သတင်းနှင့် လှုပ်ရှားမှုများ

     ဧရာဝတီတိုင်းဒေသကြီး၊       စားသုံးသူရေးရာဦးစီးဌာန၊ မြောင်းမြခရိုင် လပွတ္တာမြို့နယ် တာဝန်ခံဦးမြင့်ဌေးသည် (၈.၄.၂၀၂၄)ရက်နေ့ နံနက်(၁၁:၀၀)နာရီက (၃)မိုင်မြို့ရှိ အိမ်တွင်းမှုသက်မွေးလုပ်ငန်းပညာသင်တန်းကျောင်း၊ အမျိုးသမီး အိမ်တွင်းမှု သင်တန်းခန်းမ၌ သင်တန်းတက် ရောက်နေသော သင်တန်းသား/သူများအား  စားသုံးသူကာကွယ်ရေး အသိပညာပေး ဟောပြောပွဲ ဆောင်ရွက်ခဲ့ပါသည်။

    ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ မြို့နယ်တာဝန်ခံမှ မိတ်ဆက်စကားပြောကြားပြီး၊ စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ ဌာန၏လက်ရှိဆောင်ရွက်နေသော လုပ်ငန်းတာဝန်များ၊ ရှေ့ဆက်လက်ဆောင်ရွက်ရမည့် လုပ်ငန်းတာဝန်များ၊ ဦးစွာရှင်းလင်းပြောကြားပြီး စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနမှထုတ်ပြန်ထားသော စားသုံးသူကာကွယ်ရေးဥပဒေ ၂၀၁၉ ပါ ပြဌာန်းချက်များမှ စားသုံးသူ၏အခွင့်အရေးနှင့် တာဝန်များ၊ စီးပွားရေးလုပ်ငန်းရှင်များ၏တာဝန်များ၊ တားမြစ်ချက်များ၊ ပြစ်မှုပြစ်ဒါဏ်များအကြောင်း အသေးစိတ်ဟောပြော ဆွေးနွေးခဲ့ပါသည်၊ ထို့နောက် အိမ်တွင်းမှုသက်မွေးသင်တန်းကျောင်းမှ သင်တန်းသား/သူများသိရှိလိုသည့် မေးမြန်း ဆွေးနွေးချက်အား ပြန်လည်ရှင်းလင်းဆွေးနွေးခဲ့ပါသည်။

    အဆိုပါ ဟောပြောပွဲသို့ အိမ်တွင်းမှုသက်မွေးသင်တန်းကျောင်းမှ သင်တန်းသား/သူ (၃၀)ဦး ၊ စက်မှုလက်မှုပညာသင်ကျောင်းမှ သင်တန်းသား(၂၀)ဦး၊ သင်တန်းဆရာ/ဆရာမ(၇)ပေါင်း(၅၇)ဦး တက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

     ဧရာဝတီတိုင်းဒေသကြီး၊       စားသုံးသူရေးရာဦးစီးဌာန၊ မြောင်းမြခရိုင် မော်ကျွန်းမြို့နယ် တာဝန်ခံဦးမင်းဇော်လတ်သည် (၄.၄.၂၀၂၄)ရက်နေ့၊ နံနက်(၁၀:၃၀)နာရီက ဘေးအန္တရာယ်ဆိုင်ရာစီမံခန်ခွဲရေးဦးစီးဌာန၊ မွေးမြူရေးနှင့်ကုသရေးဦးစီးဌာန ငါးလုပ်ငန်းဦးစီးဌာနတို့နှင့်ပူးပေါင်း၍ လပွတ်ကွဲတဲချောင်းကျေးရွာ၊ အုပ်ချုပ်ရေးမှူးနေအိမ်တွင် ကျေးရွာနေပြည်သူများအား စားသုံးသူကာကွယ်ရေးအသိပညာပေး ဟောပြောပွဲ ဆောင်ရွက် ခဲ့ပါသည်။

     ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ မြို့နယ်တာဝန်ခံမှ မိတ်ဆက်စကားပြောကြားပြီး၊ စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ ဌာန၏လက်ရှိဆောင်ရွက်နေသော လုပ်ငန်းတာဝန်များ၊ ရှေ့ဆက်လက်ဆောင်ရွက်ရမည့် လုပ်ငန်းတာဝန်များ၊ ဦးစွာရှင်းလင်းပြောကြားပြီး စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနမှထုတ်ပြန်ထားသော စားသုံးသူကာကွယ်ရေဥပဒေ ၂၀၁၉ ပါ ပြဌာန်းချက်များမှ စားသုံးသူ၏အခွင့်အရေးနှင့် တာဝန်များ၊ စီးပွားရေးလုပ်ငန်းရှင်များ၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ စားသုံးသူကာကွယ်ရေးဥပဒေ၏ အခန်း(၁၈)ပါ ပုဒ်မ(၄၁)ပုဒ်မခွဲ(ခ)နှင့်(ဆ) တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြစ်စေ၊ မြန်မာဘာသာနှင့် အခြားဘာသာတစ်ခု(သို့)တစ်ခုထပ်ပို၍တွဲလျက်ဖြစ်စေ ရေးသားဖော်ပြရမည်ဖြစ်ပြီး၊ စီးပွားရေးလုပ်ငန်းရှင်များအနေဖြင့် ဌာနမှ ထုတ်ပြန်ထားသော ဥပဒေညွှန်ကြားချက်များအား လိုက်နာဆောင်ရွက်ကြရန် ဟောပြောဆွေးနွေးခဲ့ပါသည်။ ထို့နောက် ကျေးရွာနေ ပြည်သူများမှ သိရှိလိုသည့်မေးမြန်းဆွေးနွေးချက်အား ပြန်လည်ရှင်းလင်း ဆွေးနွေးခဲ့ပါသည်။

        အဆိုပါ ဟောပြောပွဲသို့ ကျေးရွာနေပြည်သူ (၆၀)ဦး တက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာနသည် (၂.၄.၂၀၂၄)ရက်နေ့ နံနက်(၀၉:၃၀)နာရီအချိန်က မအူပင်မြို့ အ.ထ.က-၂ ကျောင်းတွင် ဘာသာစုံစွမ်းရည်မြှင့်သင်တန်း ဆရာ/ဆရာမ (၂၁၀)ဦးအား စားသုံးသူကာကွယ်ရေး အသိပညာပေး ခြင်းလုပ်ငန်းကို ဆောင်ရွက်ခဲ့ကြသည်။

     အဆိုပါ ဟောပြောပွဲတွင် မအူပင်ခရိုင်ဦးစီးမှူးရုံးမှ ဒု-ခရိုင်ဦးစီးမှူး ဦးအောင်ဇော်ဦး က စားသုံးသူရေးရာဦးစီးဌာန ပေါ် ပေါက်လာပုံနှင့် စားသုံးသူကာကွယ်ရေးလုပ်ငန်းအကြောင်းကို ရှင်းလင်းပြီး၊ စားသုံးသူကာကွယ်ရေးဥပဒေ (၂၀၁၉) ပြဌာန်းချက်ပါ ဥပဒေအကြောင်းကိုအကျယ်တဝင့် ရှင်းလင်းပြီး မိမိတို့လိုအပ်ချက်အတွက် ဈေးကွက်အတွင်း  အလှကုန်၊ အဝတ်အထည်၊ စားသောက်ကုန်၊ ဇိမ်ခံပစ္စည်းများကို ရွေးချယ်ဝယ်ယူရာတွင် ကုန်အညွှန်းအမှတ်အသားဖော်ပြပါဝင်သော ကုန်စည်၊ ဝန်ဆောင်မှုကို ဦးစားပေးဝယ်ယူအသုံးပြုကြရန်၊ စားသုံးသူသည် ကုန်စည်၊ ဝန်ဆောင်မှုကို တန်ဖိုးနှင့်အညီ ဝယ်ယူအသုံးပြုနိုင်သည့် အခွင့်အရေး ရှိသည့်အတွက် မိမိတို့၏ စားသုံးသူအခွင့်အရေးကို အပြည့်အဝနားလည် ထားရန်လိုအပ်ကြောင်း၊ အခွင့်အရေးကို သိရှိသလို လိုက်နာရမည့် တာဝန်များကိုလည်း လေးစားလိုက်နာရန်လိုအပ်ကြောင်း ထပ်ဆင့်ရှင်းလင်းပြီး၊ စားသုံးသူ နစ်နာဆုံးရှုံးမှုရှိလာပါက မအူပင်ခရိုင်ဦးစီးမှူးရုံးတွင် စားသုံးသူ သတင်းပြန်ကြားရေးနှင့် တိုင်ကြားမှုလက်ခံ ဆောင်ရွက်ရေး စင်တာ(Consumer Information and Complaint Center) CICC ဖွင့်လှစ်ထားရှိ ပြီးဖြစ်ကြောင်းနှင့် စားသုံးသူကာကွယ်ရေးလုပ်ငန်းစဉ်အကြောင်းကို သိရှိလိုပါက၊ စားသုံးသူအခွင့်အရေး နစ်နာဆုံးရှုံးမှုနှင့်စပ်လျဉ်း၍ သိရှိလိုပါက Consumer Call Center 1535 သို့ ဆက်သွယ်မေးမြန်း တိုင်ကြားနိုင်ကြောင်းစသည်တို့ကို အသိပညာပေး ဟောပြောခဲ့ကြောင်း သိရသည်။

