သတင်းနှင့် လှုပ်ရှားမှုများ

   မန္တလေးတိုင်းဒေသကြီး၊ ညောင်ဦးခရိုင်၊ ကျောက်ပန်းတောင်းမြို့နယ် စားအုန်းဆီဖြန့်ဖြူး ရောင်းချမှု ကြီးကြပ်ရေးအဖွဲ့ ဥက္ကဌနှင့်တာဝန်ရှိသူများသည် စားအုန်းဆီလက်လီ/လက်ကားဖြန့်ဖြူး ရောင်းချသည့်ဆိုင်များတွင် သတ်မှတ်စည်ကမ်းချက်များနှင့်အညီ ရောင်းချမှုရှိ/မရှိနှင့် တစ်အိမ် ထောင်စုလျှင် စားအုန်းဆီ နှစ်ပိဿာငါးဆယ်ကျပ်သားနှုန်းတိုးမြှင့်ရောင်းပေးခြင်းရှိ/မရှိတို့ကို ဇူလိုင်လ ၂၇ ရက်နေ့ ၊ မွန်းလွဲ ၀၁:၀၀ နာရီအချိန်တွင် ကွင်းဆင်းစစ်ဆေးခဲ့ကြသည်။

          ကျောက်ပန်းတောင်းမြို့နယ် စားအုန်းဆီဖြန့်ဖြူးရောင်းချမှု ကြီးကြပ်ရေးအဖွဲ့ ဥက္ကဌ၊ မြို့နယ် အုပ်ချုပ်ရေးမှူး ဦးသန်းလွင်နှင့် အဖွဲ့ဝင်များသည် စားအုန်းဆီလက်လီ/လက်ကားဖြန့်ဖြူးရောင်းချ သည့် အရောင်းဆိုင်များအနေဖြင့် သတ်မှတ်ရည်ညွှန်းဈေးနှုန်းအတိုင်း ဗီနိုင်းချိတ်ဆွဲ၍ ဖြန့်ဖြူး ရောင်းချခြင်းရှိ/မရှိ၊ အလေးချိန်မှန်ကန်မှုရှိ/မရှိနှင့် ဆီစားအုပ်များကို စနစ်တကျထုတ်ပေးခြင်း၊ ခွဲတမ်းအရ ရရှိသော ဆီပိဿာချိန်ကို ဌာနမှသတ်မှတ်ထားသော မှန်(၆)မှန်နှင့်အညီပြည်သူများအား အမှန်တကယ်ရောင်းချပေးခြင်းရှိ/မရှိတို့ကို ကိုယ်စားလှယ်အရောင်းဆိုင်များဖြစ်သည့် တမ္ပဝတီရပ် ကွက်ရှိ ကျောက်ပန်းတောင်းပလာဇာမှ အရောင်းဆိုင်တစ်ဆိုင်၊ ဈေးကွက်သစ်ရပ်ကွက်မှ အရောင်း ဆိုင်သုံးဆိုင် စုစုပေါင်း(၇)တို့အား ကွင်းဆင်းစစ်ဆေးခဲ့ကြပြီး အရောင်းကိုယ်စားလှယ်တာဝန်ခံများနှင့် စားသုံးသူပြည်သူများအား ရောင်းချမှု/ဝယ်ယူရရှိမှုအခြေအနေများကို ရင်းရင်းနှီးနှီးတွေ့ဆုံမေးမြန်း ခဲ့ကြသည်။

          ကျောက်ပန်းတောင်းမြို့နယ်၌ စားအုန်းဆီဖြန့်ဖြူးရောင်းချရာတွင် အိမ်ထောင်စု(၇၂၃၇၈)စု တို့အား ယခင်ကတည်းက ဆီထုတ်စာအုပ်များ စနစ်တကျပြုလုပ်ရောင်းချနေခြင်းဖြစ်ပြီး ယခင်က တစ်အိမ်ထောင်လျှင် နှစ်ပိဿာနှုန်းသာရောင်းချပေးရာမှ ယခုဇူလိုင်လနောက်ဆုံးပတ်မှစတင်၍ တစ်အိမ်ထောင်စုလျှင် နှစ်ပိဿာငါးဆယ်ကျပ်သားနှုန်းဖြင့် တိုးမြှင့်ရောင်းချပေးလျက်ရှိကြောင်း သိရပါသည်။

