သတင်းနှင့် လှုပ်ရှားမှုများ

               ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဦးမိုးမင်းသန်းနှင့် ဝန်ထမ်းတို့သည် ၂၀၂၅ ခုနှစ်၊ ဒီဇင်ဘာလ (၂၄) ရက်နေ့၊ နံနက် (၁၁:၀၀) နာရီအချိန်တွင် အမှတ်(၃) ရပ်ကွက်ရှိ ပြည်သူ (၁၂) ဦးအား ကျိုက်လတ်မြို့နယ စားသုံးသူရေးရာဦးစီး ဌာန မြို့နယ်တာဝန်ခံရုံးတွင် Online Sale နှင့်ပက်သက်၍ အသိပညာပေး ဟောပြောခဲ့ပါသည်။

                        မြို့နယ်တာဝန်ခံ ဦးမိုးမင်းသန်းက လူထုဆက်သွယ်ရေး နည်းလမ်းများ ဖြစ်သော Facebook page ၊ Tik Tok  အစရှိသော သတင်းမီဒီယာများတွင် Online စနစ်ဖြင့် ရောင်းချလျက်ရှိသော ကုန်ပစ္စည်းများနှင့် ပက်သက်၍ Online မှတ်ပုံတင်ရမည်ဖြစ်ကြောင်း၊ Online ပေါ်တွင် လိမ်လည်မှုများ ဖြစ်ပေါ်နေ၍ စားသုံးသူပြည်သူများ နစ်နာဆုံးရှုံးမှု မဖြစ်ပေါ်စေရေးအတွက် Online မှတ်ပုံတင်ခြင်း၊  မိမိတို့၏ ကုန်ပစ္စည်းနှင့် မိမိလုပ်ငန်းများအား တာဝန်ယူ၊ တာဝန်ခံခြင်းဖြင့် လုပ်ငန်းရှင်ဘက်မှ လိုက်နာဆောင်ရွက်ကြရန် Online မှတ်ပုံတင်ခြင်းဆိုင်ရာ အချက်အလက် များကို အကျယ်တဝင့် ရှင်းပြခြင်း၊ Online မှတ်ပုံတင်ရာတွင် website မှဝင်ရောက်၍ လျှောက်လွှာရေးသွင်း မှတ်ပုံတင်နည်း အဆင့်တို့အား ရှင်းလင်းပြောကြားခဲ့ပြီး စားသုံးသူများ နစ်နာဆုံးရှုံးမှု ဖြစ်ပေါ်လာပါက Call Centre 1535 သို့ ဆက်သွယ်တိုင်ကြားနိုင်ကြောင်း အသိပညာပေးဟောပြောခဲ့ပါသည်။

                                      ထို့အပြင် စားသုံးသူများသာမက ကုန်စည်နှင့် ဝန်ဆောင်မှု ထုတ်လုပ်ဖြန့်ဖြူး ရောင်းချ နေသော လုပ်ငန်းရှင်များပါ စားသုံးသူကာကွယ်ရေး ကိစ္စရပ်များနှင့် ပက်သက်၍ သိရှိလိုသည် များကို မည်သူမဆို မေးမြန်းနိုင်ပါကြောင်း၊ စားသုံးသူနစ်နာဆုံးရှုံးမှု တစ်ရပ်ရပ်ကို တိုင်ကြားလိုပါကလူကိုယ်တိုင်သော်လည်းကောင်း၊လူထုဆက်သွယ်ရေးနည်းလမ်းတစ်ခုခုဖြင့်သော်လည်းကောင်း၊သက်ဆိုင်ရာဦးစီးမှူးရုံးသို့သက်သေခံအ ထောက်အထား နှင့်အတူ တိုင်ကြားနိုင်ပါကြောင်း အသိပညာပေးဟော ပြောခဲ့မှုအပေါ် သတင်းရရှိပါသည်။

(Doca ဧရာဝတီ)

            စားသုံးသူရေးရာဦးစီးဌာန၊ကြံခင်းမြို့နယ်တာဝန်ခံသည်(၂၄.၁၂.၂၀၂၅)ရက် နေ့လည်(၁၂:၀၀) အချိန်တွင် ကြံခင်းမြို့နယ်ထွေအုပ်ရုံး ဧရာဦးခန်းမ၌ ဆန်စက်လုပ်ငန်းရှင်(၂၀)ဦး အား My Ro တွင် ဆန်စပါးသိုလှောင်ရုံမှတ်ပုံတင်ခြင်း နှင့်စပ်လျဉ်း၍ အသိပညာပေးဟောပြောခြင်းကို ဆောင်ရွက်ခဲ့ပါ သည်။

