ပြည်ပကုန်သွယ်မှုသတင်းများ

       တောင်ကိုရီယား စီးပွားရေးလုပ်ငန်းများကြားတွင် စီးပွားရေးအခြေအနေနှင့်ပတ်သက် သော ယုံကြည်မှုများသည် ချစ်ပ်ထုတ်လုပ်မှုတိုးတက်လာခြင်းနှင့် စားသုံးသူ ဝယ်လိုအား မြှင့်တင်ရန် အပိုဘတ်ဂျက် အစီအစဉ်ကြောင့် ဒုတိယအကြိမ်အဖြစ် ဆက်တိုက်တိုးတက် လာကြောင်း စက်တင်ဘာလ ၂၆ ရက်နေ့တွင် ထုတ်ပြန်သော ဗဟိုဘဏ်အချက်အလက်များအရ သိရှိရပါသည်။

     ကိုရီးယားဘဏ် (BOK) ၏ အဆိုအရ စက်တင်ဘာလတွင် စက်မှုလုပ်ငန်း အားလုံး၏ စုစုပေါင်းစီးပွားရေးစိတ်ဓာတ်ညွှန်ကိန်း (CBSI) သည် သြဂုတ်လတွင် ၁.၀ မှတ် တက်လာပြီး နောက် စက်တင်ဘာလတွင် တစ်လအတွင်း ၀.၆ မှတ် မြင့်တက်လာကာ ၉၁.၆ သို့ ရောက်ရှိခဲ့ပါသည်။

      စားသုံးသူဝယ်လိုအားကို မြှင့်တင်ရန်ရည်ရွယ်သည့် ငွေသားထောက်ပံ့မှုများပေးမည့် ဖြည့်စွပ်ဘတ်ဂျက်သည် ထုတ်လုပ်မှု မဟုတ်သော လုပ်ငန်းများအကြား စီးပွားရေးအတွက် အနာဂတ်ယုံကြည်မှုများ တိုးလာခဲ့ပါသည်။

      စီးပွားရေးလုပ်ငန်းများလုပ်ကိုင်ရာတွင် ထုတ်လုပ်သူများသည် ပြည်တွင်းဝယ်လိုအားကျ ဆင်းခြင်း၊ စီးပွားရေး မရေရာမှုနှင့် ပြင်းထန်သော ပြိုင်ဆိုင်မှတို့ကို ရင်ဆိုင်နေရပြီး ကုန်ထုတ် လုပ်သူမဟုတ်သော လုပ်ငန်းရှင်များမှာ ဝယ်လိုအားနည်းပါးခြင်း၊ စီးပွားရေးအခြေအနေ မရေရာ ခြင်း၊ လုပ်ခလစာမြင့်မာခြင်းတို့ကို ရင်ဆိုင်နေရပါသည်။

     စီးပွား‌ရေးလုပ်ငန်းရှင်များနှင့် စားသုံးသူများကြား ယုံကြည်မှုကို တွက်ချက်ထားသော ညွှန်းကိန်း (ESI) သည် စက်တင်ဘာလတွင် ၉၁.၃ တွင် ရပ်တည်ခဲ့ပြီး ယခင်လထက် ၃.၃ မှတ် ကျဆင်းခဲ့ကြောင်း သိရှိရပါသည်။

Source : Xinhua                                                                                 

DOCA (ရန်ကုန်)

