ငံ၏ ပဲတီစိမ်း ဈေးကွက်ကိုပါ ယှဉ်ပြိုင်လာနိုင်ကြောင်း သတိပြုသင့်ပါသည်။ သို့သော်လည်း မတ်ပဲနှင့် ပဲစဉ်းငုံများထက် ပဲတီစိမ်းသည် ဈေးနှုန်း၊ ဈေးကွက် ပိုမိုကောင်းမွန်သည့် အတွက်ကြောင့် ပိုမိုစိုက်ပျိုးသင့်သည့် သီးနှံဖြစ်ကြောင်း တင်ပြအပ်ပါသည်။

သစ်သီးဝလံကဏ္ဍ (ဖရဲသီး) အပတ်စဉ် ဈေးကွက်၊ ဈေးနှုန်း သုံးသပ်တင်ပြချက်

ပြည်တွင်းကုန်သွယ်မှုသတင်း

မူဆယ် (၁၀၅) မိုင် ကုန်သွယ်ရေးဇုန်၏ ဖရဲသီး ဈေးနှုန်း၊ ဈေးကွက်အခြေအနေ

မူဆယ် (၁၀၅) မိုင် ကုန်သွယ်ရေးဇုန်မှ တရုတ်နိုင်ငံသို့ ဖရဲသီးများ တင်ပို့လျှက်ရှိရာ (၄.၁.၂၀၂၁) ရက်မှ (၁၀.၁.၂၀၂၁) ရက်နေ့ အတွင်း ဖရဲအကြားသီး (၁၀၀၀၆) မက်ထရစ်တန်၊ ဈေးနှုန်း မှာ (၁) တန်လျှင် ၅၀၀ ယွမ် မှ ၂၆၀၀ ယွမ်အထိ၊ ဖရဲ အဝိုင်းကြားသီး (၄၀၂၂) မက်ထရစ်တန်၊ ဈေးနှုန်းမှာ (၁) တန်လျှင် ၁၀၀၀ ယွမ် မှ ၃၅၀၀ ယွမ် အထိ၊ အစေ့မဲ့ဖရဲ (၃၂၄၃) မက်ထရစ်တန်၊ (၁) တန် ဈေးနှုန်းမှာ ၁၀၀၀ ယွမ်မှ ၃၅၀၀ ယွမ်အထိ အသီးသီး ရရှိ ကြောင်း သိရှိရပါသည်။ ဖရဲအကြားသီးကို မန္တလေး၊ မြင်းခြံ၊ ဝမ်းတွင်း၊ ကျိုက်ထို၊ ဘီးလင်း၊ ချောင်းဦး၊ သာစည်၊ နဘူးအိုင်တို့မှ လည်းကောင်း၊ ဖရဲအဝိုင်းကြားသီးကို မန္တလေး၊ မြင်းခြံ၊ ချောင်းဦးတို့မှ လည်း ကောင်း၊ အစေ့မဲ့ ဖရဲသီးကို မြင်းခြံ၊ ဝမ်းတွင်း၊ စစ်ကိုင်းတို့မှ လည်းကောင်း အသီးသီး တင်ပို့ခဲ့ကြကြောင်း သိရှိရပါသည်။ ဖရဲသီးကို ယခင်တစ်ပတ်ထက် တန်ချိန် ပိုမိုတင်ပို့နိုင်ခဲ့သော်လည်း ဈေးနှုန်းများမှာ အနည်းငယ်လျော့နည်းပြီး တရုတ်နိုင်ငံ၏ ဝယ်လိုအားကြောင့် အရောင်းအဝယ်မှာ ပုံမှန်ဖြစ်နေကြောင်း သိရှိရပါသည်။

ဖရဲသီး ပြည်ပတင်ပို့မှုအခြေအနေ

ဖရဲသီးပြည်ပတင်ပို့မှုအနေဖြင့် ၂၀၁၈-၂၀၁၉ ဘဏ္ဍာနှစ်တွင် တန်ချိန် (၇၉၆၉၃၆.၁၉၇) တန်၊ တန်ဖိုး အမေရိကန်ဒေါ်လာ (၆၇.၄၇၉) သန်း၊ ၂၀၁၉-၂၀၂၀ ဘဏ္ဍာနှစ်တွင် တန်ချိန် (၆၁၄၀၇၇.၆၁၈) တန်၊ တန်ဖိုး အမေရိကန်ဒေါ်လာ (၅၄.၅၃၄) သန်း၊ ၂၀၂၀ - ၂၀၂၁ ဘဏ္ဍာနှစ်တွင် (၁.၁၀.၂၀၂၀) မှ (၁.၁.၂၀၂၁) ထိ တန်ချိန် (၁၀၂၃၃၇.၃) တန်၊ တန်ဖိုး အမေရိကန်ဒေါ်လာ (၁၀.၁၀၉) သန်း ဖြစ်ပါသည်။ ဖရဲသီးများ နိုင်ငံ အလိုက်ပြည်ပတင်ပို့မှု အခြေအနေများကို တစ်ဖက်ပါ ဇယားဖြင့် တင်ပြအပ်ပါသည်-

သုံးသပ်တင်ပြချက်

မူဆယ်မှတဆင့် တရုတ်နိုင်ငံသို့ တင်ပို့နေသော မြန်မာ့ဖရဲသီးများ၏ ပို့ကုန်ဈေးနှုန်းမှာ လတ်တလောတွင် ဈေးထိုးကျကာ အနိမ့်ဆုံးဈေးသို့ရောက်ရှိနေကြောင်း မြန်မာနိုင်ငံ ဖရဲသခွားမွှေး စိုက်ပျိုးထုတ်လုပ်တင်ပို့ရောင်းချသူများအသင်း ဥက္ကဋ္ဌထံမှ သိရှိရပါသည်။ လွန်ခဲ့သည့် ၂၀၂၀ ပြည့်နှစ်၊ နိုဝင်ဘာလကုန်၌ ဖရဲသီး တစ်တန်လျှင် နှစ်ပေါင်း (၃၀) ခန့်အတွင်း စံချိန်တင်ဈေးနှုန်းများအဖြစ် ယွမ် (၇၂၀၀) ခန့်အထိ ရရှိခဲ့သော်လည်း ဒီဇင်ဘာလကုန်တွင် တစ်တန်ဈေးနှုန်းမှာ (၄၅၀၀) ယွမ် ခန့် အထိ ဈေးနှုန်းများ ပြန်လည်ကျဆင်းလာခဲ့ရာမှ ယခု ၂၀၂၁ ခုနှစ် နှစ်ဆန်းပိုင်းတွင် အနိမ့်ဆုံးဈေးသို့ ရောက်ရှိခဲ့ ကြောင်း သိရှိရပါသည်။

ဇန်နဝါရီလ ဒုတိယအပတ်အတွင်း ဖရဲဈေးနှုန်းအနေဖြင့် တစ်တန်လျှင် ယွမ် (၁၀၀၀) ကျော် အထိသာ ရရှိခဲ့ပြီး ဈေးနှုန်းထိုးကျသွားကြောင်း သိရှိရပါသည်။ ထိုသို့ ဈေးနှုန်းကျဆင်းရခြင်းမှာ တရုတ် ပြည်တွင်း၌ အအေးပိုလာကာ ကားများ သွားလာရန် ခက်ခဲခြင်း၊ အချို့ပြည်နယ်များတွင် ကိုဗစ်-၁၉ ရောဂါပိုးများ တွေ့ရှိရသဖြင့် သွားလာမှုကန့်သတ်ထားသည့် ပြည်နယ်များသို့ ကားများဝင်ရောက်၍ မရ ခြင်း စသည်တို့ကြောင့် ဖရဲသီးဈေးနှုန်းများ ကျသွားရခြင်းဖြစ်ကြောင်း သိရှိရပါသည်။ တရုတ်သို့ ဖရဲသီး တင်ပို့မှုကာလမှာ နှစ်စဉ် အောက်တိုဘာလမှ မေလအထိဖြစ်ပြီး တရုတ်နိုင်ငံ၌ ဇွန်လမှ အောက်တိုဘာလ အတွင်း ဖရဲသီးထွက်ရှိသဖြင့် အဆိုပါကာလတွင် တင်ပို့ရန် အဆင်မပြေနိုင်ကြောင်း သိရှိရပါသည်။

