HighLight News

Powered by Drupal

လုပ်ငန်းရှင်နှင့်တွေ့ဆုံ၍ အသိပညာပေးဆောင်ရွက်

သတင်းနှင့် လှုပ်ရှားမှုများ

      စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးအနေဖြင့် စားသုံးသူအခွင့်အရေးများ အပြည့်အဝရရှိစေရန် ကုန်စည်များဘေးအန္တရာယ်ကင်းရှင်းပြီး ထုတ်ကုန်လုံခြုံစိတ်ချရမှုရှိစေရေးအတွက် ဒေါ်နီလာဝင်း၊ ဦးစီးမှူးနှင့်ဝန်ထမ်းများသည် (၂၃.၂.၂၀၂၆) ရက်နေ့ နံနက် (၁၁:၃၀) နာရီ အချိန် တွင် ရွှေပြည်သာမြို့နယ် အမှတ် (၁၀၅)၊ ချယ်ရီလမ်း၊ စက်မှုဇုန် (၁) ရွှေဧရာနဒီလီမိတက် စက်ရုံတွင် မန်နေဂျာ ဦးအောင်အောင်လတ်နှင့် ဝန်ထမ်းများအား အသိပညာပေးဆွေးနွေးခြင်း လုပ်ငန်းများ ဆောင်ရွက်ခဲ့ပါသည်။

          ထိုသို့အသိပညာပေးဆောင်ရွက်ခဲ့ရာတွင် ဒေါ်နီလာဦး၊ ဦးစီးမှူးက စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်၏ အဓိပ္ပါယ်နှင့်တာဝန်များ၊ ကုန်စည်(သို့မဟုတ်) ဝန်ဆောင်မှုအပေါ် တာဝန်ရှိမှုအခြေအနေ၊ စားသုံးသူများအား လုံလောက်သည့်သတင်းအချက် အလက်များ သိရှိစေရန်အတွက် စားသုံးသူကာကွယ်ရေးဥပဒေပါ အခန်း(၁၈)တွင် ဖော်ပြထားသော ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် ကုန်စည်၏အမှတ်တံ ဆိပ်၊ အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ ထားသိုသိမ်းဆည်းပုံ အညွှန်း၊ သုံးစွဲပုံ နည်းလမ်း၊ ဓါတ်မတည်ကြောင်း ဖော်ပြချက်၊ ဘေးထွက်ဆိုးကျိုး၊ ထုတ်လုပ်သည့်ရက်စွဲ၊ သက်တမ်းကုန်ဆုံးသည့်ရက်စွဲစသည်တို့ကို လိုက်နာဆောင်ရွက်သွားရန်နှင့် စားသုံးသူကာကွယ်ရေးဥပဒေ ပြဌာန်းချက်ပါ ပြစ်မှုပြစ်ဒဏ်များအကြောင်း အသိပညာပေးဆွေးနွေးခဲ့ကြောင်း သိရှိရပါသည်။

DOCA (ရန်ကုန်)

Colgate သွားတိုက်ဆေးစက်ရုံသို့ ဈေးကွက်မရောက်မီကွင်းဆင်းစစ်ဆေးခြင်း

သတင်းနှင့် လှုပ်ရှားမှုများ

        စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဈေးကွက်စောင့်ကြည့် စစ်ဆေးခြင်းများကို စဉ်ဆက်မပြတ်ဆောင်ရွက်လျက်ရှိရာ (၂၃.၂.၂၀၂၆) ရက်နေ့၊ နေ့လယ် (၁၃:၀၀) နာရီအချိန်တွင် စစ်ဆေးရေးအရာရှိများသည် ရွှေပြည်သာမြို့နယ် စည်ပင်သာယာအုပ်ချုပ်ရေးမှူးရုံးမှ ဦးသိန်းကို၊ အကြီးတန်းစာရေးတို့ ပါဝင်လျက် Colgate သွားတိုက်ဆေးစက်ရုံသို့ ဈေးကွက်မရောက်မီ ကုန်အညွှန်းအမှတ်အသားပြည့်စုံစွာ ဖော်ပြထားခြင်းရှိ/ မရှိတို့ကို ကွင်းဆင်းစစ်ဆေးခဲ့ပါသည်။

