ပြည်တွင်းကုန်သွယ်မှုသတင်း

          အင်းစိန်မြို့နယ်ရှိ တညင်းကုန်းလက်ကားဈေးကြီးအတွင်းသို့ ဧပြီလ (၂၉)ရက်နေ့မှ ‌မေလ (၅)ရက်အတွင်း ညောင်တုန်း၊ မှော်ဘီ၊ သာရဝေါ၊ ညောင်နှစ်ပင်ကျေးရွာ၊ ကြာကန်စု ကျေးရွာ၊ နေပြည်တော်၊ တပ်ကုန်း၊ ရွှေဒါး၊  မင်္ဂလာဒုံ၊ အင်းစိန်၊ ခရမ်း၊ သုံးခွ၊ ပြည်၊ လက်ပံတန်း၊ မင်းလှ၊ ဝါးနက်ချောင်း၊ မော်လမြိုင်၊ မန္တလေး၊ အုတ်ဖိုနှင့် ရှမ်းပြည်နယ်တို့မှ ဟင်းသီးဟင်းရွက်နှင့် သစ်သီးဝလံပန်းမန်များ အများဆုံးဝင်ရောက် ရောင်းချနေကြောင်း သိရှိရပါတယ်။ ထိုသို့ဝင်ရောက် ရာတွင် ယခုရက်သတ္တပတ်အတွင်း ခရမ်းချဉ်သီးထိုင်ဝမ် (ပိဿာ)ကျပ် ၅၀၀ မှ ၈၀၀ အတွင်း၊ ဂေါ်ဖီထုပ်(တစ်ထုပ်)ကျပ် ၅၀၀ မှ ၈၀၀ အတွင်း၊ ပန်းဂေါ်ဖီ(ထုပ်)ကျပ် ၄၀၀ မှ ၇၀၀ အတွင်း၊ အာလူး(ပိဿာ)ကျပ် ၁၅၀၀ မှ ၂၈၀၀ အတွင်း၊ မုန်လာဥနီ(ပိဿာ) ကျပ် ၁၀၀၀ မှ ၁၅၀၀ အတွင်း၊ ရွှေဖရုံသီး(လုံး)ကျပ် ၈၀၀ မှ ၁၃၀၀ အတွင်း၊ ဗူးသီး(လုံး) ကျပ် ၅၀၀ မှ ၁၈၀၀ အတွင်း၊ မုန်ညှင်း(ထုပ်)(ပိဿာ)ကျပ် ၆၀၀ မှ ၁၅၀၀ အတွင်း၊ ကြက်သွန်နီ(ဆိပ်ဖြူ)ကျပ် ၅၀၀ မှ ၁၂၀၀ အတွင်း၊ ကြက်သွန်ဖြူ(ရှမ်း)(ပိဿာ) ၁၃၀၀ မှ ၂၈၀၀ အတွင်း၊ ကြက်သွန်ဖြူ(ကြူကုတ်)(ပိဿာ) ကျပ် ၂၈၀၀ မှ ၃၅၀၀ အတွင်း၊ ချင်း(ပိဿာ)ကျပ် ၈၀၀ မှ ၁၀၀၀ အတွင်း၊ ချဉ်ပေါင်ရွက်(စီး) ကျပ် ၇၀ မှ ၁၀၀ အတွင်း၊ ခရမ်းသီး(ရှည်)(ပိဿာ)ကျပ် ၅၀၀ မှ ၁၂၀၀ အတွင်း၊ သံပရာသီး(လုံး)ကျပ် ၁၅၀ မှ ၂၀၀ အတွင်း၊ ငရုတ်သီးစိမ်း (ကျောက်စိမ်း) (ပိဿာ) ၁၀၀၀ မှ ၁၃၀၀ အတွင်း၊ ဖရဲသီး (အကြီး၊ အလတ်၊ အသေး)ကျပ် ၂၀၀၀ မှ ၃၅၀၀ အတွင်း ဖြစ်ကြောင်း သိရှိရပါတယ်။ တညင်းကုန်း လက်ကားဈေးကြီးအတွင်းသို့ ယခုရက်သတ္တပတ်အတွင်း သံပုရာသီးအလုံးပေါင်း (၁၆၄၈၀၀)ကျော်၊ ခရမ်းသီး(ရှည်)(ပိဿာ)(၉၉၇၅)ကျော်၊ ဗူးသီးအလုံး ပေါင်း (၃၆၅၀)ကျော်၊ ရွှေဖရုံသီးအလုံးပေါင်း (၃၆၅၀)ကျော်၊ ဂေါ်ဖီထုပ်ပေါင်း (၃၁၇၀၀)ကျော်၊ ပန်းဂေါ်ဖီ ထုပ်ပေါင်း (၉၁၇၀)ကျော်၊ မုန်ညှင်း ထုပ်(ပိဿာ)ပေါင်း (၁၇၀၉၀)ကျော်၊ ဖရဲသီးလုံး ပေါင်း (၁၂၄၀၀) ကျော် အသီးသီးကုန်အဝင် ရှိကြောင်း သိရပါတယ်။