ထို့ကြောင့် ဖရဲသီးတင်ပို့မည့် တောင်သူများ၊ ကုန်သည်လုပ်ငန်းရှင်များအနေဖြင့် မူဆယ်၌ဖြစ်ပေါ် နေသည့် ဖရဲဈေးကွက်၊ဈေးနှုန်းဆိုင်ရာ အခြေအနေများကို စုံစမ်းမေးမြန်း၍ ခူးဆွတ်တင်ပို့သင့်ပြီး အသင်းအဖွဲ့များ၊ ကုန်သည်လုပ်ငန်းရှင်များ၊ ကုန်စည်ဒိုင်များ၊ သက်ဆိုင်ရာဌာနများက သတင်းအချက် အလက်များ ကျယ်ကျယ်ပြန့်ပြန့်ရရှိနိုင်ရေးအတွက် ကူညီဆောင်ရွက်ပေးသင့်ပါသည်။

နှမ်းသီးနှံဆိုင်ရာ အပတ်စဉ် ဈေးကွက်၊ ဈေးနှုန်း သုံးသပ်တင်ပြချက်

ပြည်တွင်းကုန်သွယ်မှုသတင်း

စိုက်ပျိုးထွက်ရှိမှုအခြေအနေ

စိုက်ပျိုးရေး၊ မွေးမြူရေးနှင့် ဆည်မြောင်း ဝန်ကြီးဌာန၏ စာရင်းအရ 2020ခုနှစ်၊ မိုးနှမ်း စိုက်ဧက (2684482) စိုက်ပျိုးခဲ့ပြီး ရိတ်ဧက (2684482)၊ အထွက်နှုန်း (6.74)တင်း ဖြစ်သည့် အတွက် အထွက်တင်း (18102064)တင်း ဖြစ်ပါ သည်။ ဆောင်းနှမ်း စိုက်ဧက(871592) စိုက်ပျိုးခဲ့ပြီး ရိတ်ဧက (871592)၊ အထွက်နှုန်း(13.70)တင်းဖြစ်သည့်အတွက် အထွက်တင်း (11939109)တင်း ထွက်ရှိခဲ့ပါသည်။ နွေနှမ်း စိုက်ဧက(253547) စိုက်ပျိုးခဲ့ပြီး ရိတ်ဧက (253547)၊ အထွက်နှုန်း (14.81)တင်း ဖြစ်သည့်အတွက် အထွက်တင်း (3754397)တင်း ဖြစ်ပြီး၊ စုစုပေါင်း စိုက်ဧက(3809621) စိုက်ပျိုးခဲ့ပြီး ရိတ်ဧက (3809621)၊ ပျမ်းမျှအထွက်နှုန်း (8.87)တင်းဖြစ်သည့်အတွက် အထွက်တင်း (33795570)တင်း ဖြစ်ပါသည်။

ပြည်ပတင်ပို့မှုအခြေအနေ

2020-2021 ဘဏ္ဍာနှစ် (1.10.2020 မှ 1.1.2021) ရက်နေ့ထိ နိုင်ငံပေါင်း (7)နိုင်ငံသို့ နှမ်း တန်ချိန် (95601.245) တန်၊ တန်ဖိုး (132.119) USD သန်း တင်ပို့ခဲ့ပြီး၊ တရုတ်၊ စင်္ကာပူ၊ ထိုင်ဝမ်နှင့် ဂျပန်နိုင်ငံများသို့ အများဆုံးတင်ပို့နေရကြောင်း သိရှိရပါသည်။ ယခင်နှစ် အလားတူကာလတွင် နှမ်းတန်ချိန် (66272.760)တန်၊ တန်ဖိုးအားဖြင့် (114.103)သန်း တင်ပို့ခဲ့သဖြင့် ယခင်နှစ်ထက် တန်ချိန် (29328.485)တန်၊ တန်ဖိုး(18.016) USD သန်း ပိုမိုတင်ပို့နိုင်ခဲ့ကြောင်း တွေ့ရှိရပါသည်။

သုံးသပ်ချက်

မြန်မာ့နှမ်းများကို တရုတ်နှင့် စင်္ကာပူနိုင်ငံတို့မှ အများဆုံး ဝယ်ယူကြောင်း သိရှိရပါသည်။ လက်ရှိအခြေအနေတွင် ပြည်တွင်း၌ နှမ်းထွက်ချိန်ဖြစ်သဖြင့် နှမ်းအထွက်နှုန်း များနေသော်လည်း ပြည်ပမှ နှမ်းဝယ်ယူမှု နည်းပါးခြင်း၊ ပြည်တွင်း၌ နှမ်းလက်ကျန်များနေခြင်းတို့ကြောင့် နှမ်းစျေးနှုန်း ကျဆင်းလျက်ရှိသော်လည်း တရုတ်နိုင်ငံမှ ဝယ်လိုအားရှိနေသဖြင့် အရောင်းအဝယ် များပြားလျက်ရှိပါသည်။ မူဆယ်တွင် နှမ်းစျေးနှုန်း အနည်းငယ် ကျဆင်းလျက်ရှိသော်လည်း အရောင်းအဝယ်ဖြစ်မှု တန်ချိန်မှာ ယခင်တစ်ပတ်ထက် တန်ချိန်(3400)ကျော်ပိုမို တင်ပို့နိုင်ခဲ့ကြောင်း လေ့လာသိရှိရပါသည်။ 2019-2020 ဘဏ္ဍာနှစ်တွင် ပြည်ပသို့ နှမ်းတန်ချိန် (175840.95)တန် တင်ပို့နိုင်ခဲ့ပြီး၊ 2020-2021 ဘဏ္ဍာနှစ်တွင် ပြည်ပသို့ နှမ်းတန်ချိန် 1 သိန်း 3 သောင်းကျော် တင်ပို့ရန်လျာထားကြောင်း ပဲ၊ နှမ်းကုန်သည်အချို့ထံမှ လေ့လာသိရှိရပါသည်။

ဆန်စပါးဆိုင်ရာအပတ်စဉ် ဈေးကွက်၊ ဈေးနှုန်းသုံးသပ်တင်ပြချက်

ပြည်တွင်းကုန်သွယ်မှုသတင်း

စိုက်ပျိုးထွက်ရှိမှုအခြေအနေ

စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၏ စာရင်းအရ ပြည်တွင်းစပါးစိုက်ပျိုးမှုမှာ ၂၀၂၀-၂၀၂၁ ခုနှစ်၊ မိုးစပါး စိုက်ပျိုးရန် လျာထားဧက (၁၅.၀၆၆) သန်းအပေါ် (၃၁.၁၂.၂၀၂၀) ရက်နေ့အထိ (၁၄.၉၂၆) သန်း (၉၉.၀၇%) စိုက်ပျိုးနိုင်ခဲ့ပြီး၊ ရိတ်သိမ်းဧက (၁၃.၅၅၈) သန်းအပေါ် (၁) ဧကပျမ်းမျှအထွက်နှုန်း(၇၂.၀၉)တင်းဖြင့်စပါးတင်း (၉၇၇.၄၄၈) သန်းထွက်ရှိနေပြီဖြစ်ပါသည်။ ၂၀၂၀-၂၀၂၁ခုနှစ်၊ နွေစပါးများ လည်း စိုက်ပျိုးနေပြီဖြစ်ရာ စိုက်ပျိုးရန်လျာထားဧက(၂.၆၈၀) သန်းအပေါ်၃၁.၁၂.၂၀၂၀ရက်နေ့အထိ(၁.၀၇၁)သန်း(၃၉.၉၇%) စိုက်ပျိုးပြီးဖြစ်ပါသည်။

ကမ္ဘာ့စိုက်ပျိုးထုတ်လုပ်မှုအခြေအနေမှာ USDA ၏ စာရင်းအရ ၂၀၂၀-၂၀၂၁ ခုနှစ်အတွင်း ကမ္ဘာ့စပါးစိုက်ပျိုးမှု ၁၆၂.၄၃ ဟက်တာသန်း (ဧက၄၀၁.၂၀၂သန်း)၊ အထွက်နှုန်းတစ်ဟက်တာ ၄.၆၁ မက်တန် (၂၂၀.၈၆၅တင်း)၊ စုစုပေါင်း အထွက်မက်တန် ၅၀၁.၂၀ သန်း(စပါးတင်း ၂၄၀၁၂.၄၉၂သန်း) ဖြစ်ပါသည်။

