ပြည်ပကုန်သွယ်မှုသတင်းများ

        အမေရိကန်သမ္မတဒေါ်နယ်ထရန့်သည် ရုရှားနိုင်ငံ၏ ရေနံဝယ်ယူမှုကို တုံ့ပြန်သည့်အနေဖြင့် အိန္ဒိယနိုင်ငံမှ သွင်းကုန်များအပေါ် ထပ်ဆောင်းအကောက်ခွန် ၂၅ ရာခိုင်နှုန်း ထပ်တိုး ကောက်ခံရန် အမိန့်တစ်ရပ်ကို သြဂုတ်လ ၆ ရက်နေ့က လက်မှတ်‌ရေးထိုးခဲ့ကြောင်း အိမ်ဖြူတော် ၏ ထုတ်ပြန်ချက်တွင်ဖော်ပြထားသည်။ ကြေညာပြီးနောက် ၂၁ ရက်အကြာတွင် သက်ရောက်သည့် အဆိုပါအမိန့်သည် အိန္ဒိယကုန်ပစ္စည်းများအပေါ် အမေရိကန် ပြည်ထောင်စုမှ စည်းကြပ်ခွန် ၅၀ ရာခိုင်နှုန်းအထိ တိုးစေမည်ဖြစ်သည်။ အိန္ဒိယ၏ ရုရှားရေနံဝယ်ယူမှုကို ကိုးကား၍ အိန္ဒိယမှ တင်သွင်းသည့် ကုန်ပစ္စည်းများ အပေါ် အခွန်တိုးကောက်မည်ဟု သြဂုတ်လ ၄ ရက်နေ့တွင် ထရန့်မှကြေညာခဲ့သည်။ အိန္ဒိယပြည်ပ‌ရေးရာဝန်ကြီးဌာနသည်  ထရန့်၏ ခြိမ်းခြောက်မှုအား အိန္ဒိယကို ပြစ်မှတ်ထားခြင်းသည် တရားမျှတမှုမရှိကြောင်း ပြောကြားခဲ့သည်။ ရုရှား-ယူကရိန်း ပဠိပက္ခဖြစ်ပွားပြီးနောက် အစဉ်အလာထောက်ပံ့မှုများ ဥရောပ သို့လမ်းကြောင်း ပြောင်းသွားခြင်းကြောင့် အိန္ဒိယနိုင်ငံသည် ရုရှားနိုင်ငံမှ စတင်တင်သွင်းခဲ့ပြီး ထိုအချိန်က အမေရိကန်သည် ကမ္ဘာ့စွမ်းအင်‌စျေးကွက် တည်ငြိမ်မှုအားကောင်းစေရန် အိန္ဒိယမှ တင်သွင်းမှုများ တက်ကြွစွာအားပေးခဲ့ကြောင်း ထုတ်ပြန်ချက်တွင် ဖော်ပြထားသည်။ ဇူလိုင်လ ၂၉ ရက်နေ့တွင် ရုရှားအား ယူကရိန်းနှင့် အပြစ်အခတ်ရပ်စဲ‌ရေး သဘောတူညီချက်အတွက် ၁၀ ရက် နောက်ဆုံးသတ်မှတ်ခဲ့သည်။ အိန္ဒိယ၏ ကုန်ပစ္စည်းများအပေါ် နောက်ဆုံး ဒဏ်ခတ် စည်းကြပ်ခွန်ကောက်ခံမှုသည် ရုရှားကို ပစ်မှတ်ထားသည့် အမေရိကန်၏ ဖိအားပေး လှုပ်ရှားမှု၏ တစ်စိတ်တစ်ပိုင်းအဖြစ်ရှုမြင်ကြသည်။

Source: Xinhua      

DOCA (ရန်ကုန်)

