ပြည်ပကုန်သွယ်မှုသတင်းများ

      ဥရောပကော်မရှင်သည် လာမည့်ရက်သတ္တပတ် အနည်းငယ်အတွင်း တရုတ်သံမဏိနှင့် ဆက်စပ်ပစ္စည်းများအပေါ် အခွန် ၂၅ ရာခိုင်နှုန်းမှ ၅၀ ရာခိုင်နှုန်းအထိ စည်းကြပ်ရန် စီစဉ်ထားကြောင်း ဂျာမန်စီးပွားရေးနေ့စဉ်ထုတ် Handelsblatt က ဘရပ်ဆဲလ်ရှိ အကြီးတန်းအရာရှိများ၏ ပြောကြားချက်ကိုကိုးကား၍ ဖော်ပြခဲ့သည်။ သက်တမ်းကုန်ဆုံးနေသော သံမဏိကာကွယ်ရေး မူဝါဒ များကို အောင်မြင်စေရန် ကော်မရှင်သည် ရေရှည်ကုန်သွယ်မှုဆိုင်ရာ ကိရိယာအသစ်တစ်ခု ကို အဆို ပြုမည်ဖြစ်ကြောင်း သူမက ပြောကြားခဲ့သည်။ ကမ္ဘာလုံးဆိုင်ရာကုန်သွယ်မှု စည်းမျဉ်းများအောက် တွင်၊ ဤအစုအဖွဲ့သည် လက်ရှိသံမဏိအကာအကွယ်များကို ၂၀၂၆ နှစ်လယ်ထက် ကျော်လွန်၍ သက်တမ်းတိုးနိုင်ဖွယ်မရှိကြောင်း၊ တစ်ချိန်တည်းတွင် တရုတ်နိုင်ငံ၏ သံမဏိတင်ပို့မှုသည် ယခုနှစ် တွင် အမြင့်ဆုံးသို့ ရောက်ရှိရန် မျှော်မှန်းထားပြီး မက်ထရစ်တန်ချိန် ၁၁၅ သန်းမှ သန်း ၁၂၀ သို့ ၉ ရာခိုင်နှုန်းကြား မြင့်တက်လာမည်ဟု လေ့လာသုံးသပ်သူများထံမှ သိရသည်။ ကာလကြာမြင့်စွာ အိမ်ခြံမြေကဏ္ဍကျဆင်းမှုကြောင့် ပြည်တွင်းဈေးကွက် သုံးစွဲမှု ကျဆင်းလာပြီးနောက် စျေးကွက် သစ်များလိုအပ်နေသည့် ကမ္ဘာ့စတီးလ်၏ ထက်ဝက်ကျော်ကို တရုတ်နိုင်ငံမှ ထုတ်လုပ်လျက်ရှိသည်။ တရုတ်သံမဏိကို ၂၀၂၄ ခုနှစ်မှစ၍ အခွန်စည်းကြပ်မှုများနှင့် အခြားကုန်သွယ်မှု အတားအဆီးပေါင်း ၅၄ ခုကို စတင်ခဲ့ပြီးဖြစ်ကြောင်း China Trade Remedies Information အရ လေ့လာဆန်းစစ် သူများက ပို့ကုန်များ ပိုမို ကန့်သတ်ချုပ်ချယ်စေမည်ဟု သုံးသပ်သူများက ပြောကြားခဲ့သည်။ ဥရောပ သံမဏိထုတ်လုပ်သူများသည်လည်း အမေရိကန် အခွန် ၅၀ ရာခိုင်နှုန်းနှင့် ရင်ဆိုင်နေရသည်။ ဥရောပ သမဂ္ဂသည် ဇူလိုင်လနှောင်းပိုင်းတွင် စက်မှုလုပ်ငန်းပြတ်လပ်မှုအန္တရာယ်ကို ပြတ်ပြတ်သားသား သတိပေးခဲ့ပြီးနောက် သံမဏိ၊ အလူမီနီယမ်နှင့် ကြေးနီအပါအဝင် သတ္တုအညစ်အကြေးများ တင်သွင်းမှုနှင့် တင်ပို့မှုများကို စတင်စောင့်ကြည့်ခဲ့သည်။ EU မှ သံမဏိအရည်ကျိုလုပ်သူများသည် ကာဗွန် ထုတ်လွှတ်မှုကို လျှော့ချရန် အဓိကသွင်းအားစု တစ်ခုဖြစ်ပြီး အစုအဖွဲ့၏ အဓိကကျသော အစိတ်အပိုင်းတစ်ခုဖြစ်သည့် သတ္တုအပိုင်းအစများ ထောက်ပံ့မှုရရှိရန် အချိန်အတန်ကြာ ရုန်းကန်နေရကြောင်း သိရသည်။

