ပြည်ပကုန်သွယ်မှုသတင်းများ

  ဗီယက်နမ်လုပ်ငန်းများသည် များစွာသောဧရိယာများတစ်လျှောက်တင်ပို့မှုစံချိန်တင်ခဲ့ပြီး ကုန်သွယ်ရေးတိုးချဲ့နိုင်ရုံသာမက ကမ္ဘာလုံးဆိုင်ရာထောက်ပံ့မှုကွင်းဆက်တွင် ဗီယက်နမ်၏ တည်ရှိမှုကို အားသစ်လောင်းနိုင်ခဲ့ကြောင်း သိရပါသည်။ နှစ်အစမှ အောက်တိုဘာလ ၁၅ ရက်နေ့ အထိတွင် ကွန်ပြူတာနှင့် အီလတ်ထရောနစ်အုပ်စုတင်ပို့မှုမှ ဝင်ငွေအမေရိကန်ဒေါ်လာ ၈၂ ဘီလီယံရရှိခဲ့ပြီး အောက်တိုဘာလကုန်တွင် အမေရိကန်ဒေါ်လာ ၈၆ ဘီလီယံရရှိရန်ခန့်မှန်းရ ကြောင်း သိရပါသည်။ ၂၀၂၄ ခုနှစ် ဒုတိယနှစ်ဝက်မှစ၍မှာယူမှုများမြင့်တက်ခဲ့ခြင်းက ထိုအုပ်စု အား တင်ပို့မှုကြီးထွားရေးတွင် အဓိကမောင်းနှင်အားဖြစ်လာရန်ကူညီပေးနိုင်ခဲ့ကြောင်း သိရပါ သည်။ ထိုကာလအတွင်း စက်ပစ္စည်း၊ စက်အစိတ်အပိုင်း၊ ကိရိယာများနှင့် အပိုပစ္စည်းမျာတင်ပို့မှုမှ ဝင်ငွေ အမေရိကန်ဒေါ်လာ ၄၈ ဘီလီယံရရှိခဲ့ပြီး ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါက ၁၃.၅ ရာခိုင်နှုန်းနီးပါးမြင့်တက်ခဲ့ကြောင်း သိရပါသည်။ ထိုအဓိကစက်မှုကဏ္ဍ ၂ ခု၏စွမ်းဆောင် ရည်အားကောင်းခြင်းကတင်ပို့မှုစဉ်ဆက်မပြတ်ကြီးထွားရေးတွင် သိသာထင်ရှားစွာပံ့ပိုးပေးနိုင်ခဲ့ ကြောင်း သိရပါသည်။ တင်ပို့သည့်ပမာဏနှင့် တန်ဖိုးနှစ်ခုစလုံးမြင့်တက်ခဲ့သည့် ကော်ဖီကြောင့် စိုက်ပျိုးရေးကဏ္ဍမှာလည်း အားကောင်းခဲ့ကြောင်း သိရပါသည်။ အောက်တိုဘာလ ၁၅ ရက်နေ့ အထိတွင် ဗီယက်နမ်သည် ကော်ဖီတန်ချိန် ၁.၂၇ သန်းတင်ပို့ရာမှ ဝင်ငွေအမေရိကန်ဒေါ်လာ ၇.၂ ဘီလီယံရရှိခဲ့ကြောင်း သိရပါသည်။ ကော်ဖီပျမ်းမျှတင်ပို့သည့်ဈေးနှုန်းမှာ တစ်တန်လျှင် အမေရိကန်‌ဒေါ်လာ ၅၆၅၈ ထိရောက်ရှိခဲ့ပြီး ၂၀၂၄ ခုနှစ်ကထက် ၄၅ ရာခိုင်နှုန်းမြင့်တက်ခဲ့ ကြောင်း သိရပါသည်။ ဥရောပသည် ဗီယက်နမ်ကော်ဖီအကြီးမားဆုံးဝယ်ယူသူဖြစ်ပြီး အမေရိကန် ဒေါ်လာ ၄ ဘီလီယံကျော်တန်ဖိုးရှိသော ကော်ဖီတန်ချိန် ၇၁၀၀၀၀ ကို တင်သွင်းခဲ့ကြောင်း သိရပါ သည်။  ဆန်၊ သီဟိုဠ်စေ့များနှင့် သစ်သီးများ အစရှိသည့် အခြားစိုက်ပျိုးရေးထုတ်ကုန်များသည် လည်း မျိုးဆက်သစ်လွတ်လပ်သောကုန်သွယ်ရေးသဘောတူညီချက်များထံမှ အကျိုးကျေးဇူး ရရှိခဲ့ကြောင်း သိရပါသည်။ များစွာသောကုမ္ပဏီများသည် ဥရောပသမဂ္ဂ၊ ဂျပန်၊ ‌တောင်ကိုရီးယား နှင့် ကနေဒါကဲ့သို့သော ဝယ်လိုအားကောင်းသည့်ဈေးကွက်များတွင် ဗီယက်နမ်ကုန်စည်များ၏ တည်ရှိမှုကို တိုးချဲ့ရန်အတွက် စံနှုန်းသတ်မှတ်ချက်လုပ်ငန်းစဉ်များကိုက်ညီရန်ကြိုးပမ်းလျှက်ရှိ ကြောင်း သိရပါသည်။