DOCA(မန္တလေး)       

    စားသုံးသူရေးရာဦးစီးဌာန၊ ကျောက်ပန်းတောင်းမြို့နယ်တာဝန်ခံ ဒေါ်မြသန္တာထွန်း(ဒု-ဦးစီး မှူး)နှင့်ဝန်ထမ်းများသည် (၂၄-၇-၂၀၂၆)ရက်နေ့၊နံနက်(၀၈:၀၀)နာရီအချိန်တွင် ကျောက်ပန်းတောင်း မြို့ရှိ အများပြည်သူသို့ စားအုန်းဆီရောင်းချနေသော စားအုန်းဆီအရောင်းဆိုင်သို့ ကွင်းဆင်း စစ်ဆေးခဲ့ပါသည်။

            စားအုန်းဆီလက်လီ/ လက်ကားရောင်းချနေသော လုပ်ငန်းရှင်များအနေဖြင့် စားအုန်းဆီများ ဖြန့်ဖြူးရောင်းချရာတွင် ဈေးနှုန်းကို Vinyl များချိတ်ဆွဲရောင်းချစေရေး၊ ရောင်းချသည့်ဈေးနှုန်းများကို လည်း (၂%)အမြတ် ထက်ကျော်လွန်၍ ရောင်းချခြင်းများမရှိစေရေး၊ အရည်အသွေး၊ အလေးချိန် အချင်အတွယ်မှန်ကန်စွာဖြင့် ပြည်သူများလက်ဝယ်သို့ သတ်မှတ်သောနှုန်းထားဖြင့် အမှန်တကယ် တိုက်ရိုက်ရောင်းချစေရေး၊ ဈေးကစားရန် ရည်ရွယ်ချက်ဖြင့် သိုလှောင်ထားမှုမရှိစေရေး၊ ဌာနမှ သတ်မှတ်ထုတ်ပြန်ထားသည့် ညွှန်ကြားချက်များနှင့်အညီ လိုက်နာဆောင်ရွက်စေရေးတို့အတွက် ကွင်းဆင်းကြပ်မတ်၍ လုပ်ငန်းရှင်များအနေဖြင့် ရောင်းဝယ်မှုပြုရာတွင် မှန်(၆)မှန်ဖြစ်သော လက်ကား/ လက်လီစာရင်းမှန်ရန်၊ နေရာမှန်ရန်၊ အချိန်မှန်ရန်၊ ဈေးနှုန်းမှန်ရန်၊ အရေအတွက်မှန်ရန်နှင့် အချိန် အတွယ်နှင့်အရည်အသွေးမှန်ကန်ရန် စသည့်အချက်များနှင့်ကိုက်ညီစွာ လုပ်ကိုင်ဆောင်ရွက်လိုအပ်ပါ ကြောင်း အသိပေး၍ ကွင်းဆင်းစစ်ဆေးမှုများဆောင်ရွက်ခဲ့ပါသည်။

DOCA(မန္တလေး)       

    စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးရုံးမှ စစ်ဆေးရေးမှူး ဦးဇေယျာအောင် (လက်ထောက်ညွှန်ကြားမှူး) ဦးဆောင်၍ ဦးရဲရင့်ဖြိုး(အကြီးတန်းစာရေး)တို့သည် ၃-၈-၂၀၂၆ ရက်နေ့ တွင် မြစ်ကြီးနားမြို့၊ ရှမ်းစုမြောက်ရပ်ကွက်ရှိ Forever(စတိုးဆိုင်)သို့ သွားရောက်၍ စားသုံးသူများ ဘေးအန္တရာယ်ကင်းရှင်းပြီး ထုတ်ကုန်လုံခြုံစိတ်ချရမှုရှိစေရေး၊ ဘေးအန္တရာယ်ရှိသော ကုန်စည်များ ဈေးကွက်အတွင်းမှပပျောက်စေရေးနှင့် စားသုံးသူကာကွယ်ရေးဥပဒေပါ ကုန်အညွှန်းအမှတ်အသား ဖော်ပြခြင်းနှင့်ပတ်သက်၍ ကိုက်ညီမှုရှိ/မရှိ ဈေးကွက်စောင့်ကြည့်စစ်ဆေးခဲ့ပါသည်။