Source : economictimesss                                                                  

 DOCA(ရန်ကုန်)

    အိန္ဒိယနိုင်ငံသည် ပဲပိစပ်နှင့် တစ်ခြားသော  အစားအသောက်ထုတ်ကုန်များ အပေါ် အခွန် ကောက်ခံမှု ဖျက်သိမ်းမှုအပြီး အောက်တိုဘာလ ၂၃ ရက်နေ့ နှင့် ၂၄ ရက်နေ့အတွင်းတွင် အာဂျင်တီးနားနိုင်ငံမှ ပဲပိစပ်ဆီတန်ချိန် ၃၀၀၀၀၀ မက်ထရစ်တန်ချိန်ခန့်ဝယ်ယူခဲ့ကြောင်းနှင့် အဆိုပါ ၂ ရက်အတွင်း ဝယ်ယူမှုသည် အကြီးမားဆုံးဖြစ်ကြောင်း သိရပါသည်။ အဆိုပါ ဝယ်ယူမှုသည် အင်ဒိုနီးရှားနိုင်ငံနှင့် မလေးရှားနိုင်ငံမှ အိန္ဒိယနိုင်ငံသို့ စားအုန်းဆီတင်သွင်းမှုကို လျော့နည်းစေနိုင်ခဲ့ကြောင်း သိရပါသည်။ အဆိုပါ ပဲပိစပ်ဆီများကို အောက်တိုဘာလအတွင်း ကုန်သွယ်မှုများ ပြုလုပ်သွားမည်ဖြစ်ကြောင်းနှင့် ကုန်သွယ်မှု ပုဂ္ဂလိကုန်သွယ်ရေးရုံများတွင် ပြုလုပ်သွားမည်ဖြစ်ကြောင်း သိရပါသည်။ အဆိုပါ အချိန်တိုအတွင်း ပမာဏ များပြားစွာဝယ်ယူမှု သည် မကြုံစဖူးဖြစ်ကြောင်းနှင့် ကုန်သွယ်‌ရေးသမားများသည် စားအုန်းဆီများကို လျစ်လျူရှု လျက်ရှိကြောင်း New Deli အခြေစိုက် ကုန်သွယ်ရေးသမားက ပြောကြားခဲ့ပါသည်။ အာဂျင်တီးနားနိုင်ငံ သည် ပဲပိစပ်ဆီကဲ့သို့ အစားသောက်ထုတ်လုပ်သည့် ကုမ္ပဏီများအပေါ် အခွန်ကောက်ခံမှု ယာယီ ဖျက်သိမ်းလိုက်သည်မှာ အားနည်းနေသော ၎င်း၏ ငွေကြေး ပီဆို အတွက် အမေရိကန်ဒေါ်လာများ ဝင်ရောက်စီးဆင်းရန်ဖြစ်ကြောင်း သိရပါသည်။ ကမ္ဘာ့အကြီးဆုံး ဟင်းသီးဟင်းရွက်ဆီတင်သွင်း သည့် အိန္ဒိယနိုင်ငံသည် တစ်လလျှင် ပုံမှန်အားဖြင့် ပဲပိစပ်ဆီ တန်ချိန် ၃၀၀၀၀၀ တန်အောက် တင်သွင်းလျက်ရှိပြီး ယခုအပတ်အတွင်းဝယ်ယူမှုပမာဏ မြင့်တက်ခြင်းသည် အာဂျင်တီးနားနိုင်ငံ ၏ ဆုံးဖြတ်ချက်ကြောင့် ဖြစ်ကြောင်း သိရပါသည်။ ပဲပိစပ်ဆီများကို ကုန်ကျစရိတ်နှင့် အာမခံစရိတ်များကြောင့် ၁ တန်လျှင် အမေရိကန်ဒေါ်လာ ၁၁၀၀ မှ ၁၁၂၀ အတွင်းဝယ်ယူရ ကြောင်း သိရပါသည်။ သြဂုတ်လအထိ အိန္ဒိယနိုင်ငံ၏ ပဲပိစပ်ဆီတင်သွင်းမှုသည် ၂၅.၂၇ ရာခိုင်နှုန်း အထိကျဆင်းလျက်ရှိပါသည်။ အိန္ဒိယနိုင်ငံသည် စားအုန်းဆီများကို အင်ဒိုနီးရှားနိုင်ငံနှင့် မလေးရှားနိုင်ငံတို့မှ အဓိက တင်သွင်းလျက်ရှိပြီး ပဲပိစပ် ဆီနှင့် နေကြာဆီများကို အာဂျင်တီးနား နိုင်ငံ၊ ဘရာဇီးနိုင်ငံ၊ ရရှားနိုင်ငံနှင့် ယူကရိန်းနိုင်ငံတို့မှ အဓိက တင်သွင်းလျက်ရှိကြောင်း သိရပါ သည်။ သြဂုတ်လတွင် အိန္ဒိယနိုင်ငံ၏ ဟင်းသီးဟင်းရွက်ဆီတင်သွင်းမှုသည် လစဥ် ၄.၇ ရာခိုင်နှုန်း၊ တန်ချိန် ၁.၆၂ သန်းခန့် မြင့်တက်လျက်ရှိကြောင်း သိရပါသည်။ စားသုံးရန်သင့်သောဆီများ ဝယ်လိုအားသည် အထူးသဖြင့် စားအုန်းဆီများကို အချိုနှင့် အကြော်စာများ စားသုံးမှုမြင့်မားခြင်း ကြောင့် အိန္ဒိယနိုင်ငံတွင် ပွဲတော်အခါများတွင် မြင့်တက်လျက်ရှိကြောင်း သိရပါသည်။

