HighLight News

စားသုံးသူရေးရာဦးစီးဌာန၊ ရန်ကုန်တိုင်းဒေသကြီး၊ တောင်ပိုင်းခရိုင်ဦးစီးမှူးရုံး၏ ဇူလိုင်လ (၁၀) ရက်နေ့၊ နေ့လယ်(၁၂:၃၀) နာရီအချိန်တွင် စည်ပင်သာယာမြို့မဈေးအတွင်း/အပြင်ရှိ ဆေးဆိုင်များသို့ ကွင်းဆင်းစစ်ဆေးခဲ့ကြောင်း သိရသည်။ ထိုသို့ မြေပြင်ကွင်းဆင်း စစ်ဆေးခဲ့ရာတွင် ကော့မှူးမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်းနှင့် မြို့နယ်စည်ပင်သာယာရေးအဖွဲ့မှ မြို့မဈေးတာဝန်ခံ ဦးအေးသွင် တို့သည် မြို့နယ်စည်ပင်သာယာ မြို့မဈေးအတွင်း/ အပြင်ရှိ ဆေးဆိုင်များဖြစ်သော မေခလာဆေး ဆိုင်၊ အေးမင်းစိုးဆေးဆိုင်၊ ဒေါ်အိအိနိုင် ဆေးဆိုင်၊ ဒေါ်ဝင်းလဲ့ရည်စိုး ဆေးဆိုင်တို့တွင် စားသုံးသူ ပြည်သူများအား နေ့စဉ်ဖြန့်ဖြူးရောင်းချပေးလျက်ရှိသော သွေးကျဲဆေးအမျိုးမျိုး၊ သွေးကျဆေး အမျိုးမျိုး၊ အကိုက်အခဲပျောက်ဆေးအမျိုးမျိုး၊ အာရုံကြောဆေး၊ လေဆေး၊ အားဆေးအမျိုးမျိုး စသည့်ဆေးဝါးများ၏ ဈေးနှုန်းအတက်အကျ ပြောင်းလဲဖြစ်ပေါ်နေမှု အခြေအနေ စံနှုန်းမညီ ဆေးဝါးများ၊ သက်တန်းလွန်ဆေးဝါးများ၊ စပ်ဆေးများ ဖြန့်ဖြူးရောင်းချခြင်းများ မပြုလုပ်ကြရန်နှင့် ဆေးဝါးများ၏ ဈေးနှုန်းများအား စာရင်းကောက်ယူ၍ စားသုံးသူကာကွယ်ရေး အသိပညာပေး ကွင်းဆင်းစစ်ဆေးခဲ့ကြောင်း သိရှိရပါသည်။ DOCA(ရန်ကုန်)

ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် အထွေထွေအုပ်ချုပ်ရေးဦးစီးဌာနမှ ဇူလိုင်လ (၈)ရက်နေ့၊ ညနေ(၁၆:၀၀)နာရီအချိန်တွင် ကျေးလက်လမ်းဖွံ့ဖြိုးရေးဦးစီးဌာနမှကျေး လက်လမ်းဖွံ့ဖြိုးရေး ဥပဒေအကြောင်း အသိပညာပေး ဆွေးနွေးပွဲကို ကျင်းပပြုလုပ်ခဲ့ကြောင်း သိရသည်။ အဆိုပါ အသိပညာပေး ဆွေးနွေးခဲ့ရာတွင် ရန်ကုန်တိုင်းဒေသကြီး ကျေးလက်လမ်း ဖွံ့ဖြိုး ရေးဦးစီးဌာနမှ ညွှန်ကြားရေးမှူး (မြို့ပြ) ဦးသက်ဇော်က ကျေးလက်လမ်း ဖွံ့ဖြိုးရေးဥပဒေကို နိုင်ငံ တော်စီမံအုပ်ချုပ်ရေးကောင်စီ ဥပဒေအမှတ် (၃၈/၂၀၂၅) ၂၀၂၅ခုနှစ် မေလ (၁၆)ရက်နေ့ တွင် ပြဌာန်းခဲ့ကြောင်း အမည်နှင့် အဓိပ္ပါယ်ဖော်ပြချက်၊ ရည်ရွယ်ချက်များ၊ ဝန်ကြီးဌာန၏ တာဝန်နှင့် လုပ်ပိုင်ခွင့်များ ကျေးလက်လမ်းလုပ်ငန်းများ ဆောင်ရွက်ခြင်း၊ ပြစ်မှုပြစ်ဒဏ်များနှင့် အထွေထွေ ကိစ္စရပ်များအား ဆွေးနွေးပြောကြားခဲ့ပြီး တက်ရောက်လာသုများက သိရှိလိုသည် များကို မေးမြန်းခဲ့ပြီး တာဝန်ရှိသူများက ပြန်လည်ဖြေကြားပေးခဲ့ကြောင်း သိရှိရသည်။ အဆိုပါ ဆွေးနွေးပွဲသို့ ရန်ကုန်တိုင်းဒေသကြီး၊ ကျေးလက်လမ်းဖွံ့ဖြိုးရေးဦးစီးဌာန ညွှန်ကြားရေးမှူး၊ တွံတေးခရိုင်၊ ကျေးလက်လမ်းဖွံ့ဖြိုးရေးဦးစီးဌာန ဦးစီးမှူး၊ ကော့မှူးမြို့နယ် စီမံအုပ်ချုပ်ရေးအဖွဲ့ဝင်များ၊ မြို့နယ်ဌာနဆိုင်ရာများ၊ ရပ်ကွက်/ကျေးရွာအုပ်စု အုပ်ချုပ်ရေးမှူး များ အင်အား(၁၀၀)ဦးခန့် တက်ရောက်ခဲ့ကြောင်း သိရှိရပါသည်။ DOCA(ရန်ကုန်)

ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်ရှိ ကျေးရွာများတွင် မိုးစပါးများကို ပြည်တွင်းစားနပ်ရိက္ခာဖူလုံစေရေး၊ ပြည်ပဝင်ငွေရရှိစေရန် တောင်သူများ သီးနှံဝင်ငွေတိုးပွား စေရန် စက်ပိုင်၊ ကုန်သည်၊ ပွဲစားများအား အလုပ်အကိုင်ရရှိစေရန်တို့အတွက် နှစ်စဉ် တစ်မြို့နယ် လုံးတွင် လယ်ဧက (၁)သိန်းကျော်ခန့်အား တောင်သူများက ထွန်ယက်စိုက်ပျိုး ထုတ်လုပ်လျှက် ရှိရာ စိုက်ပျိုးဧကနှင့် အထွက်နှုန်းများ၏ မြေပြင်အခြေအနေများကို သိရှိရန်အတွက် စားသုံးသူ ရေးရာဦးစီးဌာန ခရမ်းမြို့နယ်တာဝန်ခံနှင့် ဝန်ထမ်းများသည် ကျေးရွာများသို့ ကွင်းဆင်း၍ စိုက်ပျိုးထုတ်လုပ်သူ တောင်သူများနှင့် တွေ့ဆုံပြီး လေ့လာခဲ့ကြောင်း သိရှိရပါသည်။ ထိုသို့ ကွင်းဆင်းလေ့လာခဲ့ရာတွင် ခရမ်းမြို့နယ်ရှိ ဖိုဂံတောင်ကျေးရွာ၊ လက်ပန်းတန်း ကျေးရွာ၊ စွယ်တော်ကွင်းကျေးရွာများရှိ တောင်သူများနှင့် တွေ့ဆုံလေ့လာခဲ့ရာတွင် ယခင်နှစ် (၂၀၂၄-၂၀၂၅) ခုနှစ် မိုးစပါးစိုက်ပျိုးထုတ်လုပ်မှုတွင် မိုးစပါးရိတ်သိမ်းချိန်တွင် မိုးရွာသွန်းမှုများ ရှိခြင်းကြောင့် စပါးပင်များလဲ၍ အထွက်နှုန်းများ လျော့ကျခြင်းများရှိခဲ့၍ တောင်သူအများစုမှာ စိုက်ပျိုးရိတ်သိမ်း အရင်းသာရခြင်း၊ အချို့တောင်သူများ အရှုံးပေါ်ခြင်းများ ရှိခဲ့ပါကြောင်း၊ ယခု