ယခုနှစ် ပထမ ၁၁ လအတွင်း ဥဇဘက်ကစ္စတန်သည် ကန်ဒေါ်လာ ၁.၄ ဘီလီယံတန်ဖိုးရှိ သစ်သီးဝလံနှင့် ဟင်းသီးဟင်းရွက်များ တင်ပို့ခဲ့‌ကြောင်း နိုင်ငံ၏စာရင်းအင်း အေဂျင်စီကို ကိုးကား၍  ဥဇဘက်ကစ္စတန် မီဒီယာ၏ ၂၁.၁၂.၂၀၂၄ ရက်‌နေ့ကဖော်ပြချက်အရသိရသည်။ အဆိုပါ ကိန်းဂဏန်းသည် လွန်ခဲ့သော တစ်နှစ်ကထက် ၃၀ ရာခိုင်နှုန်း တိုးလာကြောင်း အေဂျင်စီက ပြောကြားခဲ့သည်။ ရုရှားသည် အဓိကစျေးကွက်များထဲတွင် ၄၂.၁ ရာခိုင်နှုန်း၊ ၎င်း၏နောက်တွင် ကာဇက်စတန်နှင့် ပါကစ္စတန်တို့က ၁၂ ဒသမ ၇ ရာခိုင်နှုန်းနှင့် ၁၂ ဒသမ ၆ ရာခိုင်နှုန်း အသီးသီးရှိသည်။ ဥဇဘက်ကစ္စတန်၏ နိုင်ငံခြားကုန်သွယ်မှု ပမာဏသည် ထိုကာလအတွင်း ဒေါ်လာ ၅၉.၄ ဘီလီယံအထိ ရောက်ရှိခဲ့ပြီး တစ်နှစ်ထက်တစ်နှစ် ၃.၆ ရာခိုင်နှုန်း တိုးတက်ခဲ့‌ကြောင်းသိရသည်။

DOCA(ရန်ကုန်)

            ၂၀၂၄ ခုနှစ်၊ ပထမ (၁၁) လအတွင်း‌ ကမ္ဘာဒီးယားနိုင်ငံသည် ဒေသတွင်းဘက်စုံ စီးပွားရေးပူးပေါင်းဆောင်ရွက်မှု (RCEP) နိုင်ငံများသို့ ကုန်ပစ္စည်းအမေရိကန်ဒေါ်လာ ၈,၂၅၅ သန်းတင်ပို့ခဲ့ပြီး ၂၀၂၃ ခုနှစ်အလားတူကာလ အမေရိကန်ဒေါ်လာ ၇,၂၁၉ သန်းမှ ၁၄.၃၅ ရာခိုင်နှုန်းတိုးတက်လာခဲ့ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန် ခဲ့သောအစီရင်ခံစာအရသိရသည်။ ကုန်သွယ်မှုအခွန်ကောက်ခံမှုလုံးဝနီးပါးမရှိသော ဒေသတွင်း ကုန်သွယ်မှုစာချုပ်အောက်တွင် ပို့ကုန်လုပ်ငန်းရှင်များသည် ကုန်သွယ်မှုသဘောတူညီချက်ကို အခွင့်ကောင်းယူနိုင်ခဲ့ပြီး ကမ္ဘောဒီးယားမှ ပို့ကုန်နှင့်သွင်းကုန်များတိုးလာကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ပြောရေးဆိုခွင့်ရှိသူ Penn Sovicheat ကပြောကြားခဲ့သည်။ ကြီးမားသောကုန်သွယ်မှုသဘောတူစာချုပ်သည် ကမ္ဘောဒီးယားနိုင်ငံ၏ ပို့ကုန်များသာမက RCEP ၏ ကြီးမားသောဈေးကွက်များသို့ တင်ပို့မှုပိုမိုထုတ်လုပ်နိုင်စေရန် အတွက် ကမ္ဘောဒီးယား နိုင်ငံအတွင်း ရင်းနှီးမြှုပ်နှံမှုများကို အဓိကတွန်းအားပေးနေကြောင်း ကမ္ဘောဒီးယားကုန်သည် ကြီးများအသင်း၊ ဒုတိယဥက္ကဋ္ဌ Lim Heng ကပြောကြားခဲ့သည်။ RCEP နိုင်ငံများသည် ကမ္ဘောဒီးယားနိုင်ငံ၏ အလားအလာရှိသောဈေးကွက်အဖြစ်ဆက်လက်တည်ရှိနေပြီး ကမ္ဘောဒီးယားနိုင်ငံသည် ပို့ကုန်တိုးတက်မှုနှုန်း ၉.၄ ရာခိုင်နှုန်းမှ ၁၈ ရာခိုင်နှုန်း အကြားရှိရန် မျှော်မှန်းထားပြီး  အမျိုးသားစီးပွားရေးတိုးတက်မှုနှုန်း ၂ ရာခိုင်နှုန်းမှ ၃.၈ ရာခိုင်နှုန်းအကြား ရှိလာမည်ဟု စီးပွားရေးနှင့်ကူးသန်းရောင်းဝယ်ရေဝန်ကြီဌာနမှမျှော်မှန်းထားသည်။ RCEP သည် ကမ္ဘောဒီးယားနိုင်ငံအတွက် အရေးပါသောဈေးကွက်တစ်ခုဖြစ်ပြီး နိုင်ငံပို့ကုန်စုစုပေါင်း၏ ထက်ဝက်ကျော်ကိုတင်ပို့နိုင်ခဲ့ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီဌာန (MoC) မှ ထုတ်ပြန်ထားကြောင်းသိရှိရပါသည်။

