ပြည်ပကုန်သွယ်မှုသတင်းများ

          ဘီလာရုစ်နိုင်ငံ၏ ပြည်တွင်းအသားတင်ထုတ်ကုန်သည် ၂၀၂၅ ဇန်နဝါရီလတွင် ရူဘယ် ၂၀.၅ ဘီလီယံ(အမေရိကန်‌ဒေါ်လာ ၆.၂၅ ဘီလီယံ) သို့ရောက်ရှိခဲ့ပြီး တစ်နှစ်ထက်တစ်နှစ် ၃.၇ ရာခိုင်နှုန်းတိုးလာကြောင်းနိုင်ငံ၏ အမျိုးသားစာရင်းအင်းကော်မတီက ဖေဖော်ဝါရီ ၁၈ ရက်နေ့က ပြောကြားခဲ့သည်။

          ထို့အပြင် GDP deflation အညွှန်းကိန်းသည် ယမန်နှစ်အလားတူကာလနှင့် နှိုင်းယှဥ်ပါက ဇန်နဝါရီလတွင် ၁၀၈.၁ ရာခိုင်နှုန်းအထိရောက်ရှိခဲ့ကြောင်း ကော်မတီ၏ အဆိုအရသိရသည်။

          ၂၀၂၄ ခုနှစ်တွင် ဘီလာရုစ်၏ စီးပွားရေးသည် ၄ ရာခိုင်နှုန်းတိုးတက်ခဲ့ပြီး အစိုးရခန့်မှန်း ထားသည်ထက် ၀.၂ ရာခိုင်နှုန်းပိုမိုတိုးတက်ခဲ့ကြောင်းသိရသည်။

DOCA(ရန်ကုန်)

ဇမ်ဘီယာအစိုးရသည် ကျောက်မျက်ရတနာများနှင့် မြတို့ကို ပြန်လည်စတင်ရောင်းချ ခြင်း နှင့်ပတ်သက်၍ စျေးကွက်ကစားသမားများ မကျေမနပ်ဖြစ်ပြီးနောက် တင်ပို့ခွန်ကို ဆိုင်းငံ့လိုက် ကြောင်း ဖေဖော်ဝါရီ ၁၈ ရက်နေ့က ကြေညာခဲ့သည်။ ဘဏ္ဍာရေးဝန်ကြီး Felix Nkulukusa က ပြည်တွင်းထုတ်လုပ်သူများကို ကမ္ဘာ့ဈေးကွက်တွင် လေလံပွဲများနှင့် ရောင်းချမှု များအတွင်း ပိုမိုထိရောက်စွာ ယှဉ်ပြိုင်နိုင်စေရန် ၁၅ ရာခိုင်နှုန်း အခွန်ဆိုင်းငံ့ခြင်း ဥပဒေဆိုင်ရာ စာရွက်စာတမ်း တစ်ရပ်ကို လက်မှတ်ရေးထိုးခဲ့ကြောင်း ပြောကြားခဲ့သည်။ "အထက်ပါအတိုင်းအတာအရ ဇမ်ဘီယာအဖိုးတန်ကျောက်များနှင့် သတ္တုများကို ယခုအခါ ကမ္ဘာ့ဈေးကွက်တွင် ပိုမိုယှဉ်ပြိုင်နိုင်ပြီး နိုင်ငံတကာဝယ်လက်များထံမှ စိတ်ဝင်စားမှုပိုမိုရရှိ လာကာ အရောင်းပမာဏ ပိုမိုမြင့်မား လာကာ ကဏ္ဍတွင် စီးပွားရေးလုပ်ဆောင်မှုများ တိုးပွား လာစေမည်" ဟု ၎င်းက ထုတ်ပြန်ချက်တွင် ဖော်ပြထားသည်။ အဆိုပါ တိုင်းတာမှုသည် အဖိုးတန်ကျောက်မျက်ရတနာများနှင့် သတ္တုတူးဖော် ရေးတွင် ရင်းနှီးမြှုပ်နှံမှုများ ပိုမိုရရှိလာစေရန်၊ အလုံးစုံ ဓာတ်သတ္တုထုတ်လုပ်မှုကို မြှင့်တင်ရန်နှင့် အမျိုးမျိုးကွဲပြားသော ပို့ကုန်များမှတစ်ဆင့် နိုင်ငံ၏ နိုင်ငံခြားငွေကို တိုးမြင့်လာစေမည် ဖြစ်ကြောင်း ၎င်းက ပြောကြားခဲ့သည်။ မျှော်မှန်းထားသော အကျိုးကျေးဇူးများကို သေချာစေရန် အစိုးရက တိုင်းတာမှု၏ အကျိုးသက်ရောက်မှုကို တင်းကြပ်စွာ စောင့်ကြည့်သွားမည်ဖြစ်ကြောင်း အဆိုပါ တာဝန်ရှိသူက ပြောကြားခဲ့သည်။