     ထိုသို့ ဈေးကွက်စောင့်ကြည့်စစ်ဆေးခဲ့ရာ “Lovita” အမှတ်တံဆိပ်ပါ   အသင့်ဖျော်ကော်ဖီတွင် မြန်မာနိုင်ငံစားသုံးသူကာကွယ်ရေးကော်မရှင်က ထုတ်ပြန်ထားသော ညွှန်ကြားချက်အမှတ် (၂/၂၀၁၉) အရ ကုန်စည်အမျိုးအစားအလိုက် မြန်မာဘာသာဖြင့် ဖော်ပြရမည့် အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ သုံးစွဲပုံနည်းလမ်းတို့ကို မြန်မာဘာသာဖြင့် ကိုက်ညီပြည့်စုံစွာ ဖော်ပြပါရှိကြောင်း၊ ထုတ်လုပ်သည့်ရက်စွဲ၊ သက်တမ်းကုန်ဆုံးသည့်ရက်စွဲတို့ ဖော်ပြထားကြောင်း စစ်ဆေးတွေ့ရှိရပြီး စတိုးဆိုင်လုပ်ငန်းရှင်အား သက်တမ်းကုန်ဆုံးသည့်ကုန်စည်များ၊ ကုန်အညွှန်းအမှတ် အသား ပြည့်စုံမှုမရှိသည့်ကုန်စည်များ ဈေးကွက်အတွင်းရောင်းချခြင်းမပြုရန်နှင့် ဆင်တူရိုးမှား အတုအပ အမှတ်တံဆိပ်များ ဝယ်ယူရောင်းချခြင်းမပြုကြရန်တို့ကို အသိပညာပေးဆွေးနွေးခဲ့ပြီး ကုန်အညွှန်း အမှတ်အသားဖော်ပြခြင်းဆိုင်ရာ လက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။

DOCA(ကချင်)

          မွန်ပြည်နယ်၊ စားသုံးသူရေးရာဦးစီးဌာန၊ ကျိုက်ထိုခရိုင်၊ ဘီးလင်းမြို့နယ်တာဝန်ခံ သည် ရေနံနှင့်ရေနံထွက်ပစ္စည်းကြီးကြပ်ရေးကော်မတီအဖွဲ့နှင့် ပူးပေါင်း၍ ဘီးလင်းမြို့နယ် အတွင်းရှိ စက်သုံးဆီဆိုင်များအား စက်သုံးဆီပြတ်လပ်မှု ရှိ/မရှိနှင့် စက်သုံးဆီ ရောင်းချနေမှု ဆီလက်ကျန်တို့အား (၃၀.၇.၂၀၂၆) ရက်နေ့တွင် ကွင်းဆင်းစစ်ဆေးခဲ့ပါသည်။

          ထိုသို့ကွင်းဆင်းစစ်ဆေးရာတွင် အဆိုပါဆီဆိုင်များ၌ ရည်ညွှန်းဈေးနှုန်း အတိုင်း ရောင်းချမှု ရှိ/မရှိနှင့် အရောင်းဆိုင်ပိတ်ထားမှု ရှိ/မရှိ၊ ပစ္စည်းပြတ်လပ်မှု ရှိ/မရှိ၊ အရည်အသွေး/အလေးချိန် တိကျန်မှန်ကန်မှု ရှိ/မရှိ ကွင်းဆင်းစစ်ဆေးဆောင်ရွက်ခဲ့ရာ သတ်မှတ်ရည်ညွှန်းဈေးနှုန်းဖြင့် အရောင်းဆိုင်ဖွင့်လှစ်ရောင်းချနေသည်ကို စစ်ဆေးတွေ့ရှိ ရကြောင်း သိရှိရပါသည်။