      အင်ဒိုနီးရှားအစိုးရသည် သြဂုတ်လ ၁၁ ရက်နေ့တွင် ဘက်စုံစီးပွားရေးပူးပေါင်း ဆောင်ရွက်မှုသဘောတူညီချက် (CEPA) ကို လက်မှတ်ရေးထိုးပြီးနောက် လာမည့်နှစ်များတွင် ပီရူးနှင့် နှစ်ဘက်ကုန်သွယ်မှုပမာဏ အမေရိကန်ဒေါ်လာ ၅ ဘီလီယံရရှိရန် ရည်မှန်းထား ကြောင်း ကုန်သွယ်ရေးဝန်ကြီးဌာနက သြဂုတ်လ ၁၂ ရက်နေ့တွင် ပြောကြားခဲ့သည်။ ဝန်ကြီးဌာနမှ အပြည်ပြည်ဆိုင်ရာ ကုန်သွယ်မှု ညှိနှိုင်းရေး ညွှန်ကြားရေးမှူးချုပ် Djatmiko Bris Witjaksono က ရည်မှန်းထားသည့် ရည်မှန်းချက်သည် ၂၀၂၄ ခုနှစ်တွင် ဒေါ်လာသန်း ၄၈၀ ဝန်းကျင်သို့ ရောက်ရှိခဲ့သည့် နှစ်နိုင်ငံအကြား လက်ရှိကုန်သွယ်မှုပမာဏထက် သိသိ သာသာ တိုးလာကြောင်းပြောကြားခဲ့သည်။ အင်ဒိုနီးရှားနှင့် ပီရူးကြား ကုန်သွယ်မှု ဆက်ဆံ ရေးသည် ၂၀၂၀ မှ ၂၀၂၄ ခုနှစ်အထိ နှစ်စဉ် ပျမ်းမျှ ၁၅.၀၈ ရာခိုင်နှုန်း တိုးတက်ခဲ့ကြောင်း Djatmiko မှ ပြောကြားခဲ့သည်။

Source: Xinhua      

DOCA (ရန်ကုန်)

      တောင်ကိုရီးယားနိုင်ငံ၏ သတင်းအချက်အချက်အလက်နှင့် ဆက်သွယ်ရေးနည်းပညာ ထုတ်လုပ်မှုသည် အားကောင်းသော Semiconductor ဝယ်လိုအားကြောင့် ဇူလိုင်လတွင် ခြောက်ကြိမ်မြောက် ဆက်တိုက်မြင့်တက်ခဲ့ကြောင်း အစိုးရသတင်းအချက်အလက်များအရ သိရပါသည်။

          ICT ထုတ်ကုန်များ တင်ပို့မှုသည် ယခင်နှစ်ကထက် ၁၄ရာခိုင်နှုန်း မြင့်တက်ခဲ့ပြီး ဇူလိုင်လ တွင် အမေရိကန်ဒေါ်လာ ၂၂.၁၉ ဘီလီယံ ရရှိခဲ့ပါသည်။မြင့်တက်မှုကို ဆက်လက်ထိန်းသိမ်းနိုင်ခဲ့ ကြောင်း ကုန်သွယ်ရေး၊ စက်မှုလုပ်ငန်း၊ စွမ်းအင်ဝန်ကြီးဌာနက ပြောကြားခဲ့ပါသည်။

          ချစ်ပ်တင်ပို့မှုသည် တန်ဖိုးမြင့်ထုတ်ကုန်များဖြစ်သည့် generative AI ချစ်ပ်တပ်ဆင်မှုတွင် အသုံးပြုသည့် double data rate 5 နှင့် bandwidth memory တို့ ဝယ်လိုအား ခိုင်မာမှုကြောင့် ၃၁.၂ ရာခိုင်နှုန်း မြင့်တက်ကာ ဒေါ်လာ ၁၄.၇၂ ဘီလီယံရရှိခဲ့ကြောင်း သိရပါသည်။

          ဖန်သားပြင်ပြသမှုသည် ၈.၉ရာခိုင်နှုန်းကျဆင်းခဲ့ပြီး ဒေါ်လာ ၁.၇၆ ရရှိခဲ့ပါသည်။မိုဘိုင်း ဖုန်း တင်ပို့မှုသည် ၂၁.၇ ရာခိုင်နှုန်း ကျဆင်းခဲ့ပြီး ဒေါ်လာ ၉၆၀ မီလီယံ ရရှိခဲ့ကြောင်း သိရပါ သည်။

          ကွန်ပျူတာနှင့် ဆက်စပ်ပစ္စည်း တင်ပို့မှုသည် ၁၇.၁ ရာခိုင်နှုန်း ကျဆင်းခဲ့ပြီး ၁.၀၉ ဘီလီယံ ရရှိခဲ့သော်လည်း ဆက်သွယ်ရေး ပစ္စည်းတင်ပို့မှုသည် ၄.၆ ရာခိုင်နှုန်း တိုးတက်ခဲ့ပြီး ၂၀၀ မီလီယံ ရရှိခဲ့ပါသည်။

