ပြည်ပကုန်သွယ်မှုသတင်းများ

           ဗီယက်နမ်နိုင်ငံ၏ ဝန်ကြီးချုပ် Pham Minh Chinh က ဝန်ကြီးဌာနများ၊ ကဏ္ဍအသီးသီ နှင့် ဒေသဆိုင်ရာများအား ၂၀၂၅ ခုနှစ်အတွက် ရင်းနှီးမြှုပ်နှံမှု၏ ၁၀၀ ရာခိုင်နှုန်းကို ခွဲဝေချထား ပေးရန် ရည်မှန်းချက်ဖြင့် အများပြည်သူဆိုင်ရာ ရင်းနှီးမြှုပ်နှံမှု ထုတ်ပေးခြင်းကို အားထုတ် ကြိုးပမ်းရန်တိုက် တွန်းခဲ့ကြောင်း ဗီယက်နမ်သတင်း အေဂျင်စီက စက်တင်ဘာလ ၂၂ ရက်နေ့က ထုတ်ပြန်ခဲ့ပါသည်။

          ဘဏ္ဍာ‌ရေးဝန်ကြီးဌာနက အများပြည်သူဆိုင်ရာ ရင်းနှီးမြှုပ်နှံမှုများ ထုတ်ပေးခြင်းသည် ၂၀၂၅ ခုနှစ်ပထမ ၈ လတာကာလအတွင်း သတ်မှတ်ထားသည့် စီမံကိန်း၏ ၄၆.၃ ရာခိုင်နှုန်းသို့ ရောက်ရှိခဲ့ပြီး ပြီးခဲ့သည့်နှစ် အလားတူကာလက မှတ်တမ်းတင်ခဲ့သော ၄၀.၄ ရာခိုင်နှုန်းထက် ကျော်လွန်ခဲ့ကြောင်း ပြောကြားခဲ့ပါသည်။

          စီမံကိန်းများ၏ အရည်အသွေးကို အာမခံပြီး ငွေထုတ်‌ပေးမှုကို မြန်ဆန်အောင် ဆောင်ရွက် ရန်လိုအပ်ကြောင်း ဝန်ကြီးချုပ်က အလေးပေးပြောကြားခဲ့ပါသည်။

          ၂၀၂၅ ခုနှစ်အတွက် ပြည်သူ့ရင်းနှီးမြုပ်နှံမှု မတည်ငွေအဖြစ် ဗီယက်နမ် Dong ၈၂၉.၃ ထရီလီ ယံကျော် (အမေရိကန်ဒေါ်လာ ၃၁.၄ ဘီလီယံ) ကို အတည်ပြုခဲ့ကြောင်း အစီအရင်ခံစာ အရသိရပါသည်။

DOCA (ရန်ကုန်) 

