ပြည်ပကုန်သွယ်မှုသတင်းများ

                   ဘင်္ဂလားဒေ့ရှ်နိုင်ငံအစိုးရသည် အမျိုးသားစားနပ်ရိက္ခာမြှင့်တင်ရန်နှင့် ဆန်နှင့်ဂျုံစျေးနှုန်း မတည်ငြိမ်ခြင်းများကို ထိန်းချုပ်နိုင်ရန်အတွက် အစားအစာစပါးတန်ချိန် ၆ သိန်းခွဲခန့် တင်သွင်း တော့မည် ဖြစ်ကြောင်း သိရပါသည်။ အစားအသောက်ဝန်ကြီးဌာန၏ အဆိုပြုချက်ကို စီးပွာ‌ရေးရာ အကြံပေး ကော်မတီက နိုဝင်ဘာလ ၂၀ ရက်နေ့တွင် အတည်ပြုလိုက်ပြီဖြစ်ကြောင်း သိရပါသည်။ အစိုးရ အချင်းချင်းစာချုပ်အရ အစားအသောက်ဝန်ကြီးဌာနသည် ဂျုံတန်ချိန် ၃ သိန်းခန့်တင်သွင်း မည်ဖြစ်ကြောင်းနှင့် ဆန်တန်ချိန် ၃ သိန်းခန့်မား အပြည်ပြည်ဆိုင်ရာ တင်ဒါများမှ တစ်ဆင့် တင်သွင်းတော့မည်ဖြစ်ကြောင်း သိရပါသည်။ ဆန်တင်သွင်းမှုများကို အရှိန်မြှင့်တင်ရန်အတွက် ကော်မတီသည် ပြည်သူလူထုလုပ်ဆောင်ချက်စည်းမျဥ်းများကို ဖြေလျော့သွားမည်ဖြစ်ကြောင်း နှင့် ဆန်တင်သွင်းမည့်အချိန်ကာလကိုလည်း ပုံမှန်အားဖြင့် ၄၂ ရက်ကြာမြင့်ရာမှ ၁၅ ရက်အတွင်း တင်သွင်းနိုင်အောင်ပြုလုပ်သွားမည်ဖြစ်ကြောင်း သိရပါသည်။ ထို့အပြင်အကြံပေးကော်မတီသည် ဘာစမာတီမဟုတ်သောဆန်တန်ချိန် ၅၀၀၀၀ တန်ခန့်ကို စင်္ကာပူနိုင်ငံအခြေစိုက်ကုမ္ပဏီဖြစ်သော Aditya Birla Global Trading Pte Ltd. မှ တင်သွင်းမည်ဟု အာမခံခဲ့ကြောင်း သိရပါသည်။ အဆို ပါ ကုမ္ပဏီသည် ဆန်တန်ချိန် ၁ တန်လျှင် အမေရိကန်ဒေါ်လာ ၃၅၃.၁၉ ခန့်သတ်မှတ်ထား ကြောင်း သိရပါသည်။ ဇူလိုင်လ ၁ ရက်နေ့မှ နိုဝင်ဘာလ ၁၇ ရက်နေ့အထိ ဘင်္ဂလားဒေ့ရှ်နိုင်ငံ သည် ဆန်တန်ချိန်၂၆.၁၇ သိန်းခန့် တင်သွင်းခဲ့ပြီး တန်ချိန် ၂.၂၂ သိန်းခန့်ကို အစိုးရမှ ဝယ်ယူခဲ့ကြောင်း သိရပါသည်။

 DOCA (ရန်ကုန်)

            Pakistan၊ Uganda နှင့် Bulgaria နိုင်ငံတို့သည် ၎င်းတို့အနေဖြင့် မလေးရှားနိုင်ငံနှင့်အတူ သတင်းအချက်လဲလှယ်ရေးနှင့်ဆက်သွယ်ရေးကဏ္ဍတို့တွင် ပူးပေါင်းဆောင်ရွက်မှု အားကောင်း လာစေရန် ပြုလုပ်လိုကြောင်း ဆက်သွယ်ရေးဝန်ကြီး Datuk Fahmi Fadzil ၏ပြောကြားချက် အရ သိရပါသည်။ ၎င်းက အထက်ပါအကြောင်းအရာသည် နိုဝင်ဘာလ ၁၈ ရက်နေ့တွင် ကျင်းပ ပြုလုပ်ခဲ့သော ကမ္ဘာ့ဆက်သွယ်ရေးဖွံ့ဖြိုးတိုးတက်မှုညီလာခံ၏ သီးသန့် အစည်းအဝေးတွင် အဆိုပါ နိုင်ငံ ၃ နိုင်ငံမှ ဆက်သွယ်ရေးဝန်ကြီးများ အချင်းချင်း အပြန်အလှန်ဆွေးနွေးမှု ပြုလုပ်အပြီးတွင် ပေါ်ပေါက်လာခြင်းဖြစ်ကြောင်း သိရပါသည်။

