သတင်းနှင့် လှုပ်ရှားမှုများ

    အသေးစားစက်မှုလက်မှုလုပ်ငန်းဦးစီးဌာန၊ ကယားပြည်နယ်၊ လွိုင်ကော်မြို့ရက်ကန်း နှင့်အသက်မွေးဝမ်းပညာသင်တန်းကျောင်း၌ ၂၀၂၅ ခုနှစ်၊ ဇူလိုင်လ (၁၁) ရက်နေ့ နံနက်  (၀၉:၀၀) အချိန်တွင် ပြည်နယ်အစိုးရအဖွဲ့၏ လမ်းညွှန်မှုဖြင့် လက်ရက်ကန်း(၆)လသင်တန်း ဖွင့်ပွဲကျင်းပဖွင့်ပွဲအခမ်းအနားကို ပြည်နယ်အစိုးရအဖွဲ့၊ လမ်းပန်းဆက်သွယ်ရေးဝန်ကြီး၊ ဌာန ဆိုင်ရာအကြီးအကဲများ၊မြို့နယ်အုပ်ချုပ်ရေးမှူးနှင့်လွိုင်ကော်မြို့ပေါ်ရှိရပ်ကွက်များမှ သင်တန်း သူ (၆) ဦး စုစုပေါင်း (   ၁၅  )ဦး တက်ရောက်ခဲ့ပါသည်။

သင်တန်းဖွင့်ပွဲတွင် သမဝါယမနှင့်ကျေးလက်ဖွံ့ဖြိုးရေးဝန်ကြီးဌာ၊ အသေးစားစက်မှု လက်မှုလုပ်ငန်းဦးစီးဌာန၊ ရက်ကန်းနှင့်အသက်မွေးပညာသင်တန်းကျောင်း  ကျောင်းအုပ် ဆရာမ ဒေါ်ချိုချိုမာက ၂၀၂၅-၂၀၂၆ ဘဏ္ဍာနှစ်တွင် လက်ရက်ကန်း(၆)လ သင်တန်း (ဒုတိယအကြိမ်) ဖွင့်လှစ်လျက်ရှိကြောင်း၊ သင်တန်းသူ(၆)ဦးနှင့် သင်တန်းနည်းပြ ဆရာမ(၃) ယောက်အတွက် ကယားပြည်နယ်အစိုးရအဖွဲ့မှ ဆန်၊ဆီများ (၆)လစာထောက်ပံ့ပေးကြောင်း၊  သင်တန်း တက်ရောက်သူများအား အဆောင်၊ ရေ၊ မီး၊ အပြည့်အစုံအခမဲ့နေထိုင် ခွင့်ပြုသည့် အပြင် နိုင်ငံတော်မှ တစ်လလျှင် ပညာသင်ထောက်ပံ့ကြေး သုံးသောင်းကျပ် (၃၀၀၀၀)နှင့် စားသောက်စရိတ်လေးသောင်းခွဲ (၄၅၀၀၀)ကျပ် အားထောက်ပံ့ပေးလျက်ရှိပါ သည်။

      အဆိုပါ သင်တန်းဖွင့်ပွဲတွင် ကယားပြည်နယ်အစိုးရအဖွဲ့၊ လမ်းပန်းဆက်သွယ်ရေး ဝန်ကြီးက သင်တန်းတွင်အသုံးပြုမည့် ထောက်ပံ့ရေးလုပ်ငန်းသုံးများပစ္စည်းများကို သင်တန်း သူများအားပေးအပ်ပြီး သင်တန်းသူများအနေဖြင့် စိတ်ပါဝင်စားစွာသင်ယူပြီး သင်တန်းပြီး မြောက်ပါကရက်ကန်းကျောင်းများတွင်နည်းပြများအဖြစ်ပြန်လည်ခန့်အပ်မည်ဖြစ်ကြောင်း၊ မိတ္ထီလာ တပ်မတော်ချည်စက်နှင့်လည်း ချိတ်ဆက်ဆောင်ရွက်ပေးသွားမည်ဖြစ်ကြောင်း၊ ကိုယ်ပိုင်လုပ်ငန်းများထူထောင်လိုပါကလည်း သက်ဆိုင်ရာများနှင့်ချိတ်ဆက်ပေးသွားမည်ဖြစ်ကြောင်း ပြောကြားခဲ့ပြီး တက်ရောက်လာသော  ဌာနဆိုင်ရာအကြီးအကဲများနှင့်အတူ ရက်ကန်းကျောင်းထဲသို့ သွားရောက်၍ သင်တန်းသူများ စိတ်ပါဝင်စားစွာသင်ကြားနေသည် များကို လိုက်လံကြည့်ရူ့စစ်ဆေးခဲ့ကြောင်း သတင်းရရှိပါသည်။

DOCA(ကယား)