နှစ် (၂၀၂၅-၂၀၂၆) ခုနှစ်မိုးစပါးများကိုလည်း မေလဆန်းမှစ၍ ထွက်ယက်ပြီး စပါးများ ကြဲပတ် စိုက်ပျိုးခဲ့ရာ စပါးပင်သက်တမ်း(၂)လခန့် ရှိပြီဖြစ်ပြီး ယခုအချိန်အထိ ရာသီဥတုမှာ မိုးရေချိန် ပြည့်မီစွာရွာသွန်းခြင်း၊ ပိုးမွှားကျရောက်မှု မရှိသေးခြင်းကြောင့် မိုးစပါးများ ဖြစ်ထွန်းလျက်ရှိနေ ပြီး စပါးအထွက်နှုန်းများ ကောင်းမွန်စေရေးအတွက် လိုအပ်သော ဓာတ်မြေဩဇာ၊ ပိုးသတ်ဆေးများ ဌာနအနေဖြင့် ပံ့ပိုးပေးမှုများရှိလျှင် ကောင်းမည်ဖြစ်ပြီး သီးနှံထွက်ရှိချိန်တွင်လည်း စပါးဈေးကောင်းများရရှိလျှင် တောင်သူများ အကျိုးအမြတ်ရရှိပြီး စိုက်ဘဏ်ချေးငွေများ အကြေပြန်လည် ပေးဆပ်နိုင်၍ တောင်သူများ၏ လူနေမှုဘဝများ မြင့်မားလာနိုင်မည်ဖြစ်ကြောင်း စပါးစိုက်တောင်သူများက ဖြေကြားခဲ့ကြောင်း သိရှိရပါသည်။ DOCA(ရန်ကုန်)

ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ် အမှတ်(၇)ရပ်ကွက်ရှိ အခြေခံမူလ တန်းကျောင်းတွင် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မြို့နယ်တိုင်းရင်းဆေး ဦးစီးဌာနနှင့် မြို့နယ်စားသုံးသူရေးရာဦးစီးဌာနတို့ ပူးပေါင်း၍ ဇူလိုင်လ(၈)ရက်နေ့၊ နံနက် (၁၀:၃၀)နာရီအချိန်တွင် ကျောင်းသား/ကျောင်းသူ၊ ဆရာ/ဆရာမများအား အသိပညာပေး ဟောပြောခဲ့ကြောင်း သိရသည်။ ထိုသို့ အသိပညာပေး ဟောပြောရာတွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာန ဒုဦးစီးအရာရှိ ဒေါ်ခင်နှင်းဝေက ကလေးများ အသိပညာဗဟုသုတများ ရရှိစေရန်နှင့် ကျောင်းသင်ခန်းစာများတွင် အထောက်အကူရရှိစေရန်အတွက် ပြည်သူ့စာကြည့်တိုက်များတွင် လေ့လာဖတ်ရှု့နိုင်သည့် စာအုပ်စာပေများအကြောင်း၊ အာဇာနည်နေ့ ဖြစ်ပေါ်လာပုံနှင့် အာဇာနည် ခေါင်းဆောင်ကြီးများ၏ အသက်စွန့်ရန် လွတ်လပ်ရေးရရန် ကြိုးပမ်းဆောင်ရွက်ခဲ့သည့် အကြောင်းအရာများအား အသိပညာပေးဟောပြောခြင်း၊ မြို့နယ်တိုင်းရင်းဆေးကုဌာန တိုင်းရင်းဆေးမှူး ဒေါ်လှမြတ်ထက်က ကျောင်းသား/ ကျောင်းသူများ ကျန်းမာကြံ့ခိုင်၍ ဉာဏ်ရည်မြင့်မားလာစေရန် ရာသီဥတုအလိုက် နေထိုင်စားသောက်ရမည့်အချက်များနှင့် သွေးလွန်တုပ်ကွေး