HighLight News

Powered by Drupal

“ ကော့မှူးမြို့နယ်၌ထုတ်ကုန်လုံခြုံစိတ်ချရမှုရှိစေရေး၊ ကုန်အညွှန်းအမှတ်အသား ဖော်ပြချက်များ ပါဝင်မှုရှိ/မရှိကွင်းဆင်းစစ်ဆေးခြင်း ”

သတင်းနှင့် လှုပ်ရှားမှုများ

            ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်၌ စားသုံးသူပြည်သူများ ဘေးအန္တရာယ် ကင်းရှင်းစွာဖြင့် ကုန်စည်များကို အသုံးပြုနိုင်ရန် ရည်ရွယ်ကာ စားသုံးသူရေးရာဦးစီးဌာနမှ သက်ဆိုင်ရာဌာန ဆိုင်ရာတာဝန်ရှိသူများနှင့် ပူးပေါင်း၍ ဦးစားပေးကုန်စည်(၁၀)မျိုး သတ်မှတ်ကာ ထုတ်ကုန်လုံခြုံ စိတ်ချရမှုရှိစေရေးအတွက်  သက်ဆိုင်ရာကုန်အညွှန်း အမှတ်အသား ဖော်ပြချက်များ ပါဝင်မှုရှိ/မရှိကို မတ်လ(၂၀)ရက်နေ့၊ နံနက်(၀၉:၃၀)နာရီအချိန်တွင် ကလေးကစားစရာပစ္စည်း အမျိုးမျိုးတို့ ဖြန့်ဖြူးရောင်းချလျက်ရှိသော ဆိုင်အရောက် ကွင်းဆင်းစစ်ဆေးခဲ့ကြောင်း သိရသည်။

            ထိုသို့ ကွင်းဆင်းစစ်ဆေးခဲ့ရာတွင် ကော့မှူးမြို့နယ် စားသုံးသူရေးရာဦးစီးဌာန တာဝန်ခံ ဦးတင်မင်းနှင့် မြို့နယ်စည်ပင်သာယာရေးအဖွဲ့ မြို့မဈေးတာဝန်ခံ ဦးအေးသွင်တို့သည် စည်ပင် သာယာမြို့မဈေးရှိ ရုံ(တိုးချဲ) အမှတ် (၁၁/၁၂) ဒေါ်နီနီလွင်ဆိုင်တွင် ရောင်းချနေသည့် ကလေး ကစားစရာကော်ရုပ် အမျိုးမျိုးတို့တွင် ကုန်အညွှန်းအမှတ်အသားများအား ဖော်ပြရာတွင် မြန်မာ ဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု (သို့မဟုတ်) တစ်ခုထက်ပို၍ တွဲလျက် ဖြစ်စေ မဖြစ်မနေဖော်ပြပါရှိရမည့်အချက်များ ပါဝင်ရှိ/မရှိ ဈေးကွက်စောင့်ကြည့် စစ်ဆေးခြင်းနှင့် ကော့မှူးမြို့နယ် ဈေးကွက်အတွင်း ကုန်အညွှန်းအမှတ်အသား ပြည့်စုံစွာဖော်ပြ ထားခြင်းမှရှိသော ကလေးကစားစရာ အရုပ်အမျိုးမျိုးတို့အား ဝယ်ယူဖြန့်ဖြူးရောင်းချခြင်းများ မပြုလုပ်ကြရန် စားသုံးသူကာကွယ်ရေးလုပ်ငန်းနှင့် ပတ်သတ်၍ စီးပွားရေးလုပ်ငန်းရှင်များ အနေဖြင့် ဘေးအန္တရာယ်ကင်းသည် ကလေးကစားစရာပစ္စည်း အရုပ်အမျိုးမျိုးတို့ကိုသာ ဈေးကွက်အတွင်း ဝယ်ယူဖြန့်ဖြူး ရောင်းချပေးကြရန် စားသုံးသူကာကွယ်ရေး အသိပညာပေးဆွေးနွေး ပြောကြားခဲ့ပြီး ဈေးကွက်စောင့်ကြည့် ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

Asia Energy စက်သုံးဆီအရောင်းဆိုင်သို့ ကွင်းဆင်းစစ်ဆေး

သတင်းနှင့် လှုပ်ရှားမှုများ

          စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် လှိုင်သာယာ မြို့နယ်(အရှေ့ပိုင်း)ရှိ Asia Energy စက်သုံးဆီအရောင်းဆိုင်သို့ ၂၀.၃.၂၀၂၅ ရက်နေ့ နေ့လယ် (၁၄:၀၀)နာရီအချိန်တွင် ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