DOCA(ဧရာဝတီ)

         မွန်ပြည်နယ် မုဒုံမြို့နယ်တွင် ဘက်စုံအဆင့်မြင့်နည်းပညာသုံးစံပြကျေးရွာ (ဘဲရမ်း/ ကွမ်တာ)၌ မြို့နယ်စိုက်ပျိုးရေးဦးစီးဌာနကဦးဆောင်၍ နွေစပါးစံပြကွက် ရိတ်သိမ်းပွဲကို ဧပြီလ ၁၀ ရက်နေ့၊  နံနက် (၀၉း၀၀) နာရီက ကျင်းပခဲ့သည်။

        နွေစပါးစံကွက်ရိတ်သိမ်းခြင်းကို ဘဲရမ်းကျေးရွာနေ ကွင်းအမှတ် (၈၄၃) တောင်သူ ဦးမောင်ခင်၏  စိုက်ကွက် (၃)ဧကတွင် ဆင်းသုခ စပါးအမျိုးအစားအား ရိတ်သိမ်းခဲ့ရာ မြို့နယ်စီမံအုပ်ချုပ်ရေးအဖွဲ့၊ လယ်ယာမြေစီမံခန့်ခွဲရေးအဖွဲ့ ဌာန ဆိုင်ရာတာဝန်ရှိသူများ၊ စားသုံးသူရေးရာဦးစီးဌာနမှ မုဒုံမြို့နယ်တာဝန်ခံ၊ စိုက်ပျိုးရေး ဦးစီးဌာနမှမြို့နယ်ဦးစီးမှူးနှင့် ဝန်ထမ်းများ၊ တောင်သူများ တက်ရောက်ခဲ့ကြသည်။

         အဆိုပါ နွေစပါးစံကွက် ဆင်းသုခစပါးအမျိုးအစားကို ဆယ်တန်းတစ်တန်း လှပ်၍  ဒီဇင်ဘာလမှစတင်စိုက်ပျိုးခဲ့ရာ ၆ ဒသမ ၆ ပေပတ်လည် (၃)ကွက် ပျမ်းမျှအထွက်နှုန်း စပါးအစို ၁၃၂ တင်း၊ (၆၆ ပေ × ၆၆ ပေ) တစ်ကွက် အထွက်နှုန်း စပါးအစို  ၁၁ တင်း ၁၂ ပြည်၊ တစ်ဧကအထွက်နှုန်း စပါးအစို ( ၁၁၇ ဒသမ ၅ )တင်းထွက်ရှိကြောင်း သိရသည်။

DOCA(မွန်)

     စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်ဦးစီးမှူးရုံးအတွင်းရှိ ဓနုဖြူ ခရိုင်ဦးစီးမှူးရုံးမှ တာဝန်ရှိသူ ဝန်ထမ်းများသည် (၁.၄.၂၀၂၄) ရက်နေ့၊နံနက် (၁၀:၀၀)အချိန်က ဓနုဖြူမြို့(၅)ရပ်ကွက် ၊ ဥမ္မာဒန္တီလမ်းရှိ ရွှေဝါထွန်းပဲမုန့် လုပ်ငန်းသို့သွားရောက်၍ ဈေးကွက်မရောက်မှီ ကုန်စည်များအား ထုတ်ကုန်လုံခြုံစိတ်ချရမှုရှိစေရေး ကုန်အညွှန်းအမှတ်အသားဖော်ပြခြင်းနှင့် ပတ်သက်၍  ကွင်းဆင်းစစ်ဆေး အသိပညာပေးခဲ့ကြသည်။

