ပြည်ပကုန်သွယ်မှုသတင်းများ

       ယူကရိန်းနိုင်ငံသည် လွန်ခဲ့သည့်နှစ်က တန်ချိန်သန်း ၈၀ပမာဏရှိသည့် ကောက်ပဲသီးနှံများနှင့် ဆီထုတ်နိုင်သည့်အစေ့အဆံများကို ကောက်ရိတ်သိမ်းနိုင်ခဲ့ပြီး အမေရိကန်ဒေါ်လာ ၂၂ဘီလီယံပမာဏရှိသည့် လယ်ယာထွက်ကုန်များကို ပြည်ပသို့တင်ပို့ခဲ့ကြောင်း ယူကရိန်းနိုင်ငံ၊ စိုက်ပျိုးရေးဝန်ကြီး Taras Vysotskyi က ၂၀၂၄ခုနှစ်၊ မေလ ၁၆ရက်နေ့ကကြေညာခဲ့ပါသည်။ Vysotskyi ၏ ပြောကြားချက်အရ ၈၇ရာခိုင်နှုန်းသော လယ်ယာထွက်ကုန်များကို အိုဒတ်စာမြို့နှင့် ကပ်လျက်ရှိသော ဆိပ်ကမ်းများမှ တင်ပို့နိုင်ခဲ့ခြင်းဖြစ်ကြောင်းသိရပါသည်။ ထို့ပြင် Vysotskyi က ၂၀၂၃ခုနှစ်တွင် ယူကရိန်းလယ်သမားများသည် အမေရိကန်ဒေါ်လာ ၂၂ဘီလီယံတန်ဖိုးရှိသည့် ထုတ်ကုန်များကိုတင်ပို့ခဲ့ကြောင်း၊ အဆိုပါကိစ္စသည် ယူကရိန်းနိုင်ငံက လိုအပ်သည့်နိုင်ငံများအတွက် အစားအစာများကိုထုတ်လုပ်ပေးနိုင်ပြီး ဖြန့်ဝေပေးနိုင်ကြောင်းကို ကမ္ဘာကြီးအတွက် အချက်ပြခြင်းဖြစ်ကြောင်း၊ ကမ္ဘာလုံးဆိုင်ရာ အစားအစာလုံခြုံစိတ်ချမှုရှိစေရေးအတွက် ယူကရိန်း၏ကဏ္ဍသည် အလွန်အရေးပါကြောင်းနှင့် ကောက်ပဲသီးနှံများကို အာရှနှင့်အာဖရိကသို့ တင်ပို့ခဲ့ခြင်းဖြစ်ကြောင်းပြောကြားခဲ့ပါသည်။ ယူကရိန်းနိုင်ငံသည် ၂၀၂၄ခုနှစ်တွင် ပြည်တွင်းအတွက်သာမက နိုင်ငံတကာလိုအပ်ချက်များကိုပါ ဖြည့်ဆည်းပေးနိုင်မည့် ကောက်ပဲသီးနှံများနှင့် ဆီထုတ်နိုင်သည့်အစေ့များကို စိုက်ပျိုးရန် မျှော်လင့်ချက်ရှိကြောင်းသိရပါသည်။ ကောက်ပဲသီးနှံများတင်ပို့မှုသည် မတ်လတွင် မက်ထရစ်တန် ၅.၂သန်းရှိခဲ့ပြီး ဖေဖော်ဝါရီလက မက်ထရစ်တန် ၅.၈သန်းရှိကြောင်း ခန့်မှန်းမှုများအရသိရပါသည်။

Source: The Kyiv Independent

DOCA(ရန်ကုန်)

