HighLight News

             ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ်စားသုံးသူရေးရာဦးစီးဌာနမှ (ဒု-ကြီးကြပ်ရေးမှူး) ဦးတင်စိန်နှင့်ဝန်ထမ်းတို့သည် ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် ပူးပေါင်း၍ (အ.လ.က) ကညင်ကုန်း ကျောင်းတွင်၂၀၂၆ ခုနှစ်၊ဖေဖော်ဝါရီလ(၅) ရက်နေ့၊ နံနက် (၁၀:၃၀) နာရီအချိန်တွင်ဆရာ/မ (၁၀) ဦး၊ ကျောင်းသား/ ကျောင်းသူ (၈၀) ဦး၊ စုစုပေါင်း(၉၀)ဦးအား စားသုံးသူကာကွယ်ရေး အသိပညာပေးခြင်း ဆောင်ရွက်ခဲ့ပါသည်။

          အဆိုပါ အသိပညာပေးပွဲတွင် (ဒု-ကြီးကြပ်ရေးမှူး) ဦးတင်စိန်က စားသုံးသူကာကွယ်ရေး ဥပဒေနှင့် စပ်လျဉ်း၍ စားသုံးသူကာကွယ်ရေးဆိုင်ရာ အကြောင်းအရာများ၊ စားသုံးသူများ လုံခြုံစိတ်ချရမှုရှိစေရေးအတွက် စားသုံးသူ၏ အခွင့်အရေးနှင့် တာဝန်များ၊ စားသုံးသူကာကွယ်ရေး ဆောင်ရွက်ချက်များ၊ စားသုံးသူများအနေဖြင့် ကုန်စည်နှင့်ဝန်ဆောင်မှုများ ဝယ်ယူခြင်းမပြုမီ သတိပြုဆောင်ရွက်ရမည့်အချက်များ၊ ကုန်စည်နှင့်စပ်လျဉ်း၍ အာမခံပေးထားမှုအပေါ် စားသုံးသူကတောင်းဆိုနိုင်သည့် အခွင့်အရေးများ၊ စားသုံးသူများနစ်နာဆုံးရှုံးမှုများ ဖြစ်ပေါ်လာပါက တိုင်ကြားနိုင်သည့် Centre များ ဖွင့်လှစ်ထားရှိကြောင်းနှင့် စားသုံးသူရေးရာဦးစီးဌာန၏ website ဖြစ်သော www.doca.gov.mm website နှင့် Call Centre 1535 မှလည်း ဆက်သွယ်တိုင်ကြားနိုင်ကြောင်း အသိပညာပေးခဲ့မှုအပေါ် သတင်းရရှိပါသည်။

DOCA(ဧရာဝတီ)

          ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ် စားသုံးသူရေးရာဦးစီးဌာနမှ ဝန်ထမ်းတို့သည် စက်မှု့ကြီးကြပ်ဦးစီးဌာနနှင့်ပူးပေါင်း၍၂၀၂၆ ခုနှစ် ဖေဖော်ဝါရီလ (၅) ရက်နေ့၊ နံနက်(၁၁:၀၀) နာရီအချိန်တွင် ကျိုက်လတ်မြို့ အမှတ်(၆) ရပ်ကွက်ရှိ ဦးဇော်လင်းထွန်း ပိုင်ဆိုင်သော သိဒ္ဓိအောင် ဆန်စက်သို့ MSMEs ဖွံ့ဖြိုးတိုးတက်ရေး ကွင်းဆင်းစစ်ဆေးခဲ့ကြပါသည်။

          မြို့နယ်တာဝန်ခံက ထုတ်ကုန်လုံခြုံစိတ်ချရမှု ရှိစေရေးအတွက် ဆန်စက်ကြိတ်ခွဲထုတ်လုပ်ရာတွင် ဆန်အရည်အသွေးပြည့်မီစေရေး၊ အလေးချိန် အချိန်အတွယ် မှန်ကန်မှုရှိစေရေး၊ ပုဂ္ဂလိကကဏ္ဍ ဖွံ့ဖြိုးတိုးတက်ရေးအတွက် ထုတ်လုပ်သော ကုန်စည်အပေါ် တာဝန်ရှိမှု၊ စီးပွားရေး လုပ်ငန်းရှင်၏ တာဝန်များအကြောင်း၊ မြေပြင်ဆန်/ စပါး လက်ကျန်သိုလှောင်ထားရှိမှုအခြေအနေ ၊Myro တွင်မှတ်ပုံ တင်ထားရှိမှုအခြေအနေ၊ သက်တမ်းတိုးခြင်းကိစ္စရပ်များ ဆောင်ရွက်ပြီးစီးမှုအခြေအနေ၊ ဈေးနှုန်းဈေးကွက်အခြေအနေတို့ကို MSMEsဖွံ့ဖြိုးတိုးတက်ရေးတို့အတွက် ကွင်းဆင်းစစ်ဆေးခဲ့ကြောင်း သတင်းရရှိပါသည်။