           ကမ္ဘောဒီးယားနှင့် အခြားအာဆီယံအဖွဲ့ဝင်နိုင်ငံများကြား ကုန်သွယ်မှုတန်ဖိုးသည် ၂၀၂၅ ခုနှစ်၊ ပထမ (၈) လတွင် ကန်ဒေါ်လာ ၁၁ ဘီလီယံနီးပါးရောက်ရှိခဲ့ပြီး ယမန်နှစ် အလားတူ ကာလထက် ၄.၅ ရာခိုင်နှုန်း မြင့်တက်လာခဲ့သည်။  ယင်းတို့အနက် ဗီယက်နမ်သည် ကမ္ဘောဒီးယား၏ အကြီးဆုံးကုန်သွယ်ဖက်နိုင်ငံဖြစ်ကြောင်း ကမ္ဘောဒီးယားအစိုးရမှ မကြာသေးမီ က ထုတ်ပြန်သည့် အစီရင်ခံစာအရ သိရသည်။ ကမ္ဘောဒီးယားသည် ဇန်နဝါရီမှ ဩဂုတ်လအထိ အခြားအာဆီယံနိုင်ငံများသို့ ကုန်ပစ္စည်းများ ဒေါ်လာ ၃.၉၈ ဘီလီယံ တင်ပို့ခဲ့ပြီး ၁၆ ရာခိုင်နှုန်း တိုးလာပြီး စုစုပေါင်း သွင်းကုန်တန်ဖိုး ကန်ဒေါ်လာ ၆.၉၈ ဘီလီယံရှိကာ ၁.၁၆ ရာခိုင်နှုန်း ကျဆင်းခဲ့သည်။  ကမ္ဘောဒီးယားနိုင်ငံ ဗီယက်နမ်ကုန်သွယ်ရေးရုံး အကြီးအကဲ Do Viet Phuong က နှစ်နိုင်ငံကြား ကုန်သွယ်မှု အလားအလာသည် ကြီးမားလာခဲ့ကြောင်း၊  ဗီယက်နမ်စီးပွားရေး လုပ်ငန်းများ၏ ကြိုးပမ်းအားထုတ်မှုနဲ့အတူ အဆင့်အားလုံး၏ ပံ့ပိုးကူညီမှုနဲ့အတူ ဗီယက်နမ် ကုန်စည်များသည် ကမ္ဘောဒီးယားတွင် ရောက်ရှိနေပြီး မကြာမီကာလအတွင်းမှာ ကန်ဒေါ်လာ ဘီလျံ ၂၀ နီးပါးအထိ ရရှိနိုင်မည်ဖြစ်ပြီး နှစ်နိုင်ငံခေါင်းဆောင်များ မျှော်လင့်ထားသည့်အတိုင်း နှစ်နိုင်ငံ ကုန်သွယ်မှုဆက်ဆံရေးကို ကြီးကြီးမားမား အထောက်အကူဖြစ်စေမယ်လို့ မျှော်လင့် ထားကြောင်း Phuong မှ ပြောကြားခဲ့သည်။ ကမ္ဘောဒီးယားနိုင်ငံမှ အာဆီယံသို့ တင်ပို့သည့် အဓိကထုတ်ကုန်များမှာ အထည်အလိပ်၊ ဖိနပ်၊ ခရီးသွားကုန်ပစ္စည်းများ၊ လက်ကိုင်အိတ်များ၊ ဆိုလာပြားများ၊ ကားတာယာများ၊ လျှပ်စစ်နှင့် လယ်ယာထွက်ကုန်များ ပါဝင်သည်။

DOCA (ရန်ကုန်) 