Source: Economic Times                                                           

DOCA (ရန်ကုန်)

      အမေရိကန်သမ္မတ Donald Trump သည် အောက်တိုဘာလ ၂၆ ရက်နေ့တွင် အမေရိကန် နိုင်ငံအနေဖြင့် ၎င်းတို့နိုင်ငံတွင် ကုမ္ပဏီမှ စက်ရုံများမတည်ဆောက်ခင်အထိ အမေရိကန်နိုင်ငံသို့ အောက်တိုဘာလ ၁ ရက်နေ့မှ စတင်တင်သွင်းခဲ့သော ဆေးဝါးများအပေါ်တွင် အခွန် ၁၀၀ ရာခိုင်နှုန်း တိုးမြှင့်ကောက်ခံသွားမည်ဖြစ်ကြောင်း ကြေညာခဲ့ပါသည်။ Trump က အခွန်လွတ် ငြိမ်းခွင့်သည် အမေရိကန်နိုင်ငံတွင် စတင်တည်ဆောက်နေသော ကုမ္ပဏီများအပေါ်တွင် သက်ရောက် မည်ဖြစ်ကြောင်း ပြောကြားခဲ့ပါသည်။ အဆိုပါ ကြေညာချက်သည် Trump ၏ အစောပိုင်းကာလ ကုန်တင်ကားများအပေါ် အခွန် ၂၅ ရာခိုင်နှုန်းနှင့် မီးဖိုချောင်သုံး၊ ရေချိုးခန်းပစ္စည်းများ အပေါ် အခွန် ၅၀ ရာခိုင်နှုန်း တိုးမြှင့်ကောက်ခံမည့်ဟု ကြေညာမှု အပြီးတွင် ထွက်ပေါ်လာခြင်းဖြစ် ကြောင်း သိရပါသည်။ Trump က အမေရိကန်နိုင်ငံသို့ တင်သွင်းခဲ့သော ဆေးဝါးများအပေါ် ကနဦးတွင် အခွန် ၁၀၀ ရာခိုင်နှုန်းတိုးမြှင့်ကောက်ခံသွားမည်ဖြစ်ပြီး ၁ နှစ်အတွင်း ၁၅၀ ရာခိုင်နှုန်း တိုးမြှင့်သွားမည်ဖြစ်ကော နောက်ပိုင်းတွင် ၂၅၀ ရာခိုင်နှုန်းအထိ တိုးမြှင့်သွားမည်ဟု ပြောကြားခဲ့ပါသည်။