 DOCA (ရန်ကုန်)

   ရုရှားသမ္မတ ဗလာဒီမာပူတင်က ရုရှားနိုင်ငံသားများသည် ငါးနှင့် ပင်လယ်စာ အလုံ အလောက် စားသုံးမှု မရှိကြောင်း၊ နိုင်ငံတစ်ဝှမ်း ပင်လယ်စာများကို ပိုမိုလက်လှမ်းမီပြီး တတ်နိုင် စေရန်အတွက် ပိုမိုကောင်းမွန်သော ပြုပြင်စီမံခြင်းနှင့် သယ်ယူပို့ဆောင်ရေးများ လုပ်ဆောင်ရန် တောင်းဆိုခဲ့သည်။ ရုရှားတွင် ထူးခြားသော အဏ္ဏဝါအရင်းအမြစ်များ ပိုင်ဆိုင်ကြောင်း ပူတင်က ပြောကြားခဲ့ပြီး ယင်း အရင်းအမြစ်များကို တိုးပွားလာစေရန်သာမက ၎င်းတို့၏ စီမံဆောင်ရွက် ပေးမှုနှင့် သယ်ယူပို့ဆောင် ရေးတို့ကိုလည်း သေချာစေရန်အတွက် အရေးကြီးကြောင်း ပြောကြားခဲ့သည်။ ရုရှားနိုင်ငံရှိ ငါးနှင့် ပင်လယ်စာစားသုံးမှုသည် ရုရှားကျန်းမာရေးဝန်ကြီးဌာနမှ အကြံပြုထားသည့် အဆင့်ထက် နိမ့်ကျနေ သေးကြောင်း ၎င်းက ထောက်ပြခဲ့သည်။

   ရုရှားနိုင်ငံ၏ အရှေ့ဖျားဒေသရှိ အဓိကငါးဖမ်းရာဒေသဖြစ်သည့် ကမ်ချက်ကာတွင် တံငါသည် များသည် ယခုနှစ်အတွင်း ဆယ်လ်မွန်တန်ချိန် ၂၅၀,၀၀၀ ကျော်ကို ဖမ်းမိခဲ့ပြီး ရုရှားနိုင်ငံ၏ စုစုပေါင်း ဆော်လမွန်ဖမ်းဆီးရရှိမှု၏ ၇၅ ရာခိုင်နှုန်းရှိကြောင်း ကမ်ချက်ကာ အုပ်ချုပ်ရေးမှူး ဗလာဒီမာဆိုလို ဒေါ့ဗ်က ပြောကြားခဲ့သည်။ ၂၀၂၅ ငါးဖမ်းရာသီအကုန်တွင် ရေနေဇီဝအရင်းအမြစ်များ စုစုပေါင်း တန်ချိန် ၁.၅ သန်းအထိ ရောက်ရှိရန် မျှော်မှန်းထားပြီး ၂၀၁၀ ခုနှစ်အစောပိုင်းကာလများထက် နှစ်ဆ ဖြစ်မည်ဟု ၎င်းက ဆက်လက်ပြောကြားခဲ့သည်။