  မွန်ပြည်နယ်  ကျိုက်မရောမြို့နယ်တွင် မြန်မာအီလက်ထရောနစ် မဲပေးစက်များ ကိုင်တွယ်အသုံးပြုခြင်းဆိုင်ရာ ဆင့်ပွားသင်တန်းကို ၂၁.၇.၂၀၂၅ ရက်နေ့ နံနက်က အ.ထ.က ကျိုက်မရော(ပညာ့အားမာန်)ခန်းမ၌ ပြုလုပ်ခဲ့သည်။ 

  ရှေးဦးစွာမြို့နယ်စီမံအုပ်ချုပ်ရေးအဖွဲ့ဥက္ကဌ ဦးကျော်စိုးဦးက အမှာစကားပြောကြားပြီး မြို့နယ်ရွေးကောက်ပွဲကော်မရှင် အဖွဲ့ခွဲရုံးမှ ဦးစီးအရာရှိ ဒေါ်စန္ဒာဝင်းက စက်ကိုင်တွယ် အသုံးပြုခြင်းနှင့် မဲပေးနည်းစနစ်များကို ရှင်းလင်းပြောကြားသည်။ အဆိုပါ သင်တန်းတွင် မြန်မာအီလက်ထရောနစ် မဲပေးစက်ဖွဲ့စည်းတည်ဆောက်ပုံ၊ ပါဝင်သည့်ဆက်စပ်ပစ္စည်းများနှင့် မဲပေးစက်များစစ်ဆေးခြင်း၊  အီလက်ထရောနစ် မဲပေးစက် လက်တွေ့တပ်ဆင်လေ့ကျင့်ခြင်း သင်ခန်းစာများနှင့် ပတ်သက်၍အပြန်အလှန် ဆွေးနွေးခြင်းနှင့်လက်တွေ့ကိုင်တွယ်လေ့ကျင့်ခြင်း တို့ကို  ဇူလိုင် ၂၁ ရက်မှ ၂၆ ရက် အထိ သင်တန်းနည်းပြ (၉) ဦးတို့က သင်တန်းသား၊ သင်တန်းသူ (၃၇၉)ဦး တို့အား ၄ ရက်ကြာ စာတွေ့၊ လက်တွေ့ သင်ကြားပို့ချပေးသွားမည်ဖြစ်ကြောင်း  သိရသည်။

DOCA (မွန်)

    စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ၂၀၂၅ခုနှစ်၊ ဇူလိုင်လ(၁၄)ရက်နေ့၊ နံနက် (၁၀:၀၀)နာရီအချိန်တွင် စားသုံးသူရေးရာဦးစီးဌာနမှ ဝန်ထမ်း(၃)ဦးသည် လွိုင်ကော်မြို့နယ်၊ အမှတ်(၅) အခြေခံပညာအထက်တန်းကျောင်း၌ ကျောင်းသား/ကျောင်းသူ စုစုပေါင်း( ၁၂၀ )ဦးကို  စားသုံးသူအကာအကွယ်ပေးရေးအသိပညာပေးဟောပြောဆွေးနွေးခဲ့သည်။

     အဆိုပါဟောပြောပွဲတွင် စားသုံးသူရေးရာဦးစီးဌာန၊ ဦးကျော်ဇင်ထွေး(ဒု-ဦးစီးမှူး)မှ စားသုံးသူ ကာကွယ်ရေးဥပဒေအကြောင်းရှင်းလင်းဆွေးနွေးခဲ့ရာတွင် ကျောင်းသား/ကျောင်းသူများအနေဖြင့် စားသုံး သူကာကွယ်ရေးဥပဒေပါ မိမိတို့၏အခွင့်အရေးကို အပြည့်အဝနားလည်ပြီး တောင်းဆိုရယူတက်စေရန် စားသုံးသူအခွင့်အရေးများနှင့်တာဝန်များ၊ ကုန်ပစ္စည်းများဝယ်ယူသုံးစွဲခြင်းမပြုမီ သတိပြုရမည့် အချက် များ၊ နေ့စဉ်ဝယ်ယူသုံးစွဲသည့် ကုန်ပစ္စည်းများအပေါ်ပေးထားသော ဝန်ဆောင်မှုများ အပြည့်အဝရရှိစေရေး ကိုလည်းကောင်း၊ ကုန်ပစ္စည်း(သို့)ဝန်ဆောင်မှုများ ဝယ်ယူရာတွင် နစ်နာဆုံးရှုံးမှုများရှိပါက စားသုံးသူ သတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးဌာနသို့လူကိုယ်တိုင်ဖြစ်စေ၊ ဖုန်းဖြင့်ဖြစ်စေ၊ Websiteမှဖြစ်စေ၊ Doca Myanmar application များမှ ဖြစ်စေ ဆက်သွယ်တိုင်ကြားနိုင်ပါကြောင်း၊ MPT၊ Ooredoo၊ Atom၊ Mytel ဆင်းကဒ်များဖြင့်လည်း ၁၅၃၅ နံပါတ်များသို့ခေါ်ဆို၍ ကုန်စည်(သို့) ဝန်ဆောင်မှုနှင့်စပ်လျဉ်း၍ သိရှိလိုသည်များမေးမြန်းခြင်း၊ နစ်နာဆုံးရှုံးမှုများအတွက် တိုင်ကြားခြင်းများ ပြုလုပ်နိုင်ကြောင်း အကျယ်တဝင့်ရှင်းလင်းဆွေးနွေးခဲ့ပြီး အသိပညာပေးလက်ကမ်းစာစောင်များ ဖြန့်ဝေခဲ့ပြီးကျောင်းကျန်းမာရေးအဖွဲ့ နှင့်အတူကျောင်းမုန့်ဈေးတန်းများပါ တစ်ပါတည်းစစ်ဆေး ဆောင် ရွက်ခဲ့ကြောင်းသတင်းရရှိပါသည်။

