ပြည်ပကုန်သွယ်မှုသတင်းများ

          စင်္ကာပူနိုင်ငံ၏ အလုပ်သမားစျေးကွက်သည် ဒုတိယသုံးလပတ်တွင် ဆက်လက်တည်ငြိမ်နေပြီး စုစုပေါင်းအလုပ်အကိုင်သည် ပထမသုံးလပတ်တွင် ၂၃၀၀ တိုးတက်ခဲ့သည်နှင့် နှိုင်းယှဉ်ပါက ၁၀၄၀၀ တိုးတက်လာကာ ၃၇၅၇၃၀၀ သို့ရောက်ရှိခဲ့ကြောင်း လူ့စွမ်းအားဝန်ကြီး ဌာနက စက်တင်ဘာလ ၁၇ ရက်နေ့က ပြောကြားခဲ့ပါသည်။

           စင်္ကာပူနိုင်ငံသားများနှင့် အမြဲတမ်းနေထိုင်သူများ၏ အလုပ်အကိုင်သည် ၂၆၀၀ တိုးတက် ခဲ့ပါသည်။ နိုင်ငံခြားသား အလုပ်အကိုင်သည် ၇၈၀၀ အတိ တိုးလာခဲ့ပြီး အဓိကအားဖြင့် ဆောက်လုပ်ရေးလုပ်သားများနှင့် ယာဉ်မောင်းများဖြစ်ပါသည်။

        ဒုတိယသုံးလပတ်အတွင်း အလုပ်ခန့်ထားမှုနှင့် နုတ်ထွက်မှုနှုန်းများသည် ယခင်စံချိန်တင်ထားသော ပျမ်းမျှနှုန်းများနှင့် နှိုင်းယှဉ်ပါက နိမ့်ကျလျက်ရှိပါသည်။ ဝန်ဆောင်မှုလုပ်ငန်းများ၊ သတင်းအချက်အလက်နှင့် ဆက်သွယ်ရေး၊ ဘဏ္ဍာရေးဝန်ဆောင်မှုလုပ်ငန်းများတွင် အလုပ်ခန့်ထားမှုနှင့် နုတ်ထွက်မှုနှစ်ခုစလုံးတိုးလာခဲ့ကြောင်း သိရှိရပါသည်။

         အနာဂတ်တွင် ကမ္ဘာလုံးဆိုင်ရာ မသေချာမရေရာမှုများသည် အလုပ်ခန့်ထားမှုနှင့် လုပ်ခလစာအပေါ်သက်ရောက်မှု ဖြစ်မည်ဟု ခန့်မှန်းရပါသည်။ အဆိုပါအစီအရင်ခံစာပါ ကိန်းဂဏန်း အချက်အလက်များသည် ရွှေ့ပြောင်းလုပ်သမားများကို ထည့်တွက်ထားခြင်းမရှိကြောင်း သိရှိရပါသည်။

Source : Xinhua

DOCA (ရန်ကုန်)