Source : Khmer Times

DOCA(ရန်ကုန်)

               နည်းပညာဆိုင်ရာ ကုန်စည်များနှင့် စိုက်ပျိုးရေးနှင့် စားသောက်ကုန် ထုတ်ကုန်များ၏ ဝယ်လိုအား တိုးတက်မှုကြောင့် နိုဝင်ဘာလတွင် ထိုင်းနိုင်ငံ၏ ပို့ကုန်သည် ပဉ္စမလဆက်တိုက် တိုးလာခဲ့ကြောင်း တရားဝင် အချက်အလက်များအရ သိရသည်။စီးပွားရေးတိုးတက်မှုအတွက် အဓိကမောင်းနှင်အားဖြစ်သည့် ပို့ကုန်သည် ယခင်နှစ်အစောပိုင်းကထက် 8.2 ရာခိုင်နှုန်း မြင့်တက်ခဲ့ပြီး 25.6 ဘီလီယံဒေါ်လာအထိ မြင့်တက်လာခဲ့ကြောင်းထိုင်နိုင်ငံ၏ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနထုတ်ပြန်ချက်အရသိရသည်။ကုန်သွယ်မှုဒိုင်းနမစ်နှင့် ပထဝီနိုင်ငံရေးဆိုင်ရာ စိန်ခေါ်မှုအသစ်များကို ဖော်ထုတ်ရန်အတွက် နိုင်ငံအသီးသီးမှ အပြုသဘောဆောင်သော ပြုပြင်ပြောင်းလဲမှုများဖြင့် ခိုင်မာသောကုန်ထုတ်ကုန်ပစ္စည်းများ တင်ပို့ရောင်းချမှုကြောင့်ဟု ယူဆရကြောင်း ဝန်ကြီးဌာန၏ ထုတ်ပြန်ချက်တွင် ဖော်ပြထားသည်။လယ်ယာထွက်ကုန် တင်ပို့မှုမှာ ၇ ဒသမ ၇ ရာခိုင်နှုန်း တိုးလာသော်လည်း ဆန်တင်ပို့မှု သိသိသာသာ ကျဆင်းလျှက်ရှိပြီး လယ်ယာထွက်ကုန် တင်ပို့မှုမှာ ၄.၁ ရာခိုင်နှုန်း တိုးတက်လာခဲ့ကြောင်းသိရသည်။ကွန်ပျူတာ၊ လေအေးပေးစက်နှင့် ရော်ဘာ ထုတ်ကုန်များ အဓိက တိုးမြင့်လာမှုကြောင့် စက်မှုထုတ်ကုန်များ တင်ပို့ရောင်းချမှုသည် ၉ ဒသမ ၅ ရာခိုင်နှုန်း တိုးလာခဲ့ပြီး ၎င်း၏ ရှစ်လဆက်တိုက် တိုးချဲ့မှုကို အမှတ်အသားပြုခဲ့သည်။ကိန်းဂဏန်းများအရ သွင်းကုန်များသည် နိုဝင်ဘာလတွင် တစ်နှစ်ထက်တစ်နှစ် ၀.၉ ရာခိုင်နှုန်း တိုးလာကာ ကုန်သွယ်မှုလိုငွေ ဒေါ်လာ ၂၂၄ ဒသမ ၄ သန်းအထိ ရှိလာခဲ့သည်။ကမ္ဘာ့စီးပွားရေး နှေးကွေးခြင်းနှင့် ပထဝီဝင်နိုင်ငံရေး ပဋိပက္ခများ ဖြစ်ပွားနေသော်လည်း ထိုင်းနိုင်ငံ၏ ပို့ကုန်သည် ယခုနှစ်တွင် စံချိန်တင် အမြင့်ဆုံးသို့ ဒေါ်လာ ၃၀၀ ဘီလီယံအထိ ရောက်ရှိရန် မျှော်လင့်ထားကြောင်း ကုန်သွယ်ရေး မူဝါဒနှင့် မဟာဗျူဟာရုံး ညွှန်ကြားရေးမှူးချုပ် Poonpong Naiyanapakorn က ပြောသည်။ကုန်သွယ်မှုကာကွယ်ရေးအစီအမံများ၊ ကမ္ဘာလုံးဆိုင်ရာကုန်သွယ်မှုနှေးကွေးမှု၊ မဖြေရှင်းနိုင်သောနိုင်ငံတကာပဋိပက္ခများ၊ အတိုးနှုန်းမြင့်မားမှုနှင့် ငွေလဲနှုန်းမတည်ငြိမ်မှုများအပါအဝင် စိန်ခေါ်မှုများစွာကြားတွင် နိုင်ငံတော်၏ပို့ကုန်သည် 2025 ခုနှစ်တွင် တိုးလာမည်ဟု ခန့်မှန်းထားကြောင်း Poonpong မှပြောကြားခဲ့ကြောင်းသိရှိရပါသည်။