          ICT ထုတ်ကုန်များ တင်သွင်းမှုသည် ဇူလိုင်လတွင် ယခင်နှစ်နှင့် နှိုင်းယှဉ်လျှင် ၉.၈ ရာခိုင်နှုန်း မြင့်တက်ခဲ့ပြီး ဒေါ်လာ ၁၃.၃၂ ဘီလီယံ ရရှိခဲ့ပါသည်။ICT လုပ်ငန်းတွင် ကုန်သွယ်မှု ပိုငွေ ဒေါ်လာ ၈.၈၇ ဘီလီယံရရှိခဲ့ပါသည်။

          ချစ်ပ်များ၊မိုဘိုင်းပစ္စည်းများနှင့် ကွန်ပျူတာများ တင်သွင်းမှု မြင့်တက်ခဲ့သော်လည်း ဖန်သားပြင်ပြသမှုနှင့် ဆက်သွယ်ရေးပစ္စည်း တင်သွင်းမှုသည် ပြီးခဲ့သည့်လက ကျဆင်းခဲ့ကြောင်း သိရပါသည်။

Source: Xinhua      

DOCA (ရန်ကုန်)

     ကမ္ဘောဒီးယားနိုင်ငံသည် ၂၀၂၅ ခုနှစ် ပထမခုနစ်လတွင် ရော်ဘာနှင့် ရော်ဘာတင်ပို့မှုမှ ကန်ဒေါ်လာ ၃၈၇ သန်းကျော်ရရှိခဲ့ပြီး ယမန်နှစ် အလားတူကာလနှင့် နှိုင်းယှဉ်ပါက ၄၂ ရာခိုင်နှုန်းကျော်တိုးလာကြောင်း ရော်ဘာဦးစီးဌာန၏ အစီရင်ခံစာအရသိရသည်။ ကမ္ဘောဒီးယား နိုင်ငံသည် ၂၀၂၅ ခုနှစ် ပထမခုနစ်လအတွင်း ရော်ဘာတန်ချိန် ၁၇၉,၁၉၈ တန် ထုတ်လုပ်ခဲ့ပြီး ၂၀၂၄ ခုနှစ် အလားတူကာလနှင့် နှိုင်းယှဉ်ပါက ၁.၃၁ ရာခိုင်နှုန်း တိုးလာကြောင်း ၁၁-၈-၂၀၂၅ ရက်နေ့က ထုတ်ပြန်ခဲ့သည့် အစီရင်ခံစာတွင် ဖော်ပြထားသည်။ ဇူလိုင်လတစ်လတည်းတွင် ရော်ဘာတန်ချိန် ၃၆၈၅၅ တန်ထုတ်လုပ်ခဲ့ပြီး၊ ယခင်လကထက် တန်ချိန် ၄,၀၅၇ သို့မဟုတ် ၁၂.၃၇ ရာခိုင်နှုန်းနှင့် ၂၀၂၄ ခုနှစ် ဇူလိုင်လနှင့် နှိုင်းယှဉ်ပါက တန်ချိန် ၃,၀၄၀ သို့မဟုတ် ၈.၉၉ ရာခိုင်နှုန်း တိုးလာကြောင်း အစီရင်ခံစာတွင်ဖော်ပြထားသည်။ ကမ္ဘောဒီးယားနိုင်ငံမှ ရော်ဘာ ၁၄၇,၀၇၁ တန် တင်ပို့ခဲ့ပြီး ၂၀၂၄ ခုနှစ် ကာလတူထက် ၁၅.၄ ရာခိုင်နှုန်း လျော့ကျသွားခဲ့ကြောင်း စိုက်ပျိုးရေး၊ သစ်တောနှင့် ရေလုပ်ငန်း ဝန်ကြီးဌာန ရော်ဘာဦးစီးဌာနမှ ဒုတိယညွှန်ကြားရေးမှူး ချုပ် Khun Kakada က ပြောကြားခဲ့သည်။ ၂၀၂၅ ခုနှစ် ဇူလိုင်လအထိ ရော်ဘာနှင့် ရော်ဘာတင်ပို့မှုမှ စုစုပေါင်းဝင်ငွေသည် ကန်ဒေါ်လာ ၃၈၇ သန်းကျော်ရှိပြီး ရော်ဘာတင်ပို့မှုမှ ကန်ဒေါ်လာ ၃၈၅ သန်းနီးပါးနှင့် ရော်ဘာသစ်တင်ပို့မှုမှ ကန်ဒေါ်လာ ၂ သန်းကျော်ရှိကြောင်း Kakada က ဆိုသည်။ ရော်ဘာအထွေထွေညွှန်ကြားမှုဦးစီးဌာနသည် ရော်ဘာလုပ်ငန်းတွင် သုတေသနနှင့်ဖွံ့ဖြိုးတိုးတက်ရေးပဏာမခြေလှမ်းများအတွက် နိုင်ငံနှင့်နိုင်ငံတကာ ရော်ဘာ အသင်းများနှင့် ဆက်လက်ပူးပေါင်းဆောင်ရွက်သွားမည်ဖြစ်ကြောင်း ၎င်းက ဆက်လက် ပြောကြားခဲ့သည်။