ပြည်တွင်း စပါး၊ ဆန်ဈေးနှုန်းအခြေအနေ

၁၄.၁.၂၀၂၁ ရက်နေ့ရှိ ဧည့်မထအုပ်စုဝင် စပါး၊ဆန် ပြည်တွင်းဈေးနှုန်း

(၄၆) ပေါင်ကိုက် မိုးစပါးသစ် အလတ်စ (၁၀၈) ပေါင်ဝင်

တင်း(၁၀၀) ဈေးနှုန်း ဆန်သစ် တစ်အိတ် ဈေးနှုန်း

- ရန်ကုန် (သန်လျင်) ၅၉၀၀၀ဝိ/- ရန်ကုန်(သန်လျင်)၂၄၀၀ဝိ/-

- ပုသိမ် ၆၄၄၀၀ဝိ/- ပုသိမ် ၂၅၀၀ဝိ/-

- ပဲခူး ၆၁၆၀၀ဝိ/- ပဲခူး ၂၄၀၀ဝိ/-

- မန္တလေး ၇၃၀၀၀ဝိ/- မန္တလေး ၂၇၀၀ဝိ/-

- ပျဉ်းမနား ၇၂၀၀၀ဝိ/- ပျဉ်းမနား ၂၅၅၀ဝိ/-

- စစ်တွေ ၅၆၀၀၀ဝိ/- စစ်တွေ ၂၃၂၀ဝိ/-

- မော်လမြိုင် ၅၈၂၀၀ဝိ/- မော်လမြိုင် ၂၃၀၀ဝိ/-

- မကွေး ၇၀၀၀၀ဝိ/- မကွေး ၂၇၅၀ဝိ/-

ပြည်တွင်းဆန်ကွဲ(၁၀၈)ပေါင်ဝင် (၁) အိတ်ဈေးနှုန်းအခြေအနေ

B 1,2 B 2,3,4 Extra

ပုသိမ် ၁၉၀၀ဝိ/- ၁၈၀၀ဝိ/- ၂၁၀၀ဝိ/-

ပဲခူး ၁၉၅၀ဝိ/- ၁၈၅၀ဝိ/- ၂၀၅၀ဝိ/-

ရန်ကုန် ၁၉၆၀ဝိ/- ၁၈၈၀ဝိ/- ၂၀၆၀ဝိ/-

ပြည်ပသို့ ဆန်၊ ဆန်ကွဲ တင်ပို့နိုင်မှုနှင့်ပြည်ပဈေးကွက်အခြေအနေ

၂၀၂၀-၂၀၂၁ ဘဏ္ဍာနှစ် (၁-၁၀-၂၀၂၀ မှ ၁-၁-၂၀၂၁ နေ့ထိ) နိုင်ငံပေါင်း (၃၃)နိုင်ငံသို့ ဆန်တန်ချိန်(၄၀၈၄၅၄)၊ တန်ဖိုး (၁၆၃.၉၃၉) USD သန်း တင်ပို့နိုင်ခဲ့ပြီး၊ တရုတ်၊ ဖိလစ်ပိုင်၊ ပိုလန်နှင့် မလေးရှား နိုင်ငံများသို့ အများဆုံးတင်ပို့နိုင်ခဲ့ကြောင်း တွေ့ရှိရပါသည်။ ယခင်နှစ် ၂၀၁၉-၂၀၂၀ ဘဏ္ဍာနှစ်အလားတူကာလတွင် ဆန်တန်ချိန်(၆၃၂၀၉၃)၊ တန်ဖိုး(၁၈၉.၀၂၃)USD သန်း တင်ပို့ခဲ့သဖြင့် ယခင်နှစ် ထက် ဆန်တန်ချိန် (၂၂၃၆၃၉)၊ တန်ဖိုး(၂၅.၀၈၄) USD သန်းလျော့နည်း တင်ပို့ခဲ့ပါသည်။ ဆန်ကွဲတင်ပို့မှုအနေဖြင့် ၂၀၂၀-၂၀၂၁ ဘဏ္ဍာနှစ် (၁-၁၀-၂၀၂၀ မှ ၁-၁-၂၀၂၁ နေ့ထိ) နိုင်ငံပေါင်း(၁၈)နိုင်ငံသို့ တန်ချိန်(၂၃၉၇၀၄)၊ တန်ဖိုး (၈၁.၁၅၇) USDသန်း တင်ပို့နိုင်ခဲ့ပြီး၊ တရုတ်၊ ဘယ်ဂျီယံ၊ ထိုင်း၊ နယ်သာလန်နှင့် အင်ဒိုနီးရှားနိုင်ငံများသို့ အများဆုံး တင်ပို့နိုင်ခဲ့ကြောင်း တွေ့ရှိရပါသည်။ ယခင်နှစ် ၂၀၁၉-၂၀၂၀ ဘဏ္ဍာနှစ် အလားတူကာလ တွင် ဆန်ကွဲတန်ချိန်(၂၉၁၄၉၃)၊ တန်ဖိုး(၇၅.၇၅၁) USD သန်း တင်ပို့ခဲ့ သ ဖြင့် ယခင်နှစ်ထက် ဆန်ကွဲတန်ချိန် (၅၁၇၈၉)၊ တန်ဖိုး(၅.၄၀၆) USD သန်း လျော့နည်း တင်ပို့ခဲ့ပါသည်။

မူဆယ် (၁၀၅)မိုင် ကုန်စည်ဒိုင်သို့ ဆန်၊ ဆန်ကွဲဝင်ရောက်မှုနှင့် ဈေးနှုန်းအခြေအနေ

မူဆယ် (၁၀၅)မိုင် ကုန်စည်ဒိုင်သို့ (၄-၁-၂၀၂၁ မှ ၁၁-၁-၂၀၂၁ နေ့ထိ) ဆန်တန်ချိန် (၄၆၄၇)၊ ဆန်ကွဲ တန်ချိန် (၁၁၀၅၂) ဝင်ရောက်ခဲ့ပါသည်။ ရွှေလီအရောက် ဈေးနှုန်းမှာ ဆန်(၅၀)ကီလိုတစ်အိတ်လျှင် အမြင့်ဆုံး ဈေး (၁၃၅)ယွမ်၊ မြန်မာငွေ(၂၇၆၀၇)ကျပ်၊ အနိမ့်ဆုံးဈေး (၁၂၉)ယွမ်၊ မြန်မာငွေကျပ် (၂၆၃၈၀)ကျပ် ဈေးရရှိပြီး၊ တင်ပို့မှု တန်ချိန်မှာ ယခင်တစ်ပတ်ကထက် ပိုမိုခဲ့ကြောင်း သိရှိရပါသည်။ ဆန်ကွဲ (၅၀)ကီလိုတစ်အိတ်လျှင် အမြင့်ဆုံးဈေး (၁၃၀)ယွမ်၊ မြန်မာငွေ(၂၆၀၅၂)ကျပ်၊ အနိမ့်ဆုံးဈေး (၁၁၀)ယွမ်၊ မြန်မာငွေကျပ် (၂၂၄၄၄)ကျပ် ဈေးရရှိပြီး၊ တင်ပို့မှု တန်ချိန်မှာ ယခင်တစ်ပတ်ကထက် လျော့နည်းခဲ့ကြောင်း သိရှိရပါသည်။

သုံးသပ်ချက်

ထိုင်းနိုင်ငံတွင် ဘတ်ငွေဈေးမြင့်တက်နေမှုကြောင့် မြင့်တက်လာသောဆန်စျေးက ဝယ်လိုအားကို လျော့ကျ စေသွားခဲ့ပြီးနောက် ထိုင်းဆန်စျေးမှာ လများစွာအတွင်း အမြင့်ဆုံးရောက်ရှိခဲ့ရာမှ ပြန်လည်ကျဆင်းလာခဲ့ပါသည်။ ဈေးမြင့်နေသည့်အတွက် ပြည်ပအဝယ်မရှိဖြစ်နေပြီး အိန္ဒိယ၊ ဗီယက်နမ်နိုင်ငံတို့နှင့် နှိုင်းယှဉ်လျှင် ဆန်တင်ပို့မှု လျော့ကျနေ၍ ဈေးကွက် ဆုံးရှုံးမှုဖြစ်လာမှာကို စိုးရိမ်နေပါသည်။