          ကမ္ဘောဒီးယားနှင့် တရုတ်နိုင်ငံတို့သည် နှစ်နိုင်ငံအကြား တရုတ်ခရီးသွားလုပ်ငန်းနှင့် လေကြောင်းဆက်သွယ်မှု သိသိသာသာ တိုးမြင့်လာစေရန် အသေးစိတ် လုပ်ဆောင်မှု အစီအစဉ်တစ်ရပ်ကို ၁၅-၉-၂၀၂၅ ရက်နေ့က ကတိပြုခဲ့ကြသည်။ ကမ္ဘောဒီးယားနိုင်ငံ ခရီးသွားလာရေး ဝန်ကြီးဌာန၊ ကမ္ဘောဒီးယားနိုင်ငံဆိုင်ရာ တရုတ်သံရုံနှင့် တရုတ်ခရီးသွား ကုမ္ပဏီများအဖွဲ့တို့ အကြား virtual စနစ်ဖြင့်ဆွေးနွေးမှုများပြုလုပ်ခဲ့ကြသည်။ အစည်းအဝေး၏ အဓိကဦးတည်ချက်မှာ ကမ္ဘောဒီးယားသို့ တရုတ်ဧည့်သည်များ လည်ပတ်မှုတိုးမြင့်လာစေရန် အထူးအလေးပေးကာ နှစ်နိုင်ငံချစ်ကြည်ရေးနှင့် တိုးတက်မှုရလာဒ်များကို မြင်တွေ့နိုင်ရန် မျှော်မှန်းထားသည်။ အသစ်ဖွင့်လှစ်ထားသော Techo အပြည်ပြည်ဆိုင်ရာလေဆိပ် အပါအဝင် ကမ္ဘောဒီးယားနိုင်ငံရှိ အဓိကလေဆိပ်များသို့ တိုက်ရိုက်နှင့် ပုံမှန်လေကြောင်းခရီးစဉ်များ တိုးမြှင့်ရန် နှစ်ဖက်စလုံးမှ တရုတ်လေကြောင်းလိုင်းများကို တွန်းအားပေးရန် သဘောတူညီခဲ့ကြ သည်။ ကမ္ဘောဒီးယားနိုင်ငံ၏ ခရီးသွားကဏ္ဍအတွင်း ဝန်ဆောင်မှုများနှင့် လူ့စွမ်းအား အရင်းအမြစ်များ အရည်အသွေးမြှင့်တင်ရာတွင်လည်း တရုတ်ခရီးသွားများအတွက် ဘေးကင်းလုံခြုံသော ပတ်ဝန်းကျင်တစ်ခုပေးရန် လိုအပ်ကြောင်းကိုလည်း တရုတ်ခရီးသွားအဖွဲ့က ပြောကြားခဲ့သည်။ တွေ့ဆုံပွဲတွင် ခရီးသွားလာရေးဝန်ကြီး Huot Hak မှ တရုတ်နိုင်ငံ သံအမတ်ကြီး Wang Wenbin ၊ Jiangsu နှင့် Yunnan ပြည်နယ် ယဉ်ကျေးမှုနှင့် ခရီးသွားလာရေး ဦးစီးဌာနများ အပါအဝင် တရုတ်ပုဂ္ဂလိက လုပ်ငန်းရှင်များအနေဖြင့် တရုတ်နိုင်ငံရှိ ၎င်းတို့၏ ပြည်နယ်များမှ လေကြောင်းလိုင်းများကို ဆွဲဆောင်ကာ ကမ္ဘောဒီးယားနိုင်ငံ အဓိက ခရီးသွား နေရာများဖြစ်သည့် Siem Reap နှင့် Preah Sihanouk ပြည်နယ်များသို့ တိုးချဲ့ပျံသန်းပြေးဆွဲ နိုင်ရေးကူညီပေးရန် တောင်းဆိုခဲ့သည်။ ခရီးသွားလာရေး ဝန်ကြီးဌာန၏ ကိန်းဂဏန်းများအရ တရုတ်ခရီးသွားဝင်ရောက်မှုသည် ၂၀၂၅ ခုနှစ် ပထမ (၇)လတွင် ၄၈.၂ ရာခိုင်နှုန်း တိုးလာခဲ့ပြီး ဧည့်သည် ၆၉၀,၀၀၀ နီးပါး ဝင်ရောက်ခဲ့ကြောင်း ထုတ်ပြန်ထားကြောင်း သိရှိရပါသည်။

DOCA(ရန်ုကုန်)

Source: Khmer Times

            ကမ္ဘောဒီးယားနိုင်ငံ၏ Battambang ပြည်နယ်၏ ခရိုင် ၃ ခု၌ အနာဂတ်တွင် နိုင်ငံအနှံ့အပြား၌ အလားတူအသိုက်အဝန်းအဖွဲ့အစည်းများဖန်တီးရေးကို အားပေးရန် ခေတ်မီ ဆန်စပါးစိုက်ပျိုးသည့် အဖွဲ့အစည်း ၃ ခုကို ထူထောင်ခဲ့သည်။ Moung Ruessei၊ Banan နှင့် Thmor Koul ခရိုင်တို့တွင် ခေတ်မီစပါး စိုက်ပျိုးသည့် အဖွဲ့အစည်း ၃ ခုကို ဖွဲ့စည်းခဲ့ကြောင်း စိုက်ပျိုးရေး၊ သစ်တောနှင့် ရေလုပ်ငန်းဝန်ကြီးဌာနမှ ပြောရေးဆိုခွင့်ရှိသူ Khim Finan က ပြောကြားခဲ့သည်။ စိုက်ပျိုးရေး၊ သစ်တောနှင့် ရေလုပ်ငန်း ဝန်ကြီးဌာန၏ ခေတ်သစ်စိုက်ပျိုးရေး လုပ်ငန်းအဖွဲ့မှ ဦးဆောင်ကျင်းပသည့် ခေတ်မီစပါး စိုက်ပျိုးရေးအဖွဲ့ ပထမအကြိမ် အထွေထွေ စည်းဝေး Finan မှ အဖွဲ့ ဖွဲ့စည်းခြင်း၏အကျိုးကျေးဇူးများကို အသိအမှတ်ပြုပြောကြားခဲ့ပြီး ခေတ်မီစပါးစိုက်ပျိုးရေး အသိုက်အဝန်းများ ဖွဲ့စည်းတည်ထောင်ခဲ့ကြသော တောင်သူ လယ်သမားများအား ဝမ်းမြောက်ကြောင်း ထပ်လောင်းပြောကြားခဲ့သည်။ အဆိုပါ အဖွဲ့အစည်းများသည် တောင်သူလယ်သမားများအား စျေးကွက်ပေါက်ဈေးကြိုတင် လုံခြုံစေရန်၊ ထုတ်လုပ်မှုကုန်ကျစရိတ်ကို လျှော့ချရန်နှင့် အရင်းအနှီးပံ့ပိုးမှုရရှိရန် ကူညီပေးကြောင်း Finan က မှတ်ချက်ပြုခဲ့သည်။ အစိုးရအနေဖြင့် လက်ရှိနိုင်ငံတစ်ဝှမ်းတွင် ခေတ်မီစိုက်ပျိုးရေး အသိုက်အဝန်း ၁၂ ခုကို ထူထောင်ထားပြီး Siem Reap၊ Kampong Thom၊ Takeo၊ Kandal၊ Kampong Chhnang၊ Tboung Khmum နှင့် Pursat ပြည်နယ်အပါအဝင် ပြည်နယ်ခုနစ်ခုတွင် တရားဝင်မှတ်ပုံတင်ထားပြီးဖြစ်ကြောင်း Finan က ဆက်လက်ပြောကြားခဲ့သည်။ လက်ရှိတွင် အဆိုပါအသိုင်းအဝိုင်းများသည် ဆန်၊ ဟင်းသီးဟင်းရွက်၊ သီဟိုဠ်စေ့နှင့် ငရုတ်ကောင်း စသည့် သီးနှံ လေးမျိုးအပေါ် အာရုံစိုက်ထားပြီး နှစ်စဉ် ထုတ်လုပ်မှုတန်ဖိုး ကန်ဒေါ်လာ ၁၉.၇၇ သန်းရရှိလျက်ရှိသည်။