DOCA(ရန်ကုန်)

          အင်ဒိုနီးရှားနိုင်ငံကုန်သွယ်ရေးဝန်ကြီး Budi Santoso ကအစိုးရသည် နိုင်ငံ၏ကုန်သွယ် ရေးနှင့် စီးပွားရေး ဆက်လက်ကြီးထွားမည်ဟု အကောင်းမြင်လျှက်ရှိပြီး နိုင်ငံသည် ၅၆ လ ဆက်တိုက် ကုန်သွယ်ရေးပိုငွေရရှိခဲ့ကြောင်း ပြောကြားခဲ့ပါသည်။ ကမ္ဘာလုံးဆိုင်ရာစိန်ခေါ်မှုများ သည် ပိုမိုရှုပ်ထွေးကွဲပြားလာသော်လည်း အင်ဒိုနီးရှား၏ကုန်သွယ်ရေးမျှချေသည် ၂၀၂၀ ခုနှစ် မေလမှစ၍ လစဉ်ကုန်သွယ်ရေးပိုငွေရရှိခဲ့ကြောင်း သိရပါသည်။ အင်ဒိုနီးရှားနိုင်ငံအလုပ်ရှင် အသင်းက ဂျကာတာမြို့တွင် ဖေဖော်ဝါရီလ ၁၇ ရက်နေ့ကကျင်းပခဲ့သည့်  CEO တွေ့ဆုံပွဲတွင် ဝန်ကြီးသည် စီးပွားရေးလုပ်ငန်းရှင်များအား ၎င်းတို့ဝန်ကြီးဌာန၏ပရိုဂရမ်များကို ပံ့ပိုးပေးရန် တောင်းဆိုခဲ့ကြောင်း သိရပါသည်။ ပရိုဂရမ်များတွင် ပြည်တွင်းဈေးကွက်အာမခံချက်ရှိစေရေး၊ ပို့ကုန်တိုးချဲ့ခြင်းနှင့် MSME လုပ်ငန်းများအသားပေးပို့ကုန် မြှင့်တင်ခြင်းတို့ပါဝင်ကြောင်း သိရ ပါသည်။ ဝန်ကြီးက ပြည်တွင်းဈေးကွက်အာမခံချက်ရှိရေးပရိုဂရမ်အောက်တွင်  ၎င်း၏ဝန်ကြီး ဌာနသည် ပြည်တွင်းဈေးကွက်ကိုကာကွယ်ရန် ပို့ကုန်-သွင်းကုန်မူဝါဒများကို ဖော်ထုတ်ရန် တွန်းအားပေးဆောင်ရွက်နေကြောင်း သိရပါသည်။ ဝန်ကြီးဌာနသည် ပြည်ပရင်းနှီးမြှုပ်နှံသူများ ကိုဆွဲဆောင်မည့် ပြည်တွင်းစီးပွားရေးဝန်းကျင်ဖန်တီးရန်၊ ပြည်တွင်းထုတ်ကုန်များ၏ ယှဉ်ပြိုင် နိုင်စွမ်းမြှင့်တင်ရေးကူညီပေးရန်နှင့် ပြည်တွင်းလုပ်ငန်းများကို ကာကွယ်ရန်မူဝါဒများကို ရှာဖွေ သွားမည်ဟု သိရပါသည်။ ပို့ကုန်ဈေးကွက်တိုးချဲ့မှုနှင့်ပတ်သတ်၍ ဝန်ကြီးက မူဝါဒများ၏ ဦးတည်ချက်သည် ကုန်သွယ်‌ရေးသဘောတူညီချက်ဆွေးနွေးမှုများပြီးမြောက်မှုအရ ကုန်သွယ်ရေး အတားအဆီးများဖြေလျှော့ရန်နှင့်  ဈေးကွက်လမ်းကြောင်းဖွင့်လှစ်နိုင်ရန် ဖြစ်ကြောင်း သိရ ပါသည်။ လက်ရှိအချိန်ထိ အင်ဒိုနီးရှားသည် ကုန်သွယ်ရေးသဘောတူညီချက် ၁၉ ခုအကောင် အထည်ဖော်လျှက်ရှိပြီး ၁၀ ခုမှာလက်မှတ်ရေးထိုးပြီးဖြစ်ကာ ၁၆ ခုမှာညှိနှိုင်းဆွေးနွေးမှု လုပ်ငန်းစဉ်တွင်ရှိကြောင်း သိရပါသည်။ တစ်ချိန်တည်းမှာပင် MSME အသားပေးပို့ကုန်မြှင့်တင် နိုင်ရေးအတွက် ကုန်သွယ်ရေးဝန်ကြီးဌာနသည် ထုတ်ကုန်ဖွံ့ဖြိုး တိုးတက်ရန်နှင့် ပို့ကုန်များမြှင့်တင်ရန် များစွာသောကနဦးဆောင်ရွက်မှုများကို လုပ်ဆောင် လျှက်ရှိကြောင်း သိရပါသည်။

