HighLight News

          ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်၏ စိုက်ပျိုးရေးကဏ္ဍပန်းတိုင် အထွက်နှုန်းရရှိရေးအတွက် ကော့မှူးမြို့နယ် အရှေ့ခြမ်းကျေးရွာများသို့ ဩဂုတ်လ(၂၄) ရက်နေ့၊ နံနက်(၁၀:၀၀)နာရီအချိန်တွင် မိုးစပါးစိုက်ပျိုးပြီးစီးမှုအခြေအနေအား ကွင်းဆင်းကြည့်ရှု့စစ်ဆေးခဲ့ကြောင်း သိရသည်။

        ထိုသို့ ကွင်းဆင်းစစ်ဆေးခဲ့ရာတွင် တွံတေးခရိုင်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဌ ဦးညွန့်နွယ်မှ ကော့မှူးမြို့နယ် ထမ္မနိုင်ကျေးရွာ၊ ရွှေကျောင်းဘုန်းကြီးကျောင်း၌ မြို့နယ်စိုက်ပျိုးထုတ်လုပ်မှုကြီးကြပ်ရေးအဖွဲ့ဝင်များ၊ ဌာနဆိုင်ရာတာဝန်ရှိသူများ၊ ထမ္မနိုင်၊ ကျွဲလူးအိုင်၊  ကိုးတောင်၊ ကန်သုံးကန်၊ ခရုံချောင်း၊ ဝါးဘလောက်သောက်၊ ညောင်ပင်သာ၊ ကျုံဒရယ်၊ ပျားလမွှတ်၊ ဘို့ဒင်၊ စရိက္ခနိကျေးရွာများမှ အုပ်ချုပ်ရေးမှူးများနှင့် တောင်သူ(၁၀၀)ဦးခန့်အား တွေ့ဆုံ၍ စိုက်ပျိုးရေးကဏ္ဍပန်းတိုင်အထွက်နှုန်းရရှိရေးအတွက် မြေပြုပြင်ရေး၊ မျိုးကောင်းမျိုး သန့်ပြောင်းလဲသုံးစွဲရေး၊ ရေကြီးကွင်းများမှ ရေနုတ်နိုင်ရေး၊ မြေချဉ်မြေငံဓာတ်တိုင်းတာရေး၊ ရွှေခရုနှင့်ပိုးမွှားနှိမ်နင်းရေး၊ စိုက်ဧကများတွင် Seeder ဖြင့်သာ စနစ်တကျစိုက်ပျိုးရေးတို့အတွက် အသေးစိတ်ရှင်းလင်းဆွေးနွေးမှာကြားခဲ့ကြောင်း ဆက်လက်၍ မျက်ဆံနီကျေးရွာသို့ ထွက်ခွာခဲ့ပြီး ကျေးရွာရှိ မိုးစပါးစိုက်ပျိုးပြီးစီးမှု အခြေအနေအား ကွင်းဆင်းကြည့်ရှု့စစ်ဆေးခဲ့ပါကြောင်း သိရှိရပါသည်။

DOCA(ရန်ကုန်)

