HighLight News

        ၂၀၂၃ ခုနှစ်၊ ဇန်နဝါရီလ (၁၀) ရက်နေ့ နံနက် (၁၀:၀၀) နာရီအချိန်တွင် စားသုံးသူရေးရာဦးစီးဌာန၊ မုံရွာခရိုင်ဦးစီးမှူးရုံးမှ ဒု-ခရိုင်ဦးစီးမှူးနှင့်ဝန်ထမ်းတို့သည် ခရိုင်အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်ကျန်းမာရေးဦးစီးဌာနများနှင့်ပူးပေါင်း၍ မုံရွာမြို့ပေါ်ရှိဆေးနှင့် ဆေးပစ္စည်းအရောင်းဆိုင်(၆)ဆိုင်အား ဆေးဝါးမှတ်ပုံတင်ထားခြင်းမရှိသော တရားမဝင် Diclon-M Tablet (Diclofenac Sodium 50mg, Paracetamol 500g) ပုံစံတူဆေးဝါးအား ဈေးကွက်အတွင်း ဖြန့်ဖြူးရောင်းချခြင်းရှိ/မရှိ ဈေးကွက်စောင့်ကြည့် ကွင်းဆင်းစစ်ဆေးခြင်းလုပ်ငန်းကို ဆောင်ရွက်ခဲ့ပါသည်။
        ထိုသို့ ဈေးကွက်စောင့်ကြည့်စစ်ဆေးခြင်းကို ဆောင်ရွက်ရာတွင် တရားမဝင် Diclon-M Tablet ပုံစံတူဆေးဝါးအား အဆိုပါဆေးဝါးပစ္စည်းအရောင်းဆိုင် (၆) ဆိုင်တွင် ရောင်းချခြင်းမရှိပါကြောင်း စစ်ဆေးတွေ့ရှိရပါသည်။ ဒု-ခရိုင်ဦးစီးမှူးက ဆေးနှင့်ဆေးပစ္စည်းအရောင်းဆိုင်ပိုင်ရှင်များအား ဆေးဝါးမှတ်ပုံတင်ထားခြင်းမရှိသော တရားမဝင် Diclon-M Tablet ပုံစံတူဆေးဝါးအား ဈေးကွက်အတွင်း ရောင်းချခြင်းမပြုရန်၊ ထုတ်လုပ်သည့်နိုင်ငံ၊ ထုတ်လုပ်/တင်သွင်းသည့်ကုမ္ပဏီ၊ ဆေးဝါးမှတ်ပုံတင်အမှတ်၊ Import Resgistration No.(IR)များ ဖော်ပြထားသောဆေးနှင့် ဆေးပစ္စည်းများကိုသာ ရောင်းချရန်၊ စားသုံးသူကာကွယ်ရေးဥပဒေအခန်း (၁၀) ပါ စီးပွားရေးလုပ်ငန်းရှင်၏တာဝန်များကို သိရှိလိုက်နာဆောင်ရွက်စေရန် ကွင်းဆင်းစစ်ဆေး အသိပညာပေးဆွေးနွေးခြင်းလုပ်ငန်းကို ဆောင်ရွက်ခဲ့ကြောင်း သတင်းရရှိပါသည်။

DOCA(စစ်ကိုင်း)

       မကွေးတိုင်းဒေသကြီး၊ စားသုံးသူရေးရာဦးစီးဌာန၊ မကွေး/ချောက်ခရိုင်ဦးစီးမှူး၊ ဒေါ်တင်တင်လှ (လက်ထောက်ညွှန်ကြားရေးမှူး)သည် (၁၂-၁-၂၀၂၃)ရက်နေ့ နေ့လယ်(၁၁:၀၀)နာရီအချိန်တွင် မကွေးမြို့၊ ဖိုလေးလုံးကျေးရွာ၌ ထုတ်လုပ်သော “ခန့်ခန့်”အမှတ်တံဆိပ် (မာလာရှမ်းကော၊ မာလာရှုးရှဲ၊ ဆီချက်ခေါက်ဆွဲ) လုပ်ငန်းရှင် ဦးဖြိုးဝေအား ခရိုင်ဦးစီးမှူးရုံးသို့ ခေါ်ယူတွေ့ဆုံပြီး စားသုံးသူကာကွယ်ရေးဥပဒေ ၂၀၁၉၊ အခန်း(၁၈)ပါ ကုန်အညွှန်းအမှတ်အသား ပြည့်စုံမှန်ကန်စွာ ထည့်သွင်းဖော်ပြပေးရေး အသိပညာ‌ပေးဆွေးနွေးခဲ့ပါသည်။