ဗီယက်နမ်တွင် စပါးသစ်ပေါ်လာမည်ကို စောင့်ဆိုင်းရင်း လက်ရှိဆန်ရောင်းအားနည်းနေချိန်တွင် ဖိလစ်ပိုင် ကလည်း ဆက်တိုက်ဝယ် ယူနေခြင်းတို့ကြောင့် ဗီယက်နမ်ဆန်စျေးသည် (၉) နှစ်တာကာလအတွင်း အမြင့်ဆုံးသို့ မြင့်တက် သွားခဲ့ပါသည်။

အိန္ဒိယတွင် ရူပီးငွေဈေးတက်လာခြင်းကြောင့် ဆန်ဈေးမြင့်ခဲ့သော်လည်း အခြားဆန်တင်ပို့နိုင်ငံများနှင့် နှိုင်းယှဉ်လျှင် ဆန်စျေးနှုန်းသက်သာနေဆဲဖြစ်၍ အာရှနှင့် အာဖရိကဘက်က ဆန်ဝယ်လိုအား ဆက်လက် ကောင်းမွန်နေပြီး၊ ဗီယက်နမ်နိုင်ငံသည်လည်း ဆယ်စုနှစ်များစွာအတွင်း ပထမဆုံးအကြိမ်အဖြစ် အိန္ဒိယဆန်ကို စတင်ဝယ်ယူလာခဲ့ပါသည်။

ဘင်္ဂလားဒေ့ရှ်နိုင်ငံသည် အရန်ဆန်ဖြည့်တင်းရန်နှင့် စံချိန်တင်မြင့်တက်နေသော ဆန်စျေးကို ထိန်းချုပ်ရန် ဆန်တင်သွင်းခွန်ကို လက်ရှိ (၆၂.၅) % မှ (၂၅) % သို့ လျှော့ချပေးပြီး ပုဂ္ဂလိကလုပ် ငန်းများကို ဆန်တင်သွင်း ခွင့်ပြုသွားမည်ဖြစ်ကြောင်း၊ ဘင်္ဂလားဒေ့ရှ်အစိုးရသည် အိန္ဒိယအစိုးရလုပ်ငန်း NAFED အဖွဲ့ထံမှ ဆန်တန်ချိန် (၁)သိန်းတင်သွင်းရန်လည်း အပြီးသတ်ဆောင်ရွက်နေကြောင်း တာဝန်ရှိသူများက ရိုက်တာသတင်း ဌာနကိုပြော ပါသည်။

ပြည်တွင်းဆန်၊ စပါးစျေးကွက်တွင် ယခုနှစ် မိုးစပါးရာသီ၌ စတင်စိုက်ပျိုးချိန်တွင် မိုးရေလုံလောက်စွာ မရရှိခဲ့ခြင်း၊ ရိတ်သိမ်းချိန်တွင် မိုးရွာသွန်းမှုကြောင့် စပါးများပျက်စီးမှုများသဖြင့် အထွက်နှုန်း လျော့နည်းခဲ့သည့် အပြင် ယခုနှစ်တွင် တရုတ်နိုင်ငံ၏ ဝယ်လိုအားကောင်းခဲ့သဖြင့် စပါး၊ ဆန်ဈေးများမှာ ယခင်နှစ်ထက် များစွာ မြင့်တက်နေကြောင်း တွေ့ရှိရပါသည်။ ပြည်ပဆန်အဓိကထားတင်ပို့နေသည့် တရုတ်ဆန်ဈေးကွက်သည် ၂၀၂၀ ခုနှစ် အတွက် ဆန်ပါမစ်သက်တမ်းကုန်နေပြီဖြစ်၍ ၂၀၂၁ ခုနှစ်အတွက် ပါမစ်သစ်ချပေးရန် နှစ်ပတ်ကျော်ဝန်းကျင် စောင့်ဆိုင်းရအုံးမည်ဖြစ်ရာ လက်ရှိအချိန်တွင် ဆန်အရောင်းအဝယ်အေးနေသော်လည်း ဆန်ကွဲတင်ပို့နေရသည့် အတွက် စပါး၊ ဆန်ဈေးမှာ အမြင့်ဈေးတွင် ငြိမ်နေပါသည်။ ပါမစ်သစ်များချပေးချိန်တွင် တရုတ်သို့ ဆန်တင်ပို့မှု ပြန်လည်မြင့်တက်လာနိုင်ချေရှိခြင်း၊ ဘင်္ဂလားဒေ့ရှ်နိုင်ငံက ဆန် တန်ချိန် (၁) သိန်းကို G to G စနစ်ဖြင့် ဝယ်ယူရန် ညှိနှိုင်းနေခြင်း၊ မလေးရှားနိုင်ငံကလည်း ဆန်တန်ချိန် (၁၅၀၀၀)ခန့် ဝယ်ယူရန် ကမ်းလှမ်းမှုများရှိနေခြင်း၊ ဖိလစ်ပိုင်ကလည်း ဆန်ဝယ်ယူရန်မေးမြန်း စုံစမ်းမှုများ ရှိနေခြင်း၊ ၂၀၂၁ ခုနှစ်၊ နွေစပါးစိုက်ပျိုးချိန် ဆည်ရေ လုံလောက်မှု မရှိခြင်းကြောင့် နွေစပါးစိုက်ဧက လျော့နည်း နိုင်သလို အထွက်နှုန်းလည်း လျော့နည်းနိုင်ခြင်းစသည့် သတင်းအချက်အလက်များကြောင့် စပါး၊ ဆန်ဈေး ပိုမိုမြင့် တက်လာနိုင်ဖွယ်ရှိကြောင်း သုံးသပ် တွေ့ရှိရပါသည်။

စားသုံးဆီဆိုင်ရာ အပတ်စဉ် ဈေးကွက်၊ ဈေးနှုန်း သုံးသပ်တင်ပြချက်

ပြည်တွင်းကုန်သွယ်မှုသတင်း

မြန်မာနိုင်ငံ ဆီကုန်သည်နှင့် ဆီလုပ် ငန်းရှင်များအသင်းက နေ့စဉ်ထုတ်ပြန်ထား သော စားအုန်းဆီဈေးနှုန်းများကို လအလိုက် နှိုင်းယှဉ်ဖေါ်ပြအပ်ပါသည်။

ပြည်တွင်း စားအုန်းဆီဈေးနှုန်း (၅)လ အတွင်း ဖြစ်ပေါ်လျှက်ရှိသော လက်လီ ဈေးနှုန်းများကို ၉/၂၀၂၀ မှ ၁/၂၀၂၁ အထိ လအလိုက် နီးစပ်ရာ ကာလတူ ရက်စွဲဖြင့် နှိုင်းယှဉ်ကြည့်ပါက တစ်ပိဿာလျှင် ၁၉၀၀ ကျပ် မှ ၂၅၇၀ ကျပ်သို့ သိသိသာသာ ဈေးနှုန်း မြင့်တက် လာခဲ့ပါသည်။ မြန်မာနိုင်ငံ၌ COVID -19 စတင်ဖြစ်ပေါ်လာချိန်မှစ၍ အရေးပေါ် ရိက္ခာများ ဝယ်ယူရေး ကြီးကြပ်မှုကော်မ တီဖွဲ့စည်း၍ စားအုန်းဆီတန်ချိန် ၁၂၀၀၀ (၁၈ လီတာပုံး ၇၄၄၀၀၀) ဝယ်ယူခဲ့ပါသည်။ နေပြည်တော်ကောင်စီအပါအဝင် တိုင်းဒေသ ကြီး/ ပြည်နယ်များသို့ လူဦးရေ အချိုးအစား ပေါ်မူတည်၍ သတ်မှတ်တန်ချိန်အလိုက် ဖြန့်ခွဲထားရှိခဲ့ပါသည်။ သက်ဆိုင်ရာ တိုင်းဒေ သကြီး/ ပြည်နယ် အစိုးရအဖွဲ့များနှင့် ဌာနဆိုင် ရာများ ပေါင်းစပ်ညှိနှိုင်း၍ တိုင်းဒေသကြီး/ ပြည်နယ်များရှိ ကြိုတင်ဝယ်ယူစုဆောင်း ဖြန့်ခွဲ ထားသော နိုင်ငံတော်အရေးပေါ်ရိက္ခာ ဆီတန် ချိန် ၁၂၀၀၀ ကို စားသုံးသူများထံသို့ သက်သာ သော ဈေးနှုန်းဖြင့် ရောင်းချနိုင်ရေး စီစဉ် ဆောင်ရွက်လျက်ရှိ ကြောင်းသိရှိရပါသည်။