DOCA (မွန်)

             ကျောက်ဆည်ခရိုင်၊ စားသုံးသူရေးရာဦးစီးဌာနသည် စားသုံးသူများ ဘေးအန္တရာယ်ကင်းရှင်း စေရေး၊ထုတ်ကုန်များလုံခြုံစိတ်ချရမှုရှိစေရေးအတွက် စားသုံးသူကာကွယ်ရေးအသိပညာပေးဟော ပြောဆွေးနွေးပွဲများကျင်းပခြင်း နှင့် စျေးကွက်စောင့်ကြည့်စစ်ဆေးခြင်းလုပ်ငန်းတို့ကို စဉ်ဆက် မပြတ်ဆောင်ရွက်လျက်ရှိရာ ဇူလိုင်လ(၂၇)ရက်နေ့ ၊ နံနက်(၉း၃၀)အချိန်တွင် စားသုံးသူရေးရာဦးစီး ဌာနနှင့်မြို့နယ်ပြည်သူ့ကျန်းမာရေးဦးစီးဌာနတို့ ပူးပေါင်းပြီး မြစ်သားမြို့နယ်၊သာလွန်ကျေးရွာဓမ္မာရုံ၌ ကျေးရွာသူ/ကျေးရွာသားများအား စားသုံးသူကာကွယ်ရေးအသိပညာပေး ဟောပြောဆွေးနွေးပွဲ ကျင်းပပြုလုပ်ခဲ့ပါသည် ။ အဆိုပါ‌ဆွေးနွေးပွဲ၌ ကျောက်ဆည်ခရိုင် ၊ စားသုံးသူရေးရာဦးစီးဌာနမှ ဦး‌ဇော်မင်းလတ် (ဒု-ခရိုင်ဦးစီးမှူး) မှ  ကျေးရွာသူ/ကျေးရွာသားများအား စားသုံးသူကာကွယ်ရေး ဥပဒေနှင့်ပတ်သက်သည့် ရည်ရွယ်ချက်များ ၊ စားသုံးသူကာကွယ်ရေးဥပဒေပါအချက်အလက်များဖြစ်သည့် စားသုံးသူများ၏ အခွင့်အရေးနှင့်တာဝန်များ ၊ ကုန်စည်ဝန်ဆောင်မှုနှင့်စပ်လျဉ်း၍ အာမခံ ပေးထားမှုအပေါ် စားသုံးသူကတောင်းဆိုနိုင်သည့်အခွင့်အရေးများအကြောင်းနှင့်စားသုံးသူများနစ်နာ ဆုံးရှုံးမှုများဖြစ်ပေါ်ပါက တိုင်းဒေသကြီး / ပြည်နယ်များရှိ Consumer Information & Complaint Center (CICC)များ နှင့် Consumer Call Center ဖြစ်သည့်(1535)သို့ ခေါ်ဆို တိုင်ကြားနိုင် သည့်အပြင် စားသုံးသူရေးရာဦးစီးဌာန၏ Website ဖြစ်သော www.doca. gov.mm ထဲသို့ ဝင်‌ရောက် တိုင်ကြားနိုင်ပါကြောင်း အကျယ်တဝင့် ရှင်းလင်းဆွေးနွေးပြောကြားခဲ့ပြီး ၊ ဟောပြောပွဲသို့ တက်ရောက်လာသည့် ကျေးရွာသူ/ကျေးရွာသား ၊ စုစုပေါင်း(၁၁၀)ဦး တက်ရောက်ခဲ့ကြပြီး တက်‌ရောက်လာသူများအား စားသုံးသူအသိပညာပေး လက်ကမ်းစာစောင်များဖြန့်ဝေပေးခဲ့ကြောင်း သိရှိရပါသည်။   

DOCA(မန္တလေး)