HighLight News

               စားသုံးသူရေးရာဦးစီးဌာနသည် စားသုံးသူအခွင့်အရေးကာကွယ်‌ပေးရေး၊ စားသုံးသူ အသိ ပညာပေးရေး၊ စားသုံးသူဆုံးရှုံးနစ်နာမှုများ ဖြေရှင်းပေးရေးစသည့် လုပ်ငန်းများအပြင် ပြည်တွင်း ကုန်သွယ်မှုဖွံ့ဖြိုးရေးအတွက် လယ်ယာထွက်ကုန်သီးနှံများ အရည်အသွေးပြည့်မီစွာဖြင့် ရောင်းဝယ်ဖောက်ကားနိုင်ရေး ဆောင်ရွက်ပေးလျက်ရှိပါသည်။

         ထိုသို့ စားသုံးသူရေးရာဦးစီးဌာန၏ လုပ်ငန်းတာဝန်များအကောင်အထည်ဖော် ဆောင် ရွက်နိုင်ရန် သတင်းအချက်အလက်နည်းပညာနှင့်အရည်အသွေးစီမံခန့်ခွဲရေးဌာနခွဲသည် လယ်ယာ ထွက်ကုန်များ၏ မြန်မာစံချိန်စံညွှန်းထုတ်ပြန်နိုင်ရေး၊ လယ်ယာထွက်ကုန်များ ပြည်ပ တင်ပို့ရာ တွင် မဖြစ်မနေလိုက်နာရမည့် အရည်အသွေးသတ်မှတ်ချက် (Technical Regulations) အမိန့် ညွှန်ကြားချက်များ ထုတ်ပြန်နိုင်ရေးတို့ကို ဆောင်ရွက်လျက်ရှိပါသည်။

           လယ်ယာထွက်ကုန်များ အရည်အသွေးစီမံခန့်ခွဲမှုဆောင်ရွက်ရန် သတင်းအချက်အလက် နည်းပညာနှင့် အရည်အသွေးစီမံခန့်ခွဲရေးဌာနခွဲအောက်ရှိ ကုန်ပစ္စည်းစမ်းသပ်စစ်ဆေးရေးနှင့် အရည်အသွေးစီမံခန့်ခွဲမှု ဌာနစု (CTQM) လှည်းကူးတွင် လယ်ယာထွက်ကုန်သီးနှံများ အရည် အသွေးဓာတ်ခွဲစမ်းသပ်နိုင်သည့် ဓာတ်ခွဲခန်းများကို ထူထောင်ထားရှိပြီး ပြည်ပပို့ကုန်လုပ်ငန်းရှင် များအတွက် လယ်ယာထွက်ကုန်သီးနှံများနှင့် လယ်ယာထွက်ကုန်အခြေခံစားသောက်ကုန်များကို ဓာတ်ခွဲစမ်းသပ်၍ ထောက်ခံချက်ပေးသော ဝန်ဆောင်မှုလုပ်ငန်းကို ဆောင်ရွက်လျက်ရှိပါသည်။

           CTQM (လှည်းကူး) ရှိ အောက်ပါ ဓာတ်ခွဲခန်း (၇) ခုမှ စမ်းသပ်စစ်ဆေးပေးနိုင်သည့် နယ်ပယ်များ (လယ်ယာထွက်ကုန်သီးနှံများ၊ စားသုံးဆီများ)မှာ အောက်ပါအတိုင်းဖြစ်ပြီး ဓာတ်ခွဲ ခန်းအလိုက် စမ်းသပ်ပေးနိုင်သည့် Parameters များနှင့် ဓာတ်ခွဲစမ်းသပ်ခနှုန်းထားများအား အောက်ပါ Pdf File တွင် အသေးစိတ် ဝင်ရောက်ကြည့်ရှုနိုင်ပါသည်-