           ဈေးကွက်အတွင်း တရားဝင်ဖြန့်ဖြူးရောင်းချနေသော အလှကုန်၊ လူသုံးကုန်များ ဘေးအန္တရာယ်ကင်းရှင်းရေးနှင့် ကုန်အညွှန်းအမှတ်အသား ပြည့်စုံရေးအတွက် စီးပွားရေး လုပ်ငန်းရှင်များ လိုက်နာဆောင်ရွက်နိုင်ရေး အသိပညာပေးဆွေးနွေးပွဲအခမ်းအနားကို စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ ရန်ကုန်ရုံးရှိ ပဥ္စမထပ် အစည်းအဝေးခန်းမတွင် ဩဂုတ်လ ၂၇ ရက်နေ့ နံနက် ၉ နာရီတွင် ကျင်းပပြုလုပ်ခဲ့ပါသည်။  အခမ်းအနားကို စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူး ဦးကျော်ကျော်လွင်နှင့်တကွ အရာထမ်း အမှုထမ်းများ၊ ဖိတ်ကြားထား‌သောမိတ်ဖက်ဌာနများမှ တာဝန်ရှိသူများ၊ မြန်မာနိုင်ငံအလှကုန်အသင်းမှ တာဝန်ရှိသူများ ဖိတ်ကြားထားသောဧည့်သည်တော်များ စုစုပေါင်း ၁၂၉ ဦးတက်ရောက်ခဲ့ကြောင်း သိရပါသည်။ အခမ်းအနားစတင်ချိန်တွင် စားသုံးသူရေးရာဦးစီးဌာန၊ ရန်ကုန်တိုင်းဒေသကြီး ဦးစီးမှူးဦးကျော်ကျော်လွင်က စီးပွားရေးနှင့်ကူးသန်းရောင်းဝယ်ရေးဝန်ကြီးဌာန မိတ်ဆက်နှင့် စားသုံးသူရေးရာဦးစီးဌာန၏ လုပ်ငန်းဆောင်ရွက်နေမှုများနှင့်ပတ်သတ်၍အဖွင့် စကားပြောကြားခဲ့ကြောင်း သိရပါသည်။ ထို့နောက်မြန်မာနိုင်အလှကုန်အသင်းဒုတိယဥက္ကဌ ဒေါ်နီနီအောင်က အသင်း၏သမိုင်းကြောင်းနှင့် ဆောင်ရွက်နေမှုများကို ရှင်းလင်းပြောကြား ခဲ့ကြောင်းသိရပါသည်။ ဆက်လက်၍ အစားအသောက်နှင့် ဆေးဝါးကွပ်ကဲရေးဦးစီးဌာနမှ ညွှန်ကြားရေးမှူး ‌ဒေါက်တာမင်းဝန်က ဆွေးနွေးပြောကြားခဲ့ပြီး အသေးစားစက်မှုလက်မှု လုပ်ငန်းဦးစီးဌာနမှညွှန်ကြားရေးမှူး ဦးသက်နိုင်ဦးက ဌာနမိတ်ဆက်နှင့်  MSME လုပ်ငန်းများ လိုက်နာဆောင်ရွက်ရမည့်အချက်များကို ရှင်းလင်းပြောကြားခဲ့ပါသည်။ ဆက်လက်၍ ရန်ကုန်မြို့တော်စည်ပင်သာယာရေးကော်မတီ၊ စီမံရေးရာဌာနမှ ဒုတိယညွှန်ကြားရေးမှူး ဦသိုက်စိုးက လိုင်စင်ဆိုင်ရာသိကောင်းစရာများနှင့် စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးမှ လက်ထောက်ညွှန်ကြားရေးမှူး ‌ဒေါ်ဝါဝါခိုင်က ကုန်အညွှန်းအမှတ်အသားဖော်ပြခြင်းဆိုင်ရာ သိကောင်းစရာများနှင့် အွန်လိုင်းစနစ်ဖြင့်မှတ်ပုံတင်ခြင်းဆိုင်ရာ သိကောင်းစရာများကို ရှင်းလင်းပြောကြားခဲ့ကြောင်း သိရပါသည်။ ထို့နောက်အခမ်းအနားတက်ရောက်လာကြသူများက သိလိုသည်များကိုမေးမြန်းခဲ့ကြပြီး စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူး ဦးကျော်ကျော်လွင်က နိဂုံးချုပ် အမှာစကားပြောကြားခဲ့ကာ အခမ်းအနားအောင်မြင်စွာ ပြီးမြောက်ခဲ့ကြောင်း သိရပါသည်။

DOCA (ရန်ကုန်)

           စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဒေါ်နီနီတိုး (စာရင်းကိုင်-၃ ) သည်(၂၈.၈.၂၀၂၅)ရက်နေ့တွင် ပုဇွန်တောင်မြို့နယ်၊ ပုဇွန်တောင်ဈေးအတွင်းရှိ အသား/ ငါးဈေး နှုန်းများအား ကွင်းဆင်းစစ်ဆေးခဲ့ကြောင်း သိရှိရပါသည်။