      ယခုနှစ်တွင် တရုတ်နိုင်ငံမှ လျှပ်စစ်ကားထုတ်လုပ်သူများသည် ထိုင်းနိုင်ငံ၌ ၎င်းတို့၏ထုတ်လုပ်မှုများကို တိုးမြှင့်သွားမည်ဟုသိရပါသည်။ ထိုင်းနိုင်ငံရင်းနှီးမြှုပ်နှံမှုဘုတ်အဖွဲ့၏ ပြောကြားချက်အရ တရုတ်နိုင်ငံမှ ကားထုတ်လုပ်သူများသည် ယခုနှစ် တတိယသုံးလပတ်တာကာလမှစတင်၍ ထိုင်းနိုင်ငံ၌ ထုတ်လုပ်မှုများကိုစတင်သွားမည်ဖြစ်ပြီး ထိုင်းနိုင်ငံကလိုအပ်သည့် ကုန်ကြမ်းပစ္စည်းများကိုလည်း ထောက်ပံ့ပေးသွားမည်ဖြစ်ကြောင်းသိရှိရပါသည်။ BYD နှင့် GAC Aion တို့သည် ယခုနှစ်၏ တတိယသုံးလပတ်နှင့် စတုတ္ထသုံးလပတ်တို့တွင် လျှပ်စစ်ကားထုတ်လုပ်သွားမည်ဖြစ်ပြီး Changan မှာ ၂၀၂ခုနှစ်၊ အစောပိုင်းကာလတွင် ပြည်တွင်း၌ ထုတ်လုပ်တပ်ဆင်မှုများ စတင်သွားမည်ဟု ထိုင်းနိုင်ငံရင်းနှီးမြှုပ်နှံမှုဘုတ်အဖွဲ့၏ အတွင်းရေးမှူးချုပ် Narit Therdsteerasukdi ကပြောကြားခဲ့ပါသည်။ BYD သည် နှစ်စဥ် လျှပ်စစ်ကားအစီးရေ (၁၅၀၀၀၀) ထုတ်လုပ်ရန်စီစဥ်ထားပြီး GAC Aion မှာ နှစ်ဝက်တာကာလတွင် လျှပ်စစ်ကားအစီးရေ (၅၀၀၀၀)ထုတ်လုပ်ရန်ရည်ရွယ်ထားကြောင်း သတင်းမီဒီယာများ၏ အဆိုအရသိရပါသည်။ Changan မှာ တစ်နှစ်လျှင် လျှပ်စစ်ကားအစီးရေ (၁၀၀၀၀၀) ထုတ်လုပ်မည်ဟုကြေညာထားပြီး ဘက်ထရီစွမ်းအင်သုံးယာဥ်အစီးရေ (၃၀၀၀၀)မှ (၅၀၀၀၀) ကို စတင်ထုတ်လုပ်သွားမည်ဟုသိရပါသည်။ Great Wall Motor(GWM)၊ Neta၊ တရုတ်နိုင်ငံနှင့် ထိုင်းနိုင်ငံတို့ဖက်စပ်ထုတ်လုပ်သည့် SAIC Motor-CP တို့သည် ၎င်းတို့၏လျှပ်စစ်ကားများကို ထိုင်းနိုင်ငံရှိစက်ရုံများတွင် စတင်ထုတ်လုပ်နေပြီဟု Mr Narit ကပြောကြားခဲ့ပါသည်။ ဆက်လက်၍ Mr Narit က ပြည်တွင်းစျေးကွက်ရှိ လျှပ်စစ်ကားများအတွက် အစိတ်အပိုင်းများထောက်ပံ့မှုကွင်းဆက်ဖွံ့ဖြိုးတိုးတက်လာသည့်အတွက် လျှပ်စစ်ကားထုတ်လုပ်မှုများ မြင့်တက်လာရန်မျှော်လင့်ကြောင်း၊ ထို့အတွက် ထိုင်းနိုင်ငံသည် ဒေသတွင်း၌ လျှပ်စစ်ကားထုတ်လုပ်သည့် အချက်အချာဒေသဖြစ်လာမည်ဖြစ်ကြောင်း၊ လွန်ခဲ့သည့်သုံးနှစ်အတွင်း ဘုတ်အဖွဲ့သည် လျှပ်စစ်ကားနယ်ပယ်အတွက် ဘတ် (၈၀)ဘီလီယံတန်ဖိုးပမာဏရှိသည့် ရင်းနှီးမြှုပ်နှံမှုများကိုပံ့ပိုးပေးခဲ့ကာ လျှပ်စစ်ကားအစီးရေ (၄၀၀၀၀၀)ထုတ်လုပ်နိုင်ခဲ့ကြောင်းပြောကြားခဲ့ပါသည်။ အဆိုပါပြောကြားမှုကို ၁၅-၅-၂၀၂၄ ရက်နေ့မှ ၁၇-၅-၂၀၂၄ ရက်နေ့အထိကျင်းပပြုလုပ်ခဲ့သော တရုတ်နိုင်ငံမှ အဓိကလျှပ်စစ်ကားထုတ်လုပ်သူများတက်ရောက်သည့် “လျှပ်စစ်ကားထောက်ပံ့မှုကွင်းဆက်ကဏ္ဍ ရင်းနှီးမြှုပ်နှံမှုဘုတ်အဖွဲ့စာတမ်းဖတ်ပွဲ” တွင် ပြောကြားခဲ့ခြင်းဖြစ်ပါသည်။ ရင်းနှီးမြှုပ်နှံမှုဘုတ်အဖွဲ့သည် ဘက်ထရီထုတ်လုပ်ခြင်းနှင့် လျှပ်စစ်ကားအားသွင်းရုံများတည်ဆောက်ခြင်းတို့တွင် ရင်းနှီးမြှုပ်နှံမှုများပြုလုပ်ခဲ့ပြီး ထိုင်းနိုင်ငံလျှပ်စစ်ကားလောကတိုးတက်ရန် မြှင့်တင်မှုများပြုလုပ်ခဲ့ပါသည်။ ဘုတ်အဖွဲ့အဆိုအရ တရုတ်လျှပ်စစ်ကားထုတ်လုပ်သူများသည် လျှပ်စစ်ကားအတွက်လိုအပ်သည့် အစိတ်အပိုင်းများကို ထိုင်းနိုင်ငံထံမှဝယ်ယူရန်ဆုံးဖြတ်ထားပြီး ထိုင်းနိုင်ငံကလည်း လျှပ်စစ်ကားအစိတ်အပိုင်းစုစုပေါင်း၏ (၉၀)ရာခိုင်နှုန်းကျော်ကို ဖြည့်စည်းပေးနိုင်ကြောင်းသိရပါသည်။