          တောင်ကိုရီးယားနိုင်ငံသည်ကမ္ဘောဒီးယားနိုင်ငံနှင့် ကုန်သွယ်မှုနှင့်ကူးသန်းရောင်းဝယ်ရေး ဆက်ဆံရေးကို ပိုမိုချဲ့ထွင်ရန် ဆန္ဒရှိနေသည်။ အမေရိကန်နိုင်ငံခြားရေးနှင့် အပြည်ပြည်ဆိုင်ရာ ပူးပေါင်းဆောင်ရွက်ရေး ၀န်ကြီး Prak Sokhonn သည် ၂၄-၉-၂၀၂၅ ရက်နေ့က အမေရိကန်နိုင်ငံ၊ နယူးယောက်မြို့တွင် ကျင်းပပြုလုပ်ခဲ့သော နှစ် ၈၀ ပြည့် ကုလသမဂ္ဂ အထွေထွေညီလာခံ အပြီးတွင် တောင်ကိုရီးယား နိုင်ငံခြားရေးဝန်ကြီး Cho Hyun နဲ့ တွေ့ဆုံ ဆွေးနွေးခဲ့ကြသည်။

        တွေ့ဆုံစဉ် နှစ်နိုင်ငံကြား ကုန်သွယ်မှုကို ပိုမိုချဲ့ထွင်ရန် စိတ်အားထက်သန်မှုကို အခိုင်အမာအတည်ပြုပြီး ကမ္ဘောဒီးယားအစိုးရမှ ကိုရီးယားစီးပွားရေးလုပ်ငန်းရှင်များနှင့် စီးပွားရေးလုပ်ငန်းရှင်များအား ပံ့ပိုးကူညီမှုအား ဝန်ကြီး Cho Hyun က ချီးကျူးစကား ပြောကြားခဲ့သည်။ နှစ်နိုင်ငံအကြား လူကုန်ကူးမှုနှင့် လိမ်လည်လှည့်ဖြားမှုများအား နှိမ်နင်းမှုများ အားကောင်းလာစေရန် နှစ်ဖက်စလုံးက သဘောတူညီခဲ့ကြပြီး ဒုက္ခသည်များ ကယ်ဆယ်ရေးနှင့် နေရပ်ပြန်ပို့ရေးတွင် အနီးကပ်ပူးပေါင်းဆောင်ရွက်ခဲ့ကြရန် ထပ်မံကတိပြုခဲ့ကြသည်။ တောင်ကိုရီးယားနိုင်ငံနှင့် ကမ္ဘောဒီးယားနိုင်ငံတို့သည် အရေးပါသော ကုန်သွယ်ဖက်နိုင်ငံများ ဖြစ်ကြပြီး ၎င်းတို့၏နှစ်နိုင်ငံကုန်သွယ်မှုပမာဏသည် ၂၀၂၄ ခုနှစ်တွင် ခန့်မှန်းခြေအားဖြင့် အမေရိကန်ဒေါ်လာ ၇၆၂ သန်းအထိ ရောက်ရှိခဲ့ပြီး ၂၀၂၃ ခုနှစ်ထက် ၁၁.၄၉ ရာခိုင်နှုန်း တိုးမြင့်လာခဲ့သည်။ ကမ္ဘောဒီးယား-ကိုရီးယား လွတ်လပ်သော ကုန်သွယ်မှုသဘောတူညီချက် (CKFTA) နှင့် အခြားသောသဘောတူညီချက်များသည် ဤကုန်သွယ်မှုကို လွယ်ကူချောမွေ့ စေပြီး စီးပွားရေးနှင့်လူမှုရေး ပူးပေါင်းဆောင်ရွက်မှုကို ပိုမိုမြှင့်တင်ရန် နှစ်နိုင်ငံလုံးသည် ပိုမိုမဟာဗျူဟာမြောက် မိတ်ဖက်အဖြစ်သို့ ဦးတည်လျက်ရှိသည်။ Source: Khmer Times                                                                                   

DOCA (ရန်ကုန်)