Source : Xinhua

DOCA(ရန်ကုန်)

             အထူးစီးပွားရေးဇုန်များ (SEZs) မှတဆင့် ကမ္ဘောဒီးယားနိုင်ငံ၏ ပို့ကုန်သည် ၂၀၂၄ ခုနှစ်၊ ပထမ (၁၁) လအတွင်း အမေရိကန်ဒေါ်လာ ၅.၄ ဘီလီယံအထိရောက်ရှိခဲ့ကြောင်း ၂၅-၁၂-၂၀၂၄ ရက်နေ့ကထုတ်ပြန်ခဲ့သော စီးပွားရေးနှင့်ကူးသန်းရောင်းဝယ်ရေးဝန်ကြီးဌာမှ အစီရင်ခံစာအရ သိရသည်။ Preah Sihanouk ပြည်နယ်တွင်တည်ရှိသော တရုတ်နိုင်ငံပိုင် Sihanoukville SEZ သည် ၂၀၂၄ ခုနှစ်၊ ဇန်နဝါရီလမှ နိုဝင်ဘာလအတွင်း စုစုပေါင်းပို့ကုန် အမေရိကန်ဒေါ်လာ ၁.၄၉ ဘီလီယံနှင့် Royal Group Phnom Penh SEZ မှ ၁.၀၈ ဘီလီယံ ရရှိခဲ့ကြောင်းသိရသည်။ အထူးစီးပွားရေးဇုန်များသည် ကုန်ထုတ်လုပ်မှု၊ နည်ပညာနှင့်ထောက်ပံ့ပို့ဆောင်ရေးအပါအဝင် စက်မှုလုပ်ငန်းမျိုးစုံတွင် ရင်းနှီးမြှုပ်နှံသူများကိုဆွဲဆောင်နေကြောင်း ကမ္ဘောဒီးယားနိုင်ငံ ဖွံ့ဖြိုး တိုးတက်ရေးကောင်စီ (CDC) ၏ အထွေထွေအတွင်းရေးမှူး Chea Vuthy ပြောကြားခဲ့သည်။ SEZs များသည် ရင်းနှီးမြှုပ်နှံသူများကို သွင်းကုန်နှင့်ပို့ကုန်များအတွက် “one-stop” ဝန်ဆောင်မှု ပေးနိုင်ရန်နိုင်ငံတစ်ဝှမ်းတွင် တည်ထောင်ထားပြီး ၎င်းတို့သည် ကုန်သွယ်မှုကိုများစွာလွယ်ကူ ချောမွေ့စေကြောင်းနှင့် အဆိုပါအချက်အချာကျသောနေရာများသည် အမျိုးသားစီးပွားရေးဖွံ့ဖြိုး တိုးတက်မှုတွင် အဓိကကျပြီးသယ်ယူပို့ဆောင်ရေးလမ်းကြောင်းများနှင့် ပိုမိုချိတ်ဆက်လျက်ရှိ ကြောင်း ထပ်မံပြောကြားခဲ့သည်။ အထူးစီးပွားရေးဇုန်များသည် အထည်ချုပ်၊ ဖိနပ်နှင့် ခရီးသွား ထုတ်ကုန်များ၊ မော်တော်ကားအစိတ်အပိုင်းများ၊ လျှပ်စစ်ပစ္စည်းများ၊ ကားတာယာထုတ်လုပ်မှု၊ မော်တော်ကားနှင့် စက်ဘီးတပ်ဆင်သည့်ကဏ္ဍများကို အဓိကအာရုံစိုက်လျက်ရှိသည်။ ကမ္ဘောဒီးယားနိုင်ငံသည် ၎င်း၏အခြေခံအဆောက်အအုံများ ဆက်လက်ဖွံ့ဖြိုးတိုးတက် လျက်ရှိပြီး စီးပွားရေးပတ်ဝန်းကျင်ကိုမြှင့်တင်ပေးသည့်အနေဖြင့် အထူးစီးပွားရေးဇုန်များသည် လာမည့်နှစ်များတွင် စီးပွားရေးတိုးတက်မှုတွင်အရေးပါသော အခန်းကဏ္ဍမှပါဝင်လာမည်ဟု မျှော်လင့်ထားကြောင်း Vuthy ကပြောကြားခဲ့သည်။ နိုင်ငံခြားရင်းနှီးမြှုပ်နှံမှုများကို ဆွဲဆောင်ခြင်းနှင့် အထူးစီးပွားရေးဇုန်များအတွင်း ဆန်းသစ်တီထွင်မှုမြှင့်တင်ခြင်းတို့အပေါ် အစိုးရ၏အာရုံစိုက်မှုသည် အဆိုပါအထူးစီးပွားရေးဇုန်များ၏ အလားအလာကို အကောင် အထည်ဖော်ရန်အရေးကြီးကြောင်း ဝန်ကြီးချုပ် Hun Manet မှ မကြာသေးမီက တိုက်တွန်းထားခဲ့ကြောင်းသိရှိရပါသည်။