DOCA(ရန်ကုန်)

သန်လျင်၊ မေလ ၄ ရက်

          ရန်ကုန်တောင်ပိုင်းခရိုင် ၂၀၂၁-၂၀၂၂ ခုနှစ် နွေစပါးအား သန်လျင်၊ ခရမ်း၊ တွံတေး၊ ကော့မှူး၊ ကွမ်းခြံကုန်းမြို့နယ်များတွင် ဧက(၆၉,၀၀၀)ကျော် စိုက်ပျိုးခဲ့ရာ ယခုအခါ လှိုင်လှိုင်ပေါ်ထွက်နေပြီ ဖြစ်ကြောင်း တောင်သူများထံမှသိရှိရသည်။

          သန်လျင်၊ ကျောက်တန်း၊ ခရမ်းမြို့နယ်များတွင် နွေစပါး ဧကအနည်းငယ်သာ စိုက်ပျိုးပြီး တွံတေးမြို့နယ်တွင် ကျေးရွာအုပ်စု(၈)စု၊ ကော့မှူးမြို့နယ်တွင် ကျေးရွာ(၁၂)ရွာ၊ ကွမ်းခြံကုန်းမြို့နယ် တွင် ကျေးရွာ (၂၇)ရွာ စိုက်ပျိုးခဲ့ကြောင်း စိုက်ပျိုးရေးဦးစီးဌာနမှ စုံစမ်းသိရှိရသည်။

          ၂၀၂၁-၂၀၂၂ ခုနှစ် မေလဆန်းတွင် နွေစပါး (၄၆)ပေါင် စပါးတင်း (၁၀၀)လျှင် ကျပ် (၇၃၀,၀၀၀) ဝန်းကျင်ခန့် ပေါက်ဈေးရှိနေကြောင်း တောင်သူများထံမှ သိရရှိပါသည်။

DOCA(ရန်ကုန်)