ချင်း(ဂျင်း) သီးနှံဆိုင်ရာ အပတ်စဉ် ဈေးကွက်၊ ဈေးနှုန်း သုံးသပ်တင်ပြချက်

ပြည်တွင်းကုန်သွယ်မှုသတင်း

စိုက်ပျိုးထွက်ရှိမှုအခြေအနေ

စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဌာန၏ စာရင်းများအရ မြန်မာနိုင်ငံတွင် ချင်း(ဂျင်း)စိုက် ဧရိယာ (၁၉၃၃၃) ဧကရှိပြီး အထွက်နှုန်းပိဿာ (၂၆၀၆.၇၆) ရှိပါသည်။ စုစုပေါင်း အထွက်ပိဿာ (၃၀၃၉၆၄၃၆) ဖြစ်ပါသည်။ ချင်း(ဂျင်း) အများဆုံးစိုက်ပျိုးသော ရှမ်းပြည်နယ်တွင် စိုက်ဧရိယာ (၁၂၇၈၇)ဧကဖြစ်ပြီး ပျမ်းမျှအထွက်နှုန်း (၃၂၉၄.၁၀)ပိဿာ၊ စုစုပေါင်း အထွက်ပိဿာ (၄၂၁၂၁၅၉၇) ထွက်ရှိပါသည်။ ချင်းပြည်နယ်တွင် စိုက်ဧက (၂၄၂၇) ဧကရှိပြီး ဒုတိယအများဆုံးစိုက်ပျိုးသော ပြည်နယ်လည်း ဖြစ်ပါသည်။ ပျမ်းမျှအထွက်နှုန်း (၉၆၀.၄၄) ပိဿာ၊ အထွက်စုစုပေါင်း (၂၃၃၀၉၈၈)ပိဿာ ထွက်ရှိပါသည်။ (၉၃၅) ဧကစိုက်ပျိုးသော မန္တလေးတိုင်းဒေသကြီးတွင် စုစုပေါင်းပိဿာ (၂၁၂၇၆၇၅) ထွက်ရှိပြီး ပျမ်းမျှအထွက်နှုန်းမှာ (၂၂၇၅.၅၉) ပိဿာထွက်ရှိပါသည်။ တတိယ အများဆုံး ချင်း(ဂျင်း)စိုက်ပျိုးသော တိုင်းဒေသကြီးလည်း ဖြစ်ပါသည်။

ဈေးနှုန်း၊ ဈေးကွက်အခြေအနေ

ချင်း(ဂျင်း)တစ်ပိဿာလျှင် ရှမ်းပြည်နယ်(တောင်ပိုင်း)တွင် ယခင်တစ်ပတ် (၂၀၀၀) ကျပ်မှ ယခုတစ်ပတ်တွင် (၂၁၀၀)ဖြစ်၍ (၁၀၀) ကျပ် ဈေးတက်ခဲ့ပါသည်။ ယခုတစ်ပတ်တွင် ချင်း(ဂျင်း) စိုက်ပျိုးသည့် ဒေသများဖြစ်သည့် ပင်းတယ၊ ဟဲဟိုးဒေသများ၏ ချင်း(ဂျင်း)အစို တစ်ပိဿာဈေးနှုန်းမှာ အနိမ့်ဆုံး (၂၀၀) ကျပ်မှ အမြင့်ဆုံး (၉၀၀) ကျပ် အထိ ဈေးနှုန်းဖြစ်ပေါ်ခဲ့ပြီး ရန်ကုန်၊ ပြည်၊ စစ်တွေ ဒေသများသို့ ကုန်ချိန်ပိဿာ(၇၇၆၀၀)ခန့် တင်ပို့ခဲ့ပါသည်။ ချင်း(ဂျင်း)ခြောက်ဈေးနှုန်းမှာ အောင်ပန်း ပွဲရုံများတွင် တစ်ပိဿာ (၂၀၀၀/၂၃၀၀)ကျပ် ဈေးဖြင့် တပ်ကုန်း၊ ပြည်၊ မုံရွာ ဒေသများသို့ ကုန်ချိန် (၂၄၈၀၀) ခန့် တင်ပို့ခဲ့ကြောင်း သိရှိရပါသည်။

ပြည်ပတင်ပို့မှုအခြေအနေ

ယခုဘဏ္ဍာနှစ်တွင် ပြည်ပသို့ ချင်း(ဂျင်း)ခြောက်တင်ပို့ မှုမှာ ၁-၁-၂၀၂၁ ရက်နေ့အထိ တန်ချိန် (၁၀၇၀.၂၈၅)၊ တန်ဖိုး (၀.၆၀၆) (USD) သန်း ဖြစ်ပါ သည်။ ယခုတစ်ပတ်တွင် တန်ချိန် (၁၉၉.၀၃၀)၊ တန်ဖိုး (၀.၀၃၅) (USD) သန်း တင်ပို့ခဲ့ပါသည်။ တရုတ်နိုင်ငံ၊ ထိုင်းနိုင်ငံ၊ အိန္ဒိယနိုင်ငံ၊ ဘင်္ဂလားဒေ့ရှ်နိုင်ငံ၊ ယီမင် နိုင်ငံ၊ အင်ဒိုနီးရှားနိုင်ငံ၊ ပါကစ္စတန်နိုင်ငံ၊ မလေးရှားနိုင်ငံ၊ စင်ကာပူနိုင်ငံနှင့် အာရပ်စော်ဘွားများပြည်ထောင်စုနိုင်ငံများသို့ တင်ပို့ခဲ့ကြောင်း သိရှိရပါသည်။

သုံးသပ်ချက်

မြန်မာနိုင်ငံတွင် ချင်း(ဂျင်း)စိုက်ပျိုးထွက်ရှိမှုအနေဖြင့် တန်ချိန် (၈၂၀၀၀) ကျော်ခန့်ရှိရာ ပြည်တွင်း စားသုံးပြီး ပိုလျှံသည့်တန်ချိန်များကို ပြည်ပသို့ တင်ပို့လျက် ရှိပါသည်။

ယခု (၂၀၂၀-၂၀၂၁) ဘဏ္ဍာနှစ်တွင် ၁-၁-၂၀၂၁ ရက်နေ့အထိ ချင်း(ဂျင်း) တန်ချိန် (၁၀၇၀.၂၈၅)၊ တန်ဖိုး (၀.၆၀၆) (USD) သန်း တင်ပို့နိုင်ခဲ့ကြောင်း သိရှိပါသည်။ ယခင် ဘဏ္ဍာနှစ် ကာလတူတွင် တန်ချိန် (၈၄၃.၄၈၄) ၊ တန်ဖိုး (၀.၆၁၃) (USD) သန်း တင်ပို့နိုင်ခဲ့သည့်အတွက် ယခင် ဘဏ္ဍာနှစ်ထက် တန်ချိန် (၂၂၆.၈၀၁) ပိုမို တင်ပို့နိုင်ခဲ့သော်လည်း FOB ဈေးနှုန်းလျော့နည်းခဲ့သဖြင့် တန်ဖိုး (၀.၀၀၇) (USD) သန်း လျော့နည်း ရရှိခဲ့ပါသည်။

ယခုနှစ် ချင်း(ဂျင်း)စိုက်ရာသီတွင် COVID-19 ကမ္ဘာ့ကပ်ရောဂါ ဖြစ်ပွားနေ၍ ပြည်တွင်း ဝယ်လိုအားများ ကျဆင်းနေခြင်းကြောင့် ဈေးနှုန်းအနည်းငယ်ကျဆင်းလျက်ရှိကြောင်း သိရှိရပါသည်။

