ဥရောပသမဂ္ဂမဟုတ်သော နိုင်ငံများသို့ Slovenia ၏ ကုန်ပစ္စည်းတင်ပို့မှုသည် ၂၀၂၄ ခုနှစ် တွင် ၂၅ ရာခိုင်နှုန်း ခုန်တက်ခဲ့ပြီး ထိုနိုင်ငံများမှ တင်သွင်းမှု ၄၇ ရာခိုင်နှုန်း မြင့်တက်ခဲ့ကြောင်း နိုင်ငံ၏ စာရင်းအင်းရုံးက ၄.၂.၂၀၂၅ ရက်နေ့တွင် ပြောကြားခဲ့သည်။ Slovenia သည် ၂၀၀၄ ခုနှစ်တွင် အီးယူသို့ ဝင်ရောက်ခဲ့ပြီး ဆယ်စုနှစ်များစွာကြာ EU အဖွဲ့ဝင်နိုင်ငံများသည် ၎င်း၏အဓိကကုန်သွယ် ဖက်များဖြစ်လာခဲ့သည်။ သို့သော်လည်း ၂၀၂၄ ခုနှစ်တွင် EU မဟုတ်သောနိုင်ငံများမှ သွင်းကုန်များသည် အီးယူနိုင်ငံများမှ တင်သွင်းမှုကို ကျော်လွန်သွားခဲ့ပြီး EU အဖွဲ့ဝင်မဟုတ်သော နိုင်ငံများသို့ တင်ပို့မှုသည် EU နိုင်ငံများသို့ တင်ပို့မှုထက် ၂ ရာခိုင်နှုန်းအောက် လျော့နည်းခဲ့သည်။ အဓိကအားဖြင့် သွင်းကုန်ပမာဏ မြင့်မားမှုကြောင့် တရုတ်နိုင်ငံသည် Slovenia ၏ အဓိကကုန်သွယ်ဖက်များထဲမှ တစ်နိုင်ငံဖြစ်သည်။ တရုတ်နိုင်ငံသို့ Slovenia ၏ ပို့ကုန်သည် ၂၀၂၄ ခုနှစ်တွင် ၆.၃ ရာခိုင်နှုန်း တိုးတက်ခဲ့ပြီး တရုတ်နိုင်ငံမှ တင်သွင်းမှု ၅.၄ ရာခိုင်နှုန်း ကျဆင်းခဲ့သည်။ ဆွစ်ဇာလန်မှ တန်ဖိုးအားဖြင့် အများဆုံး တင်သွင်းခဲ့ပြီး ဂျာမနီ၊ တရုတ်၊ အိန္ဒိယနှင့် အီတလီနိုင်ငံ များမှလည်း တင်သွင်းခဲ့ကြောင်း အဆိုပါရုံး၏ ထုတ်ပြန်ချက်တွင် ဖော်ပြထားသည်။ ထိုအချိန်တွင် Slovenia ၏ အဓိကပို့ကုန်ဈေးကွက်များမှာ ဆွစ်ဇာလန်၊ ဂျာမနီ၊ ခရိုအေးရှား၊ အီတလီနှင့် သြစတြီးယားတို့ ဖြစ်သည်။ ဓာတုဗေဒပစ္စည်းများသည် နိုင်ငံ၏ စုစုပေါင်းပို့ကုန်၏ ၄၅.၆ ရာခိုင်နှုန်းနှင့်သွင်းကုန် စုစုပေါင်း၏ ၄၉.၅ ရာခိုင်နှုန်းရှိကြောင်း အဆိုပါရုံးက ထည့်သွင်းပြောကြားခဲ့သည်။ ဆလိုဗေးနီးယား ၏အဓိကပို့ကုန်များတွင် ဆေးဝါးထုတ်ကုန်များ၊ အိမ်သုံးပစ္စည်းများ၊ မော်တော်ကားများ၊ မော်တော်ကားအစိတ်အပိုင်းများနှင့် သတ္တုထုတ်ကုန်များ ပါဝင်သည်။ ယမန်နှစ်က နိုင်ငံ၏စုစုပေါင်း ပို့ကုန်သည် ၁၂ ရာခိုင်နှုန်းနီးပါး မြင့်တက်ခဲ့ပြီး သွင်းကုန် ၂၁ ရာခိုင်နှုန်း တိုးလာ‌ကြောင်းသိရှိရပါသည်။