         ထိုသို့စစ်ဆေးခဲ့ရာတွင် အမှတ်(၁၀၁)၊ ချယ်ရီလမ်း၊ စက်မှုဇုန်(၁)၊ ရွှေပြည်သာမြို့နယ်ရှိ Colgate စက်ရုံသို့ ရောက်ရှိခဲ့ရာ ထုတ်လုပ်လျက်ရှိသော အမျိုးအစားများမှာ Max Fresh၊ Super Strong၊ Double Cool Stripe၊ လေဆာအမှတ်တံဆိပ်အားလုံးတို့တွင် စားသုံးသူကာကွယ်ရေး ဥပဒေ (၂၀၁၉)၊ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့်ပတ်သက်၍ ပုဒ်မ (၄၃) အရ၊ ပုဒ်မ(၄၁) ပုဒ်မခွဲ(ခ)နှင့်(ဆ)တို့ပါ ကုန်အညွှန်းဖော်ပြခြင်းဆိုင်ရာ မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု(သို့မဟုတ်)တစ်ခုထပ်ပို၍ တွဲလျက်ဖြစ်စေ ရေးသားဖော်ပြထားကြောင်း စစ်ဆေးတွေ့ရှိရပြီး စီးပွားရေးလုပ်ငန်းရှင်အား ယခုကဲ့သို့ ကုန်ပစ္စည်းများ ထုတ်လုပ်ရောင်းချရန်နှင့် ညွှန်ကြားချက်များကိုလည်း လိုက်နာဆောင်ရွက် သွားရန်ပြောကြားခဲ့ကြောင်း သိရှိရပါသည်။

DOCA (ရန်ကုန်)

ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ဈေးကွက်မရောက်မီ စောင့်ကြည့် စစ်ဆေးခြင်း 

သတင်းနှင့် လှုပ်ရှားမှုများ

       စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးအနေဖြင့် ထုတ်ကုန်များလုံခြုံစိတ်ချရမှုရှိစေရေးနှင့် ဥပဒေများနှင့်အညီ ထုတ်လုပ်နိုင်စေရေးအတွက် ဈေးကွက်စောင့်ကြည့် စစ်ဆေးခြင်းများကို စဉ်ဆက်မပြတ်ဆောင်ရွက်ရှိရာ (၂၃.၂.၂၀၂၆) ရက်နေ့၊ နေ့လယ် (၁၂:၀၀) နာရီ အချိန်တွင် ဒေါ်နီလာဝင်း၊ ဦးစီးမှူးပါ(၄)ဦးတို့သည် ရွှေပြည်သာမြို့နယ်ရှိ ရွှေဧရာနဒီအမှတ် တံဆိပ် ထုတ်လုပ်သော ဝေဖာ၊ ကိတ်လုပ်ငန်းသို့ ကုန်အညွှန်းအမှတ်အသား ဖော်ပြခြင်းနှင့် စပလျဉ်း၍ ဈေးကွက် မရောက်မီ စောင့်ကြည့်စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

         ထိုသို့ဆောင်ရွက်ခဲ့ရာတွင် မြို့နယ်စည်ပင်သာယာအုပ်ချုပ်ရေးမှူးရုံးမှ ဦးသိန်းကို၊ အကြီးတန်းစာရေးက ပူးပေါင်းပါဝင်လျက် ရောင်းချလျက်ရှိသော ရွှေဧရာနဒီအမှတ်တံဆိပ်ဖြင့် ထုတ်လုပ်သော ဝေဖာ၊ ကိတ်တို့တွင် အသုံးပြုသော ကုန်ကြမ်းပစ္စည်းများ အရည်အသွေး ကောင်းမွန်မှုရှိရန်၊ မိမိတို့ထုတ်လုပ်သော ကုန်ပစ္စည်းများကို သန့်ရှင်းသပ်ရပ်စွာဖြင့် ထုတ်လုပ်၍ ကျန်းမာရေးနှင့် ညီညွတ်စေရေး အထူးအလေးထားလုပ်ဆောင်ကြရန်၊ ကုန်စည်နှင့်သက်ဆိုင်သည့် ထည့်သွင်းဖော်ပြရမည့် ကုန်အညွှန်းအမှတ်အသားများအား ပြည့်စုံမှန်ကန်မှုရှိရန်၊ စားသုံးသူများ ဘေးအန္တရာယ်ကင်းရှင်းစွာ စားသုံးနိုင်စေရေးနှင့် သက်ဆိုင်ရာဌာနများ၏ ပြဌာန်းချက်များကိုလည်း လိုက်နာဆောင်ရွက်ရန်တို့အတွက် လုပ်ငန်းခွင်များသို့ ဈေးကွက်မရောက်မီကုန်စည်များအား ကွင်းဆင်းစစ်ဆေးမှုများ ဆောင်ရွက်ခဲ့ပြီး လုပ်ငန်းရှင်များဘက်မှလည်း မှန်ကန်သည့်နည်းလမ်းများ၊ ဥပဒေများနှင့်အညီ အချိန်မီပြင်ဆင်ထုတ်လုပ်လာစေနိုင်ပြီး ဈေးကွက်အတွင်း၌လည်း လုံခြုံစိတ်ချရသော ကုန်စည်များကိုသာ စားသုံးသူများအနေဖြင့် ဝယ်ယူသုံးစွဲနိုင်မည်ဖြစ်ကြောင်း ကွင်းဆင်းစစ်ဆေးချက်အရ သိရှိရပါသည်။ 