            CTQM (လှည်းကူး) ရှိ ဓာတ်ခွဲခန်းများမှ နှစ်စဉ်လယ်ယာထွက်ကုန်သီးနှံများအား ဓာတ်ခွဲ စမ်းသပ်ပေးခြင်းဖြင့် စားသုံးသူဘေးအန္တရာယ်ရှိမှုကို ကာကွယ်ပေးသကဲ့သို့ ပြည်တွင်း ပြည်ပ ကုန်သွယ်မှုကိုလည်း တစ်ဖက်တစ်လမ်းမှ အထောက်အကူပြုလျက်ရှိပါသည်။ လယ်ယာ ထွက်ကုန်သီးနှံများနှင့် စားသုံးဆီများ စမ်းသပ်စစ်ဆေးပေးနိုင်မှု အခြေအနေမှာ အောက်ပါအတိုင်း ဖြစ်ပါသည်-

စဉ်        ဘဏ္ဍာနှစ်                                 နမူနာအရေအတွက်            စမ်းသပ်မှုပေါင်း

(က)      ၂၀၁၇-၂၀၁၈ဘဏ္ဍာနှစ်                           ၇၆၈                             ၁၅၆၈

(ခ)        ၂၀၁၈-၂၀၁၉ဘဏ္ဍာနှစ်                           ၁၀၇၁                           ၂၂၄၀

(ဂ)       ၂၀၁၉-၂၀၂၀ ဘဏ္ဍာနှစ်                          ၁၁၈၆                           ၂၄၄၉

(ဃ)      ၂၀၂၀-၂၀၂၁ ဘဏ္ဍာနှစ်                          ၇၈၂                             ၁၉၉၃

(င)        ၂၀၂၁ Mini Budget                               ၅၇၇                            ၁၃၀၀

            သတင်းအချက်အလက်နည်းပညာနှင့် အရည်အသွေးစီမံခန့်ခွဲရေးဌာနခွဲအနေဖြင့် စားသုံး သူများ ဘေးအန္တရာယ်လုံခြုံစိတ်ချရမှုရှိပြီး အရည်အသွေးပြည့်ဝသည့် ကုန်ပစ္စည်းများကို သုံးစွဲခွင့်ရရှိစေရေး ဆောင်ရွက်ရင်း လယ်ယာထွက်ကုန်သီးနှံများ ကုန်သွယ်မှု ဖွံ့ဖြိုးတိုးတက်ရေး အတွက်လည်း တစ်ဖက်တစ်လမ်းမှ အထောက်အကူပြုလျက်ရှိပါကြောင်းနှင့် လုပ်ငန်းရှင်များ အနေဖြင့် မိမိတို့၏ ပို့ကုန်သီးနှံများကို ဓာတ်ခွဲစမ်းသပ်လိုပါက ‌အောက်ဖော်ပြပါ လိပ်စာများသို့ ဆက်သွယ်ဆောင်ရွက်နိုင်ပါကြောင်း တင်ပြလိုက်ရပါသည်-

လိပ်စာ   :  ကုန်ပစ္စည်းစမ်းသပ်စစ်ဆေးရေးနှင့်အရည်အသွေးစီမံခန့်ခွဲမှုဌာနစု(CTQM) လှည်းကူးမြို့နယ်၊ ရန်ကုန်တိုင်းဒေသကြီး