Source; Bangkok Post

DOCA(ရန်ကုန်)        

      ဂျပန်နိုင်ငံ Nippon Steel ကုမ္ပဏီမှ ဒုတိယဥက္ကဋ္ဌဖြစ်သူ Takahiro Mori သည် ကုမ္ပဏီ၏ အမေရိကန်သံမဏိဝယ်ယူမှုအတွက် အဓိကညှိနှိုင်းသူဖြစ်ပြီး သဘောတူညီချက်ကိုအပြီးသတ်ရန် ဆက်လက်ကြိုးပမ်းမှုတစ်စိတ်တစ်ပိုင်းအဖြစ် သက်ဆိုင်သူများနှင့်တွေ့ဆုံရန် လာမည့်သီတင်းပတ်တွင် အမေရိကန်နိုင်ငံသို့ သွားရောက်မည်ဖြစ်ကြောင်းပြောကြားခဲ့သည်။

       ၂၀၂၃ခုနှစ်၊ ဒီဇင်ဘာလတွင် Nippon Steel ကုမ္ပဏီသည် အမေရိကန်သံမဏိစက်ရုံကိုလွှဲပြောင်းရယူရန် ဒေါ်လာ၁၅ဘီလီယံနီးပါးကမ်းလှမ်းခဲ့ပြီး ဒီမိုကရက်တစ်သမ္ပတ ဂျိုးဘိုင်ဒင်နှင့် ရီပတ်ဘလီကန်သမ္ပတဟောင်း ဒေါ်နယ်ထရန့်တို့အပြင် United Steel Workers (USW) သမဂ္ဂတို့၏ ဆန့်ကျင်မှုကိုတွန်းအားပေးခဲ့သည်။

          USW မှ ပံ့ပိုးကူညီမှုရရှိရန် Nippon Steel သည် US Steel အခြေစိုက်ရာ Pittsburgh, Pennsylvania သို့ ၄င်း၏အမေရိကန်ရုံးချုပ်ကိုပြောင်းရွှေ့ရန် ကတိကဝတ်ပြုထားပြီး သဘောတူညီချက်ရရှိပါက အလုပ်အကိုင်လုံခြုံ‌ရေးနှင့် ရင်းနှီးမြုပ်နှံမှုဆိုင်ရာ ကတိကဝတ်များကို ကမ်းလှမ်းသွားမည်ဖြစ်သည်။