Source: Khmer Times                                                                              

DOCA (ရန်ကုန်)

       ကမ္ဘောဒီးယားနိုင်ငံသည် ၂၀၂၅ ခုနှစ် ပထမ ခုနစ်လတွင် ကန်ဒေါ်လာ ၁၇.၇၂ ဘီလီယံဖိုး ကုန်ပစ္စည်းများ တင်ပို့ခဲ့ပြီး ၂၀၂၄ ခုနှစ် အလားတူကာလထက် ကန်ဒေါ်လာ ၁၄.၉၆ ဘီလီယံမှ ၁၈.၄ ရာခိုင်နှုန်း တိုးတက်လာခဲ့ကြောင်း ၁၂-၈-၂၀၂၅ ရက်နေ့တွင် ထုတ်ပြန်ခဲ့သည့် တရားဝင် အစီရင်ခံစာအရ သိရသည်။ အဓိက ပို့ကုန်များတွင် အဝတ်အထည်၊ ဖိနပ်နှင့် ခရီးသွား ကုန်ပစ္စည်းများ၊ စက်ဘီးများ၊ ကားတာယာများ၊ ဆန်၊ ရောဘာ၊ ပီလောပီနံ၊ သီဟိုဠ်စေ့၊ ငှက်ပျောသီးနှင့် သရက်သီးများ စသည်တို့ ပါဝင်ကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၏ အစီရင်ခံစာတွင် ဖော်ပြထားသည်။ ကမ္ဘောဒီးယားနိုင်ငံသည် ယခုနှစ် ဇန်နဝါရီမှ ဇူလိုင်လအတွင်း စုစုပေါင်းသွင်းကုန်ပမာဏသည် ဒေါ်လာ ၁၉.၁၆ ဘီလီယံ စံချိန်တင်ခဲ့ပြီး ယမန်နှစ် အလားတူကာလထက် ကန်ဒေါ်လာ ၁၆.၅၈ ဘီလီယံမှ ၁၅.၅ ရာခိုင်နှုန်း တိုးလာသည် ဟု အစီရင်ခံစာ တွင်ဖော်ပြထားသည်။ အဓိက တင်သွင်းသည့် ကုန်ပစ္စည်းများတွင် ရေနံနှင့် သဘာဝဓာတ်ငွေ့၊ အထည်ချုပ်ကုန်ကြမ်းများ၊ ဖိနပ်နှင့် ခရီးသွား ကုန်စည်အတွက် ကုန်ကြမ်း များ၊ မော်တော်ယာဉ်များ၊ စက်ယန္တရားများ၊ လျှပ်စစ်ပစ္စည်းများ၊ လူသုံးကုန်ပစ္စည်းများ စသည်တို့ ပါဝင်ကြောင်း အစီရင်ခံစာတွင်ဖော်ပြထားသည်။ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၏ ပြောရေးဆိုခွင့်ရှိသူ Penn Sovicheat က ဒေသတွင်းဘက်စုံစီးပွားရေး ပူးပေါင်း ဆောင်ရွက်မှု သဘောတူညီချက်နှင့် လွတ်လပ်သောကုန်သွယ်မှုသဘောတူညီချက်များသည် နိုင်ငံ၏ ကုန်သွယ်မှုတိုးတက်မှုကို မြှင့်တင်ပေးကြောင်း ပြောကြားခဲ့သည်။

Source: Khmer Times                                                                              

DOCA (ရန်ကုန်)