ပြည်ပကုန်သွယ်မှုသတင်းများ

          အင်ဒိုနီးရှားနိုင်ငံသမ္မတ Prabowo Subianto သည် နိုဝင်ဘာလ ၆ ရက်နေ့တွင် တောင်ကိုရီးယားနိုင်ငံ၏ Lotte Chemical မှ ဆောက်လုပ်ခဲ့သော အမေရိကန်ဒေါ်လာ ၄ ဘီလီယံ ခန့်တန်ကြေးရှိသော ရေနံဓာတုပစ္စည်းထုတ်လုပ်သည့် စက်ရုံဖွင့်ပွဲအား ကျင်းပပြုလုပ်ခဲ့ကြောင်း နှင့် အဆိုပါစက်ရုံသည် တစ်နှစ်လျှင် အီတလင်းတန်ချိန် ၁ သန်း မက်ထရစ်တန်ချိန်ခန့် ထုတ်လုပ်နိုင်မည်ဖြစ်ကြောင်း သိရပါသည်။ အဆိုပါစက်ရုံသည် စီးပွားရေးဆိုင်ရာ လည်ပတ်မှုများကို အောက်တိုဘာလတွင် စတင်ခဲ့ပြီး အဆိုပါစက်ရုံသည် နှစ် ၃၀ အတွင်းဆောက်လုပ်ခဲ့သည့် ပထမဆုံး naphtha cracker စက်ရုံဖြစ်ကြောင်း အင်ဒိုနီးရှားနိုင်ငံ စွမ်းအင်နှင့်သတ္ထုအရင်းအမြစ် ဝန်ကြီးဌာန၏ ထုတ်ပြန်ချက်အရ သိရပါသည်။ Prabowo သည် ဖွင့်ပွဲအခမ်းအနားတွင် အစိုးရအနေဖြင့် အင်ဒိုနီးရှားနိုင်ငံရှိ နိုင်ငံခြားရင်းနှီးမြှုပ်နှံမှုများကို ထောက်ပံ့ပေးခြင်းအားဖြင့် နှစ်ဦးနှစ်ဖက်အကျိုးရလဒ်များရရှိစေရန် ဆက်လက်လုပ်ဆောင်သွားမည်ဖြစ်ကြောင်း သိရပါသည်။ Cilegon မြို့တွင်တည်ရှိသော Lotte စက်ရုံမှထုတ်လုပ်ခြင်းသည် အင်ဒိုနီးရှားနိုင်ငံ၏ အီတလင်းတင်သွင်းမှု ၉၀ ရာခိုင်နှုန်းကိုလျော့ချနိုင်စေရန်နှင့် အဆိုပါကုမ္ပဏီသည် ၎င်းတို့၏ ရင်းနှီးမြှုပ်နှံမှုကို ဆက်လက်တိုးချဲ့မည်ဖြစ်ကြောင်း Lotte Group ၏ ဥက္ကဌဆိုသူ Shin Dong-Bin ကဖွင့်ပွဲအခမ်းအနားတွင် ပြောကြားခဲ့ကြောင်း သိရှိရပါသည်။

Source: The Edge Malaysia                                                        

DOCA (ရန်ကုန်)

     အမေရိကန်ထုတ်   ကားမော်ဒယ်များ  ဂျပန်နိုင်ငံသို့  တင်သွင်းရန် တိုယိုတာကုမ္ပဏီ က  စီစဉ်လျက် ရှိသည်ဟုသိရသည်။ အမေရိကန်၏ ကုန်သွယ်ရေးလိုငွေပြမှုကိုဖြတ်တောက်ရာတွင် ကူညီရန် ရည်ရွယ်၍ အမေရိကန်ထုတ်ကားများ တင်သွင်းရန် စီစဉ်ခြင်းဖြစ်သည်။

     ကုန်သွယ်ရေးသဘောတူညီချက်   အစိတ်အပိုင်းတစ်ခုအနေဖြင့်   ကုန်သွယ်ရေးတင်းမာမှုကို ဖြေရှင်းရန် ဂျပန်အစိုးရက ကတိပြုထားသည်။   Camry   sedan ကားအမျိုးအစားသည် ဂျပန်ပြည် တွင်းစျေးကွက်သို့ တင်သွင်းရန် စဉ်းစားနေသည့်  ကားအမျိုးအစားတွင် ပါဝင်သည်ဟု ကုမ္ပဏီ က ပြောသည်။