           ကယားပြည်နယ်တွင် ဆီထွက်သီးနှံတစ်မျိုးဖြစ်သည့် မြေပဲကိုလည်းအဓိကထား စိုက်ပျိုးလျှက်ရှိပြီး မိုးမြေပဲကို မေလနှင့်ဇွန်လမှာ စိုက်ပျိုးကြပြီး အောက်တိုဘာလတွင် ထွက်ရှိကြောင်း၊ ဆောင်းမြေပဲကို အောက်တိုဘာလမှာ စိုက်ပျိုးပြီး ဖေဖော်ဝါရီလတွင်ထွက်ရှိပြီး မြေပဲကို လွိုင်ကော် ခရိုင် လွိုင်ကော်မြို့နယ်၊ဒီးမော့ဆိုမြို့နယ်နှင့် ဖရူဆိုမြို့နယ်များတွင် အများဆုံးစိုက်ပျိုးကြပါသည်။ ၂၀၂၁-၂၀၂၂ခုနှစ် မြေပဲစိုက်ဧက (၉၈၀၆)ဧကစိုက်ပျိုးပြီး ထွက်ရှိနှုန်းမှာ(၄၄၁၅၃၂)တင်းထွက်ရှိပြီး ဆီထွက်နှုန်းမှာ(၆၇၇၀၈၄)ပိဿထွက်ရှိကြောင်း စိုက်ပျိုးရေးစာရင်းအရသိရှိရပြီး မတ်လမှမေလ အတွင်း မြေပဲဆံဈေးနှုန်းတစ်ပိသာလျှင် (၄၀၀၀)ကျပ်နှုန်း၊ မြေပဲဆီ တစ်ပိသာလျှင် (၁၀၀၀၀) ကျပ် ဈေးနှုန်းဖြင့် အရောင်းအဝယ်ဖြစ်လျှက်ရှိပြီး ယခင်ဇန်နဝါရီလမှ ဖေဖော်ဝါရီလအတွင်း မြေပဲဆံ တစ်ပိသာလျှင် (၃၁၀၀) ကျပ်နှုန်း၊ မြေပဲဆီ တစ်ပိသာလျှင် (၈၀၀၀)ကျပ်ဈေးနှုန်းဖြင့် အရောင်း အဝယ်ဖြစ်ခဲ့ကြောင်း ယခင်လများနှင့်နှိုင်းယှဉ်လျှင် မြေပဲဆံတစ်ပိသာလျှင် (၉၀၀) ကျပ်၊ မြေပဲဆီ တစ်ပိသာလျှင် (၂၀၀၀)ကျပ်ခန့် ဈေးနှုန်းမြှင့်တက်လျှက်ရှိကြောင်း ဆီစက်လုပ်ငန်းရှင် တစ်ဦးထံမှ သိရပါသည်။

DOCA(ကယား)

           ပဲခူးတိုင်းဒေသကြီး ၊ပဲခူးခရိုင်၊ ပဲခူးမြို့တွင်စားအုန်းဆီဈေးများ ဆက်လက်မြင့်တက်လျက် ရှိပါသည်။ သင်္ကြန်မတိုင်မီကာလက စားအုန်းဆီတစ်ပိဿာလျှင် ၅၉၀၀- ၆၀၀၀ကျပ်ဖြင့် အရောင်းအဝယ်ဖြစ်ခဲ့ပြီး သင်္ကြန်တွင်းကာလစားအုန်းဆီ  တစ်ပိဿာလျှင် ၆၀၀၀-၆၂၀၀ ကျပ်ဖြင့် အ‌ရောင်းအဝယ်ဖြစ်ခဲ့၍ သင်္ကြန်ပြီးကာလတွင်၆၃၀၀-၆၆၀၀ ကျပ်ထိ ဈေးနှုန်းမြင့်မားလာပြီး ယခုဧပြီလနောက်ဆုံးပတ် ဈေးနှုန်းအနေဖြင့် စားအုန်းဆီ တစ်ပိဿာလျှင်၆၉၀၀-၇၀၀၀ ကျပ်ထိ ဆက်လက်မြင့်တက်လျက်ရှိပါသည်။

            စားအုန်းဆီ ဈေးမြင့်တက်လာရခြင်းမှာ ပြည်ပစားအုန်းဆီဈေးနှုန်းမြင့်တင်လာခြင်းတို့ကြောင့် ယခုကဲ့သို့ ဈေးနှုန်းမြင့်တက်လျက်ရှိကြောင်း သိရှိရပါသည်။

            ၂၀၂၂ခုနှစ် ဧပြီလတွင် မြန်မာနိုင်ငံဆီကုန်သည်လုပ်ငန်းရှင်များအသင်းမှလည်း ပဲခူးတိုင်းဒေသကြီးအတွင်းရှိ ဌာနဆိုင်ရာဝန်ထမ်းများအား သက်သာသောဈေးနှုန်းဖြင့်  စားအုန်းဆီ တစ်ပိဿာလျှင် ၅၈၀၀ ကျပ်နှုန်းဖြင့်ဆီပိဿာချိန်၁၂၆၅၀ကို ဖြန့်ဖြူးရောင်းချပေးနေကြောင်း သိရှိရပါသည်။