DOCA (ရန်ကုန်)

ဆန်ဆိုင်များအား ဆန်ဈေးနှုန်းမြှင့်တင်ရောင်းချမှု မရှိစေရေး အဖွဲ့စုံဖြင့် ကွင်းဆင်းစစ်ဆေးခြင်း

သတင်းနှင့် လှုပ်ရှားမှုများ

       (၁၉.၂.၂၀၂၆)ရက်နေ့၊ နံနက် (၁၀း၃၀)နာရီအချိန်ခန့်တွင် စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဦးဇော်မင်းလတ်(ခရိုင်ဦးစီးမှူး)နှင့်ဝန်ထမ်းများသည် သာကေတမြို့  နယ်အထွေထွေအုပ်ချုပ်ရေးဦးစီးဌာန၊ သာကေတမြို့နယ် စည်ပင်သာယာရေးကော်မတီမှ တာဝန် ရှိသူများနှင့်ပူးပေါင်းပြီး  သာကေတမြို့နယ် အတွင်းရှိ ဆန်လက်လီ/လက် ကားရောင်းချနေသော ဆန်ရောင်းဝယ်ရေးအရောင်းဆိုင်များသို့ ဆန်ဈေးနှုန်းမြှင့်တင်ရောင်းချမှုမရှိစေရေး အဖွဲ့စုံဖြင့် သွားရောက်၍ ကွင်းဆင်းစစ်ဆေးခဲ့ကြောင်း သိရှိရပါသည်။

          ထိုသို့ကွင်းဆင်းရာတွင် ရန်ကုန်အရှေ့ပိုင်းခရိုင်ဦးစီးမှူးရုံးမှ ဦးဇော်မင်းလတ် (ခရိုင်ဦးစီး မှူး)က  မြန်မာနိုင်ငံဆန်စပါးအသင်းချုပ်MRFမှ လအလိုက်ထုတ်ပြန်ပေးသော သင့်တင့်မျှတသော ဈေးကွက်ဈေးနှုန်းဖြင့် ဆန်များဖြန့်ဖြူးရောင်းချနိုင်ရေးကိုကြော်ငြာချက်ပါ ဆန်ဈေးနှုန်းများအလိုက်ရောင်းချနိုင်စေရေး၊ သတ်မှတ်ရည်ညွှန်းဈေးထက် ကျော်လွန်ရောင်းချခြင်းမဖြစ်စေရေး၊ ဈေးကွက်အတွင်း ကုန်စည်များပြတ်လပ်မှုရှိ/ မရှိတို့ကို  စစ်ဆေးခဲ့ပြီး၊ ဈေးကွက်အတွင်းရှိ စားသုံးဆန်များအား ပစ္စည်းမှန်၊ ဈေးနှုန်းမှန်၊ အရည်အသွေးမှန်၊ အလေးချိန်မှန်ဖြင့် ရောင်းချပေး နိုင်ရေးဆွေးနွေးခဲ့ပြီး၊ ဈေးကွက်အတွင်းရောင်းချနေသော ဆန်ဈေးနှုန်းများမှာ သတ်မှတ်ရည် ညွှန်းဈေးများအတိုင်းရောင်းချလျက်ရှိပြီး ဈေးကစားလိုသောရည်ရွယ်ချက်ဖြင့် ဆန်များကိုသို လှောင်ခြင်းမပြုရန်နှင့် သက်ဆိုင်ရာဌာနတို့၏ လမ်းညွှန်ချက်များကို လိုက်နာဆောင်ရွက်ရန်လို အပ်ကြောင်း၊ ဆန်တန်ချိန်(၂၅)တန်အထက်သိုလှောင်ပါက မြန်မာ့ဆန်စပါးအွန်လိုင်း(Myanmar Rice Online)တွင်မဖြစ်မနေ မှတ်ပုံတင်ရမည်ဖြစ်ကြောင်း အသိပညာပေးပြောကြားခဲ့ကြောင်း သိရှိရပါသည်။

DOCA (ရန်ကုန်)

ကုန်အညွှန်းအမှတ်အသားနှင့်စပ်လျဉ်း၍   အရှေ့ဒဂုံမြို့နယ်၊ အမှတ်(၂)ဈေး၊  အသိပညာ ပေးဟောပြောပွဲကျင်းပခြင်း