DOCA(ရန်ကုန်)

   ကာဂျစ္စတန်နိုင်ငံ၏ ပြည်တွင်း e-commerce စျေးကွက်သည် ၂၀၂၅ ခုနှစ်တွင် အမေရိကန် ဒေါ်လာ ၅၂၅ သန်းအထိရှိပြီး ယခင်နှစ်ကထက် ၁၅ ရာခိုင်နှုန်းတိုးလာမည်ဟု ခန့်မှန်းထားကြောင်း ဝန်ကြီးများအဖွဲ့ ဥက္ကဌ Adylbek Kasymaliev က ‌အောက်တိုဘာလ ၃၀ ရက်နေ့တွင်ပြောကြားခဲ့ သည်။

          Bishkek ရှိ E-commerce Expo Central Asia 2025 တွင် ပြောကြားရာ၌ Kasymaliev က ယခုနှစ်ပထမနှစ်ဝက်တွင် အွန်လိုင်းဝယ်ယူမှုများသည် စုစုပေါင်းဒေါ်လာ ၁၉.၄ သန်းတန်ဖိုးရှိ အရောင်းအဝယ်ပြုလုပ်မှု ၁ သန်းခန့်ရှိကြောင်း ၂၀၂၄ ခုနှစ် အလားတူကာလကထက် ၅၆ ရာခိုင်နှုန်း တိုးလာကြောင်းဝန်ကြီးအဖွဲ့၏ သတင်းထုတ်ပြန်ချက်အရသိရသည်။ E-commerce သည် စီးပွားရေး တိုးတက်မှုနှင့်ရင်းနှီးမြှုပ်နှံမှုအတွက် မောင်းနှင်အားတစ်ခုအဖြစ် ဖော်ပြခဲ့ပြီး E-commerce သည် နိုင်ငံတော်၏ စီးပွားရေးအတွက် ကြီးမားသောဖွဲ့စည်းပုံဆိုင်ရာ ပြောင်းလဲမှုများကို ယူဆောင်ပေးနိုင် ကြောင်း Kasymaliev က ပြောကြားခဲ့သည်။

          ကာဂျစ္စတန်နိုင်ငံအတွက် e-commerce ကဏ္ဍသည် ကဏ္ဍအသစ်တစ်ခုမျှသာမဟုတ်၊ စီးပွားရေးတိုးတက်မှုနှင့် ဒေသတွင်းနှင့် ကမ္ဘာလုံးဆိုင်ရာ ထောက်ပံ့ရေးကွင်းဆက်များတွင် အားကောင်းစေသည့် စနစ်တစ်ခုဖြစ်လာခဲ့သည်။ မကြာသေးမီနှစ်များအတွင်း အွန်လိုင်းရောင်းချမှု၊ ဒစ်ဂျစ်တယ်ငွေပေးချေမှု၊ ထောက်ပံ့ပို့ဆောင်ရေးနှင့် ဘဏ္ဍာရေးဆိုင်ရာ အခြေခံအဆောက်အအုံများ ဖွံ့ဖြိုးတိုးတက်လာမှုတို့ကို ကာဂျစ္စတန်နိုင်ငံအနေဖြင့် တွေ့မြင်ခဲ့ရပြီး အသေးစားနှင့် အလတ်စားစီး ပွားရေးလုပ်ငန်းများအတွက် လက်လှမ်းမီနိုင်သော ဒစ်ဂျစ်တယ်စီးပွားရေးတွင် ပါဝင်နိုင်စေသည်ဟု Kasymaliev က ဆက်လက်ပြောကြားခဲ့သည်။