          ထိုသို့ဆောင်ရွက်ရာတွင် မြို့နယ်တာဝန်ခံ ဦးကျော်နိုင်ဝင်းက မြန်မာနိုင်ငံဆန်စပါး အသင်းချုပ် နှင့် စားသုံးသူရေးရာဦးစီးဌာနတို့ ပူးပေါင်းအကောင်အထည်ဖော် ဆောင်ရွက်လျက်ရှိသည့် မြန်မာ ဆန်စပါး အွန်လိုင်း(MyRo)တွင် ၂၀၂၃ ခုနှစ် နိုဝင်ဘာလ(၃၀)ရက်နေ့မှ စတင်၍ ဆန်တန်ချိန် ၂၅ နှင့်အထက် သိုလှောင်ရုံ သို့မဟုတ် စပါးတင်း ၂၅၀၀ နှင့်အထက် သိုလှောင်မှုများအား မှတ်ပုံတင် လုပ်ငန်းများ ဆောင်ရွက်လျက်ရှိကြောင်း၊ ဆန်စပါးသိုလှောင်ရုံမှတ်ပုံတင်ခြင်း နှင့်စပ်လျဉ်း၍ ပြည်တွင်း ၌ ဆန်စပါး ဖူလုံရေး၊ ပြည်ပသို့စနစ်တကျတင်ပို့နိုင်ရေး၊ ဆန်စပါးဈေးနှုန်း ဈေးကွက်နှင့် ဈေးနှုန်း တည်ငြိမ်မှန်ကန်‌ ရေး၊ ဆန်စပါးသိုလှောင်ရုံတည်ရှိမှုအခြေအနေများကို စနစ်တကျစာရင်း ပြုစု မှတ်တမ်းတင်နိုင်ရေး၊ သိုလှောင်ရုံကုန်အမှတ်လက်ခံရေးတို့ကို အခြေပြုသည့် ငွေကြေးထောက်ပံ့မှု စနစ်ကို ဖော်ဆောင်နိုင်ရေးတို့အတွက် ပြည်တွင်း၌ လုပ်ကိုင်ဆောင်ရွက်လျက်ရှိသည့် ဆန်စပါး သိုလှောင်ရုံ မှတ်ပုံတင်လုပ်ငန်းစဉ်များအား အသေးစိတ် အသိပညာပေး ရှင်းလင်း ဆွေးနွေးခဲ့ပြီး၊ မှတ်ပုံ တင်ထားပြီးသည့်   ဆန်စပါး သိုလှောင်ရုံလုပ်ငန်းရှင်များအနေဖြင့်  ကုန်ရ၊ ကုန်ထုတ်၊ ကုန်လက်ကျန် စာရင်းများအား လစဉ် လ ဆန်း ၁ရက်နေ့ မှ  ၇ ရက်နေ့ အတွင်း Update ဖြည့်သွင်းနိုင်ရေး စသည်တို့ ကို အသိပညာပေး ဟောပြောခဲ့ကြောင်း သိရှိရပါသည်။

(DOCA ဧရာဝတီ)

                    ဖျာပုံခရိုင်၊ ဘိုကလေးမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် ၂၀၂၅ ခုနှစ်၊ ဒီဇင်ဘာလ (၂၂) ရက်နေ့၊ နံနက် (၁၀:၀၀ နာရီ အချိန်တွင် (၁၅)လမ်း၊ (၉) ရပ်ကွက်ရှိ ဦးဟန်မင်းဦး ပိုင်ဆိုင်သော “ဇာမဏီ” ဖယောင်းတိုင်လုပ်ငန်းသို့ ကွင်းဆင်းစိစစ်ခဲ့ပါသည်။

             လူသုံးကုန်ဖြစ်သော “ဇာမဏီ” ဖယောင်းတိုင် လုပ်ငန်းမှ ကုန်ကြမ်းအနေဖြင့် ဖယောင်းခဲနှင့် ကြိုးတို့ပါဝင်ပြီး တစ်နေ့ထုတ်လုပ်မှု အနေဖြင့် ဖယောင်းတိုင် အကြီး/အသေး အထုပ်(၂၀၀) ခန့် ယခုလတွင် ထုတ်လုပ်လျက်ရှိပြီး ဈေးနှုန်းအနေဖြင့် ဖယောင်းတိုင် အတို(ရှယ်) ဈေးနှုန်း (၃၀၀၀) ကျပ်၊ (၁၅) တိုင်ပါ အသေးတစ်ထုပ်လျှင် (၂၀၀၀) ကျပ်၊ (၃၂) တိုင်ပါ (ရှယ်) တစ်ထုပ်လျှင် (၁၉၀၀) ကျပ်၊ (၃၂) တိုင်ပါ အနီကြီး တစ်ထုပ်လျှင် (၁၇၀၀) ကျပ်ဖြင့် အမျိုးအစားအစုံကို လက်လီ/လက်ကား ရောင်းချပေးလျက်ရှိသည်။ လုပ်သားအနေဖြင့် (၃) ဦးထားရှိပြီး နေ့စားခ(၆၀၀၀/၇၀၀၀) ကျပ်နှုန်းဖြင့် ပေးချေရသည်။ ဈေးကွက် အနေဖြင့် ဒေသအတွင်း၌သာ ဖြန့်ဖြူးရောင်းချလျက်ရှိပါသည်။