သတင်းနှင့် လှုပ်ရှားမှုများ

          စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဒေါ်မိုးမိုးကြည် (ဌာနခွဲစာရေး)နှင့် ဝန်ထမ်းများသည် (၁၉.၂.၂၀၂၆)ရက်နေ့၊ နေ့လယ်(၁၅:၃၀)နာရီအချိန်တွင် အရှေ့ဒဂုံမြို့နယ်၊ အမှတ်(၂)ဈေးစည်ပင်ရုံးတွင် ကုန်အညွှန်းအမှတ်အသားနှင့် စပ်လျဉ်း၍ အသိပညာပေးဟောပြောခြင်းများ ဆောင်ရွက်ခဲ့ပါသည်။

      ထိုသို့ဟောပြောပွဲတွင် ဒေါ်မိုးမိုးကြည်က စားသုံးသူများ၏အခွင့်အရေးနှင့် အကျိုးစီးပွားကိုကာကွယ်ပေးနိုင်ရန်အတွက် စားသုံးသူကာကွယ်ရေးဥပဒေကို ၂၀၁၉ ခုနှစ်၊ မတ်လ ၁၅ ရက် နေ့တွင်အတည်ပြုပြဋ္ဌာန်းခဲ့ပါကြောင်း၊ စားသုံးသူအခွင့်အရေး (၈) ချက်အကြောင်းအရာများ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေး ဥပဒေ၂၀၁၉ပါပြဌာန်းချက်များမှ အခန်း(၁၈)ရှိကုန်အညွှန်းအမှတ်အသားဖော်ပြခြင်းနှင့် စပ်လျဉ်၍ ကုန်အညွှန်းအမှတ်အသားဖော်ပြခြင်းဆိုင်ရာများ၊ စားသုံးသူကာကွယ်ရေးဥပဒေ အခန်း(၁၈) ပါ ပုဒ်မ(၄၁) ပုဒ်မခွဲ (ခ)နှင့်(ဂ)တို့ပါ ကုန်စည်၏ အမျိုးအမည်၊ အရွယ်အစား၊ အရေအတွက်နှင့် အသားတင်အလေးချိန်၊ သုံးစွဲပုံနည်းလမ်းနှင့်ထုတ်လုပ်သည့်ရက်စွဲ၊ သက်တမ်းကုန်ဆုံးသည့် ရက်စွဲ၊ ထုတ်လုပ်မှုအမှတ်စဉ်တို့အား အသေးစိတ်ရှင်းလင်းဟောပြောခဲ့ပြီး၊ စားသုံးသူထိခိုက်နစ်နာလျှင် တိုင်ကြားနိုင်မည့်နည်းလမ်းများနှင့် အွန်လိုင်းစျေးရောင်းချမှုနှင့်ပတ်သက်၍ သုံးစွဲသူများ သိရှိရမည့်အကြောင်းအရာများကို အသေးစိတ်ရှင်းလင်းပြောကြားခဲ့ကြောင်း သိရှိရပါသည်။

DOCA(ရန်ကုန်)

အမေရိကန် ဒေါ်လာ ၃၈.၄ ဘီလီယံ တန်ဖိုးရှိသည့်အပြန်အလှန်ကုန်သွယ်ရေးနှင့် ရင်းနှီးမြှုပ်နှံမှု ကတိကဝတ် လက်မှတ်ရေးထိုးခဲ့သည့် အင်ဒိုနီးရှား–အမေရိကန်