DOCA(ရန်ကုန်)

   သီရိလင်္ကာနိုင်ငံသည် နှစ်စဉ် ကမ္ဘာလှည့်ခရီးသည်ဝင်ရောက်မှု ၄ သန်းအထိ တိုးမြှင့်ကာ ခရီး သွားလုပ်ငန်းမှ ၀င်ငွေအမေရိကန်ဒေါ်လာ ၈ ဘီလီယံကို ၂၀၃၀ ခုနှစ်တွင် တိုးမြှင့်ရရှိနိုင်ရန် ရည်မှန်း ထားကြောင်း သမ္မတ Anura Kumara Dissanayake က ၂၀၂၆ ခုနှစ် နိုင်ငံတော်ဘတ်ဂျက်ကို လွှတ်တော်သို့ တင်ပြစဉ် အောက်တိုဘာလ ၇ ရက်နေ့က ကြေညာခဲ့သည်။ ခရီးသွားလုပ်ငန်းသည် စီးပွားရေးပြန်လည် ဦးမော့လာရန်နှင့် ရေရှည်တိုးတက်မှုအတွက် အရေးပါသော မဏ္ဍိုင်အဖြစ် ဆက်လက်တည်ရှိနေကြောင်း အလေးပေးပြောကြားခဲ့ပြီး Dissanayake သည် စက်မှုလုပ်ငန်း အားကောင်းစေရန် ဦးတည်သော ဖွံ့ဖြိုးတိုးတက်မှုနှင့် လုပ်သားအင်အားတိုးချဲ့မှုအစီအစဉ်များကို ဖော်ပြခဲ့ပြီး ခရီးသွားလုပ်ငန်းအဖွဲ့အစည်းများအကြား ပေါင်းစပ်ညှိနှိုင်းမှုတိုးတက်စေရန် အဓိက ပြုပြင်ပြောင်းလဲမှုများလည်း လုပ်ဆောင်နေလျက်ရှိသည်ဟု ထည့်သွင်းပြောကြားခဲ့သည်။ ခရီးသွား လုပ်ငန်း ဖွံ့ဖြိုးတိုးတက်ရေးစီမံချက်သည် သဘာဝအခြေခံ ဆွဲဆောင်မှုများနှင့် သမိုင်းဝင် အမွေအနှစ် များကို အဓိကထား ဆောင်ရွက်သွားမည်ဖြစ်သည်။ သီရိလင်္ကာခရီးသွားလုပ်ငန်း ဖွံ့ဖြိုးတိုးတက်ရေး အာဏာပိုင်အဖွဲ့သည် Hamilton Canal နှင့် Negombo Lagoon အပါအဝင် အနောက်ပြည်နယ်ရှိ ကမ်းရိုးတန်းနှင့် အဏ္ဏဝါပတ်ဝန်းကျင်ကို မြှင့်တင်ရန်အတွက် သီရိလင်္ကာရူပီး ၃.၅ ဘီလီယံ (ဒေါ်လာ ၁၁.၆ သန်းခန့်) ခွဲဝေပေးမည်ဖြစ်သည်။ ခရီးသွားလုပ်ငန်းနှင့် ဧည့်ဝတ်ပြုရေးကဏ္ဍတွင် ကျွမ်းကျင် လုပ်သား ၈၀၀၀၀၀ ကျော်ကို ၂၀၃၀ ခုနှစ်တွင် ဖြည့်ဆည်းပေးနိုင်ရန် သီရိလင်္ကာနိုင်ငံ ခရီးသွားလာ ရေးနှင့် ဟိုတယ်စီမံခန့်ခွဲရေးသိပ္ပံမှ အစီအစဉ်ကို စတင်ဆောင်ရွက်ခဲ့ကြောင်း သမ္မတက ပြောကြားခဲ့ သည်။ ဤရေတိုအသက်မွေးဝမ်းကြောင်းသင်တန်းကို ခရီးသွားလုပ်ငန်း ဖွံ့ဖြိုးတိုးတက်ရေးရန်ပုံငွေမှ ရူပီးသန်း ၅၀၀ (ဒေါ်လာ ၁.၆ သန်းကျော်) ဖြင့် ကျွန်းတစ်ကျွန်းလုံးရှိ အစိုးရနှင့်ပုဂ္ဂလိက အဖွဲ့အစည်း များမှ အသိအမှတ်ပြုပေးအပ်မည်ဖြစ်သည်။ 