          ထိုသို့ဆောင်ရွက်ခဲ့ရာတွင် Asia Energy စက်သုံးဆီဆိုင်မှ ဒုတာဝန်ခံဦးမင်းမော်နှင့် တွေ့ဆုံ၍ သတ်မှတ်ထားသော ရည်ညွှန်းဈေးများဖြင့် ရောင်းချခြင်းရှိ/မရှိ၊ LED ဈေးနှုန်း ဘုတ်များတပ်ထားခြင်း ရှိ/မရှိ၊ ချိန်တွယ်ရာတွင်လည်း လီတာများ ပြည့်ဝမှုရှိ/မရှိနှင့် ဆီပြတ်လပ်မှုများရှိ/မရှိတို့ကို စစ်ဆေးခဲ့ရာ သတ်မှတ်ရည်ညွှန်းဈေးအတိုင်း ရောင်းချပါကြောင်း၊ LED ဘုတ်များလည်း နေ့စဉ်တင်ထားပါကြောင်း၊ လီတာများကိုလည်း ပြည့်ဝစွာချိန်တွယ် ပေးပါကြောင်း၊ စက်သုံးဆီများလည်း ပြတ်လပ်မှုမရှိပါကြောင်းနှင့် ဆီဘောက်ဆာ အဝင်များကို လည်း သက်ဆိုင်ရာဌာနများသို့ စာရင်းပေးပို့လျက်ရှိပါကြောင်း ကွင်းဆင်းဆောင်ရွက်မှုအရ သိရှိရပါသည်။

DOCA(ရန်ကုန်)

အင်းစိန်မြို့နယ် City Mart (ဖော့ကန်)ရှိ ဆန်အရောင်းကောင်တာအား ကွင်းဆင်းစစ်ဆေး

သတင်းနှင့် လှုပ်ရှားမှုများ

           ၂၀.၃.၂၀၂၅ ရက်နေ့ နံနက်(၁၁:၅၅)နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်း ခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ (၃)ဦးတို့သည် အင်းစိန်မြို့နယ်၊ အမှတ်(၁၃)၊ ၁-ခ(၃၉၉-က)၊ အောက်မင်္ဂလာဒုံလမ်းမကြီး၊ City Mart (ဖော့ကန်)ရှိ ဆန် အရောင်းကောင်တာတွင် သတ်မှတ်ရည်ညွှန်းဈေးနှုန်းများအတိုင်း ရောင်းချခြင်းရှိ/မရှိ ကွင်းဆင်းစစ်ဆေးဆောင်ရွက်ခဲ့ပါသည်။

          ထိုသို့ ကွင်းဆင်းစစ်ဆေးရာတွင် ရောင်းချနေသော ဆန်အမျိုးအစား၊ အမှတ်တံဆိပ်တို့၏ (Kg)၊ ဈေးနှုန်းများကို မြန်မာနိုင်ငံဆန်စပါးအသင်းချုပ်မှ ထုတ်ပြန်ထားသော သတ်မှတ်ရည်ညွှန်းဈေးအတိုင်း ရောင်းချခြင်းရှိ/မရှိစစ်ဆေးခြင်းနှင့် ဈေးကစားလိုသည့်ရည်ရွယ်ချက်ဖြင့် ဆန်ဈေးနှုန်း ဈေးကစားရန်အလို့ငှာ ဆန်များသိုလှောင်ထားခြင်းမပြုရန်၊ လိုက်နာမှုမရှိပါက ဥပဒေအရ အရေးယူခံရမှာဖြစ်ကြောင်း တာဝန်ခံအား အသိပညာပေးပြောကြားခြင်းများ ဆောင်ရွက်ခဲ့ကြောင်း သိရှိရပါသည်။

DOCA(ရန်ကုန်)

အွန်လိုင်းမှတ်ပုံတင် မြေပြင်စစ်ဆေးခြင်း

သတင်းနှင့် လှုပ်ရှားမှုများ

           စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် ၂၀.၃.၂၀၂၅ ရက်နေ့ နံနက်(၁၁:၂၀)နာရီအချိန်တွင် အမှတ်(၂၂၀၈)၊ ဗန္ဓုလလမ်း၊ (၁၅)ရပ်ကွက်၊ ရွှေပြည်သာ မြို့နယ်ရှိ အလှမာန်အင်တာနေရှင်နယ်ကုမ္ပဏီလီမိတက်၊ လူသုံးကုန်ပစ္စည်းလုပ်ငန်းသို့ သွားရောက် ၍ Online Sales မှတ်ပုံတင်မြေပြင်စစ်ဆေးခြင်း ဆိုင်ရာအချက်အလက်များ ကိုက်ညီမှုရှိ/မရှိကို ကွင်းဆင်းစစ်ဆေးခဲ့ပါသည်။