DOCA(ရန်ကုန်)

    ကမ္ဘာ့အကြီးဆုံးကော်ဖီထုတ်လုပ်တင်ပို့သည့် ဘရာဇီးနိုင်ငံသည် အမေရိကန်နိုင်ငံသို့ အသင့် ဖျော်ကော်ဖီတင်ပို့ရာ ဩဂုတ်လတွင် ယခင်နှစ်အလားတူကာလနှင့် နှိုင်းယှဉ်ပါက ၆၀ ရာခိုင်နှုန်း နီးပါးကျဆင်းခဲ့ပါသည။ ထိုသို့ကျဆင်းခြင်းမှာ ၅၀ ရာခိုင်နှုန်းသော ကုန်သွယ်ခွန်များ ဝါရှင်တန်မှ ချမှတ်ခဲ့ခြင်းကြောင့် ဖြစ်ကြောင်း ဒေသတွင်းကော်ဖီလုပ်ငန်းအဖွဲ့က စက်တင်ဘာလ ၁၅ ရက်နေ့ က ပြောကြားခဲ့ပါသည်။ အမေရိကန်ဈေးကွက်သို့တင်ပို့မှုမှာ ဩဂုတ်လတွင် ၆၀ ကီလိုဂရမ်အိတ် ၂၆၄၆၀ အိတ် ရှိခဲ့ ပြီး ၂၀၂၄ ခုနှစ်၏ အလားတူကာလထက် ၅၉.၉ ရာခိုင်နှုန်းနှင့် ဇူလိုင်လထက် ၅၀.၁ ရာခိုင်နှုန်း ကျဆင်းခဲ့သည်ဟု ဘရာဇီးအသင့်ဖျော်ကော်ဖီလုပ်ငန်းအသင်း (ABICS) က ပြောကြားခဲ့ပါသည်။ အမေရိကန်ပြည်ထောင်စုသည် ဘရာဇီး၏ အဓိက အသင့်ဖျော် ကော်ဖီဝယ်ယူသူအဖြစ် ဆက်လက်တည်ရှိနေပြီး ယခုနှစ် ပထမ ၈ လအတွင်း ကော်ဖီအိတ် ၄၄၃၁၇၉ အိတ် ဝယ်ယူခဲ့ကာ အာဂျင်တီးနားနှင့် ရုရှားတို့အပေါ်တွင် ရပ်တည်လျက်ရှိပါသည်။ ဇန်နဝါရီလမှ ဩဂုတ်လအထိ ဘရာဇီးသည် နိုင်ငံပေါင်း ၈၈ နိုင်ငံသို့ အသင့်ဖျော်ကော်ဖီအိတ် စုစုပေါင်း ၂.၅ သန်း ရောင်းချခဲ့ပြီး ၂၀၂၄ ခုနှစ် အလားတူကာလထက် ၃.၉ ရာခိုင်နှုန်း ကျဆင်းခဲ့ ပါသည်။ သို့သော် ကော်ဖီဈေးနှုန်းနှင့် ငွေလဲနှုန်းအပြောင်းအလဲများကြောင့် ဘရာဇီး၏ ဝင်ငွေ သည် ၃၃ ရာခိုင်နှုန်းမြင့်တက်လာပြီး အမေရိကန်ဒေါ်လာ ၇၆၀.၈ သန်းသို့ ရောက်ရှိခဲ့ကြောင်း သိရှိရပါသည်။