          ခရီးသွားကဏ္ဍအတွက် တွန်းအားတစ်ခုအနေဖြင့် ကမ္ဘောဒီးယားသည် ၂၀၂၅ ခုနှစ်အတွင်း လေကြောင်းခရီးစဉ်ပေါင်း ၃၁,၅၇၉ ခု ပျံသန်းဝန်ဆောင်မှုပေးခဲ့ပြီး ၂၀၂၄ ခုနှစ်တွင် ပျံသန်းမှု ၂၇,၆၃၈ ခုမှ ၁၄.၂ ရာခိုင်နှုန်း တိုးလာမည်ဟု လေကြောင်း ပိုင်းခြားစိတ်ဖြာမှု ဝန်ဆောင်မှုပေးသူ Cirium ၏ ပြောကြားချက်အရ သိရသည်။ နိုင်ငံအတွင်း လေကြောင်းခရီးဖြင့် လာရောက် လည်ပတ်သူ ခရီးသွားများသည် ၂၀၂၅ တွင် ၅,၁၈၂,၈၆၄ ဦးသို့ရောက်ရှိရန်ခန့်မှန်းထားပြီး ၂၀၂၄ ခုနှစ်တွင် ၄,၅၁၇,၃၉၇ ဦးမှ ၁၄.၇ ရာခိုင်နှုန်း တိုးတက်ခဲ့ရာ ၂၀၂၆ ခုနှစ် ပထမ သုံးလပတ်အတွက် အလားတူတိုးတက်မှုလမ်းကြောင်းရရှိရန် မျှော်မှန်းထားကြောင်း Cirium မှ ပြောကြားခဲ့သည်။

        ခရီးသွားကဏ္ဍ၏ ကြီးထွားလာသောအရှိန်အဟုန်ကို ဖနွမ်းပင်မြို့ရှိ Techo အပြည်ပြည်ဆိုင်ရာလေဆိပ်အသစ်နှင့် Siem Reap-Angkor အပြည်ပြည်ဆိုင်ရာလေဆိပ်တို့က ပံ့ပိုးပေးထားပြီး ကမ္ဘောဒီးယားနိုင်ငံ၏ လေကြောင်းစွမ်းရည်နှင့် ချိတ်ဆက်မှုအား ပြန်လည် အဓိပ္ပာယ်ဖွင့်ဆိုလျက်ရှိကြောင်း ဆက်လက်ပြောကြားခဲ့သည်။ လေဆိပ်နှစ်ခုစလုံးသည် နှစ်စဉ် သန်းနှင့်ချီသော ခရီးသည်များကို ဝန်ဆောင်မှုများပေးရန် ဒီဇိုင်းထုတ်ထားပြီး လျင်မြန်စွာ တိုးချဲ့နေသော ခရီးသွားလုပ်ငန်း၏ လိုအပ်ချက်များကို ဖြည့်ဆည်းရန် ကမ္ဘာ့အဆင့်မီ အခြေခံ အဆောက်အအုံများ ပံ့ပိုးပေးထားသည်။ သမိုင်းမှတ်တိုင်သစ်တစ်ခုအဖြစ် ယခုနှစ်တွင် အရှေ့အလယ်ပိုင်းလေကြောင်းလိုင်းများဖြစ်သည့် Emirates၊ Turkish Airlines နှင့် Etihad Airways တို့က ကမ္ဘောဒီးယားသို့ လမ်းကြောင်းသစ်များ စတင်ဝင်ရောက်လာကြောင်း ကမ္ဘောဒီးယား ခရီးသွားလုပ်ငန်းဘုတ်အဖွဲ့ (CTB) မှ ထုတ်ပြန်ချက်တွင် ဖော်ပြထားသည်။ ကမ္ဘောဒီးယားခရီးသွားလုပ်ငန်းဘုတ်အဖွဲ့ (CTB) ၏ အမှုဆောင်အရာရှိချုပ် Kim Minea က လေကြောင်း ကဏ္ဍတွင် အားကောင်းလာသည်နှင့်အမျှ ကမ္ဘောဒီးယားနိုင်ငံသို့ ကမ္ဘာအဆင့်မီ လေကြောင်းလိုင်းအသစ်များရောက်ရှိလာနိုင်ပြီး နိုင်ငံအတွင်း ရင်းနှီးမြှုပ်နှံထားသော လေကြောင်းလိုင်းများ၏ ယုံကြည်မှု၊ ခရီးသွားလုပ်ငန်း ဆက်လက်ကြီးထွားလာမှုအပေါ် ယုံကြည်မှုနှင့် ကမ္ဘောဒီးယားနိုင်ငံသို့ လာရောက်လည်ပတ်သော ခရီးသွားများ၏ ယုံကြည်မှုများ အားကောင်းလာမည်ဖြစ်ကြောင်း ပြောကြားခဲ့သည်။  ကမ္ဘောဒီးယားနိုင်ငံသည် ၂၀၂၅ ခုနှစ် ပထမ (၆) လအတွင်း နိုင်ငံတကာခရီးသွားဧည့်သည် ၃.၃၆ သန်းကို လာရောက်လည်ပတ်ခဲ့ပြီး ၂၀၂၄ ခုနှစ် အလားတူကာလနှင့် နှိုင်းယှဉ်ပါက ၆.၂ ရာခိုင်နှုန်း တိုးမြင့်လာကြောင်း ခရီးသွား လာရေး ဝန်ကြီးဌာန၏ ထုတ်ပြန်ချက်အရ သိရသည်။ MoT ၏ ထုတ်ပြန်ချက်အရ ၂၀၂၅ ခုနှစ် ဇန်နဝါရီလမှ ဇွန်လအထိ နိုင်ငံတကာခရီးသည် ၁.၄၂ သန်းကျော်သည် ဖနွမ်းပင် အပြည်ပြည် ဆိုင်ရာ လေဆိပ်၊ Siem Reap Angkor အပြည်ပြည်ဆိုင်ရာ လေဆိပ်နှင့် Sihanoukville အပြည်ပြည်ဆိုင်ရာ လေဆိပ်တို့မှတဆင့် လေကြောင်းနှင့် ရောက်ရှိလာခဲ့ပြီး ၁.၉၃ သန်းကျော် ကုန်းကြောင်းနှင့် ရေကြောင်းဖြင့် ရောက်ရှိလာခဲ့သည်။ Source: Khmer Times               