      အမေရိကန်သမ္မတ  ဒေါ်နယ်ထရမ့်သည် ၎င်း၏တိုကျိုခရီးစဉ်အတွင်း ဂျပန်စီးပွားရေး ခေါင်းဆောင်များနှင့် တွေ့ဆုံခဲ့သည်။ အမေရိကန်သမ္မတ တွေ့ဆုံခဲ့သည့် စီးပွားရေး ခေါင်းဆောင် များထဲတွင်  တိုယိုတာကုမ္ပဏီဥက္ကဋ္ဌ တိုယိုဒါအာကီယိုလည်း ပါဝင်သည်။ ထိုသို့ တွေ့ဆုံစဉ် နှစ်နိုင်ငံ စီးပွားရေးအမြင်များကို ဆွေးနွေးခဲ့ကြသည်။ နစ်ဆန်းကုမ္ပဏီသည်လည်း အမေရိကန်ထုတ် ကား များ တင်သွင်းရန်စဉ်းစားနေသည့် နောက်ထပ်ကားကုမ္ပဏီတစ်ခုဖြစ်ပြီး  ဂျပန်၏ ကားလိုအပ် ချက်နှင့်  အကျိုးဖြစ်ထွန်းမှုအပေါ်စစ်ဆေးနေသည်ဟု ကုမ္ပဏီက ပြောသည်။ 

Source: ဆင်ဟွာ                                                               

DOCA(ပြည်ထောင်စုနယ်မြေ)