DOCA(ရန်ကုန်)

  ဖိလစ်ပိုင်နိုင်ငံ၏ ကုန်ထုတ်လုပ်မှုပမာဏသည် စက်တင်ဘာလတွင် တိုးလာခဲ့ကြောင်း ဖိလစ်ပိုင်စာရင်းအင်းအာဏာပိုင်အဖွဲ့ (PSA) နိုဝင်ဘာလ ၇ ရက်နေ့တွင် ပြောကြားခဲ့ပါသည်။ ssရွေးချယ်ထားသော စက်မှုလုပ်ငန်းများ၏ လစဉ်စစ်တမ်း (Monthly Integrated Survey of Selected Industries) ၏ ရလဒ်များအရ ၂၀၂၅ ခုနှစ် စက်တင်ဘာလတွင် ထုတ်လုပ်မှုတန်ဖိုး ညွှန်းကိန်း (VaPI) သည် သြဂုတ်လမှ ၁.၆ ရာခိုင်နှုန်းမှ ၂.၄ ရာခိုင်နှုန်းအထိ မြင့်တက်လာကြောင်း ပြသခဲ့ပါသည်။

   အဆိုပါလအတွင်း VaPI သည် ၂၀၂၄ ခုနှစ် စက်တင်ဘာလတွင် မှတ်တမ်းတင်ခဲ့သည့် ပမာဏထက်လည်း ပိုမိုမြင့်မားခဲ့သည်။ ထုတ်လုပ်မှုညွှန်းကိန်း (VoPI) ၏ ပမာဏသည် ဩဂုတ် လတွင် တွေ့ခဲ့ရသော ၀.၉ ရာခိုင်နှုန်းမှ ၁.၃ ရာခိုင်နှုန်းသို့ တိုးတက်ခဲ့ပါသည်။PSA က စက်တင်ဘာလအတွင်း ထုတ်လုပ်မှုအတွက် VaPI ၏ နှစ်စဉ်တိုးတက်မှုနှုန်း အရှိန်အဟုန်မြင့်လာခြင်းသည် ကွန်ပျူတာ၊ အီလက်ထရွန်နစ်နှင့် optical ထုတ်ကုန်များ ထုတ်လုပ်မှုတွင် နှစ်စဉ်တိုးတက်မှု ပိုမိုမြန်ဆန်လာခြင်းကြောင့်ဖြစ်သည်ဟု သတ်မှတ်ခဲ့ပါသည်။

   အရှိန်အဟုန်မြင့်လာခြင်း၏ အခြားသော အဓိကအကြောင်းရင်းများမှာ ပြုပြင်ပြီး ကျောက်မီးသွေးနှင့် သန့်စင်ပြီးရေနံထွက်ပစ္စည်းများ ထုတ်လုပ်မှု၊ သယ်ယူပို့ဆောင်ရေး ပစ္စည်း များ ထုတ်လုပ်မှုတို့ ပိုမိုကြီးထွားလာခြင်းကြောင့်ဖြစ်ကြောင်း သိရှိရပါသည်။

DOCA (ရန်ကုန်)

DOCA(ရန်ကုန်)