               ထို့နောက် မြို့နယ်တာဝန်ခံမှ ထုတ်လုပ်သော ကုန်စည်နှင့် ပက်သက်၍ ထုတ်ကုန် လုံခြုံစိတ်ချရမှု ရှိစေရေးအတွက် အရည်အသွေး ပြည့်မီသည့် ကုန်စည်များကိုသာ ရောင်းချရန် ပြောကြားခဲ့ကြောင်း သတင်းရရှိပါသည်။

(Doca ဧရာဝတီ)

             စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူး ဦးဇော်မင်းသည် မြို့နယ်တာဝန်ခံ(၄)ဦးနှင့် ZoomMetting အသုံးပြု၍ မိမိတို့ဌာန၏ အရေးကြီးလမ်းညွှန်ချက်များကို စီမံဆောင်ရွက်နိုင်ရန်ဆွေးနွေးပွဲကို ၂၃-၁၂-၂၀၂၅ ရက်နေ့ နံနက် (၁၀၃၀ အချိန်က ဆွေးနွေးခဲ့ကြောင်း သိရသည်။

            မအူပင်ခရိုင်ဦးစီးမှူး ဆွေးနွေးရာတွင် မြို့နယ်ဦးစီးမှူးများ မိမိမြို့နယ်အတွင်းမှ အခြားဒေသသို့ ဆန်နှင့်ဆန်ကွဲ တင်ပို့ရာတွင် ကုန်ပို့လွှာများ ဆောင်ရွက်လျက်ရှိရာ မိမိမြို့နယ်များရှိ ၂၀၂၅ခုနှစ် ဒီဇင်ဘာလ ၁ရက်နေ့မှ ယနေ့အထိ ဆန်နှင့်ဆန်ကွဲတင်ပို့မှုစာရင်းအား နေ့လည် ၁၄:၀၀နာရီအရောက် ခရိုင်ဦးစီးမှူးရုံးသို့ တင်ပြရန်နှင့် ခရိုင်ဦးစီးမှူးရုံးမှ တိုင်းရုံးသို့ ဆက်လက်တင်ပြရမည်ဖြစ်၍ အလေးထားဆောင်ရွက်ပေးပါရန်ကိုလည်းကောင်း၊ MyRo တွင် မှတ်ပုံတင် ထားသော လုပ်ငန်းရှင်များအနေဖြင့် (၁)ရက်နေ့မှ (၇)ရက်အတွင်း မိမိမြို့နယ်ရှိ ဆန်၊ စပါးလက်ကျန်စာရင်း မဖြစ်မနေဖြည့်သွင်းရန်ကို အသိပေးဆောင်ရွက်စေရန်၊ ဆန်စက် ကြီး၊ လတ်၊ငယ် စာရင်းများ လစဉ်စာရင်း ကောက်ခံထားရန်၊ Gasifier Boiler အရေအတွက်ကို ကောက်ခံထားရန်၊ စပါးသစ်လက်ကျန်၊ စပါးဟောင်းလက်ကျန် စာရင်များကို တိုင်းဒေသကြီးဦးစီးမှူးရုံးသို့ အပတ်စဉ် တင်ပြနိုင်ရေးအတွက် မိမိမြို့နယ်အလိုက် စာရင်းပြုစု ပေးပို့ဆောင်ရွက်နိုင်ရန်ကိုလည်းကောင်း၊ စားအုန်းဆီနှင့် ပတ်သက်၍ မှန် ၆မှန်အတိုင်းတိကျစွာဆောင်ရွက်၊ စားသုံးသူကာကွယ်ရေး အသိပညာပေးခြင်းနှင့် ပြည်တွင်းကုန်သွဘ်မှုဖွံ့ဖြိုးရေးလုပ်ငန်းများကို တက္ကသိုလ်၊ တပ်ရင်းတပ်ဖွဲ့နှင့်၊ အသင်းအဖွဲ့၊ ဘဏ်၊ အကျဉ်းထောင်များတွင် အသိပညာပေးခြင်းလုပ်ငန်း ပိုမိုဆောင်ရွက်စေရန် တို့ကို မှာကြားခဲ့ပြီး မြို့နယ်များမှ လုပ်ငန်းဆောင်ရွက်မှုများကို အသီးသီးတင်ပြခဲ့ပြီး အစည်းအဝေးကို (၁၁၃၀)အချိန်တွင် ပြီးဆုံးခဲ့ကြောင်း သိရသည်။