DOCA (ရန်ကုန်)                                                                    

          ဗီယက်နမ်နိုင်ငံ၏ သစ်သီးနှင့် ဟင်းသီးဟင်းရွက်တင်ပို့မှုသည် ၂၀၂၅ ခုနှစ်၏ ပထမ ၉ လအတွင်း အမေရိကန်ဒေါ်လာ ၆.၁၁ ဘီလီယံ ကျော်အထိ ရောက်ရှိမည်ဟု ခန့်မှန်းထားပြီး ခင်နှစ်နှင့် နှိုင်းယှဉ်ပါက ၈.၃ ရာခိုင်နှုန်း  တိုးတက်ခဲ့ကြောင်း စိုက်ပျိုးရေးနှင့် သဘာဝပတ်ဝန်ကျင် ဝန်ကြီးဌာန၏ အဆိုအရ သိရပါသည်။

          စက်တင်ဘာလ တစ်ခုတည်းတွင် တင်ပို့မှုသည် အမေရိကန်ဒေါ်လာ ၁.၂၉ ဘီလီယံ နီးပါးအထိ ရောက်ရှိခဲ့ပြီး အမြင့်ဆုံးလစဉ်တင်ပို့မှု ကိန်းဂဏန်းအဖြစ် မှတ်တမ်းတင်ခဲ့ပါသည်။ သြဂုတတ်လနှင့် နှိုင်းယှဉ်ပါက ၃၆ ရာခိုင်နှုန်း တိုးတက်ခဲ့ပြီး ယခင်နှစ် အလားတူကာလနှင့် နှိုင်းယှဉ်ပါက ၄၁ ရာခိုင်နှုန်း တိုးတက်ခဲ့ကြောင်း သိရပါသည်။