          Fahmi က Uganda နိုင်ငံ၏ ပြည်ထောင်စုသတင်းအချက်အလက်နှင့် ဆက်သွယ်ရေး နည်း ပညာနှင့် အမျိုးသားရေးညွှန်ကြားမှုဝန်ကြီးနှင့်ဆွေးနွေးမှုအပြီးတွင် မလေးရှားနိုင်ငံ အနေ ဖြင့် Uganda နိုင်ငံနှင့် သတင်းအချက်အလက်လဲလှယ်မှုနှင့် ပတ်သက်၍ပူးပေါင်းဆောင်ရွက်မှု လုပ် ဆောင်ရန် ဖြစ်နိုင်ချေရှိကြောင်း ပြောကြားခဲ့ပါသည်။ ထို့အပြင် Fahmi က Uganda နိုင်ငံ သည် ပြည်သူလူထုအတွက် အင်တာနက်အသုံးပြုရာတွင် ပိုမိုလွယ်ကူစေရန်နှင့် ဒစ်ဂျစ်တယ် အသုံးပြုမှု တက်မြောက်ခြင်းတို့ကို မြှင့်တင်‌ပေးမည့် မ‌လေးရှားနိုင်ငံ၏ ကနဦးခြေလှမ်းများကို သင်ယူ လေ့လာရန်အတွက် စိတ်ဝင်စားများ ပြသလျက်ရှိကြောင်း ပြောကြားခဲ့ပါသည်။

          Sahmi က Pakistan နိုင်ငံ သတင်းအချက်အလက်နည်းပညာနှင့် ဆက်သွယ်ရေးဝန်ကြီး Shaza Fatima Khawaja နှင့်ပြုလုပ်ခဲ့သောအစည်းအဝေးတွင် ၎င်းနိုင်ငံသည် မလေးရှားနိုင်ငံ၏ အောင်မြင်မှုများ အထူးသဖြင့် လျှပ်ကူးပစ္စည်းကဏ္ဍနှင့် ကျယ်ပြန့်သောဒစ်ဂျစ်တယ်ဂေဟစနစ် တွင် အောင်မြင်မှုများအပေါ် သင်ယူလေ့လာလိုကြောင်း ဖော်ပြခဲ့ပါသည်။

          Bulgaria နိုင်ငံ ပို့ဆောင်ရေးနှင့်ဆက်သွယ်ရေးဝန်ကြီး Dimitar Nedyaltar နှင့် ပြုလုပ် သော အစည်းအဝေးတွင်လည်း Fahmi က အဆိုပါဝန်ကြီးသည် ကဏ္ဍအမျိုးမျိုးတွင် ပူးပေါင်း ဆောင်ရွက်မှုများ ပိုမိုမြှင့်တင်စေရန်အတွက် နားလည်မှုစာချွန်လွှာ (MOU) ကို မလေးရှားနိုင်ငံနှင့် ပြုလုပ်လိုကြောင်း ပြောကြားခဲ့ပါသည်။ အဆိုပါအစည်အဝေးများကို မလေးရှားနိုင်ငံ သံအမတ် ကြီး Azerbaijan Ahmad Kamrizamil Mohd Riza၊ ဆက်သွယ်ရေး ဝန်ကြီဌာနမှ အတွင်းရေးမှူး ဆိုသူ Ahmad Norhad Zahari တို့တက်ရောက်ခဲ့ကြောင်း သိရပါ သည်။

DOCA (ရန်ကုန်)