Source : Xinhua

DOCA(ရန်ကုန်)

            ဂျပန်ကုမ္ပဏီ Nippon Koei Business Partners သည် သီဟိုဠ်စေ့နှင့် အခွံများကို ရှာလကာရည်နှင့် ဆီအဖြစ်ပြုပြင်ခြင်းတွင်အသုံးပြုရန် ကမ္ဘောဒီးယားနိုင်ငံ၏သီဟိုဠ်စေ့ ထုတ်လုပ်တင်ပို့ခြင်းကဏ္ဍတွင် ရင်းနှီးမြှုပ်နှံရန်အတွက် စိတ်ဝင်စာမှုကိုပြသခဲ့ပြီး ကျန်ရှိသောစွန့်ပစ်ပစ္စည်းများကို တိရိစ္ဆာန်စာအဖြစ်ပြန်အသုံးပြုမည်ဖြစ်သည်။ ကမ္ဘောဒီးယားနိုင်ငံ ဖွံ့ဖြိုး တိုးတက်ရေးကောင်စီ (CDC) ၏ ကမ္ဘောဒီးယားရင်းနှီးမြှုပ်နှံမှုဘုတ်အဖွဲ့ အတွင်းရေးမှူးချုပ် Chea Vuthy နှင့် Nippon Koei Business Partners Co., Ltd ၏ ဒုတိယအထွေထွေ မန်နေဂျာ Tsutomu Tamura တို့ ၂၉-၁-၂၀၂၅ ရက်နေ့က နေတွေ့ဆုံစဉ် ကုပ္ပဏီ၏စိတ်ဝင်စားမှုကို ပြောကြားခဲ့သည်။ Tsutomu Tamura က သီဟိုဠ်စေ့ကဏ္ဍတွင် တင်ပို့ရန်အတွက် ရင်းနှီးမြှုပ်နှံ ရန်အတွက် စိတ်ဝင်စားကြောင်းပြောကြားခဲ့ပြီး သီဟိုဠ်စေ့စိုက်ပျိုးခြင်းအတွက် အဓိကကျသော ပြည်နယ်များနှင့် သီဟိုဠ်စေ့စိုက်ပျိုးခြင်း၏ အကျိုးကျေးဇူးများကိုပြောကြားခဲ့ပြီး သီဟိုဠ်စေ့ ကဏ္ဍ၏ အလားအလာနှင့်ပတ်သက်၍ ကိုယ်စားလှယ်အဖွဲ့အား ရှင်းလင်းပြောကြားခဲ့သည်။ (CDC) အနေဖြင့်  ကမ္ဘောဒီးယားနိုင်ငံသည် လက်ရှိသီဟိုဠ်စေ့ထုတ်လုပ်ခြင်း လုပ်ငန်းကဏ္ဍကို ဦးစားပေးလုပ်ဆောင်နေသောကြောင့် ရင်းနှီးမြှုပ်နှံမှုဆိုင်ရာဆုံးဖြတ်ချက်များ အမြန်ချနိုင်ရန် ကုမ္မဏီအား အဓိကတိုက်တွန်း ပြောကြားခဲ့ကြောင်းသိရှိရပါသည်။

Source: Khmer Times

DOCA(ရန်ကုန်)