အီးမေးလ် : ctqm.dept@gmail.com

ဖုန်း         :  ၀၁-၈၆ ၂၉၀၄၃၊ ၀၁-၈၆ ၂၉၀၄၄

ဖက်စ်    :   ၀၁-၈၆ ၂၉၆၅၅

                                   သတင်းအချက်အလက်နည်းပညာနှင့် အရည်အသွေးစီမံခန့်ခွဲရေးဌာနခွဲ

          ယနေ့ခေတ်ကမ္ဘာပေါ်တွင် ခေတ်မှီတိုးတက်လာသည်နှင့်အမျှ နည်းပညာများ တိုးတက် ထွန်းကားလာသဖြင့် ကောင်းကျိုးများစွားရှိသကဲ့သို့ ဘေးထွက်ဆိုးကျိုးများအနေဖြင့် သဘာဝ ပတ်ဝန်းကျင်ပျက်စီးခြင်း၊ ကမ္ဘာလုံးဆိုင်ရာ ရာသီဥတုပြောင်းလဲခြင်းနှင့် ဇီဝမျိုးကွဲများ ဆုံးရှုံးခြင်း တို့ကို ကြုံတွေ့နေရပါသည်။ ကမ္ဘာ့မြေထု၊ ရေထုမှ သယံဇာတအရင်းအမြစ်များကို ထုတ်ယူသုံးစွဲမှု များပြားလာပြီး စက်ရုံ၊ အလုပ်ရုံများမှ ထွက်ရှိသည့်ဓာတ်ငွေ့များအပါအဝင် စွန့်ပစ်ပစ္စည်းများ ကဏ္ဍမှာ စွန့်ပစ်ရန်အခက်အခဲများရှိလာသည်အထိ ကမ္ဘာမြေထု၊ ရေထုကို ညစ်နွမ်းမှုများဖြစ်အောင် သက်ရောက်မှုများရှိလာစေပါသည်။ လူနှင့်သတ္တဝါများအားလုံး သဘာဝဘေးဒဏ်များနှင့် ရင်ဆိုင် ကြုံတွေ့လာရမှုများရှိလာပါသည်။ ၎င်းကိစ္စရပ်များသည် ကမ္ဘာလုံးဆိုင်ရာ စိန်ခေါ်မှုပြဿနာများ ဖြစ်သည့်ပေါ်လာသည့်အတွက် နိုင်ငံအသီးသီးတွင် ရာသီဥတုနှင့် ပတ်ဝန်းကျင်ထိန်းသိမ်းရေး လှုပ်ရှားမှုများ ဆောင်ရွက်မှုများပြုလုပ်လာကြသည်။

      လေထုညစ်ညမ်းစေသည့်စက်ရုံများမှ ထွက်ရှိသည့်အခိုးငွေ့များ ပြန်လည်သုံးစွဲမှုမပြုနိုင်သော ပစ္စည်းများကို ထုတ်လုပ်သည့်ကုမ္ပဏီများအား ကန့်ကွက်ခြင်း၊ ပလတ်စတစ်အိတ်များ သုံးစွဲမှု လျှော့ချစေခြင်း၊ အစိုးရမှမူဝါဒများချမှတ်ထိန်းကျောင်းပေးခြင်းတို့ကို လိုလားတောင်းဆိုလာ ကြပါသည်။ ထိုသို့တောင်းဆိုသော အသံများသည် တစ်နေရာမှတစ်နေရာသို့ အတူတကွပူးပေါင်း ဆောင်ရွက်ခြင်းများက  အစွမ်းထက်ကာ ပိုမိုထိရောက်စေနိုင်သည့် အပြောင်းအလဲကို ဖြစ်ပေါ် စေရန်ရည်ရွယ်၍ မတ်လ ၁၅ ရက်နေ့ကို ကမ္ဘာ့စားသုံးသူအခွင့် အရေးများနေ့ အထိမ်းအမှတ် ဆောင်ပုဒ် “ The Sustainable Consumer” ဟု  Consumer International အပြည်ပြည်ဆိုင်ရာ စားသုံးသူအဖွဲ့အစည်းက သတ်မှတ်ထုတ်ပြန်ခဲ့ပြီး နိုင်ငံအသီးသီးက စားသုံးသူအဖွဲ့အစည်းများ အတူတကွပူးပေါင်းလှုပ်ရှားမှုများ ဆောင်ရွက်သွားကြမည်ဖြစ်သည်။