          ကွင်းဆင်းစစ်ဆေးရာတွင် စစ်ဆေးရေးအရာရှိက အွန်လိုင်းစနစ်နဲ့ ရောင်းချခြင်း လုပ်ငန်းနှင့် ပတ်သက်၍ မြေပြင်စစ်ဆေးရမည့်အချက်(၁၈)ချက်နှင့် ကိုက်ညီမှုရှိ/မရှိ စစ်ဆေးခြင်းနှင့်အွန်လိုင်း စနစ်ဖြင့် ရောင်းချခြင်းလုပ်ငန်းကို အရေးကြီးကုန်စည် ဝန်ဆောင်မှုဥပဒေအဖြစ် သတ်မှတ်ထားခြင်း၊ ဖြစ်ကြောင်းနှင့် စီးပွားရေးလုပ်ငန်းရှင်၏ တာဝန်များအတိုင်း လိုက်နာဆောင်ရွက်စေလိုကြောင်း အသိပညာပေးပြောကြားခဲ့ကြောင်း သိရှိရပါသည်။

DOCA(ရန်ကုန်)

MM Solar အမည်ဖြင့် အွန်လိုင်းစနစ်ရောင်းချမည့်လုပ်ငန်းအား မြေပြင်ကွင်းဆင်းစစ်ဆေးခြင်း

သတင်းနှင့် လှုပ်ရှားမှုများ

          ၂၀.၃.၂၀၂၅ ရက်နေ့ နံနက်(၁၀:၃၀)နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ စစ်ဆေးရေးအရာရှိများသည် အမှတ်(၂၀၈)၊ ဦးအောင်ဇေယျလမ်း၊ (၈)ရပ်ကွက်၊ ရွှေပြည်သာမြို့နယ်ရှိ MM Solar အွန်လိုင်းအမည်ဖြင့် အီလက်ထရွှန်းနစ် ကူးသန်းရောင်းဝယ်ရေး ဝန်ဆောင်မှုလုပ်ငန်းသို့ သွားရောက်၍ မြေပြင်ကွင်းဆင်းစစ်ဆေးမှုများ ဆောင်ရွက်ခဲ့ပါသည်။

          ထိုသို့ ကွင်းဆင်းစစ်ဆေးရာတွင် စစ်ဆေးရေးအရာရှိသည် မြေပြင်ကွင်းဆင်း စစ်ဆေးတွေ့ရှိ ချက်များကို Online Sales Application တွင် ဖြည့်သွင်းပေးပို့ခဲ့ပြီး အဆိုပါစစ်ဆေးချက်များကို ကုန်သွယ်ရေးဦးစီးဌာနမှ ဆက်လက်စိစစ်ပေးပြီးပါက Online Sales လုပ်ငန်းမှတ်ပုံတင်လက်မှတ် ထုတ်ပေးခြင်း(သို့မဟုတ်)ပယ်ဖျက်ခြင်းတို့ကို ဆက်လက်ဆောင်ရွက်သွားမည်ဖြစ်ကြောင်း သိရှိရပါသည်။

DOCA(ရန်ကုန်)

အွန်လိုင်းစနစ်ဖြင့် ရောင်းချခြင်းလုပ်ငန်းအား မြေပြင်ကွင်းဆင်းစစ်ဆေးခြင်း

သတင်းနှင့် လှုပ်ရှားမှုများ

          စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ (၃)ဦးတို့သည် အွန်လိုင်းစနစ်ဖြင့် ရောင်းချခြင်းလုပ်ငန်းအား မြေပြင်လုပ်ငန်းနှင့် မှတ်ပုံတင် ထားရှိမှု ကိုက်ညီမှု ရှိ/မရှိ၊ လုပ်ငန်းလိပ်စာမှန်ကန်မှုရှိ/မရှိကို ၂၀.၃.၂၀၂၅ ရက်နေ့ နံနက် (၀၉:၄၅)နာရီအချိန်တွင် အီလက်ထရောနစ်ပစ္စည်းများ အွန်လိုင်းစနစ်ဖြင့် ရောင်းချသည့် အမှတ်(၉)၊ လမ်းသစ်လမ်း၊ နံ့သာကုန်းရပ်ကွက်၊ အင်းစိန်မြို့နယ်ရှိ မြန်မာ့ကြယ်အလင်း ပို့ကုန်သွင်းကုန်ကုမ္ပဏီလီမိတက်သို့ သွားရောက်၍ စစ်ဆေးခဲ့ပါသည်။

