HighLight News

မှော်ဘီခရိုင်၊ မှော်ဘီမြို့နယ်၊ အထွေထွေအုပ်ချုပ်ရေးဦးစီးဌာနမှ မြို့နယ်အုပ်ချုပ်ရေးမှူး ဦးစိုးနိုင်ဉီးဆောင်၍ (၃.၇.၂၀၂၅)ရက်နေ့ နံနက်(၁၀:၀၀)နာရီအချိန်တွင် စားသုံးသူရေးရာဦးစီးဌာနမှ ဒေါ်ဖြူဖြူမြင့်၊ ဒုကြီးကြပ်ရေးမှူး၊ အကောက်ခွန်ဦးစီးဌာန၊ လျှပ်စစ်နှင့်ဓါတ်အားပေးရေးအဖွဲ့၊ မြို့နယ်စည်ပင်သာယာရေးကော်မတီ၊ မွေးမြူရေးနှင့်ကုသရေးဦးစီးဌာနတို့သည် မှော်ဘီမြို့နယ်ရှိ ဥစားကြက်မွေးမြူရေး (၃)ခြံသို့ ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။ ထိုသို့ကွင်းဆင်းစစ်ဆေးရာတွင် ချောကုန်း(၁)ရှိ CRYSTAL DRAMANT ဥစားကြက်မွေးမြူရေး ခြံ၊ ဝါးနက်ချောင်းကျေးရွာရှိ Feed Maf ဥစားကြက်မွေးမြူရေးနှင့် ညောင်နှစ်ပင်ရှိ ရွှေစံပယ်ဥစား ကြက်မွေးမြူရေးခြံသို့ သွားရောက်ပြီး ပိုင်ရှင်များနှင့်တွေ့ဆုံ၍ ကြက်ခြံတစ်ခြံတွင် မဒန်းကြက် အကောင်ရေ၊ ဥစားကြက်အကောင်ရေ၊ တစ်ရက်ဥနှုန်း၊ ကြက်အစာနှင့်ဆေးအသုံးတန်ဖိုးများ မေးမြန်းခဲ့ပြီး ကြက်ဥများကို မှော်ဘီမြို့နယ်နှင့်ရွှေပြည်သာမြို့နယ်ရှိ ကြက်ဥဒိုင်များသို့ (၁)ပိဿာ လျှင် (၉၀၀၀)ကျပ်နှုန်းဖြင့် ရောင်းချလျက်ရှိကြောင်း သိရှိရပါသည်။ DOCA (ရန်ကုန်)

(၂.၇.၂၀၂၅)ရက်နေ့ နေ့လယ်(၀၁:၀၀) နာရီအချိန်တွင် တိုက်ကြီးမြို့နယ်၊ အဖျောက်မြို့၊ (၃) ရပ်ကွက်၊ ငွေဥဒေါင်းခန်းမ၌ သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ရန်ကုန်တိုင်းဒေသကြီး အသေးစား၊ အလတ်စား စက်မှုလုပ်ငန်းဦးစီးဌာန၊ ဦးသက်နိုင်ဉီး၊ ညွှန်ကြားရေးမှူး ဦးဆောင်၍ မော်တော်ဆိုင်ကယ်ပြုပြင်ထိန်းသိမ်းရေး နည်းပညာသင်တန်းဖွင့်ပွဲအခမ်းအနားအား ကျင်းပဆောင် ရွက်ခဲ့ပါသည်။ အခမ်းအနားသို့ ခရိုင်ကျေးလတ်ဦးစီးဌာန၊ စားသုံးသူရေးရာဦးစီးဌာန၊ မီးသတ်ဦးစီးဌာနနှင့် ရပ်ကွက်အုပ်ချုပ်ရေးမှူးများတက်ရောက်ခဲ့ပြီး သင်တန်းကို (၂.၇.၂၀၂၅)ရက်နေ့မှစ၍ သင်တန်းကာလ(၄၅)ရက်ကြာ ဖွင့်လှစ်မည်ဖြစ်၍ အသေးစားကုန်ထုတ်လုပ်ငန်းများ ဖန်တီးပေးနိုင်ရေးနှင့် ကျေးလက်နေမိသားစုဝင်ငွေတိုးရေး၊ မော်တော်ဆိုင်ကယ်ပြုပြင်ထိန်းသိမ်းရေးနည်းပညာ သင်တန်းကို ဖွင့်လှစ်ရခြင်းဖြစ်ကြောင်း သိရှိရပါသည်။ DOCA (ရန်ကုန်)