        ထိုသို့ ကွင်းဆင်းစစ်ဆေးရာတွင် ပုဇွန်တောင်ဈေးအတွင်းရှိ အသား/ ငါးဈေးနှုန်းများမှာ မွေးမြူရေးကြက်တစ်ပိဿာ (၂၁၀၀၀) ကျပ်၊ မြန်မာကြက်တစ်ပိဿာ (၃၂၀၀၀) ကျပ်၊ ဝက်သားတစ်ပိဿာ (၃၄၀၀၀)ကျပ်၊ ဘဲသား တစ်ပိဿာ (၃၀၀၀၀) ကျပ်၊ ဆိတ်သားတစ်ပိဿာ (၄၆၀၀၀) ကျပ်၊ အမဲသားတစ်ပိဿာ (၃၀၀၀၀) ကျပ်၊ ငါးကြင်းတစ်ပိဿာ (၂၄၀၀၀) ကျပ်၊ ငါးမြစ်ချင်းတစ်ပိဿာ (၁၃၀၀၀) ကျပ်၊ ‌ရေချိုငါးခူတစ်ပိဿာ (၃၅၀၀၀) ကျပ်၊ မွေးမြူရေး ငါးခူတစ်ပိဿာ (၂၇၀၀၀) ကျပ်၊ ပုဇွန်ထုပ် (ကြီး)တစ်ပိဿာ (၆၀၀၀၀)ကျပ်၊ ပုဇွန်ထုပ်(လတ်) တစ်ပိဿာ (၅၀၀၀၀) ကျပ်၊ ပုဇွန်ကျော့ တစ်ပိဿာ (၃၀၀၀၀) ကျပ်၊ ငါးတန်တစ်ပိဿာ (၂၀၀၀၀) ကျပ်၊ ပင်လယ်ငါးတစ်ပိဿာ (၁၀၀၀၀) ကျပ်၊ ငါးရံ့တစ်ပိဿာ( ၃၅၀၀၀ )ကျပ်၊ ငါးကျည်းတစ်ပိဿာ (၃၈၀၀၀) ကျပ်၊ ရေချို ငါးသလောက်တစ်ပိဿာ (၃၅၀၀၀) ကျပ်၊ ပုဇွန်ခြောက် (ကြီး)တစ်ပိဿာ (၁၅၀၀၀၀) ကျပ်၊ ပုဇွန်ခြောက်(လတ်) တစ်ပိဿာ (၁၂၀၀၀၀) ကျပ် ၊ ပုဇွန်ခြောက် (သေး) တစ်ပိဿာ (၁၀၀၀၀၀) ကျပ်၊ ငါးရံ့ခြောက်တစ်ပိဿာ (၉၀၀၀၀) ကျပ်၊ ငါးကျည်းခြောက် တစ်ပိဿာ (၉၅၀၀၀) ကျပ်၊ ငါးပိကောင်တစ်ပိဿာ (၂၅၀၀၀၀) ကျပ်၊ အာဗြဲခြောက်တစ်ပိဿာ (၄၅၀၀၀) ကျပ်တို့ဖြင့် အရောင်းအဝယ်ဖြစ်လျက်ရှိပြီး အသား/ငါးများမှာ အလုပ်သမားရှားပါး၍ သယ်ယူစရိတ်ကြီးမြင့် ခြင်းတို့ကြောင့် ယခင်လထက် ဈေးနှုန်းအနည်းငယ်တက်လာကြောင်း  စုံစမ်းသိရှိရပါသည်။

DOCA(ရန်ကုန်)

         (၂၈.၈.၂၀၂၅)ရက်နေ့တွင်  စားသုံးသူရေးရာဦးစီးဌာန ၊ရန်ကုန်အရှေ့ပိုင်းခရိုင်ဦးစီးမှူးရုံးမှ ဒေါ်နီနီတိုး (စာရင်းကိုင်-၃)သည်  ပုဇွန်တောင်မြို့နယ်၊ ပုဇွန်တောင်ဈေးအတွင်းရှိ ဆန်ဆိုင်များ အားကွင်းဆင်းစစ်ဆေးခဲ့ကြောင်း သိရှိရပါသည်။