          “ခန့်ခန့်”အမှတ်တံဆိပ် (မာလာရှမ်းကော၊ မာလာရှုးရှဲ၊ ဆီချက်ခေါက်ဆွဲ) အသင့်စားအထုပ်များကို ဒေသတွင်းမကွေးမြို့နှင့် နီးစပ်ရာမြို့များဖြစ်သည့် တောင်တွင်း၊ မြို့သစ်၊ နတ်မောက်၊ ရေနံချောင်း၊ ချောက်နှင့် စလင်းမြို့များသို့ ဖြန့်ချိရောင်းချလျက်ရှိကြောင်း သိရှိရပါသည်။

       ခရိုင်ဦးစီးမှူး ဒေါ်တင်တင်လှ(လက်ထောက်ညွှန်ကြားရေးမှူး)မှ လုပ်ငန်းရှင် ဦးဖြိုးဝေအား စားသုံးသူကာကွယ်ရေးဥပဒေ ၂၀၁၉၊ အခန်း (၁၈) ပါ ကုန်အညွှန်းအမှတ်အသား ပြည့်စုံမှန်ကန်စွာ ထည့်သွင်းဖော်ပြပေးရေးနှင့် စီးပွားရေးလုပ်ငန်းရှင်များ၏တာဝန်၊ တားမြစ်ချက်များနှင့် ပြစ်မှု၊ ပြစ်ဒဏ်များကို ရှင်းလင်းဆွေးနွေးခဲ့ပြီး မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ထားသည့် ညွှန်ကြားချက်အမှတ်(၂/၂၀၁၉)လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မကွေး)

      ပေါက်ပန်းဖြူပင်သည် မြန်မာနိုင်ငံရှိ ဒေသအများအပြား၌ သဘာဝအလျောက် ပေါက်ရောက်သည့် အပင်တစ်မျိုးဖြစ်ပါသည်။ ပေါက်ပန်းဖြူနှင့် ပေါက်ပန်းနီဟူ၍ (၂)မျိုးရှိပြီး ဆေးဖက်ဝင်သောပေါက်ပန်းဖြူမှာ လူသိများ၍ ထင်ရှားပါသည်။ ပေါက်ပန်းဖြူရွက်ကို ကျေးလက်ဒေသနှင့် မြို့နေလူတန်းစားများသည် တို့စရာအဖြစ် စားသုံးမှုများပါသည်။ အပင်လတ်အမျိုးအစားဖြစ်၍ အကိုင်းအခက်များ များပြားပါသည်။ အရွက်မှ ာရွက်ပေါင်းဖြစ်ပြီး အရွက်ရင်းနှင့် အရွက်ထိပ်ပိုင်းမှာ ဝိုင်းပါသည်။ ပန်းတစ်ခိုင်လျှင် အပွင့်(၂)ပွင့်မှ (၄)ပွင့်အထိပါရှိပါသည်။ အပွင့်မှာ အဖြူနှင့်အနီဟူ၍ (၂)မျိုးရှိပြီး အသီးမှာ အတောင့်ရှည်၍ အစေ့များစွာရှိပါသည်။ မြန်မာ့စားစရာတို့စရာများထဲတွင်ာ ပေါက်ပန်းဖြူပွင့်ကို ကြော်စား၊ ချက်စား၊ ပြုတ်စား၊ သုတ်စား၊ ဟင်းချိုချက်ခြင်းတို့ဖြင့် မျိုးစုံပြုလုပ်၍ စားသုံးကြပါသည်။