          အစိုးရဌာနများ၏ ထုတ်ပြန်ချက်အရ အမေရိကန်နိုင်ငံ၏ ကုန်သွယ်ရေးအခွန် ကောက်ခံမှုများကြောင့် အမေရိကန်နိုင်ငံသို့တင်ပို့သည့် ဗီယက်နမ်နိုင်ငံ၏ ပို့ကုန်များသည် အောက်တိုဘာလတွင်လည်း ဆက်လက်ကျဆင်းလျက်ရှိကြောင်း သိရပါသည်။ အရှေ့တောင်အာရှနိုင်ငံများသည် ဝါရှင်တန်နှင့် ကုန်သွယ်ရေးသဘောတူညီမှုများအပေါ် ဆွေးနွေးမှုများ ပြုလုပ်လျက်ရှိကြောင်း သိရပါသည်။ အမေရိကန်သမ္မတ Donald Trump သည် ဗီယက်နမ်နိုင်ငံနှင့် အတော်အတန် ကြီးမားသော ကုန်သွယ်ရေးကျဆင်းမှုကို လျော့ချရန်အတွက် ဗီယက်နမ်နိုင်ငံမှ တင်သွင်းသော ကုန်ပစ္စည်းများအပေါ် အခွန် ၂၀ ရာခိုင်နှုန်းတိုးမြှင့်ကောက်ခံခဲ့ပါသည်။ အဆိုပါ အကောက်ခွန် ကြောင့် အမေရိကန်နိုင်ငံသို့ ဗီယက်နမ်နိုင်ငံ၏ ကုန်ပစ္စည်းတင်ပို့မှုများ နည်းပါးခဲ့ကြောင်း သိရပါ သည်။ ၂၀၂၅ ခုနှစ်၊ ဇန်နဝါရီလမှ အောက်တိုဘာလအတွင်းတွင် ဗီယက်နမ်နိုင်ငံသည် အမေရိကန် ဒေါ်လာ ၁၁၁ ဘီလီယံခန့် အမေရိကန်နိုင်ငံနှင့်အတူ ကုန်သွယ်မှုပို‌ငွေများ ရရှိခဲ့ ကြောင်းသိရပါသည်။ အောက်တိုဘာလတွင် ဗီယက်နမ်နိုင်ငံ၏ စုစုပေါင်းတင်ပို့မှုသည် အမေရိကန်ဒေါ်လာ ၄၂.၀၅ ဘီလီယံခန့်ရောက်ရှိခဲ့ပြီး စက်တင်ဘာလထက် ၁.၅ ရာခိုင်နှုန်းခန့် ကျဆင်းခဲ့ကြောင်းနှင့် စုစုပေါင်းတင်သွင်းမှုသည်လည်း အမေရိကန်ဒေါ်လာ ၃၉.၄၅ ဘီလီခန့် ရောက်ရှိခဲ့ပြီး စက်တင်ဘာ လထက် ၁ ရာခိုင်နှုန်းခန့်ကျဆင်းခဲ့ကြောင်း ဗီယက်နမ်နိုင်ငံ စာရင်းအင်းဌာနမှ ထုတ်ပြန်သော အချက်အလက်များအရ သိရပါသည်။ မိုဘိုင်းဖုန်းထုတ်လုပ် သူများသည် အမေရိကန်နိုင်ငံသို့ တင်ပို့သူများထဲတွင် အကြီးမားဆုံးဆုံးရှုံးသူများဖြစ်ကြောင်းနှင့် ဗီယက်နမ်နိုင်ငံမှ အမေရိကန်နိုင်ငံသို့ ဖုန်းတင်ပို့မှုသည် အောက်တိုဘာလတွင် စက်တင်ဘာလ ထက် ၁၅.၂ ရာခိုင်နှုန်းခန့် ကျဆင်းခဲ့ပါ ကြောင်း သိရပါသည်။ အမေရိကန်နိုင်ငံသို့ အထည်အလိပ်နှင့် အဝတ်အစားတင်ပို့မှုသည်လည်း အောက်တိုဘာလတွင် စက်တင်ဘာလထက် ၇ ရာခိုင်နှုန်းကျဆင်းခဲ့သော်လည်း ဖိနပ်တင်ပို့မှုသည် ၁၅ ရာခိုင်နှုန်းခန့်မြင့်တက်ခဲ့ကြောင်းသိရ ပါသည်။ ဗီယက်နမ်နိုင်ငံသည် အနောက်တိုင်းအဝတ် အထည်နှင့် Nike နှင့် Adidas အပါအဝင် ဖိနပ်ပြုလုပ်သူများထဲတွင် အချက်အချာကျသော နိုင်ငံတစ်နိုင်ငံဖြစ်ပါသည်။ ဗီယက်နမ်နိုင်ငံ၏ စက်မှုလုပ်ငန်းများမှ ထွက်ရှိမှုနှုန်းသည် ၂၀၂၅ ခုနှစ် အစောပိုင်းကာလထက် ၁၀.၈ ရာခိုင်နှုန်းခန့် မြင့်တက်ခဲ့ပြီး စက်တင်ဘာလထက် ၂.၄ ရာခိုင်နှုန်း မြင့်တက်ခဲ့သော်လည်း နိုင်ငံခြားရင်းနှီးမြှုပ်နှံ မှုများသည် စက်တင်ဘာလအစောပိုင်းတွင် အမေရိကန်ဒေါ်လာ ၂.၅ ဘီလီယံခန့် ကျဆင်းခဲ့ကြောင်း သိရပါသည်။ လက်လီရောင်းချနှုန်းသည် အောက်တိုဘာလတွင် ၇.၂ ရာခိုင်နှုန်းခန့် မြင့်တက်ခဲ့ပြီး ဖောက်သည်စျေးနှုန်းများသည် ၂၀၂၅ ခုနှစ် အစောပိုင်းကာလထက် ၃.၂၅ ရာခိုင်နှုန်းမြင့်တက်ခဲ့ကြောင်း သိရပါသည်။

Source: The Edge Malaysia                                                        

DOCA (ရန်ကုန်)