                စိုက်ပျိုးရေး၊ မွေးမြူရေး၊ ငါးပုစွန်၊ အလှကုန်၊ ဆေးဝါး၊ ဓာတ်ခွဲခန်း၊ ဆေးဘက်ဆိုင်ရာ ကိရိယာများ၊ အစားအသောက် အဖျော်ယမကာနှင့် အိမ်မွေးတိရစ္ဆာန် လုပ်ငန်းဆိုင်ရာ နိုင်ငံတကာ ကုန်သွယ်မှု ပြပွဲကို ကမ္ဘောဒီးယားနိုင်ငံ ဖနွမ်းပင်၌ စတင်ခဲ့ပြီး နိုင်ငံနှင့် နယ်မြေ ပေါင်း ၂၀၀ ကျော်မှ လုပ်ငန်းပေါင်း ၂၀၀ ကျော် ပါဝင်ခဲ့ကြသည်။ ကမ္ဘောဒီးယားဝန်ကြီးဌာနများ နှင့် ဗီယက်နမ်ကုန်သွယ်ရေးရုံးတို့က ကျောထောက်နောက်ခံပြုထားသည့် သုံးရက်ကြာကျင်းပ သည့် အဆိုပါပွဲသည် နှစ်နိုင်ငံအကြား ကုန်သွယ်မှုမြှင့်တင်ရန်နှင့် နိုင်ငံတကာစီးပွားရေး ချိတ်ဆက်မှုများကို ချဲ့ထွင်ရန် ရည်ရွယ်ထားသည်။ ကုန်စည်ပြပွဲနှင့်အတူ အထူးပြု အလုပ်ရုံ ဆွေးနွေးပွဲများနှင့် စီးပွားရေးနှင့်ကိုက်ညီသော အစည်းအဝေးများကို ဆက်တိုက်ကျင်းပခဲ့ပြီး လုပ်ငန်းရှင်များအတွက် ဆန်းသစ်တီထွင်မှုနှင့် မိတ်ဖက်သစ်များ ထူထောင်နိုင်စေရန် အခွင့်အလမ်းများ ဖန်တီးပေးလျက်ရှိပါသည်။ ကမ္ဘောဒီးယားနိုင်ငံရှိ ဗီယက်နမ်ကုန်သွယ်မှုရုံး တွင် ဗီယက်နမ်-ကမ္ဘောဒီးယား ကုန်သွယ်မှု၊ စိုက်ပျိုးရေးသိပ္ပံ-နည်းပညာနှင့် မွေးမြူရေး လုပ်ငန်းများမြှင့်တင်ရေးဆိုင်ရာ အလုပ်ရုံဆွေးနွေးပွဲကို ကျင်းပပြုလုပ်ခဲ့ပြီး လယ်ယာနှင့် မွေးမြူရေးလုပ်ငန်းများလုပ်ကိုင်နေသည့် နှစ်နိုင်ငံလုံးမှ စီးပွားရေးအသင်းအဖွဲ့များ တက်ရောက် ခဲ့ကြသည်။ ကုန်စည်ပြပွဲတွင် ဗီယက်နမ်ကုမ္ပဏီ ၂၀ နီးပါး တက်ရောက်ကြပြီး ကုန်သွယ်ရေးရုံးမှ ခွဲဝေပြသထားသည့် ကုန်ပစ္စည်းနမူနာ ၁၅ ခုကို ပေးပို့ကာ ကမ္ဘောဒီးယားတွင် ဗီယက်နမ် ကုန်စည်များ ခြေကုပ်ယူလာကာ နှစ်ဘက်ကုန်သွယ်မှုကို ပံ့ပိုးပေးမည်ဟု မျှော်လင့် ကြောင်း ဗီယက်နမ်ကုန်သွယ်မှုရုံး အကြီးအကဲ Do Viet Phuong က ပြောကြားခဲ့သည်။

DOCA (ရန်ကုန်) 

      ကမ္ဘောဒီးယားနိုင်ငံ၏ စုစုပေါင်းတင်သွင်းသည့် ဒီဇယ်လောင်စာ၊ ဓာတ်ဆီနှင့် သယာဝ ဓာတ်ငွေ့ ပမာဏသည် ၂၀၂၅ ခုနှစ်၊ ပထမ (၈) လအတွင်း အမေရိကန်ဒေါ်လာ ၁.၆၃ ဘီလီယံ ရှိခဲ့ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ အစီရင်ခံစာတွင် ဖော်ပြထား သည်။ သုံစွဲခဲ့သည့်တန်ဖိုးသည် ၂၀၂၄ ခုနှစ် အလားတူကာလ ကန်ဒေါ်လာ ၁.၈၈ ဘီလီယံမှ ၁၃.၃ ရာခိုင်နှုန်း ကျဆင်းခဲ့ကြောင်း အစီရင်ခံစာတွင်ဖော်ပြထားသည်။ နိုင်ငံတော်သည် ဒီဇယ်ဆီ တင်သွင်းမှုအတွက် ကန်ဒေါ်လာ ၈၇၇ သန်း သုံးစွဲခဲ့ပြီး ၁၂.၈ ရာခိုင်နှုန်း ကျဆင်းခဲ့ သည်။  ဓာတ်ဆီအတွက် ကန်ဒေါ်လာ ၅၂၉ သန်း ကျဆင်းခဲ့ပြီး ၁၉ ရာခိုင်နှုန်း၊  သဘာဝဓာတ်ငွေ့အတွက် ဒေါ်လာ ၂၂၅ သန်းနှင့် ၁.၇ ရာခိုင်နှုန်း တိုးလာသည်ဟု အစီရင်ခံစာအရသိရသည်။  သတ္တုတွင်းနှင့် စွမ်းအင်ဝန်ကြီးဌာနသည် ကမ္ဘောဒီးယားနိုင်ငံရှိ ရေနံနှင့် သဘာဝဓာတ်ငွေ့ ၀ယ်လိုအားသည် ၂၀၂၀ ခုနှစ်တွင် တန်ချိန် ၂.၈ သန်းမှ ၂၀၃၀ ခုနှစ် တွင် တန်ချိန် ၄.၈ သန်းအထိ တိုးလာမည်ဟု ခန့်မှန်းထားသည်။