DOCA(ပဲခူး)

             ပဲခူးတိုင်းဒေသကြီးအတွင်း သရက်သီးမှည့်များလှိုင်လှိုင်ပေါ်လာပြီဖြစ်ပြီး ရောင်းလိုအား ဝယ်လိုအား လိုက်နေကြောင်း ပဲခူးမြို့နယ်မှ သရက်သီးမှည့်‌ရောင်းဝယ်သူထံမှသိရပါသည်။ ယခုနှစ် သစ်သီးဝလံ ဈေးကွက်တွင် သရက်သီးမှည့်များဝင်ရောက်မှုပေါများပြီး ဈေးနှုန်းမှာလည်း ယခင်နှစ်နဲ့မတူပဲ ဈေးသက်သာလာသည်ကို တွေ့ရပါသည်။ မိုးလည်းရွာသွန်းနေပြီမို့ သရက်သီးမှည့်များသည် ချိုလဲချို အရောင်အသွေးမှာလဲ ကောင်းပြီး ဈေးနှုန်းသက်သာလာသောကြောင့် ဒေသတွင်းရော / နယ် တင်ပို့မှုပါ အရောင်းအဝယ် သွက်လျက်ရှိနေပါသည်။

           ပဲခူးတိုင်းဒေသမှ မြကျောက်၊ စိန်တစ်လုံးသရက်များမှာ ဉယျာဉ်၊ ခြံများမှထွက်ရှိ၍ မချစ်စုနှင့် မန္တလေးသရက်များမှာ အိမ်ခြံများမှ အများဆုံးထွက်ရှိပြီး ဒေသတွင်းမှ သရက်သီး မျိုးစုံ စားသုံးကြသဖြင့် ဒေသတွင်းဈေးကွက်လည်းရရှိပါကြောင်း မြကျောက်နှင့်စိန်တစ်လုံးကို ရန်ကုန်၊ မန္တလေးဈေးကွက်သို့ တင်ပို့ပြီးရောင်းချရကြောင်း မချစ်စုနှင့် မန္တလေးသရက်ကို ရန်ကုန်နဲ့ ဒေသတွင်းဈေးကွက်တွင်သာ ရောင်းဝယ်ကြောင်းသိရပါသည်။ သရက်သီးဈေးနှုန်းများ အနေဖြင့် ယခုမေ (ပထမပတ်)အတွင်း မြကျောက်တစ်လုံးဈေး (ရှယ်) ကျပ် ၁၅၀ နှင့်  (လုံးသန့်) ၂၀၀ ကျပ်ဖြစ်ပြီး၊ စိန်တစ်လုံးစျေးသည်   (ရှယ်) ကျပ် ၂၀၀နဲ့ (လုံးသန့်) ၃၅၀ ကျပ် ဖြစ်ပေါ်နေပါသည်။

         စိုက်ပျိုးသူ အများအပြားမရှိသည့်အတွက် ထွက်ရှိလာသည့် စိန်တစ်လုံးတွေသည် ဈေးကွက် ဝင်လာသမျှအားလုံး အ‌ရောင်းအဝယ် ဖြစ်လျက်ရှိနေပါသည်။ မချစ်စုနှင့် မန္တလေးသရက်သီးကို သရက်သီးကုန်သည်များက အပင်လိုက်ချုပ်ထားသောကြောင့် ဒေသတွင်းဈေးမှာ တစ်လုံးလျှင် (ရှယ်) ၇၀ကျပ်နှင့် (လုံးသန့်) ၅၀ ကျပ်ရှိကြောင်းသိရှိရပါသည်။  

DOCA(ပဲခူး)