         အမေရိကန်နိုင်ငံသည် အခြားသော လုပ်ဆောင်မှုများအကြားတွင် ဘင်္ဂလား‌ဒေ့ရှ်နိုင်ငံနှင့် နှစ်နိုင်ငံအပြန်အလှန်စီးပွားရေးဆက်ဆံရေးကို ပိုမိုအလေးထားနေပြီဖြစ်ကြောင်း ဒါကာရှိ အမေရိကန်သံရုံးမှ Tracey Ann Jacobson က ပြောကြားခဲ့ပါသည်။ ၎င်းက အမေရိကန်နိုင်ငံ ပဲပိစပ် တင်ပို့ရေးကောင်စီ (USSEC) နှင့် ဘင်္ဂလားဒေ့ရှ်နိုင်ငံမှ ပြည်တွင်းကုမ္ပဏီများဖြစ်သော  KGS Group နှင့် Mahhub Group တို့သည် သဘောတူညီမှု လက်မှတ်ရေးထိုးခဲ့ကြောင်း သိရပါသည်။ ထို့အပြင် ၎င်းက အမေရိကန်နိုင်ငံသည် စိုက်ပျိုးရေးထုတ်ကုန်များကို ဘင်္ဂလားဒေ့ရှ်နိုင်ငံသို့ တင်သွင်းရန် အားစိုက်နေကြောင်းနှင့် ဘင်္ဂလားဒေ့ရှ်နိုင်ငံသည်လည်း အမေရိကန်နိုင်ငံ လူသုံး ကုန်ပစ္စည်းများတင်သွင်းခြင်းကို မြှင့်တင်နေပြီဖြစ်ကြောင်း ပြောကြားခဲ့ပါသည်။ Jacobson က အမေရိကန်နိုင်ငံသည် ၂၀၂၄ ခုနှစ်တွင် အမေရိကန်ဒေါ်လာ ၇၇၉ သန်းခန့် တန်ကြေးရှိသော စိုက်ပျိုးရေးထွက်ကုန်များကို ဘင်္ဂလားဒေ့ရှ်နိုင်ငံသို့ တင်ပို့ခဲ့ကြောင်း ပြောကြားခဲ့ပါသည်။ ယခုနှစ်တွင် အမေရိကန်နိုင်ငံသည် အမေရိကန်ဒေါ်လာ ၁ ဘီလီယံခန့်ရောက်အောင် တင်ပို့မည်ဖြစ်ကြောင်း နှင့် သဘောတူညီမှုအခမ်းအနားသည်လည်း အဆိုပါရည်မှန်းချက်၏ တစ်စိတ်တစ်ပိုင်းဖြစ်ကြောင်း ၎င်းက ပြောကြားခဲ့ပါသည်။ ၂၀၂၃ ခုနှစ်တွင် အမေရိကန်ဒေါ်လာ ၅ သန်းခန့်တန်ကြေးရှိသော ပဲပိစပ်များကို အမေရိကန်နိုင်ငံမှ ဘင်္ဂလားဒေ့ရှ်နိုင်ငံသို့ တင်ပို့ခဲ့ပြီး ၂၀၂၄ ခုနှစ်တွင် အမေရိကန်ဒေါ်လာ ၂၀ သန်းတန်ကြေးရှိသော ပဲပိစပ်များကို တင်ပို့ခဲ့ကြောင်း သိရပါသည်။ ယခုနှစ်တွင် အမေရိကန်ဒေါ်လာ ၈၆ သန်းခန့်တန်ကြေးရှိသော ပဲပိစပ်များကို တင်သွင်းနိုင်ရန် ၎င်းက မျှော်မှန်းကြောင်း ပြောကြားခဲ့ပါသည်။ ထို့အပြင် ၎င်းအနေဖြင့် ဘင်္ဂလားဒေ့ရှ်နိုင်ငံ ငါးလုပ်ငန်းနှင့် ကျွဲနွားမွေးမြူရေးသမားများအတွက် အလွန်အထောက်အကူ ပြုသော အရည်အသွေးမြင့် ပဲပိစပ်များကို ထုတ်လုပ်နေသော USSEC နှင့်အတူ တင်သွင်းမှုများကို ဆက်လက်တိုးတက်ရန်မျှော်မှန်းကြောင်း ပြောကြားခဲ့ပါသည်။

Source: The Daily Star                                                              

DOCA (ရန်ကုန်)