ပြည်ပကုန်သွယ်မှုသတင်းများ

        အင်ဒိုနီးရှားနှင့် အမေရိကန်ပြည်ထောင်စုတို့သည် စိုက်ပျိုးရေးမှ ကုန်ထုတ်လုပ်မှုလုပ်ငန်းနှင့် အဆင့်မြင့်နည်းပညာကဏ္ဍများအထိလွှမ်းခြုံသည့် ကဏ္ဍစုံ ကုန်သွယ်ရေးနှင့် ရင်းနှီးမြှုပ်နှံမှု ကတိကဝတ်စုစုပေါင်း အမေရိကန်ဒေါ်လာ ၃၈.၄ ဘီလီယံ (ရူပီ ၆၄၉.၄၂ ထရီလီယံခန့်) ကို လက်မှတ်ရေးထိုးခဲ့ကြောင်း တာဝန်ရှိသူများက ထုတ်ပြန်ခဲ့ပါသည်။ အဆိုပါသဘောတူညီချက်များကို ဝါရှင်တန်မြို့၌ ကျင်းပသည့် US–Indonesia Business Summit 2026 တွင် ကြေညာခဲ့ပြီး အဆိုပါ ဆွေးနွေးပွဲကို U.S. Chamber of Commerce၊ US–ASEAN Business Council နှင့် U.S.–Indonesia Society တို့က လက်ခံကျင်းပခဲ့ကြောင်း သိရပါသည်။ အင်ဒိုနီးရှားသမ္မတ Prabowo Subianto က စျေးကွက်ယုံကြည်မှုနှင့် ရေရှည်ရင်းနှီးမြှုပ်နှံမှုများ ထိန်းသိမ်းရာတွင် အုပ်ချုပ်မှု ကောင်းမွန်မှု၊ ပွင့်လင်းမြင်သာမှုနှင့် ယုံကြည်စိတ်ချရမှုတို့၏ အရေးပါမှုကို အလေးပေး ပြောကြားခဲ့ကြောင်း သိရပါသည်။ စိုက်ပျိုးရေးကဏ္ဍတွင် ပဲပိစပ် ဒေါ်လာ ၁.၃၇ ဘီလီယံ၊ ဂျုံ ဒေါ်လာ ၁.၂၅ ဘီလီယံ (၂၀၃၀ အထိ စီစဉ်ထား)၊ ပြောင်းဖူး ဒေါ်လာ ၈၅၅ သန်း၊ ဝါဂွမ်း ဒေါ်လာ ၂၄၄ သန်းနှင့် အခြားစိုက်ပျိုးရေးထုတ်ကုန်များ ဒေါ်လာ ၈၀၀ သန်း ပါဝင်သည့် စုစုပေါင်း ဝယ်ယူရန်ကတိ ကဝတ် အမေရိကန်ဒေါ်လာ ၄.၅ ဘီလီယံ တန်ဖိုးရှိကြောင်း သိရပါသည်။ စက်မှုလုပ်ငန်းကဏ္ဍ သည် စုစုပေါင်း ဒေါ်လာ ၃၃.၉၁ ဘီလီယံဖြင့် အဓိက ရပ်တည်နေကြောင်း သိရပါသည်။ အဓိက သဘောတူညီချက်များတွင် အင်ဒိုနီးရှားကုန်သည်နှင့် စက်မှုလုပ်ငန်းအသင်း (Kadin) နှင့် US–ASEAN Business Council အကြား ဒေါ်လာ ၂ ဘီလီယံ တန်ဖိုးပူးပေါင်းဆောင်ရွက်မှု၊ အမေရိကန်ဒေါ်လာ သန်း ၂၀၀ တန်ဖိုးရှိသော အသုံးပြုပြီးအဝတ်အထည်များရောင်းချရေးနှင့် စုစုပေါင်း ဒေါ်လာ ၃၁.၅၉ ဘီလီယံ တန်ဖိုးရှိသည့်အကြီးစား ဆီမီကွန်ဒတ်တာစီမံကိန်းများ ပါဝင် ကြောင်း သိရပါသည်။ စီးပွားရေးရေးရာ ညှိနှိုင်းဆွေးနွေးရေး ဝန်ကြီး Airlangga Hartarto က အင်ဒိုနီးရှားသည် အမေရိကန်ကို မဟာဗျူဟာမိတ်ဖက်အဖြစ် ရှုမြင်ထားကြောင်း နှင့်  ဒစ်ဂျစ်တယ်တီထွင်ဆန်းသစ်မှု၊ AI၊ ဆီမီကွန်ဒတ်တာများ၊ အရေးပါသောသတ္တုများ၊ ထောက်ပံ့မှု ကွင်းဆက်တည်ငြိမ်မှု၊ စွမ်းအင်အသွင်ကူးပြောင်းရေးနှင့် တန်ဖိုးမြှင့်ထုတ်လုပ်ရေးကဏ္ဍများတွင် ပူးပေါင်းဆောင်ရွက်မှုကို ပိုမိုနက်ရှိုင်းစေရန် ရည်ရွယ်ထားကြောင်း ပြောကြားခဲ့ပါသည်။ ထို့အပြင် Reciprocal Trade သဘောတူညီချက် အပြီးသတ်နိုင်ပါက ဈေးကွက်လမ်းကြောင်းများကို တိုးချဲ့ပေးနိုင်မည်ဖြစ်ပြီး ကုန်သွယ်ရေးအတားအဆီးများကို လျှော့ချနိုင်ကာ စီးပွားရေးလုပ်ငန်း များအတွက် ယုံကြည်စိတ်ချရမှု မြှင့်တင်နိုင်မည်ဟုသိရပါသည်။ ၎င်းသည် နှစ်နိုင်ငံအကြား ရင်းနှီးမြှုပ်နှံမှုစီးဆင်းမှု ပိုမိုများပြားစေပြီး ရေရှည်စီးပွားရေးဆက်ဆံမှု ခိုင်မာစေရန် အထောက် အကူပြုမည်ဖြစ်ကြောင်း သိရပါသည်။

Antara News                                                                             

DOCA (ရန်ကုန်)