           အမေရိကန်သမ္မတဒေါ်နယ်ထရမ့်သည် တရုတ်နိုင်ငံမှတင်သွင်းသော ကုန်ပစ္စည်းမျာအပေါ် အခွန် ၁၀ ရာခိုင်နှုန်းစည်းကြပ်ရန် ဖေဖော်ဝါရီ ၁ ရက်နေ့က လက်မှတ်ရေးထိုးခဲ့သည်။

          တရုတ်နိုင်ငံမှသွင်းကုန်အားလုံးအပေါ် လက်ရှိအကောက်ခွန်ထက် ၁၀ ရာခိုင်နှုန်းအခွန်စည်းကြပ်ထားကြောင်း အိမ်ဖြူတော်ကပြောကြားခဲ့သည်။ ထရမ့်က ၎င်း၏အကာအကွယ်ပေးရေး အစီအမံများကို လိုက်နာခြင်းဖြင့် အခွန်စည်းကြပ်မှုတိုးလာသည်ဟု ပြောကြားခဲ့သည်။ တရုတ်နိုင်ငံခြား ရေးဝန်ကြီးဌာန ပြောရေးဆိုခွင့်ရှိသူ Mao Ning က ကုန်သွယ်ရေးစစ်ပွဲသို့မဟုတ်အကောက်ခွန်စစ်ပွဲတွင် အောင်နိုင်သူမရှိဟု တရုတ်နိုင်ငံမှ အမြဲတမ်းယုံကြည်ပြီး ၎င်း၏အမျိုးသား အကျိုးစီးပွားကို ကာကွယ်ရာတွင် ခိုင်ခိုင်မာမာ ရပ်တည်နေကြောင်းပြောကြားခဲ့သည်။ စီးပွားရေးနှင့်ကူးသန်း ရောင်းဝယ်ရေးဝန်ကြီးဌာန ပြောရေးဆိုခွင့်ရှိသူ He Yadong ကတရုတ်နိုင်ငံ၏ အကောက်ခွန်ဆိုင်ရာ ရပ်တည်ချက်သည် တသမတ်တည်းဖြစ်ကြောင်းပြောကြားခဲ့သည်။ အခွန်စည်းကြပ်မှုများသည် တရုတ်နှင့်အမေရိကန်တို့အတွက်သာမက ကမ္ဘာတစ်ဝှမ်းလုံးအတွက် အကျိုးမပြုကြောင်း၎င်းက ဆက်လက်ပြောကြားခဲ့သည်။

          အုပ်ချုပ်ရေးအမိန့်အရ အမေရိကန်သည် မက္ကဆီကိုနှင့် ကနေဒါတို့မှ ကုန်ပစ္စည်းများအပေါ် အခွန် ၂၅ ရာခိုင်နှုန်းစည်းကြပ်ခဲ့ပြီး ကနေဒါမှစွမ်းအင်ထုတ်ကုန်များအတွက် ၁၀ ရာခိုင်နှုန်းအခွန် စည်းကြပ်ခဲ့ကြောင်းသိရှိရပါသည်။

Source : Xinhua

DOCA(ရန်ကုန်)