DOCA (ရန်ကုန်)

       ကမ္ဘောဒီးယားနှင့် ပြင်သစ်နိုင်ငံတို့သည် စီးပွားရေး၊ ကုန်သွယ်မှုနှင့် ရင်းနှီးမြှုပ်နှံမှု၊ ပညာရေး၊ ကျန်းမာရေး၊ စွမ်းအင်၊ ယဉ်ကျေးမှုနှင့် သဘာဝပတ်ဝန်းကျင် အပါအဝင် နယ်ပယ်များစွာတွင် နှစ်နိုင်ငံ ပူးပေါင်းဆောင်ရွက်မှုကို အားကောင်းစေရေးတိုးချဲ့ရန် ကတိကဝတ်ကို အတည်ပြုခဲ့ကြသည်။ ကမ္ဘောဒီးယားဝန်ကြီးချုပ် Hun Manet နှင့် ပြင်သစ် သံအမတ်ကြီး Olivia Richard တို့ ဖနွမ်းပင်မြို့ရှိ ငြိမ်းချမ်းရေးနန်းတော်၌ တွေ့ဆုံစဉ် ကတိပြု ခဲ့ခြင်းဖြစ်သည်။ တွေ့ဆုံစဉ်ပြင်သစ်နှင့် ကမ္ဘောဒီးယားနိုင်ငံတို့သည် နှစ်များတစ်လျှောက် ဆက်တိုက်တိုးချဲ့လာခဲ့သည့် နီးကပ်သော မိတ်ဖက်ဆက်ဆံရေးကို ကာလကြာရှည်စွာ ခံစား ခဲ့ရကြောင်း သံအမတ်ကြီး Richard က အလေးပေးပြောကြားခဲ့သည်။  ဆက်လက်၍ ကမ္ဘောဒီးယား နှစ်နိုင်ငံဆက်ဆံရေး ပိုမိုတိုးတက်ခိုင်မာရေးနှင့် သာယာဝပြောရေးတို့အတွက် ကမ္ဘောဒီးယားနိုင်ငံရှိ ဝန်ကြီးဌာနများ၊ အဖွဲ့အစည်းများနှင့် ပူးပေါင်းလုပ်ဆောင်ရန် အဆင်သင့် ရှိကြောင်း အခိုင်အမာပြောကြားခဲ့သည်။   ဒေသတွင်း ကိစ္စရပ်များတွင် Hun Manet က ကမ္ဘောဒီးယားနှင့် ထိုင်းတို့ကြား အပစ်အခတ်ရပ်စဲရေးကို ထောက်ခံအားပေးမှုအတွက် ပြင်သစ်သမ္မတ Emmanuel Macron အား ကျေးဇူးတင်ရှိကြောင်း ပြောကြားခဲ့ သည်။  ကမ္ဘောဒီးယား-ထိုင်းနယ်စပ်ရှိ နောက်ဆုံးဖြစ်ပေါ်တိုးတက်မှုများနှင့် ပတ်သက်၍ သံအမတ်ကြီးအား ရှင်းလင်းတင်ပြပြီး နှစ်နိုင်ငံသဘောတူညီချက်များ၊ စာချုပ်များနှင့် နိုင်ငံတကာဥပဒေများနှင့်အညီ အခြေအနေကို ငြိမ်းချမ်းစွာဖြေရှင်းရန် ကတိပြုခဲ့သည်။

DOCA (ရန်ကုန်)