DOCA(ဧရာဝတီ)

                  စားသုံးသူရေးရာဦးစီးဌာန၊ မအူပင်ခရိုင်၊ ဓနုဖြူမြို့နယ်ဦးစီးမှူးရုံးမှ  ဦးခိုင်လွမ်းနှင့် ဝန်ထမ်းများ သည် ၂၄.၁၂.၂၀၂၅ ရက်နေ့ ၁၀:၃၀ နာရီအချိန်တွင် ဓနုဖြူမြို့၊ စည်ပင်သာယာဈေး  ရှိ ဝင်းဝင်း (ကုန်စုံဆိုင်) တွင် ရောင်းချနေသော ငရုတ်ဆီ၊ ခရုဆီ ဟင်းချက် ရသာကုန်စည်အမျိုးမျိုးတွင် ကုန်အညွှန်း အမှတ်အသားဖော်ပြခြင်းနှင့် ပတ်သက်၍ စားသုံးသူကာကွယ်ရေး ဥပဒေပါ ပြဌာန်းချက်များနှင့် ကိုက်ညီ ခြင်းရှိ/မရှိ ဈေးကွက်စောင့်ကြည့် စစ်ဆေးခဲ့ပါသည်။

                                 ဈေးကွက်စောင့်ကြည့်စစ်ဆေးခဲ့ရာ အမှတ်တံဆိပ်ပါ ရှာလကာရည်နှင့် ခရုဆီ၊ ငရုတ်ဆီ၊ ဆီသွပ်ဗူး သည် ငရုပ်ဆီနှင့်အချဉ်ရည်ပစ္စည်းအမျိုးမျိုးတို့တွင် ကုန်စည်အမျိုးအစားအလိုက် သတ်မှတ်ချက်များနှင့်အညီ မြန်မာဘာသာဖြင့် ပြည့်စုံစွာဖော်ပြရမည့် ကုန်စည်၏ အမျိုးအမည်၊ အရွယ်အစား၊ အရေ အတွက် အသားတင်ပမာဏ၊ သုံးစွဲပုံနည်းလမ်း၊ ထားသိုသိမ်းဆည်းမှုအညွှန်းနှင့် ဓာတ်မတည့်ကြောင်း ဖော်ပြချက်တို့ကို ကုန်အညွှန်းအမှတ်အသား ဖော်ပြထားရှိခြင်း ရှိ/မရှိ ဈေးကွက်စောင့်ကြည့် စစ်ဆေး ခဲ့ရာ ကုန်အညွှန်းအမှတ်အသား ပြည့်စုံစွာ ဖော်ပြထားရှိကြောင်း စစ်ဆေးတွေ့ရှိရပြီး ကုန်စုံဆိုင် ပိုင်ရှင်အား ကုန်ပစ္စည်းအမျိုးမျိုး ဖြန့်ဖြူးရောင်းချရာ တွင်လည်း မြန်မာဘာသာဖြင့် ကုန်အညွှန်း အမှတ်အသား ပြည့်စုံမှန်ကန်စွာ ဖော်ပြပါရှိသော ကုန်ပစ္စည်းများကိုသာ ဝယ်ယူဖြန့်ဖြူး ရောင်းချရန် အသိပညာပေး ဆွေးနွေးခဲ့ပြီး သတ်မှတ်ချက်များနှင့်မညီသော ကုန်စည်များကို ရောင်းချနေကြောင်းနှင့် လိုက်နာဆောင်ရွက်ခြင်းမရှိကြောင်း စစ်ဆေးတွေ့ရှိရပါက စီမံခန့်ခွဲမှု ဥပဒေနှင့်အညီ အရေးယူဆောင်ရွက်သွားမည်ဖြစ်ကြောင်းလုပ်ငန်းရှင်အား  ကုန်အညွှန်းအမှတ်အသား ဖော်ပြခြင်းဆိုင်ရာ လက်ကမ်းစာစောင်များ ဖြန့်ဝေခဲ့ပါသည်။

DOCA(ဧရာဝတီ)