Source: Nation Thailand                                                            

DOCA (ရန်ကုန်)

     တိုကျို၏ အခြေခံစားသုံးသူဈေးနှုန်းညွှန်းကိန်း (CPI) သည် စက်တင်ဘာလတွင် ယခင်နှစ်ကထက် ၂.၅ ရာခိုင်နှုန်း မြင့်တက်ခဲ့ကြောင်း စက်တင်ဘာလ ၂၆ ရက်နေ့ထုတ်ပြန်ပြော အစိုးရ၏ အချက်အလက်များအရ သိရှိရပါသည်။

     အဆိုပါညွှန်းကိန်းသည် ၂၀၂၀ ခုနှစ် အခြေခံ ၁၀၀ နှင့် နှိုင်းယှဉ်လျှင် ၁၁၀.၀ တွင်ရှိပြီး သြဂုတ်လနှင့် တူညီသော တိုးတက်မှုနှုန်းကို ပြသနေကြောင်း အချက်အလက်များအရ သိရှိရပါ သည်။

     စားသောက်ကုန်ဈေးနှုန်းများ ဆက်လက်မြင့်တက်ခဲ့ပြီး ပြုပြင်ထားသောစားသောက်ကုန် များ ၆.၉ ရာခိုင်နှုန်း မြင့်တက်ခဲ့ပါသည်။ ယင်းသို့ မြင့်တက်ရခြင်းမှာ ဆန်(၄၆.၈ ရာခိုင်နှုန်း)၊ ချောကလက် (၅၃.၈ ရာခိုင်နှုန်း) နှင့် ကော်ဖီစေ့ (၄၇.၈ ရာခိုင်နှုန်း) တို့ သိသိသာသာ မြင့်တက် ခဲ့ခြင်းကြောင့် ဖြစ်းပါသည်။

     ဈေးနှုန်းမြင့်တက်မှုကို ကာမိစေရန် တိုကျိုမြို့တွင် စက်တင်ဘာလ တစ်ရက်နေ့တ၌ ကလေးထိန်းကျောင်းစရိတ် ကင်းလွတ်ခွင့် အစီအစဉ်ကို တိုးချဲ့ပြီးနောက် မူကြိုကျောင်းစရိတ် ၆၀.၄ ရာခိုင်နှုန်း ကျဆင်းခဲ့ပါသည်။

    တိုကျိုမြို့၏ စားသုံးသူဈေးနှုန်းညွှန်းကိန်း CPI ကို တစ်နိုင်ငံလုံး အတိုင်းအတာဖြင့် ဈေးနှုန်းလမ်းကြောင်းများကိုပြသသော အညွှန်းကိန်းအဖြစ် ရှုမြင်ကြကြောင်း သိရှိရပါသည်။

Source : Xinhua                                                                                

 DOCA (ရန်ကုန်)

     အမေရိကန်နိုင်ငံ၏ ရေထွက်ကုန်ပစ္စည်းတင်ပို့မှုသည် ၂၀၂၅ ခုနှစ်တွင် အမေရိကန် ဒေါ်လာ ၁၀ ဘီလီယံသို့ ရောက်ရှိရန် ရှိနေသော်လည်း အထူးသဖြင့် အမေရိကန်၏ ကုန်သွယ်မှုနှင့် နည်းပညာဆိုင်ရာအတားအဆီးများ မြင့်မာလာခြင်းကြောင့် တင်ပို့သူမျာသည် ကုန်ပစ္စည်းမျိုးစုံ ထုတ်လုပ်ခြင်းနှင့် တန်ဖိုးမြင့်ထုတ်ကုန် ထုတ်လုပ်ခြင်းသို့ ဦးတည်ပြောင်းလဲ လျက်ရှိပါသည်။