DOCA(ဧရာဝတီ)

           ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ်တာဝန်ခံနှင့် ဝန်ထမ်းတို့သည် (၆.၂.၂၀၂၆) ရက်နေ့၊ နံနက် (၁၀:၃၀) နာရီအချိန်တွင် သာပေါင်းကျေးရွာရှိ ဒေါ်ကျင်မွှေးပိုင် “အောင်ရတနာ” ဆန်စက်သို့ ထုတ်ကုန်လုံခြုံစိတ်ချရမှုနှင့် MSMEs ဖွံ့ဖြိုးရေးတို့အတွက် ကွင်းဆင်းစိစစ်ခဲ့ကြောင်း သိရသည်။

        အဆိုပါကွင်းဆင်းစိစစ်ရာတွင် ဆန်စက်ကြိတ်ခွဲ ထုတ်လုပ်မှုအရည်အသွေး ပြည့်မီရေး၊ အချိန်အတွယ် ပြည့်မီမှန်ကန်မှုရှိစေရေး၊ ပုဂ္ဂလိက ကဏ္ဍ ဖွံ့ဖြိုးတိုးတက်ရေးနှင့် ကုန်စည်အပေါ် တာဝန်ရှိမှု၊ ဆန်စပါး ဈေးနှုန်းဈေးကွက်အခြေအနေ၊ လက်ကျန်ဆန်စပါးအခြေအနေနှင့် ထုတ်လုပ်နေမှု အခြေအနေတို့အားမေးမြန်းခဲ့ပါသည်။ ထို့နောက် ဆန်စက်ကြိတ်ခွဲရာမှ ထွက်ရှိလာသော စွန့်ပစ်ပစ္စည်းများကို ရေဆိုးရေစစ်ကန်များဖြင့် စွန့်ပစ်ထားရှိမှုအခြေအနေ၊ Myro တွင် မှတ်ပုံတင်ထားရှိမှုအခြေအနေ၊ သက်တမ်းတိုးဆောင်ရွက်ထားရှိမှု အခြေအနေတို့ကိုပါ မေးမြန်းစိစစ် ကွင်းဆင်းခဲ့ကြောင်း သတင်းရရှိပါသည်။

DOCA(ဧရာဝတီ)

          ဘိုကလေးမြို့နယ် စားသုံးသူရေးရာဦးစီးဌာန မှဌာနခွဲစာရေး ဒေါ်ကြည်ကြည်စိုးသည် ပြန်ကြားရေးနှင့် ပြည်သူ့ဆက်ဆံရေး ဦးစီးဌာနနှင့်ပူးပေါင်း၍ ၂၀၂၆ခုနှစ်၊ ဖေဖော်ဝါရီလ (၅) ရက်နေ့ နံနက်(၉:၀၀) နာရီအချိန်တွင် (၆)ရပ်ကွက် ပြည်လုံးချမ်းသာလမ်းရှိ အ.မ.က မူလွန်ကျောင်းတွင် ဆရာ/ ဆမနှင့် ကျောင်းသား/ သူများအား  စားသုံးသူကာကွယ်ရေး အသိပညာပေး ဟောပြောခြင်းကို ဆောင်ရွက်ခဲ့ပါသည်။

            အဆိုပါအသိပညာပေးပွဲတွင် ပြန်/ ဆက်ဦးစီးဌာနမှ ဦးစီးမှူးက စာဖတ်ရှိန်မြှင့်တင်ရေးနှင့် စာဖတ်နည်း(၃)နည်းအကြောင်း ပြောကြားခဲ့ပြီး စားသုံးသူရေးရာဦးစီးဌာနမှ ဌာနခွဲစာရေး ဒေါ်ကြည်ကြည်စိုးသည် စားသုံးသူကာကွယ်ရေး အခန်း(၁၈) ပါ ကုန်အညွှန်းအမှတ်အသား ဖော်ပြချက်များအကြောင်းနှင့် စပ်လျဉ်း၍ အစားအသောက်များတွင် မြန်မာဘာသာဖြင့် ရေးသားဖော်ပြထားသော အစားအသောက်များကိုသာ ရွေးချယ်ဝယ်ယူစားသောက်ရန်နှင့် စားသုံးရန်မသင့်သောအစားအစာများအကြောင်း၊ ဘေးအန္တရာယ်ရှိသော ဓာတုဆိုးဆေးများအကြောင်း၊စားသုံးသူ၏အခွင့်အရေးနှင့် တာဝန်များအကြောင်း၊ နစ်နာဆုံးရှုံးမှုများဖြစ်ပေါ်လာပါက တိုင်ကြားနိုင်သည့် စင်တာများတိုင်း/ခရိုင်မြို့နယ်များတွင် ဖွင့်လှစ်ထားရှိခဲ့ကြောင်း အသိပညာပေးဟောပြောခဲ့မှုအပေါ် သတင်းရရှိခဲ့ပါသည်။