ညောင်တုန်းမြို့နယ် ပြည်သူများမှ စားသုံးသူကာကွယ်ရေးနှင့် စပ်လျဉ်း၍ သိရှိနိုင်ရန် Consumer Call Center (1535) သို့ဆက်သွယ်ဆောင်ရွက်မေးမြန်းလျက်ရှိ

သတင်းနှင့် လှုပ်ရှားမှုများ

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မအူပင်ဦးစီးမှူးရုံးအနေဖြင့် တိုင်းဒေသကြီးဦးစီးမှူးရုံး ပုသိမ်မြို့၏ လမ်းညွှန်ချက်များအရ  စားသုံးသူပြည်သူများ အနေဖြင့် စားသုံးသူရေးရာ ဦးစီးဌာန၏ လုပ်ပိုင်ခွင့်နှင့် လုပ်ငန်းတာဝန်များ ပတ်သက်သော သတင်းအချက်အလက်များကို အလွယ်တကူမေးမြန်းစုံစမ်းနိုင်ရန် စားသုံးသူကာ ကွယ်ရေးနှင့် စပ်လျဉ်း၍ သက်ဆိုင်သူအများအပြား အလွယ်တကူ ဆက်သွယ်စုံစမ်းမေးမြန်းနိုင်ရန် ရည်ရွယ်၍ ၂၀၂၁ ခုနှစ်၊ ဇွန်လမှစတင်၍ Consumer Call Center Hotlineနံပါတ်(၁၅၃၅)ကို နေပြည်တော်ရုံးချုပ်တွင် လိုင်းခွဲ(၁)၊ ရန်ကုန်တိုင်းဒေသ ကြီးဦးစီးမှူးရုံးတွင်လိုင်းခွဲ(၂)၊ မန္တလေးတိုင်း ဒေသကြီးဦးစီးမှူးရုံးတွင်လိုင်းခွဲ(၃)တို့ကိုဖွင့်လှစ်ထားရှိပြီးစားသုံးသူအခွင့်အရေးများ အပြည့်အဝရရှိစေရန် ဆောင်ရွက်ပေးလျက်ရှိပါသည်။

          မအူပင်ခရိုင်၊ ညောင်တုန်းမြို့နယ်အနေဖြင့် စားသုံးသူအသိပညာပေး ဟောပြောပွဲများနှင့် လုပ်ငန်းရှင် တွေ့ဆုံဆွေးနွေးပွဲများ ကျင်းပပြုလုပ်ချိန်များတွင် Consumer Call Center (1535) လိုင်းခွဲ (၁)(၂)(၃) များသို့ ခေါ်ဆိုမေးမြန်းမှုများဆောင်ရွက်လျက်ရှိရာ ၂၀၂၆ခုနှစ် ဇန်နဝါရီလအတွင်း ဆက်သွယ်ဆောင်ရွက်ခြင်းကိုပြုလုပ်ဆောင်ရွက်ခဲ့ပြီး ကျောင်းဖွင့်ကာလက ကျောင်းအသိပညာ ပေးဟောပြောပွဲတွင် ကျောင်းသားလူငယ် ၃ဦးမှ ဆက်သွယ်ဆောင်ရွက်မှု(၃)ကြိမ်၊ စီးပွားရေး လုပ်ငန်းရှင် ၂ဦးမှ ဆက်သွဘ်မေးမြန်းဆောင်ရွက်မှု (၂)ကြိမ် ဆောင်ရွက်ခဲ့ပြီး ညောင်တုန်း မြို့နယ် အနေဖြင့် တိုင်ကြားမှုနှင့်ပတ်သက်၍ သိရှိလိုသည်များကိုလည်းကောင်း စားသုံးသူအခွင့်အရေး များနှင့် ပတ်သက်၍သိရှိလိုသည်များကိုလည်းကောင်း၊ အွန်လိုင်းရောင်းချမှုမှတ်ပုံတင်ခြင်းနှင့် ပတ်သက်၍ လည်းကောင်း၊ ကုန်အညွှန်းအမှတ် အသားနှင့်ပတ်သက်၍လည်းကောင်း၊ Online Sale မှတ်ပုံတင်ခြင်းနှင့် ပတ်သက်၍လည်းကောင်း ခေါ်ဆိုမေးမြန်းခဲ့ရာ ၂၀၂၆ ခုနှစ်၊ ဇန်နဝါရီလအတွင်း စုစုပေါင်း(၅)ကြိမ် ခေါ်ဆိုနိုင်ခဲ့ပါကြောင်း သတင်းရရှိပါသည်။

DOCA(ဧရာဝတီ)

ညောင်တုန်းမြို့နယ် တောင်သူနှင့် ကုန်သည် စပါးလက်ကျန် ကျန်ရှိမှုအခြေအနေအား မြေပြင် ကွင်းဆင်းစစ်ဆေး