                တရုတ်နှစ်သစ်ကူးပွဲတော်တွင် မုန့်ဖုတ်ဆိုင်များ၊ ပီဇာဆိုင်များနှင့် အခြားအစားအစာ လက်လီရောင်းချသူအများအပြားတို့သည် နို့ထွက်ပစ္စည်းများအား သိုလှောင်ထားသောကြောင့် နယူးဇီလန် နို့ထွက်ပစ္စည်းများအတွက် ဝယ်လိုအားကို တွန်းအားပေးလျက်ရှိသည်။ တရုတ်နိုင်ငံရှိ စားသောက်ကုန်ဝန်ဆောင်မှုပါဝင်ပစ္စည်းများ ၀ယ်လိုအားသည် ဤကာလအတွင်း အားကောင်းခဲ့ပြီး တရုတ်နိုင်ငံတွင် Fonterra ၏ စားသောက်ကုန်ဝန်ဆောင်မှုရောင်းချမှုသည် လျင်မြန်စွာ ဆက်လက် ကြီးထွားလာရန် မျှော်လင့်ထားကြောင်း Dai က ပြောကြားပြီး ကမ္ဘာ့နို့ထွက်ပစ္စည်းဈေးနှုန်းများသည် ၂၀၂၄ ခုနှစ် အောက်တိုဘာလမှစပြီး ၅ ရာခိုင်နှုန်းနီးပါး မြင့်တက်လာခဲ့ကြောင်း Dai က ပြောကြားခဲ့ သည်။ နယူးဇီလန် နို့ထွက်ပစ္စည်း ကုမ္ပဏီကြီး Fonterra ၏ ဒုတိယ ဥက္ကဌ Justin Dai က ဇန်နဝါရီ ၂၈ ရက်နေ့က ပြောကြားခဲ့သည်။ ဥပမာအားဖြင့် စတော်ဘယ်ရီကိတ်မုန့်ကဲ့သို့သောမုန့်များတွင် နို့ထွက်ပစ္စည်းအသုံးချမှုများ ကြောင်း၊ အနီရောင်အပြင်အဆင်အစားအစာကိုနှစ်သက်ကြသောကြောင့် အနီရောင်သည် စည်းစိမ်ချမ်းသာနှင့် ကံကောင်းခြင်းများနှင့် ဆက်နွှယ်နေကြောင်း Dai က ပြောသည်။ တရုတ်နိုင်ငံ၏ အစားအသောက်ဝန်ဆောင်မှုလုပ်ငန်း၏အဓိကအစိတ်အပိုင်းဖြစ်သည့် နှစ်သစ်အတွက် ဟင်းပွဲအသစ်များနှင့် အရသာရှိသော ဟင်းပွဲများကို စားသောက်ဆိုင်များ တီထွင်ထုတ်လုပ်ခြင်းကြောင့် ဝယ်လိုအား တိုးလာရခြင်းဖြစ်‌ ကြောင်းသိရသည်။

Source : Xinhua

DOCA(ရန်ကုန်)

          အိန္ဒိယနိုင်ငံအနေဖြင့် ပြည်တွင်းလိုအပ်ချက်ကို ဖြည့်ဆည်းနိုင်ရန်အတွက် ပဲမျိုးစုံတင်သွင်း မှုကို မြှင့်တင်ခဲ့ရာ ၂၀၂၄ ပြက္ခဒိန်နှစ်အတွင်း စုစုပေါင်းတန်ချိန် ၆၆.၃၃ သိန်းခန့်ဖြင့် နှစ်ဆခန့်တိုး တက်လျက် စံချိန်တင်မြင့်တက်ခဲ့ကြောင်း The Hindu Business Line သတင်းဌာနက ဖော်ပြ ပါသည်။

          ပြည်တွင်း၌ ပဲမျိုးစုံစိုက်ပျိုးထွက်ရှိမှု ကျဆင်းခဲ့မှုအရ ဝယ်လိုအားအပိုင်းကို မြှင့်တင်လျက် ဈေးနှုန်းများတည်ငြိမ်အောင် ထိန်းသိမ်းနိုင်ရန်အတွက် အချို့သော ပဲမျိုးများ တင်သွင်းမှုအပေါ် အိန္ဒိယအစိုးရက အကောက်ခွန်ကင်းလွတ်ခွင့်ပြုခဲ့အပြီးတွင် ထိုကဲ့သို့ တင်သွင်းမှု မြင့်တက်လာ ခြင်းဖြစ်သည်။