DOCA(ဧရာဝတီ)

          စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ အရေးကြီးကုန်စည်နှင့် ဝန်ဆောင်မှုဥပဒေအရ Online Sale ရောင်းဝယ်မှုများအား အရေးကြီးဝန်ဆောင်မှုအဖြစ်သတ်မှတ်ထားသဖြင့် ကုန်သွယ်ရေးဦးစီးဌာနသို့ မှတ်ပုံတင်လျောက်ထားလာသည့် Online လုပ်ငန်းများကို စားသုံးသူရေးရာ ဦးစီးဌာနမှ မြေပြင်ကွင်းဆင်းစစ်ဆေးမှုများ ဆောင်ရွက်လျက်ရှိရာ ၂၀၂၆ ခုနှစ်၊ဖေဖော်ဝါရီလ ၅ ရက်နေ့တွင် စားသုံးသူရေးရာဦးစီးဌာနမှ စစ်ဆေးရေးအရာရှိသည် ဟင်္သာတမြို့နယ်၊ ပန်းဘဲတန်းရပ်ကွက်၊ ဆေးရုံသစ်လမ်း၊အိမ်အမှတ်(၇၆၉)ရှိ   Online Sale ဖြင့် ရောင်းချလျက်ရှိသော Hnin Shwe Eain Lin(Lia) အလှကုန်နှင့် အဝတ်အထည် ဆက်စပ်ပစ္စည်းအရောင်းဆိုင်အား မြေပြင်ကွင်းဆင်း စစ်ဆေးခြင်းကို ဆောင်ရွက်ခဲ့ပါသည်။

         ထိုသို့ကွင်းဆင်းရာတွင် စစ်ဆေးရေးအရာရှိ ဦးမိုးကျော်က Online စနစ်ဖြင့်ရောင်းချနေသော Hnin Shwe Eain Lin(Lia) အလှကုန်နှင့် အဝတ်အထည် ဆက်စပ်ပစ္စည်းအရောင်းဆိုင်သို့ မှတ်ပုံတင်လက်မှတ်လျှောက်ထားမှုနှင့် စပ်လျဉ်း၍ မြေပြင်ကွင်းဆင်းဆောင်ရွက်ရာတွင်လုပ်ငန်းရှင်များလျှောက်လွှာပုံစံတွင် ဖြည့်သွင်းထားသည့် လိပ်စာအတိုင်း လုပ်ငန်းအမှန်တစ်ကယ်တည်ရှိခြင်း၊ မှတ်ပုံတင်လက်မှတ်လျှောက်ထားစဉ်က ရောင်းချရန်တင်ပြထားသောကုန်စည်(သို့) ဝန်ဆောင်မှုအမျိုးအစား စာရင်းအတိုင်း မြေပြင်တွင် အမှန်တစ်ကယ် ရောင်းချလျက်ရှိကြောင်း၊ စာရင်းကိုက်ညီမှုရှိခြင်း စသည်တို့ကိုတွေ့ရှိရပြီး၊ လုပ်ငန်းရှင် မနှင်းရွှေအိမ်လင်းနှင့် တွေ့ဆုံ၍ မှတ်ပုံတင်လက်မှတ်ရရှိသူ၏တာဝန်များအကြောင်း၊ တရားမဝင်တင်သွင်းလာသောကုန်ပစ္စည်းများအား ဝယ်ယူရောင်းချခြင်းမပြုရန်နှင့် အရေးကြီးကုန်စည်နှင့်ဝန်ဆောင်မှုဥပဒေပါပြစ်မှု၊ ပြစ်ဒဏ်တို့ကို အသိပညာပေးဆွေးနွေးခဲ့ကြောင်း သတင်းရရှိပါသည်။

 DOCA (ဧရာဝတီ)