      တစ်ကမ္ဘာလုံးဆိုင်ရာ ပလပ်စတစ်များထုတ်လုပ်အသုံးပြုခဲ့ကြပြီး ထုတ်လုပ်သုံးစွဲသည့် ပလတ်စတစ်အားလုံး၏ ၉ရာခိုင်နှုန်းကိုသာ ပြန်လည်အသုံးပြုနိုင်ပြီး ကျန်၁၂ရာခိုင်နှုန်းသည် မီးရှို့ဖျက်ဆီးခြင်းကြောင့်နှင့် ၇၉ရာခိုင်နှုန်းသည် မပျက်စီးနှိုင်ဘဲ အမှိုက်ပုံများ အဖြစ်ရှိနေခြင်း၊ သမုဒ္ဒရာအတွင်းမျောနေခြင်းတို့ကြောင့် သဘာဝပတ်ဝန်းကျင်၊ ပင်လယ်ရေညစ်ညမ်းမှုနှင့်  ကုန်းနေ ရေနေသတ္တဝါများ ထိခိုက်နစ်နာစေလျှက်ရှိပါသည်။

       ကမ္ဘာတစ်ဝန်းတွင် ထုတ်လုပ်သော အစားအစာအားလုံး၏ ၃၀မှ၄၀ ရာခိုင်နှုန်းသည် ဆုံးရှုံးခြင်း/ ဖြုန်းတီးခြင်းဖြစ်နေကာ ပတ်ဝန်းကျင်အပေါ်မလိုလားအပ်သော ထိခိုက်မှုဖြစ်စေ လျှက်ရှိသည်။ ကုန်စည်နှင့် ဝန်ဆောင်မှုများကို ထုတ်လုပ်ခြင်းနှင့် သုံးစွဲခြင်းပြုရာတွင် ရေရှည် တည်တံ့သော စားသုံးမှုနည်းလမ်းသို့ ကူးပြောင်းရန်လိုအပ်လာသည်။ ကမ္ဘာ့ကုလသမဂ္ဂ၏ ကမ္ဘာလုံးဆိုင်ရာရေ ရှည်ဖွံ့ဖြိုးတိုးတက်မှုအတွက် ရည်မှန်းချက်ပန်းတိုင် ၁၇ ခုချမှတ်ထားရာတွင် ဆင်းရဲငတ်မွတ်မှု ပပျောက်ရေး၊ ရေရှည်တည်တံ့သည့် မြို့တော်များနှင့် လူမှုပတ်ဝန်းကျင် ဖန်တီး ပေးရေး၊ ကုန်းနေ၊ ရေနေသတ္တဝါများ  ဂေဟစနစ်ညီမျှစေရေး၊ ရာသီဥတုမျှတစေရန် ဆောင်ရွက်ပေး ရေးတို့ပါဝင်သလို Goal 12: Responsible Consumption and Production ဟု စားသုံးမှုနှင့် ထုတ်လုပ်မှုကို ပမာဏမျှတစွာချင့်ချိန်၍ ကုန်နိုင်သည့် ပမာဏခန့်သာသုံးစွဲရေး၊ ထုတ်လုပ်ပေး နိုင်ရေးအတွက် စဉ်းစား ထည့်သွင်းထားသည်ကိုတွေ့ရသည်။

     ကမ္ဘာအရပ်ရပ်ရှိ လူ၊ သတ္တဝါနှင့် သဘာဝပတ်ဝန်းကျင်ဆိုင်ရာများ ထိန်းညှိပေးခြင်း ကိစ္စရပ်များကိုလည်း စဉ်ဆက်မပြတ်ဆောင်ရွက်ပေးမှသာ ကျွန်ုပ်တို့စားသုံးသူများအတွက် ပစ္စုပ္ပန်တွင်သာမက အနာဂတ်မျိုးဆက်များအတွက်ပါ ကောင်းမွန်သာယာသော လူနေမှုအဆင့်အတန်းနှင့် ပတ်ဝန်းကျင်တွင် နေထိုင်နိုင်ခွင့်ရရှိစေမည်ဖြစ်ပါကြောင်း ရေးသားတင်ပြလိုက်ရပါသည်။

DOCA(စစ်ကိုင်း)

            ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်တွင် (၂၅.၇.၂၀၂၂) ရက်နေ့၌ အားကစားနှင့် လူငယ်ရေးရာဝန်ကြီးဌာနမှ ဦးဆောင်၍ အသိပညာပေးဟောပြောပွဲကို အဆိုပါကျောင်း၏ ခန်းမဆောင်၌ ကျင်းပပြုလုပ်ခဲ့ပါသည်။ ယင်းအသိပညာပေးဟောပြော ပွဲတွင် ခရမ်းမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်ကျော့ကေခိုင်မှလည်း မိမိတို့ဌာန၏ ဆောင်ရွက်နေသည့် လုပ်ငန်းများ၊ ဌာန၏ မျှော်မှန်းချက်၊ ရည်မှန်းချက်များ၊ စားသုံးသူကာကွယ်ရေးဥပဒေပါ အခွင့်အရေးနှင့် တာဝန်များ၊ ကုန်ပစ္စည်းများနှင့် အစားအသောက်များကို ရွှေးချယ်ဝယ်ယူရာတွင် လုပ်ဆောင်ရမည့် နည်းလမ်းများနှင့် ကုန်အညွှန်းအမှတ်အသားပါ အချက်အလက်များကို ရှင်းလင်းဆွေးနွေးခဲ့ပါသည်။ ထို့နောက် ကျောင်းသား၊ ကျောင်းသူများအား ကုန်စည် (သို့မဟုတ်) ဝန်ဆောင်မှုနှင့် စပ်လျဉ်း၍ ဘေးအန္တရာယ်ကင်းရှင်းရေး၊ ထုတ်ကုန်လုံခြုံစိတ်ချရမှု ရှိစေရေးဆောင်ရွက် သွားသင့်သည့် အချက်များကိုပါ ဗဟုသုတအဖြစ် ရှင်းလင်းဟောပြောခဲ့ပြီး စားသုံးသူတစ်ဦးအနေဖြင့် အမှန်တကယ် နစ်နာဆုံးရှုံးမှုရှိပါက စားသုံးသူကာကွယ်ရေးဥပဒေအရ တိုင်ကြားနိုင်ကြောင်းများ လက်ဆင့်ကမ်းဖြန့်ဝေပေးနိုင်ရေးတို့ကို ပညာပေးရှင်းလင်း ဆွေးနွေးခဲ့ကြောင်း သတင်းရရှိပါသည်။

DOCA(ရန်ကုန်)

မုံရွာ၊ဇူလိုင် ၂၇

              စစ်ကိုင်းတိုင်းဒေသကြီးအတွင်းရှိ တိုင်းဒေသကြီး၊ ခရိုင်၊ မြို့နယ်များတွင် ဇူလိုင်လအတွင်း ဈေးကွက်အတွင်းရှိ Mistine  အလှကုန်ပစ္စည်းများတွင်  မြန်မာဘာသာဖြင့် ကုန်အညွှန်းအမှတ်အသား ဖော်ပြထားခြင်း ရှိ/ မရှိ၊  FDA ထောက်ခံချက်များဖြင့် ဖြန့်ဖြူးရောင်းချနေခြင်း ဟုတ်/မဟုတ်၊ Hologram (ရောင်ပြန်) စတစ်ကာများ ကပ်နှိပ်ထားခြင်း ရှိ/ မရှိနှင့် တရားမဝင်ပစ္စည်းတုများ  ဖြန့်ဖြူးရောင်းချခြင်း ရှိ/မရှိ တို့နှင့်စပ်လျဉ်း၍ ဈေးကွက်စောင့်ကြည့်စစ်ဆေးခဲ့ရာ စစ်ကိုင်းတိုင်းဒေသကြီးအတွင်း Mistine  အလှကုန်ပစ္စည်းများနှင့်ပတ်သက်၍ တရားမဝင်ပစ္စည်းတုများ ရောင်းချခြင်းမရှိကြောင်းနှင့်  မြန်မာဘာသာဖြင့် ကုန်အညွှန်းအမှတ်အသားများဖော်ပြထားပြီး အစားအသောက်နှင့်ဆေးဝါးကွပ်ကဲရေးဦးစီးဌာန FDA ထောက်ခံချက်များဖြင့် ဖြန့်ဖြူးရောင်းချသည်ကို စစ်ဆေးတွေ့ရှိရကြာင်း သတင်းရရှိပါသည်။