      ပေါက်ပန်းဖြူပင်ကို ရန်ကုန်မြို့တွင် တွေ့ဖူးသူနည်းပါးပြီး နယ်ဘက်များတွင် နေရာအတော်များများ၌ ာပေါက်ရောက်ကြပါသည်။ ပွင့်ဖက်မှာအသားထူပြီး အပွင့်မှာတွဲလွဲပွင့်ပါသည်။ အနံ့မရှိဘဲ ပေါက်ပန်းနီကိုတော့ ပေါက်ပန်းဖြူကဲ့သို့ များများစားစားတွေ့ရခြင်းမရှိပါ။ ပေါက်ပန်းဖြူပင်မှာ အရွက်သာမက အပွင့်၊ အစေ့၊ အခေါက်၊ အစေး၊ ဥနှင့်အမြစ် စသည့် အစိတ်အပိုင်းများလည်း ဆေးဖော်စပ်ရာတွင် အသုံးဝင်ကြောင်း လေ့လာသိရှိရပါသည်။

DOCA(ပဲခူး)

        စားသုံးသူရေးရာဦးစီးဌာန၊ မုံရွာခရိုင်ဦးစီးမှူး၊ ဒု-ခရိုင်ဦးစီးမှူးနှင့် ဝန်ထမ်းများသည် (၂၃-၁၂-၂၀၂၂)ရက်နေ့တွင် မုံရွာမြို့ စက်မှုဇုန်ရပ်ကွက်ရှိ “ကြယ်စင်မင်း” စက်သုံးဆီအရောင်းဆိုင်သို့ ကွင်းဆင်း၍ စက်သုံးဆီတင်သွင်း၊ သိုလှောင်၊ ဖြန့်ဖြူးခြင်းလုပ်ငန်းကြီးကြပ်ရေးကော်မတီ၏ တိုင်းဒေသကြီး/ပြည်နယ်နှင့် မြို့တော်များအတွက် ရည်ညွှန်းလက်လီဈေးနှုန်းများဖြင့် ရောင်းချခြင်း ရှိ/မရှိ ဈေးကွက်စောင့်ကြည့်စစ်ဆေးခဲ့ပါသည်။

         ထိုသို့စစ်ဆေးရာတွင် စက်သုံးဆီရောင်းချသည့်လုပ်ငန်းရှင်များအား စက်သုံးဆီ တင်သွင်း၊ သိုလှောင်၊ ဖြန့်ဖြူးခြင်းလုပ်ငန်း ကြီးကြပ်ရေးကော်မတီမှ သတ်မှတ်ထားသောရည်ညွှန်းလက်လီဈေးနှုန်းများအတိုင်း ရောင်းချရန်လိုအပ်ကြောင်း၊ ရည်ညွှန်းဈေးထက်ပိုမိုရောင်းချပါက မြန်မာ့ရေနံထွက်ပစ္စည်းကြီးကြပ်စစ်ဆေးရေးဦးစီးဌာနက ချမှတ်ထားသောလုပ်ထုံးလုပ်နည်းနှင့် ဥပဒေများအတိုင်း အရေးယူဆောင်ရွက်သွားမည်ဖြစ်ကြောင်း၊ မိမိတို့ဒေသအတွင်း စက်သုံးဆီမပြတ်လပ်စေရေးအတွက်လည်း ရန်ကုန်မြို့ရှိကုမ္ပဏီများမှ မှာယူထားသောစက်သုံးဆီဘောက်ဆာကားများ ကြန့်ကြာမှုမရှိဘဲ အချိန်မီရောက်ရှိစေရေးအတွက်လည်း မိမိတို့ဌာနနှစ်ခုမှချိတ်ဆက်ဆောင်ရွက်ပေးလျက်ရှိပါကြောင်းနှင့် လုပ်ငန်းရှင်များကလည်း သိရှိလိုသည်များ၊ လိုအပ်သည့်အချက်များကို အပြန်အလှန်မေးမြန်း၍ ဆွေးနွေးခဲ့ကြကြောင်း သတင်းရရှိပါသည်။