14.1.2021

ပဲစဉ်းငုံသီးနှံဆိုင်ရာ အပတ်စဉ် ဈေးကွက်၊ ဈေးနှုန်း သုံးသပ်တင်ပြချက်

ပြည်တွင်းကုန်သွယ်မှုသတင်း

စိုက်ပျိုးထွက်ရှိမှုအခြေအနေ

၂၀၂၀ ခုနှစ်၊ ပဲစဉ်းငုံ စိုက်ဧက အနေဖြင့် (၁၀၉၁၇၀၅) စိုက်ပျိုးထားခဲ့ပြီး၊ ရိတ်သိမ်းဧက ပြီးစီးမှုအနေဖြင့် (၁၀၉၁၆၅၃) ထိ ရိတ်သိမ်းထားရှိခဲ့ပါကြောင်း၊ စုစုပေါင်းအထွက်နှုန်း (၁၄.၂၆) ဖြင့် ပဲစဉ်းငုံအထွက်တင်းပေါင်း (၁၅၅၆၉၂၄၅) တင်း ထွက်ရှိ ထားခဲ့ပြီး၊၂၀၂၁ခုနှစ် ရည်မှန်းစိုက်ဧကအနေဖြင့် (၁၁၇၂၃၀၅) ဧက၊ အထွက်နှုန်း (၁၅.၆၂)၊ အထွက်တင်းပေါင်း (၁၈၃၁၄၃၄၇) တင်း ဖြစ်ကြောင်း စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန စာရင်းများအရ သိရှိရပါသည်။ အမေရိကန်နိုင်ငံရှိ စိုက်ပျိုးရေးဦးစီးဌာနမှ ထုတ်ပြန်သည့် စာရင်းများအရ ပဲစဉ်းငုံ ကမ္ဘာ့စိုက်ပျိုး ထုတ်လုပ်မှုအခြေအနေမှာ ၄.၄၉ သန်း နီးပါး စိုက်ပျိုးထားရှိပြီး ဖြစ်ပါကြောင်း သိရှိရပါသည်။

ဈေးနှုန်း၊ ဈေးကွက်အခြေအနေ

ပဲစဉ်းငုံ အဓိက စိုက်ပျိုး ထုတ်လုပ် တင်ပို့ရောင်းချနေသည့် ကုန်စည်ဒိုင်ကြီးများ၏ (၁၄.၁.၂၀၂၁) ရက်နေ့တွင် ဖြစ်ပေါ်နေသော ပဲစဉ်းငုံ တစ်တန် ဈေးနှုန်းများမှာ-

(၇၆၀,၀၀ဝိ /-) ကျပ်၊
(၇၂၄,၅၀ဝိ /-) ကျပ်၊
(၇၁၉,၆၀ဝိ /-) ကျပ်၊
(၇၃၁,၈၀ဝိ /-) ကျပ်၊
(၇၃၄,၉၀ဝိ /-) ကျပ်၊
(၇၁၉,၆၀ဝိ /-) ကျပ်၊
(၇၂၈,၇၀ဝိ/-) ကျပ်၊
(၆၇၃,၆၀ဝိ/-) ကျပ်၊

အိန္ဒိယနိုင်ငံ မွန်ဘိုင်းဈေးနှုန်းအနေဖြင့် (၇၇၇) ဒေါ်လာဈေး ဖြင့် ဈေးနှုန်း ဖြစ်ပေါ်နေကြောင်း သိရှိရပါသည်။

ပြည်ပတင်ပို့မှုအခြေအနေ

ပဲစဉ်းငုံကို ယခု ဘဏ္ဍာနှစ် ၁.၁၀.၁၉ မှ ၁.၁.၂၀၂၁ ထိ ပင်လယ်ရေကြောင်းနှင့်နယ်စပ်မှ ပဲစဉ်းငုံ တန်ချိန်စုစုပေါင်း (၉၂၁၈၆)၊ တန်ဖိုး (၆၃.၂၀၈) ဒေါ်လာသန်း တင်ပို့နိုင်ခဲ့ပါသည်။ ယခင် နှစ် ကာလတူထက် (၆၅၆၉၀)တန် တင်ပို့နိုင်ခဲ့ပြီး၊ တန်ဖိုးအားဖြင့် (၄၈.၁၆၇)ဒေါ်လာသန်း ပိုမို ရရှိခဲ့ပါသည်။ (၈.၁.၂၀၂၁) ရက်နေ့၊ တိုင်းဒေသကြီး၊ ပြည်နယ်များ၏ တင်ပြချက်စာရင်းများအရ ခန့်မှန်း လက်ကျန်မှာ (၂၅၅၉၃)တန် ဖြစ်ပါသည်။

သုံးသပ်ချက်

မြန်မာနိုင်ငံမှ ပဲစဉ်းငုံကို တင်ပို့ရာတွင် ကုန်သွယ်ရေးနည်းလမ်းများဖြစ်သည့် ပင်လယ်ရေကြောင်း နှင့် နယ်စပ်ကုန်သွယ်ရေးလမ်းကြောင်းများဖြင့် ပြည်ပဈေးကွက်များသို့ အဓိက တင်ပို့လျက်ရှိနေပါသည်။ ပဲစဉ်းငုံကို အဓိကအားဖြင့် အိန္ဒိယနိုင်ငံကို အများဆုံးတင်ပို့နေပြီး၊ ယခုနှစ်တွင် ယခင်နှစ် ကာလတူထက် ပိုမိုတင်ပို့နိုင်ခဲ့ပြီး ယခင်နှစ်ကထက် ဈေးနှုန်းလည်း ပိုမိုမြင့်တက်ခဲ့ပါသည်။

၂၀၂၁ ခုနှစ် ၊ ဇန်နဝါရီလ ၉ ရက်နေ့တွင် အိန္ဒိယ ပဲစဉ်းငုံဈေးကွက်တွင် ပဲစဉ်းငုံ အသစ်များ ပိုမို ဝင်ရောက်လာသည့်အတွက်ကြောင့် အိန္ဒိယ အစိုးရက ပဲစဉ်းငုံ အဟောင်းလက်ကျန်များကို အရင်ထုတ် ရောင်းနေရကြောင်း သိရှိရပါသည်။အိန္ဒိယနိုင်ငံ ပဲစဉ်းငုံ အများဆုံး စိုက်ပျိုးသည့် ဒေသများတွင် တိမ်ထူပြီး မိုးရွာသည့်အတွက်ကြောင့် ပဲစဉ်းငုံအသစ်များတွင် အစိုဓာတ်ပိုမိုပါဝင်လာခဲ့ကာ အထွက်နှုန်းသည်လည်း ယခင်နှစ်ကထက် ပိုမိုလျော့နည်းလာမည်ဟု ခန့်မှန်းထားကြကြောင်း သိရှိရပါသည်။

လက်ရှိအချိန်တွင် မြန်မာ့ပဲစဉ်းငုံ ဈေးကွက်အခြေအနေသည် အိန္ဒိယနိုင်ငံကို အဓိကထား တင်ပို့ ရောင်းချနေရသည့်အတွက်ကြောင့် နောက်ပိုင်းတွင် အခြားနိုင်ငံများကို ပိုမိုဈေးကွက်ရှာဖွေ တင်ပို့ရောင်း ချနိုင်အောင် ဆောင်ရွက်သင့်ပါကြောင်းနှင့် ထိုသို့ ပြည်ပဈေးကွက်များ ပိုမိုရရှိနိုင်ရန်အတွက် သက်ဆိုင်ရာ ဌာနဆိုင်ရာများ၊ အသင်းအဖွဲ့များ၊ လုပ်ငန်းရှင်များနှင့် ပညာရှင်များကပါ ပူးပေါင်းပါဝင်ဆောင်ရွက်လျှင် ပိုမိုထိရောက် အောင်မြင်လာနိုင်မည် ဖြစ်ပါကြောင်း တင်ပြအပ်ပါသည်။

သစ်သီးဝလံကဏ္ဍ (ထောပတ်သီး) အပတ်စဉ် ဈေးကွက်၊ ဈေးနှုန်း သုံးသပ်တင်ပြချက်

ပြည်တွင်းကုန်သွယ်မှုသတင်း

ပြည်တွင်းစိုက်ပျိုးထုတ်လုပ်မှု

၂၀၁၉-၂၀၂၀ ခုနှစ် ထောပတ်သီးစိုက်ပျိုးမှုမှာ စိုက်ပျိုးရေးဦးစီးဌာန၏ စာရင်းများအရ ရှမ်းပြည်နယ် (တောင်ပိုင်း) တွင် (၁၇၂၆) ဧက၊ ရှမ်းပြည်နယ် (မြောက် ပိုင်း)တွင် (၁၈၀) ဧက၊ ချင်းပြည်နယ်တွင် (၆၅၇) ဧက၊ ကယားပြည်နယ်တွင် (၈၅) ဧကနှင့် မန္တလေးတိုင်းဒေသ ကြီးတွင် (၂၅၉) ဧက၊ စုစုပေါင်း (၂၉၀၇) ဧက စိုက်ပျိုး ခဲ့ကြောင်း သိရှိရပါသည်။ သို့သော်လည်း မြန်မာနိုင်ငံ ထောပတ်သီးစိုက်ပျိုးထုတ်လုပ်တင်ပို့ရောင်းချသူများအသင်း၏ စာရင်းများအရ တစ်နိုင်ငံလုံး ထောပတ်သီးစိုက်ပျိုးမှုမှာ ဧက (၃၀၀၀၀) ကျော်ရှိကြောင်း သိရှိရပါသည်။