              ဗီယက်နမ်နိုင်ငံစက်မှုနှင့် ကုန်သွယ်ရေးဝန်ကြီး Nguyen Hong Dien သည် ဗီယက်နမ်-အမေရိကန်ကုန်သွယ်ရေးဆွေးနွေးမှုများအဆင့်မြှင့်တင်ရန်နှင့် အမေရိကန်စိုက်ပျိုးမွေးမြူရေး ထုတ်ကုန်များတင်သွင်းမှုတိုးချဲ့ရန်အတွက် နီဘရာစကာပြည်နယ်ကိုယ်စားပြု ရီဘတ်ဘလီကန် ပါတီဝင် အမေရိကန်ကွန်ဂရက်လွှတ်တော်အမတ် Adrian Smith နှင့် နိုဝင်ဘာလ ၁၃ ရက်နေ့က ဝါရှင်တန်ဒီစီတွင် တွေ့ဆုံဆွေးနွေးခဲ့ကြောင်း သိရပါသည်။ အစည်းအဝေးတွင် နီဘရာစကာ ပြည်နယ်ပါဝင်သော ဗီယက်နမ်-အမေရိကန်စီးပွားရေးပူးပေါင်းဆောင်ရွက်မှုအလားအလာနှင့် လတ်တလောလုပ်ငန်းစဉ်များကို အဓိကထားဆွေးနွေးခဲ့ကြောင်း သိရပါသည်။ Dien က ယခုနှစ် အစမှစ၍ ဗီယက်နမ်နှင့် အမေရိကန်အပြန်အလှန်အကောက်ခွန်ညှိနှိုင်းဆွေးနွေးခဲ့ချိန်မှစ၍ ဗီယက်နမ်သည် အမေရိကန်စိုက်ပျိုးမွေးမြူရေးထုတ်ကုန်များတင်သွင်းရန် ကတိကဝတ်ပြုခဲ့ ကြောင်း၊ ဗီယက်နမ်စီးပွားရေးလုပ်ငန်းများသည် ဘိုင်အိုဒီဇယ်ထုတ်လုပ်ခြင်းတွင်အသုံးပြုမည့် အီသနောထုတ်လုပ်ခြင်းတွင်အသုံးပြုရန်အတွက် အမေရိကန်ထံမှ အရည်အသွေးမြင့်ပြောင်းကို တင်သွင်းရန် စိတ်ဝင်စားနေကြောင်း ပြောကြားခဲ့ပါသည်။ နီဘရာစကာပြည်နယ်မှ အမဲသား သည်လည်း ဗီယက်နမ်စားသုံးသူများကြား နာမည်ကျော်ကြားကြောင်း သိရပါသည်။ ဝန်ကြီးကဗီယက်နမ်နှင့် အမေရိကန်တို့သည် လက်တွေ့ပူးပေါင်းဆောင်ရွက်မှုယန္တယားများတည်ထောင်ပြီး ထိုမှတစ်ဆင့် အပြန်အလှန်စီးပွားရေးနှင့် ကုန်သွယ်ရေးဆက်နွယ်မှုပိုမိုနက်ရှိုင်းရန် ကူညီပေးနိုင် မည်ဟု ယုံကြည်ကြောင်း ပြောကြားခဲ့ပါသည်။ ယခုနှစ်အစမှစ၍ ဗီယက်နမ်၏ အမေရိကန်ထံမှ တင်သွင်းမှုမှာ သိသာစွာမြင့်တက်ခဲ့ပြီး ချည်မျှင်ဝယ်ယူမှုမှာ ၁၂၆ ရာခိုင်နှုန်း၊ ပင်လယ်စာမှာ ၈ ရာခိုင်နှုန်း၊ ပြောင်းနှင့် ပဲပိစပ်များဝယ်ယူမှုမှာ ၃၅ ရာခိုင်နှုန်းအသီးသီးမြင့်တက်ခဲ့ကြောင်း သိရပါ သည်။ ထို့ပြင်ဗီယက်နမ်သည် များစွာသောလေယာဉ်များဝယ်ယူမည့်စာချုပ်များကို အမေရိကန် လေယာဉ်ထုတ်လုပ်သူများနှင့် လက်မှတ်ရေးထိုးခဲ့ကြောင်း သိရပါသည်။ Smith က Dien ၏ လည်ပတ်မှုကို ကြိုဆိုခဲ့ပြီး လတ်တလောအပေါင်းလက္ခဏာဆောင်သည့်ဖွံ့ဖြိုးတိုးတက်မှုများ သည် အပြန်အလှန်ကုန်သွယ်‌ရေးပူးပေါင်းဆောင်ရွက်မှုအရှိန်မြှင့်တင်ရန် သင့်လျော်ကောင်းမွန် သောအခြေအနေကိုဖန်တီးပေးကြောင်းနှင့် နှစ်ဖက်စလုံးသည် အပြန်အလှန်ကုန်သွယ်ရေးညှိနှိုင်း ဆွေးနွေးမှုများမကြာခင်ပြီးမြောက်ရန် မျှော်လင့်ကြောင်းနှင့် ထိုသဘောတူညီချက်သည် အပြန် အလှန်ကုန်သွယ်ရေးနှင့် စီးပွားရေးပူးပေါင်းဆောင်ရွက်မှုအတွက် အဓိပ္ပါယ်ရှိသော အကျိုးအမြတ် များကို ဖန်တီးပေးနိုင်မည်ဟု ပြောကြားခဲ့ပါသည်။