သတင်းနှင့် လှုပ်ရှားမှုများ

          စီးပွားရေး လုပ်ငန်းဆောင်ရွက်ရန်အလို့ငှာ ဆန်တန်ချိန် ၂၅ နှင့် အထက် သိုလှောင်ရုံ သို့မဟုတ်. စပါးတင်း ၂၅၀၀ နှင့်အထက် သိုလှောင်ရုံတစ်မျိုးမျိုးကို ပိုင်ဆိုင်သူ သည် www.myro.com.mm တွင်. သတ်မှတ်ထားသည်နှင့်အညီ မှတ်ပုံတင်ဆောင်ရွက်ပြီး လုပ်ငန်းဆောင်ရွက်ရန်ကို မအူပင်ခရိုင်၊ ပန်းတနော်မြို့နယ် စားသုံးသူရေးရာဦးစီးဌာနမှ အသိပညာပေးခြင်း ကွင်းဆင်းစစ်ဆေး ဆောင်ရွက်ခြင်းများကို ၆-၂-၂၀၂၆ ရက်နေ့ နေ့လည် ၂နာရီအချိန်က ကျေးရွာများသို့  ပြုလုပ်ဆောင်ရွက်လျက်ရှိပါသည်။

          ညောင်တုန်းမြို့နယ် စားသုံးသူရေးရာဦးစီးဌာနမှ ဦးအောင်လွင်နှင့် ဝန်ထမ်းများသည် တောင်သူနှင့် ကုန်သည် စပါးလက်ကျန်အခြေအနေများကို သိရှိနိုင်ရန်အတွက် မြေပြင်ကွင်းဆင်း စစ်ဆေးဆောင်ရွက်ခဲ့ကြသည်။ တောင်သူများ စပါးစိုက်ပျိုးမှု ရိတ်သိမ်းပြီးစီးမှု ရှိပြီး တောင်သူများထံ စပါးလက်ကျန် ဝမ်းစာသိုလှောင်မှုအခြေအနေများ တွက်ချက်နိုင်ရန်၊ တောင်သူလက်ထဲတွင် စပါး သိုလှောင်မှုရှိ/မရှိ ကုန်သည်များထံ ရောင်းချမှု ရှိ/မရှိ မြေပြင်အခြေအနေမှန်များကို သိရှိနိုင်ရန် မြေပြင်ကွင်းဆင်းစစ်ဆေး၍ ခရိုင်ဦးစီးမှူးရုံးသို့တင်ပြဆောင်ရွက်နိုင်ရန် ကွင်းဆင်းစစ်ဆေးဆောင်ရွက်ခဲ့‌ကြောင်း သိရှိရပါသည်။

DOCA(ဧရာဝတီ)

ဆန်ဆိုင်များအား ကွင်းဆင်းစစ်ဆေးခြင်း

သတင်းနှင့် လှုပ်ရှားမှုများ

          မအူပင်ခရိုင်၊ ညောင်တုန်းမြို့နယ်အတွင်း ရောင်းချနေသော ဆန်ဆိုင်များအား ဈေးနှုန်းမြှင့်တင်ရောင်းချမှုမရှိစေရေး၊ သိုလှောင်ဈေးကစားမှုမရှိစေရေး၊ ဈေးနှုန်းတည်ငြိမ် မှန်ကန်စေရေးအတွက် မြို့နယ်ဆန်စပါးလုပ်ငန်းကြီးကြပ်မှု အဖွဲ့ဝင်များနှင့်အတူ ၆-၂-၂၀၂၆ ရက်နေ့ နံနက်(၀၉း၀၀)နာရီအချိန်က ကွင်းဆင်းစစ်ဆေးဆောင်ရွက်ခဲ့ပါသည်။