ဈေးနှုန်း၊ ဈေးကွက်အခြေအနေ

မန္တလေးတိုင်းဒေသကြီးတွင် ထောပတ်သီးကို ပြင်ဦး လွင်မြို့နယ်နှင့် မိုးကုတ်မြို့နယ်တို့တွင်သာ စိုက်ပျိုးခြင်းရှိ သဖြင့် ဒေသတွင်းစားသုံးမှုလိုအပ်ချက်ကို ရှမ်းပြည်နယ်၊ ရွာငံမြို့နယ်မှ ထောပတ်သီးများဖြင့် ဖြည့်ဆည်းလျက်ရှိပါ သည်။ ထို့ပြင် ရှမ်းပြည်နယ်မှ ထွက်ရှိသော ထောပတ်သီး များကို ရန်ကုန်မြို့၊ သီရိမင်္ဂလာဈေးသို့ ထောပတ်သီး ထွက်ရှိသည့်ရာသီတွင် နေ့စဉ် တင်ပို့လျှက်ရှိပါသည်။ ကယားပြည်နယ်တွင် ဖရူဆိုမြို့နယ်၊ ဒီမောဆိုးမြို့နယ်နှင့် လွိုင်ကော်မြို့နယ်တို့တွင် မိသားစုတစ်ပိုင်တစ်နိုင် စိုက်ပျိုးထားခြင်းမျိုးသာရှိပြီး ထွက်ရှိလာသော ထောပတ်သီးများအား ဒေသတွင်း၌သာ ရောင်းချကြောင်း သိရှိရပါသည်။ လက်ရှိဈေးနှုန်းအနေဖြင့် မန္တလေးဈေး ကွက်တွင် ထောပတ်သီး တစ်တင်းခွဲအိတ် (၁) အိတ်လျှင် အနိမ့်ဆုံး (၂၅၀၀၀) ကျပ်မှ အမြင့်ဆုံး (၄၅၀၀၀) ကျပ်အထိရှိပြီး ရှမ်းပြည်နယ် ဈေးကွက်တွင် ထောပတ်သီး (၁) လုံး ဈေးနှုန်းမှာ အနိမ့်ဆုံး (၂၅၀) ကျပ်မှ အမြင့်ဆုံး(၁၀၀၀)ကျပ် အသီးသီးရှိကြောင်း သိရှိရပါသည်။

ပြည်ပတင်ပို့မှုအခြေအနေ

ထောပတ်သီး ပြည်ပတင်ပို့မှုတွင် ၂၀၂၀-၂၀၂၁ ဘဏ္ဍာနှစ် (၁-၁၀-၂၀၂၀ မှ ၁-၁-၂၀၂၁) ရက်နေ့ထိ ထောပတ်သီး တန်ချိန်(၁၁၀၈.၂၁)တန်၊ တန်ဖိုး အမေရိ ကန်ဒေါ်လာ (၀.၂၇၇) သန်း တင်ပို့ခဲ့ပြီး ယခင်နှစ် အလားတူကာလတွင် ထောပတ်သီး တန်ချိန် (၇၂၅) တန်၊ တန်ဖိုး အမေရိကန်ဒေါ်လာ (၀.၁၆၇၀) သန်း တင်ပို့ ခဲ့သဖြင့် ယခင်နှစ်ထက် တန်ချိန် (၃၈၃.၂၁) တန်၊ တန်ဖိုး အမေရိကန်ဒေါ်လာ (၀.၁၁) သန်း တိုးတက် တင်ပို့နိုင်ခဲ့ပါသည်။

စင်္ကာပူနိုင်ငံ၏ ထောပတ်သီးဈေးကွက်အခြေအနေ

စင်္ကာပူနိုင်ငံ၏ ထောပတ်သီးတင်သွင်းမှု (ဝယ် လိုအား) သည် ၂၀၁၀ ခုနှစ်တွင် တန်ချိန် (၁၂၈၅) တန်၊ တန်ဖိုး အမေရိကန်ဒေါ်လာ (၄) သန်း တင်သွင်းခဲ့ရာမှ ၂၀၁၉ ခုနှစ်တွင် တန်ချိန် (၅၄၆၉) တန်၊ တန်ဖိုး အမေရိကန်ဒေါ်လာ (၁၉.၅) သန်းထိ တင်သွင်းခဲ့သဖြင့် တင်သွင်းမှုမှာ ၄ ဆ ကျော် မြင့်တက်လာခဲ့ပါသည်။ စင်္ကာပူနိုင်ငံအနေဖြင့် တင်သွင်းလာသော ထောပတ် သီးများကို ပြည်ပသို့ ပြည်လည်တင်ပို့မှုရှိသော်လည်း ပမာဏအနည်းငယ်သာ တင်ပို့ခြင်းဖြစ်သောကြောင့် ပြည်တွင်းစားသုံးရန်သာ အဓိကတင်သွင်းခြင်းဖြစ် ကြောင်း သိရှိရပါသည်။

စင်္ကာပူသည် ထောပတ်သီးကို နိုင်ငံပေါင်း (၃၀) ကျော်မှ တင်သွင်းလျှက်ရှိပြီး ၂၀၁၉ ခုနှစ် စာရင်း များအရ ဈေးကွက်ဝေစုအများဆုံးပိုင်ဆိုင်ထားသော နိုင်ငံများမှာ ဩစတေးလျ (၃၉ %)၊ မက္ကဆီကို (၃၁ %)၊ နယူးဇီလန် (၁၁%)၊ ကင်ညာ (၆ %)၊ တောင်အာဖရိက (၆ %)နှင့် အမေရိကန် (၄ %) တို့ဖြစ်ကြောင်း သိရှိရပါ သည်။

ဖရဲသီး သီးနှံဆိုင်ရာ အပတ်စဉ် ဈေးကွက်၊ ဈေးနှုန်း သုံးသပ်တင်ပြချက်

ပြည်တွင်းကုန်သွယ်မှုသတင်း

စိုက်ပျိုးထွက်ရှိမှုအခြေအနေ

ဖရဲသီး ပြည်တွင်းစိုက်ပျိုးထုတ်လုပ်မှုအခြေအနေမှာ စိုက်ပျိုးရေးဦးစီးဌာန၏ စာရင်းများအရ ၂၀၁၉-၂၀၂၀ ဘဏ္ဍာ နှစ်တွင် စုစုပေါင်း စိုက်ဧက (၆၃၈၈၅) ဧက၊ ရိတ်သိမ်းဧက (၆၃၈၈၅) ဧက၊ ပျမ်းမျှအထွက်နှုန်း (၁၉.၈၇) တန်ဖြစ်ပြီး စုစု ပေါင်းထွက်ရှိမှုမှာ တန်ချိန် (၁၂၆၉၄၇၉) တန်ခန့် ထွက်ရှိ ကြောင်း သိရှိရပါသည်။

ဈေးနှုန်း၊ ဈေးကွက်အခြေအနေ

မြန်မာနိုင်ငံမှထွက်ရှိသည့် ဖရဲသီးများကို ပြည်တွင်း စားသုံးမှုအပြင် နယ်စပ်လမ်းကြောင်းမှတဆင့် တရုတ်နိုင်ငံ သို့ အများဆုံးတင်ပို့လျှက်ရှိပြီး ထိုင်းနှင့် အိန္ဒိယနိုင်ငံများသို့ လည်း တင်ပို့လျှက်ရှိပါသည်။ မူဆယ် (၁၀၅) မိုင် ကုန်သွယ် ရေးဇုန်၌ (၂၈-၁၂-၂၀၂၀) ရက်နေ့မှ (၃-၁-၂၀၂၁) ထိ ဖြစ်ပေါ် လျှက်ရှိသော ဖရဲသီးဈေးနှုန်းများမှာ ဖရဲသီးအဝိုင်းကြား (၁) တန် ဈေးနှုန်းမှာ (၈၀၀ မှ ၂၃၀၀) ယွမ်၊ အစေ့မဲ့ဖရဲ (၁) တန် ဈေးနှုန်းမှာ (၁၀၀၀ မှ ၃၅၀၀) ယွမ် ထိရှိကြောင်း သိရှိရပါသည်။ ဖရဲအကြားသီးကို မန္တလေး၊ မြင်းခြံ၊ ဝမ်းတွင်း၊ ကျိုက်ထို၊ ဘီးလင်း၊ ချောင်းဦးမှ တင်ပို့လာခဲ့ပြီး၊ ဖရဲအဝိုင်း အကြားသီးကို မန္တလေး၊ မြင်းခြံ၊ ချောင်းဦးမှ တင်ပို့လာခဲ့ကြောင်း သိရှိရပါသည်။