DOCA (ရန်ကုန်)

           ဗီယက်နမ်နိုင်ငံဆိုင်ရာလာအိုသံရုံးနှင့် Viet-Lao AZ JSC တို့သည် အပြန်အလှန်ကုန်သွယ် ရေးနှင့် ရင်းနှီးမြှုပ်နှံမှုတိုးချဲ့ရန်အတွက် ခိုင်မာသောပူးပေါင်းဆောင်ရွက်မှုအခွင့်အလမ်းများကို ရှာဖွေရန်ရည်ရွယ်၍ ၂၀၂၅ ခုနှစ် လာအို-ဗီယက်နမ် ကုန်သွယ်ရေးနှင့် ရင်းနှီးမြှုပ်နှံမှုမြှင့်တင်ရေး ကွန်းဖရန့်ကို နိုဝင်ဘာလ ၁၄ ရက်နေ့က ပူးတွဲကြီးမှူးကျင်းပခဲ့ကြောင်း သိရပါသည်။ ဗီယက်နမ် နိုင်ငံဆိုင်ရာ လာအိုသံအမတ် Khamphao Ernthavanh က ဗီယက်နမ်-လာအိုကုန်သွယ်ရေး ဆက်ဆံမှုသည် ဆယ်စုနှစ်ခြောက်ခုကျော်ခဲ့ပြီဖြစ်ကြောင်း ပြောကြားခဲ့ပါသည်။ နှစ်နိုင်ငံသည် လာအိုပြည်နယ် ၁၀ ခုနှင့် ဗီယက်နမ်ဒေသ ၉ ခုတစ်လျောက်တွင် ၂၃၃၇ ကီလိုမီတာရှည်လျား သော နယ်စပ်ဆက်စပ်မှုရှိပြီး အရှေ့-အနောက်စီးပွားရေးစင်္ကြန်နှင့်အတူ ဗျူဟာမြောက်တန်ဖိုးနှင့် သိသာထင်ရှား‌သောဖွံ့ဖြိုးတိုးတက်မှုအလားအလာကို ပိုင်ဆိုင်ထားကြောင်း သိရပါသည်။ အပြန် အလှန်ကုန်သွယ်ရေး အထူးသဖြင့်နယ်စပ်ကုန်သွယ်ရေးမှာ အပေါင်းလက္ခဏာဆောင်သည့်ရလဒ် ရှိနေသော်လည်း သံအမတ်က တည်ငြိမ်ပြီး စဉ်ဆက်မပြတ်နယ်စပ် ကုန်သွယ်ရေးဖွံ့ဖြိုးတိုးတက် ရေးနှင့် တစ်ဖက်၏အားသာချက်ကို တစ်ဖက်ကရယူခြင်းတို့တွင် စိန်ခေါ်မှုများ ဆက်လက်တည်ရှိ နေကြောင်း မှတ်ချက်ပြုခဲ့ပါသည်။ သံအမတ်က ပူးပေါင်းဆောင်ရွက်မှုမြှင့်တင်ခြင်းသည် ဆင်းရဲ နွမ်းပါးမှုလျှော့ချခြင်း၊ ကျေးလက်ဒေသဖွံ့ဖြိုးတိုးတက်မှုအရှိန်မြှင့်တင်ခြင်းနှင့် နယ်စပ်ဒေသခံများ ၏ လူမှုဘဝတိုးတက်စေရေးတို့တွင် တိုက်ရိုက်ကူညီပေးနိုင်ကြောင်း ပြောကြားခဲ့ပါသည်။ ကွန်းဖရန့်တွင် ရင်းနှီးမြှုပ်နှံမှုနှင့် ကုန်သွယ်မှုမြှင့်တင်ရေးအပေါ်ဆွေးနွေးမှုများ ပြုလုပ်ခဲ့ကြောင်း သိရပါသည်။ ကျွမ်းကျင်သူများက လာအိုအား ကုန်းတွင်းပိတ်နိုင်ငံအဖြစ်မှ ဒေသဆိုင်ရာကုန်တွင်း ချိတ်ဆက်ရာအချက်အခြာအဖြစ်အသွင်ကူးပြောင်းရည်ရွယ်၍ မူဝါဒအသစ်များနှင့် မက်လုံးများကို အသားပေးပြောကြားခဲ့ကြောင်း သိရပါသည်။ ၂၀၂၅ ခုနှစ်၏ ပထမ ၉ လတွင် အပြန်အလှန် ကုန်သွယ်ရေးမှာ အမေရိကန်ဒေါ်လာ ၂.၃၆ ဘီလီယံရောက်ရှိခဲ့ပြီး ၂၀၂၄ ခုနှစ် တူညီသည့်ကာလ နှင့်နှိုင်းယှဉ်ပါက ၅၇ ရာခိုင်နှုန်းမြင့်တက်ခဲ့ကာ ဆယ်စုနှစ်အတွင်း အမြင့်ဆုံး အဆင့်ဖြစ်ခဲ့ကြောင်း သိရပါသည်။ ဗီယက်နမ်နိုင်ငံ စက်မှုနှင့် ကုန်သွယ်ရေးဝန်ကြီးဌာန၏ နိုင်ငံခြားကုန်သွယ်ရေး အေဂျင်စီ ညွှန်ကြားရေးမှူး Nguyen Anh Son က နှစ်ဖက်အစိုးရသည် ၂၀၂၄ ခုနှစ် ဗီယက်နမ်-လာအိုကုန်သွယ်ရေးသဘောတူညီချက်နှင့် ဗီယက်နမ်-လာအိုနယ်စပ် ကုန်သွယ်ရေးသဘောတူညီချက်တို့ပါဝင်သည့် အရေးပါသောပူးပေါင်းဆောင်ရွက်မှုစီမံချက်များ ကို အကောင်အထည်ဖော်ခဲ့ပြီး ဖြစ်ကြောင်း ပြောကြားခဲ့ပါသည်။ ထိုကွန်းဖရန့်တွင် Viet-Lao AZ JSC (ဗီယက်နမ်) နှင့် Hung-Aloun Logistic (လာအို) တို့သည် ထောက်ပံ့ပို့ဆောင်ရေးနှင့် ဖြန့်ဖြူးရေးတို့တွင် ဗျူဟာမြောက် ပူးပေါင်းဆောင်ရွက်ရန်အတွက် MoU ရေးထိုးခဲ့ကြောင်း သိရပါသည်။ ထိုသဘောတူညီချက်သည် နယ်စပ်ဖြတ်ကျော်ထောက်ပံ့မှုကွင်းဆက် ပူးပေါင်း ဆောင်ရွက်ရေးနှင့် နှစ်နိုင်ငံအကြားဘက်ပေါင်း စုံပူးပေါင်းဆောင်ရွက်ရေးတို့တွင် စာမျက်နှာသစ် တစ်ခုဖြစ်ခဲ့ကြောင်း သိရပါသည်။

DOCA(ရန်ကုန်)