DOCA(စစ်ကိုင်း)

      စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူးနှင့် ခရိုင်ဦးစီးမှူးတို့၏ လမ်းညွှန်မှုဖြင့် သရက်ခရိုင်ဦးစီးမှူးရုံးမှ ဝန်ထမ်းများနှင့် ကံမမြို့နယ်တာဝန်ခံ ဒေါ်နွဲ့ယဉ်ဝင်းသည် စားသုံးသူပြည်သူများ လုံခြုံစိတ်ချရမှုရှိစေရေးအတွက် ရည်ရွယ်၍ (၂၂.၇.၂၀၂၂) ရက်နေ့၊ နံနက် (၁၁:၀၀) အချိန်တွင် ကံမမြို့အတွင်းရှိ မြို့မစည်ပင်ဈေးနှင့် အမှတ် (၃) ရပ်ကွက်အတွင်းရှိ ကုန်စုံဆိုင်များတွင် မလေးရှားနိုင်ငံထုတ် Gano အမှတ်တံဆိပ်ဖြင့် သွားတိုက်ဆေး၊ ကော်ဖီတို့တွင် တရားဝင်ရောင်းချခွင့်ရှိသည့်ပစ္စည်းများ မှန်ကန်မှုရှိ/မရှိနှင့် Mistine အလှကုန်ပစ္စည်းများတွင် FDA ခွင့်ပြုချက် Hologram (ရောင်ပြန်) Stricker နှင့် မြန်မာဘာသာ Labelling    များမပါရှိဘဲ ဆင်တူယိုးမှား ဖြန့်ဖြူးရောင်းချမှုရှိ/မရှိအား မြို့နယ်အထွေထွေအုပ်ချုပ်ရေးဌာန၊ စည်ပင်သာယာရေးအဖွဲ့တို့ဖြင့် ဈေးကွက်စောင့်ကြည့်စစ်ဆေးခဲ့ပါသည်။

      ထိုသို့ ဈေးကွက်စောင့်ကြည့်စစ်ဆေးရာတွင် စားသုံးသူရေးရာဦးစီးဌာန၊ ကံမမြို့နယ်တာဝန်ခံ ဒေါ်နွဲ့ယဉ်ဝင်းမှ စားသုံးသူကာကွယ်ရေးဥပဒေ ၂၀၁၉၊ အခန်း(၁၈)ပါ ကုန်အညွှန်းအမှတ်အသား ဖော်ပြခြင်းနှင့် စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်(၂/၂၀၁၉) နှင့်အညီ ပြည့်စုံစွာထည့်သွင်းဖော်ပြလာစေရေးနှင့် မြန်မာဘာသာဖြင့် မဖြစ်မနေဖော်ပြရမည့်အချက်များအား ဖော်ပြရန်ရှင်းလင်းပြောကြားခြင်းနှင့် မင်းတုန်းမြို့နယ်တာဝန်ခံ ဦးကျော်ရွှေမှ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ အာမခံချက်များအား ရှင်းလင်းပြောကြားခြင်း၊ ကုန်စည်ကြောင့် စားသုံးသူအနေဖြင့် ထိခိုက်နစ်နာဆုံးရှုံးမှုရှိပါက စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ (CICC) သို့ တိုင်ကြားနိုင်ပါကြောင်း ရှင်းလင်းဆွေးနွေးခဲ့ပြီး စားသုံးသူအသိပညာပေးလက်ကမ်းစာစောင်များလည်း ဖြန့်ဝေပေးခဲ့ပါသည်။

DOCA(မကွေး)