ရောဂါဖြစ်ပွားမှု မရှိစေရန် ကာကွယ်ရေးနည်းလမ်းများအား ရှင်းလင်း ဟောပြောခြင်း၊ စားသုံးသူ ရေးရာဦးစီးဌာန မြို့နယ်တာဝန်ခံဒေါ်ကျော့ကေခိုင်က စားသုံးသူကာကွယ်ရေး ဥပဒေပါ ပြဌာန်း ထားသော စားသုံးသူ၏အဓိပ္ပါယ်နှင့် စားသုံးသူအခွင့်အရေးနှင့် တာဝန်များအကြောင်းနှင့် ကုန်စည်နှင့် ဝန်ဆောင်မှုများအားရှင်းလင်းပြီး ကုန်စည်နှင့် ဝန်ဆောင်မှုများအား ဝယ်ယူသုံးစွဲရာတွင် သတိထားရမည့် အချက်များနှင့် စားသုံးသူအခွင့်အရေးဆုံးရှုံးပြီး နစ်နာမှုများရှိလျှင် စားသုံးသူရေးရာဦးစီးဌာန၏ Call Center No.1535 သို့ အလွယ်တကူခေါ်ဆို၍ တိုင်ကြားနိုင်ကြောင်းနှင့် မိမိတို့ သိရှိသွားသော အသိပညာဗဟုသုတ များအားလည်း အခြားသူများအား ပြန်လည်မျှဝေပေးရန်တို့အား အသိပညာပေး ဟောပြောခဲ့ကြောင်း သိရှိရပါသည်။ DOCA(ရန်ကုန်)

(၈.၇.၂၀၂၅)ရက်နေ့ နေ့လယ် (၁၂:၁၀) နာရီအချိန်တွင် စားသုံးသူရေးရာဉီးစီးဌာန၊ မြောက်ပိုင်းခရိုင် ဉီးစီးမှူးရုံးကွပ်ကဲမှုအောက်ရှိ မှော်ဘီမြို့နယ်ခွဲရုံးမှ ဒေါ်ဖြူဖြူမြင့်၊ ဒုကြီးကြပ်ရေးမှူးသည် မှော်ဘီမြို့နယ်၊ မြို့မဈေးနှင့်ရပ်ကွက်အတွင်းရှိ လျှပ်စစ်ပစ္စည်း အရောင်းဆိုင်များ၌ အိမ်သုံးလျှပ်စစ်ပစ္စည်း အမျိုးမျိုးတွင် ကုန်အညွှန်းအမှတ်အသားပြည့်စုံစွာ ဖော်ပြထားခြင်းရှိ/မရှိအား ကွင်းဆင်းစစ်ဆေးခဲ့ ပါသည်။ ထိုသို့စစ်ဆေးခဲ့ရာတွင် မြို့မဈေးတာဝန်ခံမှ ပူးပေါင်းပါဝင်လျက် အိမ်သုံးလျှပ်စစ်ပစ္စည်း အရောင်းဆိုင်များဖြစ်သော ဆိုင်(၅)ဆိုင်အား အိမ်သုံးလျှပ်စစ်ပစ္စည်းအမျိုးမျိုးတို့တွင် ဥပဒေ အခန်း (၁၈)တွင် ပြဌာန်းထားသော ကုန်အညွှန်းအမှတ်အသားဖော်ပြခြင်းတွင် ကုန်စည် အမျိုးအစားအလိုက် သတ်မှတ်ချက်များနှင့်အညီ သိသာထင်ရှားစွာဖော်ပြရမည့်အချက်များ ပါဝင်ခြင်းရှိ/ မရှိကို စစ်ဆေးခဲ့ရာ သတ်မှတ်ချက်အတိုင်း ရေးသားဖော်ပြထားကြောင်း စစ်ဆေးတွေ့ရှိရပြီး မိမိတို့ဌာနမှလည်း အမှတ်တံဆိပ်ပြဌာန်းချက်များ၊ ထောက်ခံချက်များ ပြည့်စုံသော ကုန်ပစ္စည်းများကိုသာ ရောင်းချရန် အသိပညာပေးပြောကြားခဲ့ကြောင်း သိရှိရပါသည်။ DOCA (ရန်ကုန်)