          Mori သည် လာမည့်သီတင်းပတ်တွင် Pittsburgh သို့သွားရောက်မည်ဖြစ်ပြီး အဆိုပါကိစ္စနှင့်ပတ်သက်ပြီး ဒေသခံဝန်ထမ်းများ၊ ရွေးကောက်ခံအရာရှိများနှင့်တွေ့ဆုံမည်ဖြစ်ကြောင်း Bloom berg သတင်းဌာနက သောကြာနေ့တွင် ဖော်ပြခဲ့သည်။

      အမေရိကန်တရားရေးဌာနသည် ယုံကြည်မှုဆန့်ကျင်ရေးပြန်လည်သုံးသပ်မှုတွင် အချက်အလက်အကြောင်းအရာများကို အသေးစိတ်ရှာဖွေခဲ့ပြီးနောက် ဂျပန်သံမဏိထုတ်လုပ်သူများအား ၂၀၂၄ခုနှစ်၊ ဒုတိယနှစ်ဝက်တွင် သဘောတူညီချက်ကိုပိတ်သိမ်းရန် မျှော်လင့်ထားသည်။ သို့သော် ဥရောပကော်မရှင်သည် အဆိုပါသဘောတူညီချက်ကို အတည်ပြုထားပြီဖြစ်သည်။

         ထိုကဲ့သို့ဆန်ကျင်မှုများမြင့်တက်နေသော်လည်း အမေရိကန်သံမဏိရှယ်ယာရှင်အများစုသည် ဧပြီလတွင် အဆိုပါသဘောတူညီချက်ကို ထောက်ခံမဲ‌ပေးခဲ့ကြကြောင်းသိရှိရပါသည်။

Source : Reuters

DOCA(ရန်ကုန်)

        မြန်မာတရုတ် နှစ်နိုင်ငံနယ်စပ်ကုန်သွယ်မှုတန်ဖိုးသည် ဧပြီလ၁ရက်နေ့မှစတင်၍ လက်ရှိဘဏ္ဍရေးနှစ် ၂၀၂၄-၂၀၂၅ ခုနှစ်၊ မတ်လ ၁၀ရက်နေ့အထိ အမေရိကန်ဒေါ်လာ၂၈၀.၄၄သန်းသို့ကျဆင်းခဲ့ပြီး ယမန်နှစ် အလားတူကာလတွင် မှတ်တမ်းတင်ထားသော ကန်ဒေါ်လာ၄၀၇.၇သန်းရှိခဲ့ကြောင်း စီးပွားရေးနှင့်ကူးသန်း‌ရောင်းဝယ်ရေးဝန်ကြီးဌာန၏ စာရင်းဇယားများတွင်ဖော်ပြထားသည်။

          ကိန်းဂဏန်းများသည် ယမန်နှစ်ကာလနှင့်နှိုင်းယှဥ်ပါက ယခုနှစ်လဏ္ဍရေးနှစ်တွင် ၁၂၇.၂၈သန်းထိ သိသိသာသာကျဆင်းသွားကြောင်းတွေ့ရသည်။

         မြန်မာနိုင်ငံသည် မူဆယ်၊ လွယ်ဂျယ်၊ ချင်းရွှေဟော်၊ ကံပိုင်တီ၊ ကျိုင်းတုံတို့မှတစ်ဆင့် နယ်စပ်ကုန်သွယ်ရေးလုပ်ငန်းများလုပ်ဆောင်လျက်ရှိသည်။ မူဆယ်နယ်စပ်ကုန်သွယ်မှုမှ ၁.၂၁၄သန်းနှင့် ကျိုင်းတုံနယ်စပ်မှ ၇၁.၂၇သန်းအသီးသီးရရှိခဲ့သည်။