          ၂၀၂၄ ခုနှစ်၌ ကုလားပဲထွက်ရှိမှု ကျဆင်းနိုင်ဖွယ်ရှိသည့် အခြေအနေအရ အစိုးရသည် ၂၀၂၃ ခုနှစ် ဒီဇင်ဘာလတွင် စားတော်ပဲသွင်းကုန်အပေါ် အကောက်ခွန်ကင်းလွတ်ခွင့်ပေးခဲ့သည်။ သို့ဖြစ်ရာ ၂၀၂၄ ခုနှစ်အတွက် ပဲမျိုးစုံတင်သွင်းမှုတွင် စားတော်ပဲသည် တန်ချိန် ၂၉.၆၈ သိန်းခန့် ဖြင့် အများဆုံးဖြစ်ပြီး ၎င်းနှစ်အတွင်း အကြိမ်ကြိမ် သက်တမ်းတိုးမြှင့်ပေးခဲ့သော စားတော်ပဲ အကောက်ခွန်လွတ်တင်သွင်းခွင့်သည် ၂၈-၂-၂၀၂၅ ရက်နေ့၌ ကုန်ဆုံးမည်ဖြစ်သည်။

          ၂၀၂၄ ခုနှစ်အတွင်း အိန္ဒိယ၏ ပဲမျိုးစုံတင်သွင်းမှုတွင် ပဲစင်းငုံ တန်ချိန် ၁၂.၃၃ သိန်းနှင့် မတ်ပဲ တန်ချိန် ၇.၆၅ သိန်းရှိမည်ဟု ခန့်မှန်းရကြောင်း၊ ပဲနီလေးတင်သွင်းမှုမှာ ၂၀၂၃ ခုနှစ်၌ တန်ချိန် ၁၆.၈၁ သိန်းရှိရာမှ ၂၀၂၄ ခုနှစ်တွင် တန်ချိန် ၁၀.၉၃ သိန်းခန့်သို့ ကျဆင်းခဲ့ကြောင်း၊ ကုလားပဲ တင်သွင်းမှုမှာမူ ၄ ဆ ခန့်မြင့်တက်ပြီး တန်ချိန် ၅.၇၄ သိန်းခန့်ရှိနိုင်ကြောင်း သိရှိရသည်။

          ယခင်ကာလများ၌ ပြက္ခဒိန်တစ်နှစ်အတွင်း ပဲတင်သွင်းမှုအများဆုံးအဖြစ် စံချိန်တင်ခဲ့မှုမှာ ၂၀၁၇ ခုနှစ်တွင် စားတော်ပဲတန်ချိန် ၃၁.၀၃ သိန်း အပါအဝင် ပဲမျိုးစုံ တန်ချိန် ၆၂.၇၄ သိန်း တင်သွင်းခဲ့ခြင်းဖြစ်သည်။

          IGrain India ကုမ္ပဏီမှ လုပ်ငန်းရှင် Rahul Chauhan က ၎င်းတို့အနေဖြင့် ၂၀၂၄ ပြက္ခဒိန် နှစ်အတွင်း ပဲမျိုးစုံကို စံချိန်တင် တင်သွင်းနိုင်ခဲ့ကြောင်း၊ အိန္ဒိယ၏ ပဲမျိုးစုံကို ပြည်ပမှတင်သွင်းရမှု အပေါ် မှီခိုနေရခြင်းသည် ပြည်တွင်းထုတ်လုပ်မှု ကျဆင်းသည့် နှစ်ကာလများ၌ ဖြစ်ပေါ်လေ့ရှိ ကြောင်း၊ ယခုအခါ ပြည်တွင်း၌ ပဲစားသုံးမှု လိုအပ်ချက်ဖြစ်သော ပဲမျိုးစုံတန်ချိန် သိန်း ၂၇၀ ခန့် အနက် ၂၄.၅၇ ရာခိုင်နှုန်း သို့မဟုတ် လေးပုံတစ်ပုံခန့်ကို ပြည်ပမှ တင်သွင်းရခြင်းဖြစ်ကြောင်း၊ ယခု တင်သွင်းခဲ့သော ပဲမျိုးစုံပမာဏသည် ၄ လတာ စားသုံးမှုနှင့် ညီမျှကြောင်း ပြောကြားခဲ့သည်။

Source: Source: The Hindu Business Line, 26 January, 2025 လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)