          တရုတ်နိုင်ငံအခြေစိုက်ကုမ္ပဏီဖြစ်သော AeroSynth Limited သည် Mirsharai ရှိ Bepza စီးပွားရေးဇုန်တွင် အမေရိကန်ဒေါ်လာ ၃.၅ သန်းတန်ကြေးရှိသော ဒရုန်းထုတ်လုပ်သည့် စက်ရုံအား တည်ဆောက်ရန် ကြေညာလိုက်ကြောင်း သိရပါသည်။ အဆိုပါကုမ္ပဏီသည် နှစ်စဥ် ဒရုန်းပေါင်း ၁၅၀၀၀၀ ခန့် ထုတ်လုပ်ရန်စီစဥ်နေလျက်ရှိပြီး ကလေးကစားစရာဒရုန်းများ၊ ငါးဖမ်းခြင်းနှင့် ထုတ်ကုန်ပို့ဆောင်ရေးအတွက် ပေါ့ပါးသော ဒရုန်းများကိုပါ ထုတ်လုပ်ရန်စီစဥ်နေ ကြောင်း သိရပါသည်။ သတင်းစာရှင်းလင်းပွဲမှ ထုတ်ပြန်ချက်အရ အဆိုပါစီမံကိန်းတွင် လူပေါင်း ၇၀ ဦးအတွက် အလုပ်အကိုင်အခွင့်အလမ်းများစွာ ဖန်တီးနိုင်မည်ဖြစ်ကြောင်း သိရပါသည်။ ဘင်္ဂလားဒေ့ရှ်နိုင်ငံပို့ကုန်ထုတ်လုပ်ရေးဇုန်အဖွဲ့အစည်း (Bepza) မှအဖွဲ့ဝင်ဆိုသူ Md Ashraful Kabir နှင့် AeroSynth Limited မှကိုယ်စားပြုဆိုသူ Hu Dandan တို့သည် နိုဝင်ဘာလ ၆ ရက်နေ့ တွင် ဒါကာရှိ Bepza Complex တွင် သဘောတူညီမှု လက်မှတ်ရေးထိုးခဲ့ကြောင်း သိရပါသည်။ Bepza မှ ဥက္ကဌဆိုသူ Maj Gen Mohammad Moazzem Hossain က အဆင့်မြင့်စွန့်ဦးစီးပွားရေး လုပ်ငန်းအတွက် ရင်းနှီးမြှုပ်နှံရန် Bepza စီးပွားရေးဇုန်အားရွေးချယ်ခြင်းအတွက် AeroSynth Limited အား အထူးကျေးဇူးတင်ရှိကြောင်းပြောကြားခဲ့ပါသည်။ အဆိုပါစီမံကိန်းသည် Bepza စီးပွားရေးဇုန်တွင် ရင်းနှီးမြှုပ်နှံသော ဒုတိယ‌မြောက် ဒရုန်းထုတ်လုပ်ရေးစီမံကိန်းဖြစ်ကြောင်း သိရပါသည်။ စက်တင်ဘာလအထိ Bepza Ez တွင် ကုမ္ပဏီ ၆ ခုမှ ထုတ်လုပ်မှုများစတင်ခဲ့ပြီး ကုန်ပစ္စည်းများကိုလည်း စတင်တင်ပို့ခဲ့ကြောင်း သိရပါသည်။ အဆိုပါစက်ရုံများမှ အလုပ်သမား ၄၀၀၀ ဦးရေအတွက် အလုပ်အကိုင်အခွင့်အလမ်းများကို ဖန်တီးခဲ့ပြီး အမေရိကန်‌ဒေါ်လာ ၁၉.၉၂ သန်း တန်ကြေးရှိသော ကုန်ပစ္စည်းတင်ပို့မှုများ ရှိခဲ့ကြောင်း သိရပါသည်။ သတင်းစာရှင်းလင်းပွဲမှ ထုတ်ပြန်ချက်များအရ များစွာသောကုမ္ပဏီများသည် ထုတ်လုပ်ရေးလုပ်ငန်းစဥ်များစတင်ရန် အတွက် ပြင်ဆင်နေပြီဖြစ်ကြောင်းကိုလည်း သိရပါသည်။

Source: The Daily Star                                                              

DOCA (ရန်ကုန်)