DOCA(ရန်ကုန်)

          ၂၀၂၄ ခုနှစ်တွင် တင်ပို့မှုအထင်ကြီးဖွယ်ကြီးထွားမှုရရှိပြီးနောက် ၂၀၂၅ ခုနှစ်တွင်လည်း ဗီယက်နမ်၏ အဓိကစိုက်ပျိုးမွေးမြူရေးထုတ်ကုန်များ တင်ပို့မှုကြီးထွားမှု ဆက်လက်ထိန်းသိမ်း နိုင်ရန် မျှော်လင့်ရကြောင်း သိရပါသည်။ ယခုနှစ်တွင် ဗီယက်နမ်၏ စိုက်ပျိုးမွေးမြူရေး-သစ်တော-ရေထွက်ကုန် တင်ပို့မှုမှာ ဆက်လက်ကြီးထွားပြီး ဝင်ငွေ အမေရိကန်ဒေါ်လာ ၆၄-၆၅ ဘီလီယံ ရရှိရန် ခန့်မှန်းရကြောင်း သိရပါသည်။ ထိုရည်ရွယ်ချက်သည် လွန်ခဲ့သည့်နှစ်က ရရှိခဲ့သည့် ဝင်ငွေ အမေရိကန်ဒေါ်လ ၆၂.၄ ဘီလီယံ ထက်မြင့်မားသည့်အတွက် ဆက်လက်တိုးချဲ့ ရန်အတွက် ကဏ္ဍ၏အလားအလာကို ပြသနေကြောင်း သိရပါသည်။ လတ်တလောတွင် ဆန်၊ ကော်ဖီနှင့် ပင်လယ်စာအစရှိသည့် စိုက်ပျိုးမွေးမြူရေးထုတ်ကုန်များ တင်ပို့မှုမှာ အဓိကကမ္ဘာ့ ဈေးကွက်များတွင် တည်ငြိမ်မှုရှိနေကြောင်း သိရပါသည်။ ယခုနှစ်တွင် ဆန်တင်ပို့မှုမှတစ်ဆင့် ဝင်ငွေအမေရိကန်ဒေါ်လာ ၆-၆.၅ ဘီလီယံ ရရှိရန်မျှော်လင့်ရပြီး အရည်အသွေးမြင့်သော ဆန်အမျိုးအစားများကို အဓိကတင်ပို့နိုင်ရန်ရည်ရွယ်ထားကြောင်း သိရပါသည်။ ဒူးရင်း၊ ငှက်ပျောသီးနှင့် နဂါးမောက်သီးတို့ပါဝင်သည့် သစ်သီးနှင့်ဟင်းသီး ဟင်းရွက်ကဏ္ဍ တင်ပို့မှုမှဝင်ငွေ အမေရိကန်ဒေါ်လာ၈.၅-၉ ဘီလီယံ ရရှိရန် ခန့်မှန်း ထားကြောင်း သိရပါသည်။ ပုဇွန်၊ Pangasius ငါး နှင့် တန်ဖိုးမြင့်ပြုပြင် ထုတ်လုပ်ထားသည့် ပင်လယ်စာတင်ပို့မှုမှ ဝင်ငွေ အမေရိကန်ဒေါ်လာ ၁၀.၅-၁၁ ဘီလီယံ ရရှိရန်ခန့်မှန်းထားကြောင်း သိရပါသည်။ တစ်ချိန်တည်းမှာပင် ဥရောပသမဂ္ဂ နှင့် အမေရိကန်ကဲ့သို့သော အဓိကဈေးကွက်များတွင် ဝယ်လိုအားစဉ်ဆက်မပြတ် ကြီးထွားလာမှု ကြောင့် ပြုပြင်ထုတ်လုပ်ထားသည့် သစ်တင်ပို့မှုမှတစ်ဆင့် ဝင်ငွေအမေရိကန်ဒေါ်လာ၁၇-၁၈ ဘီလီယံ ရရှိရန် မျှော်မှန်းရကြောင်း သိရပါသည်။ ဗီယက်နမ်နိုင်ငံပင်လယ်စာတင်ပို့သူများနှင့် ထုတ်လုပ်သူများအသင်း၏ ဒုတိယအထွေထွေအတွင်းရေးမှူးဖြစ်သူ Nguyen Hoai Nam ၏ အဆိုအရ ရေထွက်ကုန်ကဏ္ဍသည် ၂၀၂၅ တွင် ဆက်လက်ကြီးထွားရန်မျှော်လင့်ရပြီး ၂၀၂၂ ခုနှစ်ကရရှိခဲ့သည့် တင်ပို့မှုစံချိန် အမေရိကန်ဒေါ်လာ ၁၁ ဘီလီယံ ရရှိရန် အလားအလာရှိကြောင်း သိရပါသည်။ လွတ်လပ်သောကုန်သွယ်ရေးသဘောတူညီချက်များ၊ ထုတ်ကုန်အရည်အသွေး မြှင့်တင်မှုနှင့် အဆင့်မြင့်ပြုပြင်ထုတ်လုပ်သည့် နည်းပညာများ ကျင့်သုံးမှုတို့သည် ယခုနှစ်တွင် ဗီယက်နမ်၏စိုက်ပျိုးမွေးမြူရေးကဏ္ဍ တင်ပို့မှုဆက်လက် ကြီးထွားစေမည့် အကြောင်းအရာများဖြစ်ကြောင်းသိရပါသည်။ စိုက်ပျိုးမွေးမြူရေးနှင့် ကျေးလက်‌‌‌ဒေသဖွံ့ဖြိုးတိုးတက်ရေးဝန်ကြီးဌာန ၏ ဒုတိယဝန်ကြီးဖြစ်သူ Phung Duc Tien က စိုက်ပျိုးမွေးမြူရေးကဏ္ဍပြန်လည်ဖွဲ့စည်းမှု၊ ထုတ်လုပ်မှုတိုးမြှင့်မှု နှင့် ထိုထုတ်ကုန်များကို ကမ္ဘာ့ဈေးကွက်များသို့ရောင်းချနိုင်မှု၏ အရေးပါမှု ကိုအသားပေး ပြောကြားခဲ့ကြောင်း သိရပါသည်။ ဝန်ကြီးဌာနသည်လည်း ထုတ်လုပ်မှုနှင့် စီးပွားရေးမော်ဒယ်များ ဆန်းသစ်တီထွင်မှု ဖွံ့ဖြိုးတိုးတက်ရန်၊ ထုတ်လုပ်သူများကြားပူးပေါင်း‌ ဆောင်ရွက်မှုမြှင့်တင်ရန်နှင့် ကမ္ဘာ့စားသုံးမှု ကွင်းဆက်နှင့်ထုတ်လုပ်မှုချိတ်ဆက်ရန် အဓိကအာရုံ စိုက်ထားကြောင်း သိရပါသည်။ ထို့ပြင် သုတေသန၊ နည်းပညာကူးပြောင်းမှုနှင့် အဆင်မြင့်သိပ္ပံ နည်းကျဆောင်ရွက်မှုအပေါ် အသားပေးရန်လိုအပ်ကြောင်း သိရပါသည်။ ၂၀၂၄ ခုနှစ်တွင် ဗီယက်နမ်သည် စိုက်ပျိုးမွေးမြူရေး၊ သစ်တောနှင့်‌ ရေထွက်ကုန်တင်ပို့မှုမှတစ်ဆင့် စံချိန်တင် ဝင်ငွေ အမေရိကန်ဒေါ်လာ ၆၂.၄ ဘီလီယံ ရရှိခဲ့ပြီး ၂၀၂၃ ခုနှစ်ကထက် ၁၉ ရာခိုင်နှုန်းနီးပါး မြင့်တက်ခဲ့ကာ အဓိကပို့ကုန်အမျိုးအစား ၇ ခုသည် ဝင်ငွေ အမေရိကန်ဒေါ်လာ ၃ ဘီလီယံကျော် အသီးသီး ရရှိခဲ့ကြောင်း သိရပါသည်။