          ကွင်းဆင်းစစ်ဆေးရာတွင် ဒေါ်နီလာဝင်း၊ ဦးစီးမှူးက လုပ်ငန်းရှင် ဒေါ်ဆွေဆွေမာကို လိုအပ် သည်များ မေးမြန်းခြင်း၊ မြေပြင်စစ်ဆေးရမည့်အချက်(၁၈)ချက်နှင့် ကိုက်ညီမှုရှိ/မရှိ စစ်ဆေးခြင်းနှင့် စားသုံးသူကာကွယ်ရေးဥပဒေအခန်း(၁၇)ရှိ ကုန်စည်(သို့မဟုတ်) ဝန်ဆောင်မှုအပေါ် တာဝန်ရှိမှုနှင့် ပတ်သက်၍ အသိပေးပြောကြားခဲ့ကြောင်း သိရှိရပါသည်။

DOCA(ရန်ကုန်)

ပြည်တွင်းထုတ်အသင့်သောက်ကော်ဖီထုပ်များ ဈေးနှုန်းဈေးကွက်အခြေအနေများအား ကွင်းဆင်းစစ်ဆေးခြင်း

သတင်းနှင့် လှုပ်ရှားမှုများ

          အခြေခံစားသောက်ကုန်များ စားသုံးသူများအတွက် မရှိမဖြစ်လိုအပ်သော ကုန်ပစ္စည်းများအား စားသုံးသူပြည်သူများ ဘေးအန္တရာယ်ကင်းရှင်းစွာသုံးစွဲနိုင်ရေး ဈေးကွက်အတွင်း ဖြစ်သင့် ဖြစ်ထိုက်သည့် ဈေးနှုန်းများနှင့် လွယ်ကူစွာဝယ်ယူရရှိစေရေး၊ ပစ္စည်းပြတ်လပ်မှု မရှိစေရေးအတွက် ဈေးကွက်အတွင်း ပြည်တွင်းထုတ်အသင့်သောက်ကော်ဖီထုပ်များ၏ ဈေးနှုန်းဈေးကွက် အခြေအနေများအား ၁၉.၃.၂၀၂၅ ရက်နေ့တွင် အနောက်ပိုင်းခရိုင်မှ စစ်ဆေးရေးမှူး ဦးကျော်ခိုင်နှင့် ဝန်ထမ်း(၂) ဦးတို့သည် မရမ်းကုန်းမြို့နယ် သမိုင်း City Mart၊ အလုံမြို့နယ် City Mart နှင့် ကမာရွတ်မြို့နယ် City Mart တို့တွင် အထုပ်(၃၀) ပါ အသင့်သောက်ကော်ဖီထုပ်များဖြစ်သော Premier၊ Sunday၊ Best၊ RICH၊ Platinum၊ Grand Place နှင့် Super Coffeemix များ၏ ဈေးနှုန်းများနှင့် ဈေးကွက်အခြေအ နေများအား ကွင်းဆင်းစစ်ဆေးခဲ့ကြောင်း သိရှိရပါသည်။ ၎င်းအထုပ်(၃၀) ပါ အသင့်သောက်ကော်ဖီ ထုပ်များသည် ဈေးကွက်များတွင် ပြတ်လပ်မှုမရှိဘဲ ပုံမှန်ရောင်းချနေကြောင်း သိရှိရပါသည်။

DOCA(ရန်ကုန်)

ကလေးကစားစရာအရုပ်များအား ကွင်းဆင်းစစ်ဆေးခြင်း

သတင်းနှင့် လှုပ်ရှားမှုများ

          ကလေးသူငယ်များအများဆုံးအသုံးပြုသည့် ကုန်စည်ဖြစ်ခြင်း ကလေးသူငယ်များ အသုံးပြု ရာတွင် ဘေးအန္တရာယ်မရှိစေရေးအတွက်  ၇.၃.၂၀၂၅ ရက်နေ့တွင် အနောက်ပိုင်းခရိုင် ဦးစီးမှူးရုံး မှ စစ်ဆေးရေးမှူး ဒေါ်ခင်မာဝေနှင့် ဝန်ထမ်းး (၂) ဦးတို့သည် မရမ်းကုန်းမြို့နယ် သမိုင်း City Mart နှင့် ၉ မိုင် Oceam တို့တွင် Magic Cube(လက်လှည့်အန်စာ)၊ Kitty Clay(ဂျုံ၊ သဲများနှင့်ပုံဖော်ရုပ်)၊Fruit World Tools(သစ်သီးစုံအရုပ်)၊ Robot Saving Box(စက်ရုပ်သံပတ်)၊ Climb (ရီမုကား) များတွင် ကုန်အညွှန်းအမှတ်အသားများ ပြည့်စုံစွာပါဝင်မှု ရှိ/မရှိ ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