ပြည်ပတင်ပို့မှုအခြေအနေ

ဖရဲသီးကို နယ်စပ်လမ်းကြောင်းများမှတဆင့် ပြည်ပသို့ တင်ပို့လျှက်ရှိရာ ၂၀၂၀-၂၀၂၁ ဘဏ္ဍာနှစ် (၂၅-၁၂-၂၀၂၀) ရက်နေ့အထိ တန်ချိန် (၈၆၆၉၄.၃) တန်၊ တန်ဖိုးအားဖြင့် အမေရိကန်ဒေါ်လာ (၈.၆၀၉) သန်း တင်ပို့ခဲ့ပါသည်။ ယခင်နှစ် အလားတူကာလတွင် တန်ချိန် (၂၀၂၃၅၈.၅) တန်၊ အမေရိကန်ဒေါ်လာ (၁၇.၃၂၅) သန်း တင်ပို့ခဲ့သဖြင့် ကာလတူနှိုင်းယှဉ်ပါက တင်ပို့မှုမှာ တန်ချိန် (၁၁၅၆၆၄.၂) တန်၊ တန်ဖိုး အမေရိကန်ဒေါ်လာ (၈.၇၁၆) သန်း လျော့နည်းခဲ့ပါသည်။

သုံးသပ်တင်ပြချက်

မြန်မာနိုင်ငံမှ သစ်သီးဝလံနှင့်ဟင်းသီးဟင်းရွက်များကို နယ်စပ်ကုန်သွယ်ရေးနည်းလမ်းဖြင့် သာမက ပင်လယ်ရေကြောင်းလိုင်းနှင့် လေကြောင်းလိုင်းများဖြင့်ပါ ပြည်ပဈေးကွက်များသို့ တင်ပို့လျက် ရှိပါသည်။ ဖရဲသီးကို တရုတ်နိုင်ငံသို့သာ အဓိကတင်ပို့နေရပြီး ယခင်နှစ်များထက် တင်ပို့မှုပမာဏ လျော့ ကျခဲ့သော်လည်း ဈေးနှုန်းမြင့်မားစွာရရှိကြောင်း သိရှိရပါသည်။

၂၀၂၁ ခုနှစ်၊ ဇန်နဝါရီလ(၅)ရက်နေ့တွင် တရုတ်နိုင်ငံ၌ အအေးပိုနေခြင်းနှင့် အချို့ဒေသများတွင် ကိုဗစ်-၁၉ ရောဂါအနည်းငယ်ပြန်တွေ့ခြင်းကြောင့် ဖရဲသီးဈေးနှုန်းများ အနည်းငယ်ကျသွားကြောင်း သိရှိရပါသည်။

တရုတ်နိုင်ငံသို့ ဖရဲသီး အဓိကတင်ပို့ရာလမ်းကြောင်းဖြစ်သည့် ကျင်စန်းကျော့ဂိတ်ကို ဇန်နဝါရီလ (၅) ရက်နေ့မှစ၍ မြန်မာစံတော်ချိန် နံနက် (၇:၀၀) နာရီမှ ည (၈:၃၀) နာရီအထိ အချိန်တိုးမြှင့်ဖွင့်လှစ် လိုက်သဖြင့် ဖရဲသီးကားများ ပိုမိုဝင်ရောက်နိုင်မည်ဖြစ်ပါသည်။ ထိုသို့ နယ်စပ်ဂိတ်များ အချိန်တိုးမြှင့်ဖွင့် လှစ်လိုက်ခြင်းကြောင့် ကုန်စည်စီးဆင်းမှုမြန်ဆန်၍ ဖရဲသီးကားများ ပိုမိုတင်သွင်းနိုင်သော်လည်း ဈေး ကွက်ကို ထိန်းထားနိုင်ရန်အတွက် ဈေးကွက်ရောင်းချရမှုပေါ်အခြေခံ၍ တင်ပို့သွားမည်ဖြစ်ကြောင်း မူဆယ်သစ်သီးဝလံကုန်စည်ဒိုင်မှ သိရှိရပါသည်။

လက်ရှိအချိန်တွင် မြန်မာ့ဖရဲသီး၏ ပြည်ပဈေးကွက်အနေဖြင့် တရုတ်ဈေးကွက် တစ်ခုတည်းသာ အဓိကအားထားနေရသဖြင့် ရေရှည်တွင် ပြည်ပဈေးကွက်များ တိုးချဲ့ရှာဖွေ၍ တင်ပို့နိုင်ရန် လိုအပ်လျှက် ရှိပါသည်။ ၂၀၂၀ ပြည့်နှစ်၊ ဒီဇင်ဘာလတွင် ပြည်တွင်းကုမ္ပဏီတစ်ခုက မြန်မာ့အစေ့လွတ်ဖရဲသီး တန်ချိန် (၂၀) ကျော်ကို UAE နိုင်ငံသို့ စမ်းသပ်တင်ပို့ခဲ့ရာ အရည်အသွေးပိုင်းဆိုင်ရာ၌ ရလဒ်ကောင်းများ ရရှိခဲ့ သဖြင့် တင်ပို့နိုင်ရန် အလားအလာကောင်းများရှိကြောင်း သိရှိရပါသည်။ ထိုသို့ ပြည်ပဈေးကွက် တိုးချဲ့ တင်ပို့နိုင်ရေးအတွက် သက်ဆိုင်ရာအစိုးရဌာနများ၊ အသင်းအဖွဲ့များနှင့် လုပ်ငန်းရှင်များက စနစ်တကျ ပူးပေါင်းဆောင်ရွက်သင့်ပါကြောင်း လေ့လာတင်ပြအပ်ပါသည်။

Languages

Main menu

ပြည်တွင်းကုန်သွယ်မှုသတင်း

ပန်းနှမ်းသီးနှံ ထုတ်လုပ်မှု၊ စျေးနှုန်း၊ စျေးကွက် အခြေအနေလေ့လာသုံးသပ်တင်ပြခြင်း

ပဲတီစိမ်းသီးနှံဆိုင်ရာ အပတ်စဉ် ဈေးကွက်၊ ဈေးနှုန်း သုံးသပ်တင်ပြချက်

သစ်သီးဝလံကဏ္ဍ (ဖရဲသီး) အပတ်စဉ် ဈေးကွက်၊ ဈေးနှုန်း သုံးသပ်တင်ပြချက်

နှမ်းသီးနှံဆိုင်ရာ အပတ်စဉ် ဈေးကွက်၊ ဈေးနှုန်း သုံးသပ်တင်ပြချက်

ဆန်စပါးဆိုင်ရာအပတ်စဉ် ဈေးကွက်၊ ဈေးနှုန်းသုံးသပ်တင်ပြချက်

စားသုံးဆီဆိုင်ရာ အပတ်စဉ် ဈေးကွက်၊ ဈေးနှုန်း သုံးသပ်တင်ပြချက်

ချင်း(ဂျင်း) သီးနှံဆိုင်ရာ အပတ်စဉ် ဈေးကွက်၊ ဈေးနှုန်း သုံးသပ်တင်ပြချက်

ပဲစဉ်းငုံသီးနှံဆိုင်ရာ အပတ်စဉ် ဈေးကွက်၊ ဈေးနှုန်း သုံးသပ်တင်ပြချက်

သစ်သီးဝလံကဏ္ဍ (ထောပတ်သီး) အပတ်စဉ် ဈေးကွက်၊ ဈေးနှုန်း သုံးသပ်တင်ပြချက်

ဖရဲသီး သီးနှံဆိုင်ရာ အပတ်စဉ် ဈေးကွက်၊ ဈေးနှုန်း သုံးသပ်တင်ပြချက်

Pages

You are here

ပြည်တွင်းကုန်သွယ်မှုသတင်း

Pages