             အယ်ဂျီးရီးယားသည် မြောက်အာဖရိကတွင် ဗီယက်နမ်၏အရေးပါသောမိတ်ဖက်ဖြစ်လာခဲ့ ပြီး ၂၀၂၅ ခုနှစ်၏ ပထမ ၁၀ လတွင်နှစ်နိုင်ငံကုန်သွယ်ရေးမှာ အမေရိကန်ဒေါ်လာ သန်း ၅၀၀ နီးပါးဖြင့် ၂၀၀ ရာခိုင်နှုန်းကျော်မြင့်တက်ခဲ့ကြောင်း သိရပါသည်။ အယ်ဂျီးရီးယားနိုင်ငံရှိ ဗီယက်နမ် ကုန်သွယ်ရေးအတိုင်ပင်ခံပုဂ္ဂိုလ် Hoang Duc Nhuan ၏အဆိုအရ နှစ်နိုင်ငံအကြား ကုန်သွယ်ရေး ပူးပေါင်းဆောင်ရွက်မှုသည် ၁၉၉၄ ခုနှစ်တွင်အသစ်ပြင်ဆင်ခဲ့သည့် အပြန်အလှန် ကုန်သွယ်‌ရေး သဘောတူညီချက်လက်မှတ်ရေးထိုးခဲ့ချိန်မှစ၍ သိသာထင်ရှားစွာမြင့်တက်ခဲ့ ကြောင်းပြောကြားခဲ့ ပါသည်။ ၂၀၀၁ ခုနှစ်မှစ၍ အပြန်အလှန်ကုန်သွယ်ရေးမှာ ပုဂ္ဂလိကလုပ်ငန်း များပါဝင်မှုမြင့်တက် လာခြင်းနှင့်အတူ သိသာစွာကြီးထွားလာခဲ့ကြောင်း သိရပါသည်။ အယ်ဂျီးရီး ယားသို့ ဗီယက်နမ်၏ အဓိကပို့ကုန်များတွင် ကော်ဖီ၊ သီဟိုဠ်စေ့များ၊ ငရုတ်ကောင်း၊ ပင်လယ်စာ၊ ဓာတုပစ္စည်းများ၊ ဖိနပ်၊ အဝတ်အထည်နှင့် စတီးလ်တို့ပါဝင်ပြီး အယ်ဂျီးရီးယားထံမှ ပြန်လည် တင်သွင်းသည့်ကုန်ပစ္စည်း များမှာ ကွန်ပြူတာများ၊ အီလတ်ထရောနစ်ပစ္စည်းများ၊ Carob အမှုန့်၊ ကြက်ခြေထောက်နှင့် တိရိစ္ဆာန်အစာတို့ဖြစ်ကြောင်း သိရပါသည်။ အယ်ဂျီးရီးယားသည် သံလွင်ဆီနှင့် စွံပလွန်သီး တင်သွင်းမည့် ဗီယက်နမ်မိတ်ဖက်များရှာဖွေနေကြောင်း သိရပါသည်။ ကုန်သွယ်ရေးအပြင် အပြန် အလှန်ပူးပေါင်းဆောင်ရွက်မှုများမှာ ရေနံနှင့် ဂတ်စ်ရှာဖွေထုတ်လုပ် ခြင်းအထိတိုးချဲ့ခဲ့ကြောင်း သိရပါသည်။ ပထမဆုံးစတင်ထုတ်ယူရရှိသည့် ၂၀၁၅ ခုနှစ်မှ ၂၀၂၄ နှစ်ကုန်ထိ ရေနံစည် ၅၇ သန်း နီးပါးအထိ ထုတ်လုပ်နိုင်ခဲ့ပြီးဖြစ်ကြောင်း သိရပါသည်။ အယ်ဂျီးရီး ယားအစိုးရသည်လည်း ဗီယက်နမ်လုပ်ငန်းများအား စိုက်ပျိုးမွေးမြူရေး၊ စိုက်ပျိုးမွေးမြူရေး ထုတ်ကုန်ပြုပြင်ထုတ်လုပ်ခြင်း၊ အဝတ်အထည်၊ ခရီးသွားကဏ္ဍ၊ ထောက်ပံ့ပို့ဆောင်ရေး၊ သတ္ထုတူးဖော်ခြင်း၊ ဆေးဝါးများနှင့် ဆောက်လုပ်ရေးတို့တွင် ရင်းနှီးမြှုပ်နှံရန် ဖိတ်ခေါ်လျက်ရှိ ကြောင်း သိရပါသည်။ ၂၀၂၄ ခုနှစ်တွင် အယ်ဂျီးရီးယားသည် အမေရိကန်ဒေါ်လာ ၄၉.၃၅ ဘီလီယံတန်ဖိုးတင်ပို့ခဲ့ပြီး အမေရိကန်ဒေါ်လာ ၄၆.၀၅ ဘီလီယံတန်ဖိုးတင်သွင်းခဲ့ကာ ကုန်သွယ် ရေးပိုငွေ အမေရိကန်ဒေါ်လာ ၃.၃ ဘီလီယံရရှိခဲ့ ကြောင်း သိရပါသည်။

DOCA(ရန်ကုန်)