ဧရာဝတီပေါ်ဆန်းနှင့်‌ရွှေဘိုပေါ်ဆန်းများ ပြည်တွင်းစျေးကွက်သို့ဝင်ရောက်မှု လုပ်ငန်းညှိနှိုင်းအစည်းအဝေးသို့ တတ်ရောက်

သတင်းနှင့် လှုပ်ရှားမှုများ

          ၂၀၂၅ ခုနှစ်၊ မတ်လ ၂၁ ရက်နေ့၊  နံနက်(၀၉း၀၀) နာရီအချိန်တွင် ဧရာဝတီပေါ်ဆန်းနှင့်‌ ရွှေဘိုပေါ်ဆန်းများ ပြည်တွင်းစျေးကွက်သို့ဝင်ရောက်မှု လုပ်ငန်းညှိနှိုင်းအစည်းအဝေးသို့ စားသုံးသူရေးရာဦးစီးဌာန၊ တနင်္သာရီတိုင်းဒေသကြီးဦးစီးမှူးမှ online virtual ဖြင့် တက်ရောက်ခဲ့ကြောင်းသိရသည်။

             အဆိုပါ အစည်းအဝေးတွင် စားသုံးသူရေးရာဦးစီးဌာန၊ ညွှန်ကြားရေးမှူးချုပ်မှ အဖွင့်အမှာစကားပြောကြားခြင်း၊ တက်ရောက်ကြသော တိုင်းဒေသကြီး/ပြည်နယ်ဦးစီးမှူးများမှ တင်ပြဆွေးနွေး၍ သိရှိလိုသည်များအား မေးမြန်းဆွေးနွေးခဲ့ကာ အစည်းအဝေးအား နေလယ် (၁၂း၀၀) နာရီအချိန်တွင် ရုတ်သိမ်းခဲ့ကြောင်း သိရှိရပါသည်။

DOCA(တနင်္သာရီ)

ခေါင်းလျှော်ရည်ပြုလုပ်နည်းသင်တန်းအား စားသုံးသူရေးရာဦးစီးဌာနဝန်ထမ်းများမှ တက်ရောက်

သတင်းနှင့် လှုပ်ရှားမှုများ

         တနင်္သာရီတိုင်းဒေသကြီး၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် အသေးစားစက်မှုလက်မှုလုပ်ငန်းဦးစီးဌာနမှ ပူးပေါင်းကျင်းပပြုလုပ်သည့် ခေါင်းလျှော်ရည်ပြုလုပ်နည်းသင်တန်းအား ၂၀၂၅ ခုနှစ်၊ မတ်လ(၂၀)ရက်နေ့၊ နံနက်(၀၉း၃၀) နာရီအချိန်တွင် ပြန်ကြား‌ရေးနှင့်ပြည်သူ့ ဆက်ဆံ‌ရေးဦးစီးဌာန၌ ကျင်းပပြုလုပ်ခဲ့ရာ စားသုံးသူရေးရာဦးစီးဌာနဝန်ထမ်းများမှ တက်ရောက်ခဲ့ပါသည်။

          အဆိုပါအခမ်းအနားတွင် အသေးစားစက်မှုလက်မှုလုပ်ငန်းဦးစီးဌာနမှ ဒုတိယညွှန်ကြား‌ရေးမှူးက အဖွင့်အမှာစကားပြောကြားပြီး ပြန်ကြား‌ရေးနှင့်ပြည်သူ့ဆက်ဆံရေးဦးစီးဌာနမှ လက်ထောက်ညွှန်ကြား‌ရေးမှူးမှ သင်တန်းဖွင့်ရခြင်း၏ရည်ရွယ်ချက်နှင့် ကျေးဇူးတင်စကားပြောကြားကာ သင်တန်းများပို့ချပြီးနောက် နံနက်(၁၁း၀၀) နာရီအချိန်တွင် သင်တန်းပြီးဆုံးခဲ့ကြောင်း သိရှိရပါသည်။

DOCA(တနင်္သာရီ)

Pages

Subscribe to RSS - HighLight News