          မြန်မာနိုင်ငံသည် အိမ်နီးချင်းနိုင်ငံများဖြစ်သော တရုတ်၊ ထိုင်း၊ ဘင်္ဂလားဒေ့ရှ်၊ အိန္ဒိယနိုင်ငံတို့နှင့် နယ်စပ်ကုန်သွယ်ရေးလုပ်ငန်းများလုပ်ဆောင်လျက်ရှိသည်။

      ပို့ကုန်များမှာ လယ်ယာထွက်ကုန်ပစ္စည်းများ၊ မွေးမြူရေးထွက်ကုန်ပစ္စည်များ၊ ရေထွက်ကုန်ပစ္စည်းများ၊ ဓာတ်သတ္တု၊ သစ်တောထွက်ကုန်ပစ္စည်းများနှင့် အခြားကုန်စည်များဖြစ်ပြီး အရင်းအနှီးကုန်စည်များ၊ အလယ်အလတ်တန်းစားကုန်စည်များနှင့် ကုန်ကြမ်းများအား (CMP) လုပ်ငန်းများမှ တင်သွင်းလျက်ရှိကြောင်းသိရှိရပါသည်။

Source : GNLM.com.mm

DOCA(ရန်ကုန်)

        အင်ဒိုနီးရှားနိုင်ငံ၏ နိုင်ငံခြားကြွေးမြီးသည် ယမန်နှစ်ကသုံးလပတ်တွင်ရရှိခဲ့သော ဒေါ်လာ၄၀၈.၅ ဘီလီယံနှင့်နှိုင်းယှဥ်ပါက ယခုနှစ်ပထမလပတ်တွင် အမေရိကန်ဒေါ်လာ ၄၀၃.၉ ဘီလီယံသို့ ကျဆင်းသွားကြောင်းအင်ဒိုနီးရှားနိုင်ငံ၏ဗဟိုဘဏ်မှ ဗုဒ္ဓဟူးနေ့တွင်ထုတ်ပြန်ကြေညာခဲ့ပါသည်။

      အစိုးရ၏နိုင်ငံခြားကြွေးမြီးသည် ယခင်သုံးလပတ်တွင်ဒေါ်လာ(၁၉၆.၆)ဘီလီယံ ယခုနှစ်ပထမလပတ်တွင်‌ ဒေါ်လာ (၁၉၂.၂) ဘီလီယံသို့ကျဆင်းသွားခဲ့ပါသည်။

         “ကမ္ဘာ့ဘဏ္ဍာရေးစျေးကွက် မသေချာမရေရာမှုကို တုံ့ပြန်တဲ့အနေနဲ့ ပြည်တွင်းအစိုးရ Securities စျေးကွက်မှ နေထိုင်သူမဟုတ်တဲ့ ရင်းနှီးမြုပ်နှံသူတွေရဲ့ ရန်ပုံငွေတွေကို ပြန်လည်ချိန်ခွင်လျှာညှိခြင်းအားဖြင့် ဒီကျဆင်းမှုကိုလွှမ်းမိုးထားပါတယ်” ဟု Bank Indonesia ဆက်သွယ်ရေးဌာနကအကြီးအကဲ Erwin Haryono ကပြောကြားခဲ့သည်။ အလားတူပုဂ္ဂလိကကဏ္ဍမှ နိုင်ငံခြားကြွေးမြီးသည် ယခင်သုံးလပတ်တွင် ဒေါ်လာ(၁၉၈.၄) ဘီလီယံမှ ၁၉၇.၀ ဘီလီယံအထိကျဆင်းခဲ့ပါသည်။

      စီမံဆောင်ရွက်သည့်လုပ်ငန်း ဘဏ္ဍာ‌ရေးနှင့် အာမခံဝန်ဆောင်မှုများ လျှပ်စစ်နှင့် သဘာဝဓာတ်ငွေ့ဝယ်ယူမှုအပြင် သတ္တုတွင်းနှင့် ကျောက်မိုင်းတွင်းလုပ်ငန်းများသည် စုစုပေါင်း (၇၈.၃)ရာခိုင်နှုန်းဖြင့် ပုဂ္ဂလိကနိုင်ငံခြားကြွေးမြီးများကို လွှမ်းမိုးထားသည့်ကဏ္ဍများဖြစ်ပါသည်။

DOCA(ရန်ကုန်)