          ဖွံ့ဖြိုးမှုကို ရေရှည်တည်တံ့စေရန် သစ်သီးဝလံနှင့် ဟင်းသီးဟင်းရွက် တင်ပို့မှု၏ အဓိက ဈေးကွက်ဖြစ်သည့် ဂျပန်၊ တောင်ကိုရီးယား၊ ဥရောပသမဂ္ဂနှင့် တရုတ် ကဲ့သို့သော ဗီယက်နမ်နှင့် လွတ်လပ်သောကုန်သွယ်မှု သဘောတူညီချက်စာချုပ်များ လက်မှတ်ရေးထိုးထားသည့် နိုင်ငံများနှင့် ခိုင်မာအောင် ဆောင်ရွက်ရန် တိုက်တွန်းထားပါသည်။ ဗီယက်နမ်ထုတ်ကုန်များကို ပိုမိုစွမ်းဆောင်ရည်မြင့်ပြီး ကမ္ဘာ့ဈေးကွက်တွင် ယှဉ်ပြိုင်နိုင် စေရန်၊ ကျန်းမာရေးနှင့် ညီညွတ်သော တန်ဖိုးမြှင့်ထုတ်ကုန်များကို ထုတ်လုပ်ရန် တိုက်တွန်းထား ကြောင်းသိရှိရပါသည်။Source : Vietnam Plus                                                                   

DOCA (ရန်ကုန်)

          ဖိလစ်ပိုင် သမ္မတ Ferdinand Romualdez Marcos သည် လက်ရှိနှစ်လကြာ ဆန်တင်သွင်းမှု ဆိုင်းငံ့ထားခြင်းကို သက်တမ်းတိုးခြင်းနှင့် ပြည်ပဆန်များအပေါ် အခွန်တိုးမြှင့်ခြင်းဖြင့် နိုင်ငံ၏ ဆန်တင်သွင်းမှု မူဝါဒကိုတင်းကြပ်ရန် ဆောင်ရွက်နေကြောင်း စက်တင်ဘာလ ၂၄ ရက်နေ့တွင် စိုက်ပျိုးရေးဝန်ကြီးဌာနက ပြောကြားခဲ့ပါသည်။

          စိုက်ပျိုးရေးဝန်ကြီး Francisco Tiu Laurel က သမ္မတသည် တင်သွင်းမှုဆိုင်းငံ့ထားခြင်းကို သက်တမ်းတိုးရန် ညွှန်ကြားထားကြောင်း ပြောခဲ့ပါသည်။

      ဆန်တင်သွင်းမှု ဆိုင်းငံ့ထားခြင်းနှင့် သွင်းကုန်ဆန်အပေါ် အခွန်တိုးမြှင့်နိုင်ခြေကို လယ်သမားတို့ရောင်းသည့် ဈေးနှုန်းနှင့် ပမာဏ အချက်အလက်များပေါ်မူတည်ပြီး ဆုံးဖြတ်မည်ဟု Tiu Laurel က သမ္မတနှင့် ဆွေးနွေးပြီးနောက် ပြောကြားခဲ့ပါသည်။စက်တင်ဘာ ၁ ရက်နေ့တွင် စတင်ပြီး နိုင်ဝင်ဘာ ၂ ရက်နေ့တွင် ပြီးဆုံးရန် သတ်မှတ်ထားသည့် သွင်းကုန်ရပ်ဆိုင်းမှုကို ဈေးသက်သာသော သွင်းကုန်ဆန်များကြောင့် ဖြစ်ပေါ်လာသော ဆန်စပါးကျဆင်းမှုမှ လယ်သမားများ ပြန်လည်ဈေးကောင်းရလာစေရန် ကနဦး ဆိုင်းငံ့ခဲ့ခြင်းဖြစ်ကြောင်း သိရှိရပါသည်။Source : Xinhua                                                                                 

DOCA (ရန်ကုန်)