DOCA(ရန်ကုန်)

          ပိုလန်ဝန်ကြီး Donald Tusk နှင့် Microsoft ၏ ဒုတိယ ဥက္ကဌ Brand Smith တို့ ဖေဖော်ဝါရီ ၁၇ ရက်နေ့က တွေ့ဆုံမှုအပြီး Microsoft မှ ပိုလန်နိုင်ငံတွင် ၂.၈ ဘီလီယံ Polish Zolty (အမေရိကန်‌ဒေါ်လာ သန်း၇၀၀) အားနောက်ထပ်ရင်းနှီးမြှုပ်နှံမှုပြုလုပ်ရန်အတည်ပြုခဲ့ကြောင်း သိရ သည်။ Mozovia တွင် Microsoft ဘက်မှအတည်ပြုခဲ့ကြောင်းသိရသည်။ Mozovia တွင် Microsoft ဘက်မှ အတည်ပြုလိုက်သောရင်းနှီးမြုပ်နှံမှုသည် ၂၀၂၃ ခုနှစ်တွင် ကုန်ဆုံးခဲ့သော ပထမအဆင့်၏ အဆက်ဖြစ်ကြောင်း Tusk က သတင်းစာရှင်းလင်းပွဲတစ်ခုတွင် ပြောကြားခဲ့ပြီး ရင်းနှီးမြုပ်နှံမှုသည်နို င်ငံ၏အနာဂတ်လုံခြုံရေး၊ လူငယ်များ၊ စွန့်ဦးတီထွင်သူများနှင့် သိပ္ပံပညာရှင်များကို မြှင့်တင်ပေးရန်  ရည်ရွယ်ထားခြင်းဖြစ်သည်။ Smith ၏ အဆိုအရ စုစုပေါင်းဒေါ်လာသန်း ၇၀၀ ရှိသောရင်းနှီးမြုပ်နှံမှု ခြေလှမ်းအသစ်ကို ယခုမှစတင်ပြီး ၂၀၂၆ ခုနှစ်နွေရာသီအထိအကောင်အထည်ဖော်မည်ဖြစ်သည်။ Microsoft သည်ပိုလန်တွင် Cloud ဒေသတစ်ခုတည်ထောင်ရန် ၂၀၂၀ တွင် ဒေါ်လာ ၁ ဘီလီယံ ရင်းနှီးမြုပ်နှံထားကြောင်း ၎င်းသည် ၂၀၂၃ ခုနှစ်တွင်ပြီးစီးခဲ့ကြောင်းအသစ်ကြေညာထားသော ရင်းနှီး မြှုပ်နှံမှုများသည် ပိုလန်နှင့်ဥရောပ၏ ပိုမိုကျယ်ပြန့်သောဒေသတွင် ကွန်ပျူတာစွမ်းအင်မြှင့်တင်ရန် ရည်ရွယ်သည့် ဒုတိယခြေလှမ်းဖြစ်ကြောင်း Smith ၏အဆိုအရသိရသည်။ ပိုလန်တွင် Microsoft Cloud ဝန်ဆောင်မှုများနှင့် ကွန်ပျူတာစွမ်းအင်ကဏ္ဍရင်းနှီးမြှုပ်နှံမှုများအား ပိုလန်လက်နက်ကိုင် အဖွဲ့အစည်းများနှင့် ပူး‌ပေါင်း၍ ဆိုက်ဘာလုံခြုံရေးကြိုးပမ်းမှုများအတွက်အဓိက အသုံးပြုမည်ဖြစ် ကြောင်းသိရသည်။

DOCA(ရန်ကုန်)