          အကောက်ခွန်အချက်အလက်များအရ ဗီယက်နမ်၏ ရေထွက်ကုန်ပစ္စည်းတင်ပို့မှုူသည် သြဂုတ်လတွင် အမေရိကန်ဒေါ်လာ ၁.၁၂ ဘီလီယံ ရရှိခဲ့ပြီး ယခင်နှစ်ထက် ၁၃.၈ ရာခိုင်နှုန်း တိုးတက်ခဲ့ကာ ကမ္ဘာဈေးကွက်မတည်ငြိမ်မှုများကို ကျော်လွှားနိုင်ခဲ့ပါသည်။ ဇန်နဝါရီလမှ သြဂုတ် လအထိ တင်ပို့မှုသည် ၁၆.၇ ရာခိုင်နှုန်း တိုးတက်၍ အမေရိကန်ဒေါ်လာ ၇.၃၄ ဘီလိယံသို့ ရောက်ရှိခဲ့သည်။ ပုဇွန်နှင့် ဂဏန်းများ အများအပြားဖမ်းမိခြင်း၊ ငါးမျိုးများပြန် လည်ဝင်ရောက်လာခြင်း၊ ပြည်ကြီးငါး၊ ရေဘဝဲ၊ ခုံး များမှ အမြတ်အစွန်းအများ အပြားရရှိခဲ့ ပါသည်။ တူနာငါးမှာ ထောက်ပံ့ရေး နှင့် ‌ဝယ်လိုအားပြတ်တောက်မှုကြောင့် အမြတ်နည်းခဲ့ ပါသည်။

          ထိပ်တန်းဝယ်ယူသည့် နိုင်ငံများတွင် CPTPP နိုင်ငံများ၊ တရုတ်နှင့် အမေရိကန်တို့ပါဝင်ပြီး ထိုနိုင်ငံများသို့ ၈ လ အတွင်း ဒေါ်လာ၂၃၄ သန်းအထိ ၃.၇ ရာခိုင်နှုန်း တိုးတက်ခဲ့ပါသည်။ ဥရောပသမဂ္ဂနှင့် ကိုရီးယားနိုင်ငံတို့သည်လည်း ပုံမှန်ဝယ်ယူသူများ ဖြစ်ကြပါသည်။

          အခက်အခဲများကို ကျော်လွှာရန်အတွက် ဗီယက်နမ်နိုင်ငံမှ တင်ပို့သူများသည် အာရှ၊ အရှေ့အလယ်ပိုင်းနှင့် တောင်အမေရိကတို့ကို တင်ပို့ရန်ပစ်မှတ်ထားလာကျပြီး ယှဉ်ပြိုင်နိုင်စွမ်းရှိ စေရန် တန်ဖိုးမြှင့်ထုတ်ကုန်များကို နှစ်ဆတိုးထုတ်လုပ်ခဲ့ကြောင်းသိရပါသည်။

          နိုင်ငံအနီးရှိ ထိုင်း၊ ဖိလစ်ပိုင်၊ မလေးရှား၊ စင်္ကာပူ ကဲ့သို့သော ဈေးကွက်များသည်လည်း သယ်ယူစရိန်လျော့နည်းခြင်း၊ အရသာတူခြင်းတို့ကြောင့် တန်ဖိုးနည်းငါးများကို ဝယ်ယူလျက်ရှိပါ သည်။Eurostat ၏ ခန့်မှန်းချက်အရ ဥရောပသမဂ္ဂ၏ ပုဇွန်တင်သွင်းမှုသည်၂၀၂၅ ခုနှစ်တွင် တန်ချိန် ၄၀၀၀၀၀ တင်သွင်းခဲ့ပြီး နှစ်ပေါင်းများစွာအတွင်း အများဆုံးဖြစ်ကာ ဗီယက်နမ်ကို အမြတ်အစွန်း များစွာ ရရှိစေခဲ့ကြောင်းသိရှိရပါသည်။

Source : Vietnam Plus                                                                      

 DOCA (ရန်ကုန်)