  DOCA(ရန်ကုန်) 

    တောင်ကိုရီးယားနိုင်ငံ၏ မော်တော်ယာဉ်တင်ပို့မှုသည် ဥရောပမှ ခိုင်မာသော ဝယ်လိုအား ကြောင့် သုံးလဆက်တိုက်တိုးတက်လာခဲ့ကြောင်း စက်တင်ဘာလ ၁၆ ရက်နေ့ထုတ်ပြန်သော အစိုးရ အချက်အလက်များအရသိရှိရပါသည်။

          ကားတင်ပို့မှုသည် ပြီးခဲ့သည့်နှစ်နှင့်နှိုင်းယှဉ်ပါက ၈.၆ ရာခိုင်နှုန်းတိုးတက်ခဲ့ပြီး သြဂုတ်လ တွင် အမေရိကန်ဒေါ်လာ ၅.၅၀ ဘီလီယံဒေါ်လာ ရရှိခဲ့ပါသည်။၎င်းတိုးတက်မှုသည် သဘာဝပတ် ဝန်းကျင်နှင့် လိုက်လျောညီထွေရှိသော ယာဉ်များ ဝယ်လိုအားတိုးလာခြင်းနှင့် အမေရိကန်၏ကား များဝယ်လိုအားကျဆင်းမှုကြောင့် ဥရောပမှ ခိုင်မာသော ဝယ်လိုအားဖြစ်ပေါ်စေ ကြောင်းသိရ သည်။          အမေရိကန်ပြည်ထောင်စုသို့ ကားတင်ပို့မှုသည် ၁၅.၂ ရာခိုင်နှုန်းကျဆင်း၍ ၂.၁၀ ဘီလီယံ အထိရောက်ရှိခဲ့သော်လည်း ဥရေပသမဂ္ဂအီးယူနှင့် အခြားဥရောပနိုင်ငံများသသို့ တင်ပို့မှုမှာ နှစ်ဆ တိုးလာခဲ့ပြီး ‌ဒေါ်လာ ၇၉၄ သန်းနှင့် ‌ဒေါ်လာ ၅၄၇ သန်းစီရရှိခဲ့ပါသည်

          သဘာဝပတ်ဝန်ကျင်ထိန်းသိမ်းသော ဆီဒင်ကားများတင်ပို့မှုသည် ပြီးခဲ့သည့်နှစ်သြဂုတ်လ နှင့် နှိုင်းယှဉ်ပါက ၂၉.၃ ရာခိုင်နှုန်းမြင့်တက်ခဲ့ပြီး ဒေါ်လာ ၂.၁၇ ဘီလီယံအထိရရှိခဲ့ပါသည်။ သြဂုတ်လတွင် တင်ပို့ခဲ့သော ယာဉ်အရေ အတွက် မှာ ၂၀၃၁၇ စီးရှိခဲ့ပြီး ယခင်နှစ်ကထက် ၅.၅ ရာခိုင်နှုန်းတိုးတက်ခဲ့ပါသည်။ မော်တော်ယာဉ် အစိတ်အပိုင်းများတင်ပို့မှုသည် ၈.၈ ရာခိုင်နှုန်း ကျဆင်း၍ ဒေါ်လာ ၁.၆၇ ဘီလီယံရရှိခဲ့ပါသည်။ ပြည်တွင်း စက်ရုံများတွင် ထုတ်လုပ်သော ယာဉ် အရေအတွက်သည် နှစ်စဉ် ၇.၁ ရာခိုင် နှုန်း တိုးတက်ခဲ့ပြီး သြဂုတ်လတွင် ၃၂၁၀၀၈ စီးအထိရှိခဲ့ ပါသည်။ ပြည်တွင်း၌ ရောင်းချခဲ့သော ကားအရေအတွက်မှာ ပြည်တွင်းထုတ်နှင့် ပြည်ပမှတင် သွင်းသော ယာဉ်များအပါအဝင် သြဂုတ်လ တွင် ၁၃၈၈၀၉ စီးရှိခဲ့ပြီး ယခင်နှစ်ကထက် ၈.၃ ရာခိုင် နှုန်းတိုးတက်ခဲ့ကြောင်းသိရှိရပါသည်။

         DOCA(ရန်ကုန်)