DOCA(စစ်ကိုင်း)

      စားသုံးသူရေးရာဦးစီးဌာန၊ စစ်ကိုင်းခရိုင်အနေဖြင့် စားသုံးသူကာကွယ်ရေးဆိုင်ရာလုပ်ငန်းများဖြစ်သည့် စားသုံးသူကာကွယ်ရေးဥပဒေဆိုင်ရာ သိကောင်းစရာများကို အသိပညာပေးဟောပြောခြင်း၊  အသေးစား၊  အလတ်စား၊ အငယ်စား (MSME) စားသောက်ကုန်နှင့် လူသုံးကုန်ပစ္စည်းများကို ထုတ်လုပ်ဖြန့်ဖြူးရောင်းချသည့် စီးပွားရေးလုပ်ငန်းရှင်များထံသို့ ကွင်းဆင်းတွေ့ဆုံပြီး စားသုံးသူကာကွယ်ရေးဥပဒေ အခန်း(၁၈) ပုဒ်မ(၄၁)အရ စီးပွားရေးလုပ်ငန်းရှင်သည် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီ သိသာထင်ရှားစွာဖော်ပြမည့်အချက်များကို အသိပညာပေးခြင်းလုပ်ငန်းဆောင်ရွက်မှုများနှင့်အတူ ကုန်သွယ်မှုမြှင့်တင်ရေးလုပ်ငန်းများဖြစ်သည့် ကုန်ကြမ်းရရှိမှု၊ ကုန်ချောထွက်ရှိမှုနှင့် ဈေးကွက်/ ဈေးနှုန်းအခြေအနေများကို ဆွေးနွေးမေးမြန်း မှတ်တမ်းတင်ခဲ့ပါသည်။

    စစ်ကိုင်းခရိုင်အနေဖြင့် ခရိုင်ဦးစီးမှူးရုံးအပါအဝင် စစ်ကိုင်း၊ မြင်းမူနှင့် မြောင်မြို့နယ်တို့မှ စီးပွားရေးလုပ်ငန်းရှင်များနှင့်တွေ့ဆုံခြင်းကို တစ်လလျှင် တစ်ကြိမ်စီဖြင့် စုစုပေါင်း လေးကြိမ်ဆောင်ရွက်ရန် လျာထားသတ်မှတ်ထားပါသည်။  စစ်ကိုင်းခရိုင်အနေဖြင့် ၂၀၂၂-၂၀၂၃ ဘဏ္ဍာနှစ်တွင် စီးပွားရေးလုပ်ငန်းရှင်များနှင့်တွေ့ဆုံခြင်းကို ပထမ(၃)ပတ်တွင် စုစုပေါင်း(၂၂)ကြိမ်၊ ရာခိုင်နှုန်းအားဖြင့် ၁၈၃ % ဆောင်ရွက်နိုင်ခဲ့ပြီး၊ ဒုတိယ(၃)ပတ်တွင် စုစုပေါင်း(၂၈)ကြိမ်၊ ရာခိုင်နှုန်းအားဖြင့် ၂၃၃ % ဆောင်ရွက်နိုင်ခဲ့ပြီး၊ တတိယ(၃)ပတ်တွင် စုစုပေါင်း(၃၁)ကြိမ်၊ ရာခိုင်နှုန်းအားဖြင့် ၂၅၈ % ဆောင်ရွက်နိုင်ခဲ့၍၊ တတိယ(၃)လပတ်သည် ပထမ(၃)လပတ်ထက် (၉)ကြိမ် ပိုမိုဆောင်ရွက်နိုင်ခဲ့ကြောင်း သတင်းရရှိပါသည်။

DOCA(စစ်ကိုင်း)