HighLight News

ဖျာပုံခရိုင်၊ ကျိုက်လတ်မြို့နယ်စားသုံးသူရေးရာဦးစီးဌာနမှ ဒု-ကြီးကြပ်ရေးမှူး ဦးတင်စိန်နှင့် ဝန်ထမ်းတို့သည် ၂၀၂၅ ခုနှစ်၊ ဇူလိုင်လ (၂) ရက်နေ့၊ နံနက် (၁၁:၀၀) နာရီအချိန်တွင် ကျိုက်လတ် မြို့ပေါ်ရှိ စားအုန်းဆီ အရောင်းဆိုင် (၂) ဆိုင်တွင် ရောင်းချနေသော စားအုန်းဆီများကို သတ်မှတ်ထား သော ရည်ညွှန်းဈေးဖြင့် ရောင်းချခြင်းရှိ/မရှိ ဈေးကွက်စောင့်ကြည့်စိစစ်ခဲ့ကြ ပါသည်။ ထိုသို့ ကွင်းဆင်းစိစစ်ရာတွင် ကျိုက်လတ်မြို့ပေါ်ရှိ စားအုန်းဆီအရောင်းဆိုင်(၂) ဆိုင်တွင် ရောင်းချနေသော စားအုန်းဆီများကို သတ်မှတ်ထားသော ရည်ညွှန်းဈေးအတိုင်း ဆိုင်းဘုတ်တင် ရောင်းချနေသည်ကို စိစစ်တွေ့ရှိရသဖြင့် အရေးယူဆောင်ရွက်မှုမရှိပါကြောင်း ဈေးကွက်စောင့်ကြည့် ကွင်းဆင်းစိစစ်ခဲ့မှုအရ သတင်းရရှိပါသည်။ DOCA(ဧရာဝတီ)

ရေကြည်မြို့နယ်၊ ရေကြည်မြို့ရှိ မုန့်ဟင်းခါး၊ ညှပ်ခေါက်ဆွဲမုန့်ဖိုများသို့ မြို့နယ်အစား အသောက်နှင့် ဆေးဝါးကွပ်ကဲရေးဦးစီးဌာနနှင့် ပူးပေါင်း၍ (၂.၇.၂၀၂၅) ရက်နေ့၊ နေ့လယ် (၁၆:၀၀) နာရီအချိန်တွင် ဗထူးရပ်ကွက်၊ အောင်ဆန်းလမ်းရှိ ဦးအောင်သန်း မုန့်ဟင်းခါးဖိုလုပ်ငန်းသို့ ဈေးကွက်စောင့်ကြည့်စစ်ဆေးခဲ့ပါသည်။ ထိုသို့ ဈေးကွက်စောင့်ကြည့်စစ်ဆေးရာတွင် မုန့်ဖိုများတွင် အသုံးပြုသော ပစ္စည်းများ သန့်ရှင်းခြင်းရှိ/ မရှိ၊ မုန့်ဖိုနှင့် ပတ်ဝန်းကျင်သန့်ရှင်းရေးဆောင်ရွက်ထားရှိမှုနှင့် မုန့်ဟင်းခါးနှင့် ညှပ်ခေါက်ဆွဲများကို Mobile Lap ဖြင့် စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။ DOCA(ဧရာဝတီ)

ပုသိမ်ခရိုင်၊ သာပေါင်းမြို့နယ်၊ စားသုံးသူရေးရာဦးစီးဌာနမှ မြို့နယ်ဦးစီးမှူးသည် (၃.၇.၂၀၂၅) ရက်နေ့၌ ပိန္နဲကုန်းကျေးရွာရှိ ကံကော်ရေသန့်စက်ရုံ၌ မြို့နယ်စီမံအုပ်ချုပ်ရေးအဖွဲ့၊ မီးသတ်ဦးစီး ဌာနတို့ နှင့် ပူးပေါင်း၍ ရေသန့်ထုတ်လုပ်သော ကံကော်ရေသန့်စက်ရုံသို့ ဈေးကွက်စောင့်ကြည့် စစ်ဆေးခဲ့ ပါသည်။ ထိုသို့ ဈေးကွက်စောင့်ကြည့်စစ်ဆေးရာတွင် ရေသန့်ထုတ်လုပ်မှုအခြေအနေ၊ ထုတ်ပိုးမှု၊ ထားသိုသိမ်းဆည်းမှုနှင့် ထုတ်ပိုးရာတွင် ကုန်အညွှန်းအမှတ်အသားပြည့်စုံမှုရှိ/ မရှိနှင့် မြန်မာဘာသာဖြင့် ဖော်ပြချက်ပါ/မပါ ဈေးကွက်ထဲမရောက်မီ ဆောင်ရွက်ရမည့် အခြေအနေတို့ကို ဈေးကွက် စောင့်ကြည့်စစ်ဆေးခဲ့ကြောင်း သိရှိရပါသည်။ DOCA(ဧရာဝတီ)