(၃.၇.၂၀၂၅)ရက်နေ့ နေ့လယ်(၀၂:၄၅) နာရီအချိန်တွင် စားသုံးသူရေးရာဉီးစီးဌာန၊ မြောက်ပိုင်းခရိုင်ဉီးစီးမှူးရုံးမှ ဒေါ်နီလာဝင်း၊ ဉီးစီးမှူးပါ(၃)ဉီးတို့သည် အမှတ်(၂၈၇)၊ ဗိုလ်ချုပ်လမ်း၊ လှိုင်သာယာမြို့နယ်ရှိ မဟာနွယ်ပြတင်းတံခါးအမျိုးမျိုးထုတ်လုပ်ဖြန့်ချိရေး အွန်လိုင်းအား မြေပြင်ကွင်းဆင်း စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။ ထိုသို့ကွင်းဆင်းစစ်ဆေးရာတွင် ဒေါ်နီလာဝင်း၊ ဉီးစီးမှူးမှ ဆောက်လုပ်ရေးဝန်‌ဆောင်မှု လုပ်ငန်းရှင်နှင့်တွေ့ဆုံကာ အွန်လိုင်းစနစ်နဲ့ရောင်းချခြင်းလုပ်ငန်းသည် အရေးကြီးကုန်စည်နှင့် ဝန် ဆောင်မှုဥပဒေဖြစ်ကြောင်းနှင့် စီးပွားရေးလုပ်ငန်းရှင်၏တာဝန်များအကြောင်း ဆွေးနွေးပြီး အွန်လိုင်း စနစ်နဲ့ရောင်းချခြင်းလုပ်ငန်းကို Online မှတ်ပုံတင်လျှောက်ထားစဉ်က အချက်အလက်များကို မြေပြင်စစ်ဆေးချက်(၁၈)ချက်နှင့်ကိုက်ညီမှုရှိ/မရှိ DOCA Application တွင်ထည့်၍ မြေပြင် ကွင်းဆင်းစစ်ဆေးခဲ့ကြောင်း သိရှိရပါသည်။ DOCA (ရန်ကုန်)

စားသုံးသူရေးရာဦးစီးဌာန ၊ ရန်ကုန်အရှေ့ပိုင်း ခရိုင်ဦးစီးမှူးရုံးမှ ဒေါ်လဲ့လဲ့ဌေး (ဒု-ဦးစီးမှူး) ၊ ဦးသိန်းထွန်း(ဌာနခွဲစာရေး)နှင့်ဝန်ထမ်းများသည် ဗိုလ်တထောင်မြို့နယ် (ဂမုန်းပွင့်) ရှိ (၂.၇.၂၀၂၅) ရက်နေ့ ၊ နံနက်(၁၀:၀၀)နာရီအချိန်တွင် အမှတ် (၄၆၀)၊ ကုန်သည်လမ်းနှင့် ဘိုကလေးလမ်းထောင့်၊ ဗိုလ်တထောင် မြို့နယ် (ဂမုန်းပွင့်) အားသွားရောက်၍ ဆန်ရောင်းချမှု ကွင်းဆင်းအသိပညာပေးမှုများ ဆောင်ရွက်ခဲ့ကြကြောင်း သိရှိရပါသည်။ ထိုသို့ ကွင်းဆင်းအသိပညာပေးရာတွင် (ဂမုန်းပွင့်) ဆန်ဆိုင်ရှိ ရောင်းချနေသော ဆန်များသည် Nursery (ပေါ်ဆန်း)(၁kg)(၂kg)(၅kg)(၁၂kg) ၊ Ayeyar (ပေါ်ဆန်း) (၅kg) စသည့်ဆန်များကို သတ်မှတ်ရည်ညွှန်းဈေးအတိုင်း ရောင်းချလျက်ရှိကြောင်းနှင့် ဆန်ဈေးနှုန်း ကြီး မြှင့်မှု မဖြစ်ပေါ်စေရေးအတွက် ဈေးကစားရန်အလို့ငှာ ဆန်များသိုလှောင်ထားခြင်းမပြုရန်နှင့် လိုက်နာမှုမရှိပါက ဥပဒေအရ အရေးယူခံရမှာဖြစ်ကြောင်း အသိပညာပေးပြောကြားခြင်းများ ဆောင်ရွက်ခဲ့ကြောင်း သိရှိရပါသည်။ DOCA(ရန်ကုန်)

ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ် စည်ပင်သာယာမြို့မဈေးအတွင်း/ အပြင်ရှိ အိမ်သုံးလျှပ်စစ်ပစ္စည်းအမျိုးမျိုး ရောင်းချသောဆိုင်များသို့ စားသုံးသူများ အသုံးပြုလျက် ရှိသည့် ကုန်စည်နှင့် ဝန်ဆောင်မှုများ ဘေးအန္တရာယ်ကင်းရှင်းစေရေးအတွက် ကုန်စည်ပေါ်တွင် ကုန်အညွှန်းအမှတ်အသားများ ဖော်ပြထားခြင်းရှိ/မရှိ ဈေးကွက်စောင့်ကြည့် စစ်ဆေးခြင်းအား ဇူလိုင်လ(၃)ရက်နေ့၊ နံနက်(၁၀:၀၀)နာရီအချိန်တွင် စားသုံးသူရေးရာဦးစီးဌာနနှင့် မြို့နယ်စည် ပင်သာယာရေးအဖွဲ့တို့ ပူးပေါင်း၍ ကွင်းဆင်းစစ်ဆေးခဲ့ကြောင်း သိရသည်။ ထိုသို့ ကွင်းဆင်းစစ်ဆေးရာတွင် စည်ပင်သာယာမြို့မဈေး အတွင်း/အပြင်ရှိ အိမ်သုံးလျှပ်စစ်ပစ္စည်း အမျိုးမျိုးရောင်းချသော ဆိုင်များတွင် ကုန်စည်များ၌ ကုန်အညွှန်းအမှတ် အသားများအား မြန်မာဘာသာဖြင့်သော်လည်းကောင်း၊ မြန်မာဘာသာနှင့် အခြားဘာသာတစ်ခု (သို့မဟုတ်) တစ်ခုထက်ပို၍ တွဲလျက်ဖြစ်စေ မဖြစ်မနေဖော်ပြရမည့်အချက်များ ပါဝင်မှုရှိ/မရှိ ဈေးကွက်စောင့်ကြည့် စစ်ဆေးခြင်း၊ ကုန်အညွှန်းအမှတ်အသား ပြည့်စုံမှုမရှိသည့် အိမ်သုံး လျှပ်စစ်ပစ္စည်းအမျိုးမျိုးတို့အား ရောင်းချခြင်းမပြုလုပ်ကြရန်၊ ထိုသို့ ပြုလုပ်ပါက စားသုံးသူကာကွယ်ရေးဥပဒေနှင့် အညီ အရေးယူဆောင်ရွက်သွားမည်ဖြစ်ကြောင်း အသိပညာပေးကွင်းဆင်း စစ်ဆေးဆောင်ရွက်ခဲ့ကြောင်း သိရှိရပါသည်။ DOCA(ရန်ကုန်)