           ထိုသို့ စစ်ဆေးရာတွင် ညောင်တုန်းမြို့နယ်အတွင်းရှိ ဆန်အရောင်းဆိုင်များအား စားသုံးသူရေး ရာဦးစီးဌာနမှ ဆန်သတ်မှတ်ရည်ညွှန်းစျေးများအား ထုတ်ပြန်ပေးသည့်ဈေးဖြင့် ရောင်းချမှုရှိ/မရှိနှင့်  ၎င်းစျေးနှုန်းထက်စျေးနှုန်းမြှင့်တင် ရောင်းချမှုဖြန့်ဖြူးခြင်း၊ စျေးကစားရန် ရည်ရွယ်ချက်ဖြင့် ဆန်များကို သိုလှောင်ခြင်းမပြုရန်နှင့် သက်ဆိုင်ရာဌာနတို့၏ လမ်းညွှန်ချက်များကို လိုက်နာဆောင်ရွက်ရန် လိုအပ်ကြောင်း၊ ဆန်အိတ်များကို ဈေးကစားရန်ရည်ရွယ်ချက်ဖြင့် သိုလှောင်ထားခြင်း၊ ရောင်းချမှုမရှိ ဘဲကြာရှည်စွာ သိုလှောင်ထားခြင်းများ စစ်ဆေးတွေ့ရှိပါက တည်ဆဲဥပဒေအရ အရေးယူခံရမည်ဖြစ်ကြောင်း၊ ဆန်ဆိုင်များအား ဈေးနှုန်းမြှင့်တင်ရောင်းချမှု မရှိ‌စေရေးနှင့် သတ်မှတ်ရည်ညွှန်း‌ဈေး၏ ဒေသတွင်း ကုန်စည်နှင့် အခြားဒေသထွက်ဆန်များကို (၅%) (၈%)ထက် ပိုမိုရောင်းချခြင်းများ ဆောင်ရွက်ပါကအရေးယူဆောင်ရွက်သွားမည် ဖြစ်ပါ‌ကြောင်း၊ ရောင်းချနေသော ဆန်အမျိုးအစားအလိုက် သတ်မှတ်ရည်ညွှန်းဈေးနှင့် ကိုက်ညီမှု ရှိ/မရှိ တိုက်ဆိုင်စစ်ဆေးခြင်းများဆောင်ရွက်ခဲ့ကြောင်း သိရသည်။

           ဆန်လက်လီလက်ကားရောင်းချသူများအား ဆန်များကိုသင့်တင့်မျှတသော နှုန်းထားများဖြင့် ရောင်းချရန်၊ ဈေးကစားရန်ရည်ရွယ်ချက်ဖြင့် သိုလှောင်ရောင်းချခြင်းများမပြုလုပ်ရန် ဆန်ချော ဈေးနှုန်းဈေးကွက်နှင့် လက်ကျန်အိတ်အခြေအနေများ ကွင်းဆင်းမေးမြန်းဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

ပန်းတနော်မြို့နယ်တွင် အလှကုန်များအား ကွင်းဆင်းစစ်ဆေးခြင်း

သတင်းနှင့် လှုပ်ရှားမှုများ

        ၂၀၂၆ခုနှစ်၊ ဇန်နဝါရီလ(၆)ရက်နေ့ (၁၀)နာရီအချိန်တွင် ပန်းတနော်မြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံဦးအောင်ကျော်သက်နှင့် ဝန်ထမ်းများ(၂)ဦးတို့သည် အနောက်ပိုင်းရပ်ကွက်အတွင်းရှိ အလှကုန်အရောင်းဆိုင်များအား မြို့နယ်ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့နှင့် အတူ ကွင်းဆင်းစစ်ဆေးခဲ့ပါသည်။

      ထိုသို့ကွင်းဆင်းစစ်ဆေးရာတွင် မြို့နယ်အတွင်း ပြည်သူများ သုံးစွဲနေသော အလှကုန်အမျိုးမျိုးအား ဘေးအန္တရာယ်ကင်းရှင်းစေရေး ဈေးကွက်ရောက်ကုန်စည်များကို စစ်ဆေးဆောင်ရွက်ခဲ့ပြီး ရောင်းချနေသည့် အလှကုန်ဆိုင်ရှင်များအား  ကုန်စည်ရောင်းချသူ၊ ဝန်ဆောင်မှုပေး အပ်သူ၏ အချက်အလက် အမည်၊ အမျိုးအစား၊ ကုန်စည်အရွယ်အစား၊ အသားတင်ပမာဏ၊ ထုတ်လုပ်သည့် နိုင်ငံ၊ တင်သွင်းသူ၏ အမည်လိပ်စာ၊ ထုတ်လုပ်သည့်ရက်စွဲ၊ ကုန်အညွှန်းအမှတ်အသားများ ပြည်စုံမှန်ကန်မှုရှိစေရေး၊ သက်ဆိုင်ရာဌာနများ၏ ဖော်ပြရန် သတ်မှတ်ထားသော အချက်များပါဝင်မှုရှိ/ မရှိ၊ ဈေးကွက်ရောက်ကုန်စည်များ သက်တမ်းလွန်ကုန်စည်များ ရောနှောရောင်းချခြင်း ရှိ/မရှိစစ်ဆေးခဲ့ရာ ဆိုင်ရှင်များက သတ်မှတ်ချက်များကို လိုက်နာရောင်းချကြောင်း တွေ့ရှိရပြီး မြေပြင်ကွင်းဆင်း၊ ဈေးကွက်စောင့်ကြည့် စစ်ဆေးခဲ့ကြောင်း သိရှိရပါသည်။

DOCA(ဧရာဝတီ)

Pages

Subscribe to RSS - HighLight News