      ကွင်းဆင်းစစ်ဆေးရာတွင် ဓနုဖြူမြို့နယ်ဦးစီးမှူးရုံးမှ ဦးခိုင်လွမ်းမိုး (အငယ်တန်းစာရေး)က ရွှေဝါထွန်းပဲမုန့်လုပ်ငန်းရှင်နှင့် တွေ့ဆုံ၍ ပဲမုန့်ထုတ်လုပ်မှု လုပ်ငန်းအဆင့်ဆင့်နှင့် ဖြန့်ဖြူးရောင်းချမှုကို မေးမြန့်လေ့လာခဲ့ပြီး ပဲမုန့်လုပ်ငန်းကို သိန်းနှစ်ဆယ်ရင်းနှီးထားကြောင်း၊ ပါကင်တစ်ဗူးတွင် ဆယ်ခုပါဝင် ထုပ်ပိုးပြီး တစ်နှစ်ကို တစ်သောင်းကျော် ထုတ်လုပ်နိုင်ကြောင်း၊ ရွှေဝါထွန်းပဲမုန့်ကို ၁၉၇၉ခုနှစ်တည်းက စတင်ခဲ့ပြီး တစ်ပိုင်တစ်နိုင်သာရောင်းချနေပြီး ဈေးကွက်အနေဖြင့် အခြားပြည်နယ်များသို့ ဖြန့်ဖြူးခြင်းမရှိသေးပဲ ဒေသတွင်းဖြန့်ဖြူးခြင်းပဲရှိသေးကြောင်း သိရသည်။ ရွှေဝါထွန်းပဲမုန့်သည် စားသုံးသူရေးရာ ဦးစီးဌာန၏ ကုန်အညွှန်းအမှတ်အသားဖော်ပြခြင်းဆိုရာအချက်အလက် ထောက်ခံချက်ရရှိထားပြီးဖြစ် ကြောင်းသိရပါသည်။

     ဆက်လက်၍ ဓနုဖြုမြို့နယ်စားသုံးသူရေးရာဦးစီးဌာနမှ တာဝန်ရှိသူက စားသုံးသူကာကွယ်ရေးဥပဒေ(၂၀၁၉)ပါ စီးပွားရေးလုပ်ငန်းရှင်လိုက်နာရမည့်တာဝန်များ၊ ရွှေဝါထွန်းပဲမုန့်၏ ထုတ်ပိုးပြင်ဆင်မှုနှင့် ကုန်အညွှန်းအမှတ်အသားဖော်ပြထားသည့် ကုန်စည်နှင့် သက်ဆိုင်သည့် အချက်အလက်များကို စစ်ဆေးခဲ့ပြီး၊ ကုန်စည်နှင့် စပ်လျဉ်း၍ စီးပွားရေးလုပ်ငန်းရှင်သည် ရောင်းချသည့် ကုန်စည်တွင် သာမာန်အားဖြင့် မမြင်နိုင်သော သဘာဝပြောင်းလဲနိုင်မှုနှင့် စပ်လျဉ်းသည့် အချက်အလက်များကို စားသုံးသူအား ထင်ရှားစွာဖော်ပြရန် အသိပေးရမည့် အချက်အလက်များကို ပြောကြားပြီး၊ စားသုံးသူအတွက် နစ်နာဆုံးရှုံမှုရှိလာပါက နစ်နာမှုအတွက် စားသုံးသူမှအရေးဆို တိုင်ကြားနိုင်သည့်အတွက် ပုဒ်မ ၂၃အရ စားသုံးသူအပေါ် အာမခံချက်ပေးထားပြီး ရောင်းချသည့် ကုန်စည်နှင့်စပ်လျဉ်း၍ စားသုံးသူသည် တောင်းဆိုပိုင်ခွင့်အခွင့်အရေး(၃)ချက်ရှိကြောင်းကို ရှင်းလင်း ပြောကြားအသိပညာပေးခဲ့ကြောင်း သိရသည်။

DOCA(ဧရာဝတီ)