Source : Khmer Times

DOCA(ရန်ကုန်)

            ကမ္ဘောဒီးယားနိုင်ငံ၏ ရာဘာရောင်းရငွေသည် ၂၀၂၄ ခုနှစ်တွင် အမေရိကန်ဒေါ်လာ သန်း ၆၄၀ ရရှိသော်လည်း ဈေးကွက်လိုအပ်ချက်များကိုလေ့လာရန်၊ ထုတ်လုပ်မှုကုန်ကျစရိတ် များလျှော့ချရန်နှင့် ပြည်သူများအတွက် အမှန်တကယ်စီးပွားရေးအကျိုးအမြတ်များကို ပေးဆောင်နိုင်ရန် စိုက်ပျိုးရေး၊ သစ်တောနှင့် ရေလုပ်ငန်းဝန်ကြီးဌာန(MAFF)၊ ဝန်ကြီး Dith Tina က ၂၄-၁၂-၂၀၂၄ ရက်နေ့တွင် ရာဘာကဏ္ဍတာဝန်ရှိသူများကို တိုက်တွန်းထားခဲ့သည်။ ဝန်ကြီးမှ ဘက်ဂျက်အစီအစဉ်၊ ဘက်ဂျက်အသုံးပြုမှုနှင့် အညွှန်းရလာဒ်အားလုံးကို မျှော်မှန်းထားသည့် အစီအစဉ်များနှင့် နှိုင်းယှဉ်ဆွေးနွေးမှုများတွင်ပါဝင်ရန် တာဝန်ရှိသူများကို ဆက်လက်တောင်းဆို ခဲ့သည်။ ဈေးကွက်လိုအပ်ချက်များကို ဖြည့်ဆည်းပေးကာ အမှန်တကယ်စီးပွားရေးအရ ထိရောက်မှုရှိသောရင်းနှီးမြှုပ်နှံမှုနှင့်ထုတ်လုပ်မှုအစီအစဉ်များဖြင့် ခိုင်မာသောအုပ်စုတစ်ခုအဖြစ် တည်ဆောက်ရေးဆိုင်ရာ ဆွေးနွေးပွဲများကိုအလေးထားဆောင်ရွက်ရန် ဝန်ကြီးကဆက်လက် တိုက်တွန်းခဲ့သည်။ ကမ္ဘောဒီးယားနိုင်ငံတွင် စုစုပေါင်းရာစိုက်ခင်းပေါင်း ၄၂၅,၄၃၃ ဟက်တာရှိပြီး ၅၂ ရာခိုင်နှုန်းသည် စိုက်ပျိုးရေးစက်မှု ရာဘာစိုက်ခင်းအဖြစ်သတ်မှတ်ထားပြီး  ကျန် ၄၂ ရာခိုင်နှုန်းသည် မိသားစုတစ်ပိုင်တစ်နိုင်ရာဘာစိုက်ခင်းများဖြစ်ကြောင်းနှင့် စုစုပေါင်းစိုက်ခင်း ဧရိယာ ၇၈ ရာခိုင်နှုန်းသည် လက်ရှိတွင်ရိတ်သိမ်းရန်အဆင်သင့် ဖြစ်နေကြောင်းပြောကြားခဲ့ကြောင်းသိရှိရပါသည်။

Source : Khmer Times

DOCA(ရန်ကုန်)