စားသုံးသူရေးရာဦးစီးဌာန၊ မအူပင်ခရိုင်၊ဓနုဖြူမြို့နယ်ဦးစီးမှူးရုံးမှ မြို့နယ်ဦးစီးမှူး ဦးဝင်းမင်းစိုး (ဦးစီးအရာရှိ)နှင့် (အငယ်တန်းစာရေး) ဦးခိုင်လွမ်းမိုး တို့သည် မြို့နယ်ကုန်ဈေးနှုန်း တည်ငြိမ်ကျဆင်းရေးအဖွဲ့တိူ့နှင့် ပူးပေါင်းပါဝင်လျက် ၄-၇-၂၀၂၄ ရက်နေ့၊ နံနက် (၁၀:၃၀)နာရီအချိန်မှစ၍ မြို့ပေါ်လက်လီဆန် အရောင်းဆိုင်(၇)ဆိုင် သွားရောက်ကာ ကွင်းဆင်းစစ်ဆေးခြင်း လုပ်ငန်းများ ဆောင်ရွက်ခဲ့ကြပါသည်။ ထိုသို့ဆောင်ရွက်ခဲ့ရာတွင် ဓနုဖြူမြို့နယ်၊ အတွင်းရှိ ဆန်ဆိုင်နှင့် ဆန်ဂိုဒေါင်များဖြစ်သော စွမ်းဆန်ဆိုင်၊ အောင်ကမ္ဘာဆန်ဆိုင်၊ ဒေါ်ရွှေဆန်ဆိုင်၊ ဒေါ်ကြည် ဆန်ဆိုင်၊ ကေသုံးလုံးဆန်ဆိုင်၊ ရွှေရည်လင်းဆန်ဆိုင်၊ ဝင်းသိဂ္ဒီ ဆန်ဆိုင် တို့ရှိ ရောင်းချသည့် ဆန်အမျိုးအစားများ ဒေသထွက်ကုန်ဧည့်မထ ဆန်များ၏ ဝယ်ယူသည့်အိတ်၊ ရောင်းချသည့်အိတ်၊ ရောင်းချရန် ကျန်ရှိသော လက်ကျန်အိတ်၊ ပုသိမ်၊ မြောင်းမြဘက်မှဝယ်ယူရောင်းချသော ပုသိမ်ပေါ်ဆန်းမွှေး၊ ပေါ်ဆန်းယဉ်၊ ဖျာပုံ၊မြောင်းမြ ပေါ်ဆန်းဆန်များ သိုလှောင်သည့်နေရာ၊ ၂၀၂၅ခုနှစ် ဇွန်လ သတ်မှတ်ရည်ညွှန်းဈေးအပေါ် ရာခိုင်နှုန်းဖြင့် ရောင်းချခြင်း ရှိမရှိကို စစ်ဆေးခဲ့ကြပြီး၊ ဒေသတွင်း ကုန်ဈေးနှုန်းတည်ငြိမ်းစေရန် လုပ်ငန်းရှင်နှင့်ပူးပေါင်း ဆောင်ရွက်ရ မည်ဖြစ်ကြောင်း အပါတ်စဉ်ပူးပေါင်းစစ်ဆေးရေးအဖွဲ့မှ စစ်ဆေးသွားမည်ဖြစ်ကြောင်းကို ဆန်ဆိုင် လုပ်ငန်းရှင်တို့အား ပြောကြားခဲ့ပြီး ဆန်ဆိုင်များ သိူလှောင်ရုံများ မှတ်ပုံတင်သက်တမ်းပြည့်ပါက သတ်တမ်းတိုးဆောင်ရွက်နိုင်ရေးကိုပါ အသိပညာပေးခဲ့ပြီး ဓနုဖြူမြို့နယ်အတွင်း ရောင်းချနေသော ဆန်ဈေးနှုန်းများ ထူးခြားစွာဈေးနှုန်း ပြောင်းလဲမှုမရှိဘဲ ပုံမှန်အတိုင်း ရောင်းဝယ်လျက်ရှိပါကြောင်း စစ်ဆေး တွေ့ရှိရပါသည်။ DOCA(ဧရာဝတီ)

ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံး၊ မအူပင်မြို့နယ်ဦးစီးမှူး ဦးအောင်ဇော်ဦးနှင့် ဝန်ထမ်းများသည် (၄.၇.၂၀၂၄) ရက်နေ့ နေ့လည် (၁၃၃၀)နာရီအချိန်တွင် မအူပင်မြို့ပေါ်ရှိ ဆေးမျိုးစုံရောင်းချသည့် ဆိုင်များအား မိတ်ဖက်ဌာနဖြစ်သော FDA ကျန်းမာရေးဦးစီးဌာန၊ စည်ပင်သာ ယာရေးအဖွဲ့တို့နှင့်အတူ ပူးပေါင်း၍ ဈေးကွက်စောင့်ကြည့် စစ်ဆေးခဲ့ကြပါသည်။ ကွင်းဆင်းစစ်ဆေးရာတွင် မအူပင်မြို့ပေါ်ရှိ ဆေးအမျိုးမျိုးရောင်းချနေသော ဆေးဆိုင်(၈)ဆိုင်မှ ကုန်စည်များတွင် မြန်မာနိုင်ငံစားသုံးသူရေးရာကော်မရှင်၏ ညွှန်ကြားချက်အမှတ်( ၂/၂၀၁၉)ပါ ကုန်အညွှန်း အမှတ်အသား သတ်မှတ်ချက်များနှင့် ကိုက်ညီမှု ရှိသည့် ကုန်စည်များကိုရောင်းချနေကြောင်း စစ်ဆေး တွေ့ရှိရပြီး၊ အစားအသောက်နှင့် ဆေးဝါးကွပ်ကဲရေးဦးစီးဌာနမှ တာမြစ်ထားသော ဆေးဝါးများ ရောင်းချ ခြင်း မရှိကြောင်း စစ်ဆေးတွေ့ရှိရပါသည်။ ဆက်လက်၍ ဆေးဆိုင်ရှင်များကိုလည်း ကုန်အညွှန်း အမှတ်အသားသတ်မှတ်ချက်ပြည်စုံစွာ ဖော်ပြထားခြင်းမရှိသော ဆေးဝါးများကို မရောင်းချရန်၊ ဈေးကစား ရန်ရည်ရွယ်၍ ဆေးနှင့် ဆေးဝါးများကို သိုလှောင်ထားခြင်း၊ ဈေးနှုန်းမြင့်တက်၍ ရောင်းချခြင်း၊ များမပြု လုပ်ရန်၊ ဌာနတို့၏ တားမြစ်ကုန်စည်များကိုလည်း မရောင်းချရန်နှင့် သတ်မှတ်ချက် စည်းကမ်း များနှင့် မကိုက်ညီသော ကုန်စည်များကို ရောင်းချခြင်းမျိုးစစ်ဆေးတွေ့ရှိပါက အရေးယူ ဆောင်ရွက်ခြင်း၊ ပြစ်မှု၊ပြစ်ဒဏ်များ ခံရမည်ဖြစ်ကြောင်း လုပ်ငန်းရှင်တို့လိုက်နာရမည့်တာဝန်များ၊ စစ်ဆေးရေးအရာရှိတို့၏ လုပ်ငန်းတာဝန်များအကြောင်းကို ရှင်းလင်းဆွေးနွေး အသိပညာပေးခဲ့ကြောင်း သိရှိရပါသည်။ DOCA(ဧရာဝတီ)