         ထိုသို့ ကွင်းဆင်းစစ်ဆေးရာတွင် ပုဇွန်တောင်ဈေးအတွင်းရှိ ဆန်ဆိုင်များတွင် ဆန်ကြမ်း/ ဆန်ချော အမျိုးအစားများအလိုက် ဧည့်မထတစ်ပြည်လျှင် (၃၂၀၀ မှ ၄၀၀၀)ကျပ်ထိ၊ ငစိန်တစ် ပြည်လျှင် (၂၆၀၀) ကျပ်၊  ဇီယာတစ်ပြည်လျှင်(၃၁၀၀ မှ ၃၄၀၀) ကျပ်ထိ၊  ပေါ်ကျွဲတစ်ပြည်လျှင် (၄၇၀၀) ကျပ်၊ ပုသိမ်ပေါ်ဆန်းတစ်ပြည်လျှင် ( ၅၀၀၀) ကျပ်၊  ဖျာပုံပေါ်ဆန်းတစ်ပြည်လျှင် (၄၈၀၀) ကျပ်၊ ရွှေဘိုပေါ်ဆန်းမွှေးတစ်ပြည်လျှင် (၆၉၅၀ မှ ၆၆၀၀ )ကျပ်တို့ဖြင့်သတ်မှတ်ရည် ညွှန်းဈေးအတိုင်း အရောင်းအဝယ်ဖြစ်လျက်ရှိကြောင်း တွေ့ရှိရပါသည်။

DOCA(ရန်ကုန်)

          ရန်ကုန်တိုင်းဒေသကြီး၊ စားသုံးသူရေးရာဦးစီးဌာန၊ သန်လျင်မြို့တွင် အွန်လိုင်းစနစ်ဖြင့် ရောင်းချသည့် လုပ်ငန်းရှင်များအား ဩဂုတ်(၂၇)ရက်နေ့၊ နံနက်(၁၀:၀၀) နာရီအချိန်တွင် သန်လျင်ခရိုင်ဦးစီးမှူးရုံး၌ တွေ့ဆုံဆွေးနွေးခဲ့ကြောင်း သိရသည်။

          ထိုသို့ တွေ့ဆုံဆွေးနွေးရာတွင် သန်လျင်ခရိုင်ဦးစီးမှူးရုံးမှ ဒုခရိုင်ဦးစီးမှူးနှင့် ဝန်ထမ်းများသည် သန်လျင်မြို့နယ်အတွင်း အွန်လိုင်းစနစ်ဖြင့် လုပ်ကိုင်ဆောင်ရွက်ရန် မြေပြင်ကွင်းဆင်း အတည်ပြုပြီး မှတ်ပုံတင်ရရှိထားသည့် လုပ်ငန်းရှင်များဖြစ်၍ Online Sale စနစ်ဖြင့် ရောင်းချသည့်လုပ်ငန်းဆိုင်ရာ အမိန့်ကြော်ငြာစာအမှတ်(၅၁/၂၀၂၃)နှင့် စပ်လျဉ်း၍ Online Sale & Reg ပြုလုပ်၍ မှတ်ပုံတင်ရောင်းချပါက ခိုင်မာမှုရှိ၍ စားသုံးသူများအနေဖြင့် ယုံကြည်စိတ်ချရမှုရရှိလာပြီး လုပ်ငန်းများ ပိုမိုတိုးတက်လာမည်ဖြစ်ကြောင်း အသိပညာပေး ရှင်းလင်းခြင်း၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များနှင့် စပ်လျဉ်း၍ ကုန်စည်များတွင် ကုန် အညွှန်းအမှတ်အသားများအား မြန်မာဘာသာဖြင့်သော်လည်းကောင်း၊ မြန်မာဘာသာနှင့် အခြား ဘာသာတစ်ခု(သို့မဟုတ်) တစ်ခုထက်ပို၍ တွဲလျက်ဖြစ်စေ ဖော်ပြရမည်ဖြစ်ကြောင်းနှင့် ကုန်အညွှန်းအမှတ်အသား ပြည့်စုံမှုမရှိသည့် ကုန်စည်များအား ရောင်းချခြင်းမပြုလုပ်ကြရန်နှင့် ထိုသို့ ပြုလုပ်ပါက စားသုံးသူကာကွယ်ရေး ဥပဒေနှင့်အညီ အရေးယူဆောင်ရွက်သွားမည်ဖြစ်ကြောင်း လုပ်ငန်းရှင်များအား ecomreg System အသုံးပြုသူ Member များအနေဖြင့် ecomreg Website အား ဝင်ရောက်ရာတွင် အချက်အလက်များ ပိုမိုလုံခြုံစိတ်ချရမှုရှိစေရန်အတွက် Two Factor Authentication (2FA)တွင် ထည့်သွင်းဆောင်ရွက်ထားပါကြောင်း အသိပညာပေး ဆွေးနွေးခဲ့ ကြောင်း သိရှိရပါသည်။

DOCA(ရန်ကုန်)