DOCA(ကယား)

    စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ၂၀၂၅ ခုနှစ်၊ ဇူလိုင်လ (၁၀)ရက် နေ့၊ နံနက်(၇)နာရီတွင် မြန်မာနိုင်ငံဆီကုန်သည်များအသင်းနှင့်ကယားပြည်နယ် ဆီကုန်သည်နှင့် ဆီလုပ်ငန်းရှင်များအသင်းတို့ ချိတ်ဆက်၍ ဖြန့်ဖြူးရောင်းချလျက်ရှိသောစားအုန်းဆီများ အား ဈေးကွက်အတွင်း ဈေးနှုန်းမြှင့်တင်ရောင်းချခြင်းရှိ/မရှိ၊ အချိန်အတွယ်ပြည့်မီမှုရှိ/မရှိကို မြို့နယ် စားအုန်းဆီနှင့်ဆန်ရောက်ရှိမှု စိစစ်ကြီးကြပ်ရေးအဖွဲ့ဖြင့်ပူးပေါင်း၍ ကွင်းဆင်းကြပ်မတ်ခြင်းလုပ်ငန်းများ ဆောင်ရွက်ခဲ့ပါသည်။

    ထိုသို့ဆောင်ရွက်ရာတွင် ကယားပြည်နယ် ဆီကုန်သည်နှင့်ဆီလုပ်ငန်းရှင်များ အသင်းက ဇူလိုင်လ(၁၄)ရက်မှ(၂၀)ရက်နေ့အထိ လက်ကားရည်ညွှန်းဈေးတစ်ပိဿာ (၆၀၃၀)ကျပ် အပေါ် အခြေခံ၍ ဒေသအရောက်ဈေးထပ်ပေါင်းပြီး တစ်ပိဿာလျှင်(၆၇၅၀)ကျပ်ဖြင့် လူတစ်ဦးလျှင် တစ် ပိဿာနှုန်း ရောင်းချပေးလျက်ရှိသည်ကို တွေ့ရှိရပါသည်။

      ထို့ပြင် စားအုန်းဆီများရောင်းချရာတွင်အချိန်အတွယ်မှန်ကန်မှုရှိစေရေး၊ ဝန်ထမ်းများနှင့် ပြည်သူများလက်ဝယ်သို့ သက်သာသောနှုန်းထားဖြင့် အမှန်တကယ်ရောင်းချစေရေး၊ ဈေးနှုန်းများ အဆမတန် မြှင့်တင်ရောင်းချမှုမရှိစေရေးနှင့် ဈေးကစားရန်ရည်ရွယ်ချက်ဖြင့် သိုလှောင်ထားမှု မရှိစေရေး၊ စားသုံးသူလက်ဝယ်သို့ အမှန်တကယ်တိုက်ရိုက်ရောက်ရှိစေရေးတို့အတွက် စားအုန်းဆီ ရောင်းချလျက်ရှိသောလုပ်ငန်းရှင်အရောင်းဆိုင်(၁၂)တို့အားမြေပြင်အခြေအနေကွင်းဆင်းကြပ်မတ် မှုများ ဆောင်ရွက်ခဲ့ကြောင်း သတင်းရရှိပါသည်။

DOCA(ကယား)

   စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ စစ်ဆေးရေးမှူး ဦးကျော်မိုးလွင်သည် ၂၄.၇.၂၀၂၅ ရက်နေ့ ၁၁:၀၀ နာရီအချိန်တွင် မိုးညှင်းမြို့၊ အောင်သပြေရပ်ကွက်အတွင်းရှိ မာတာမြင့်မိုလ်(ကုန်စုံဆိုင်)သို့ ကုန်အညွှန်းအမှတ်အသားဖော်ပြခြင်းနှင့် ပတ်သက်၍ စားသုံးသူကာကွယ်ရေးဥပဒေပါ ပြဌာန်းချက်များ နှင့် ကိုက်ညီခြင်း ရှိ/မရှိ ဈေးကွက်စောင့်ကြည့် စစ်ဆေးခဲ့ပါသည်။

   ဈေးကွက်စောင့်ကြည့်စစ်ဆေးခဲ့ရာ OMG အမှတ်တံဆိပ်ပါ ရှူးရှဲလျှာမီးတောက်မာလာရှမ်းကော ခေါက်ဆွဲထုပ်သည် အသင့်စားခေါက်ဆွဲခြောက်ထုပ်အမျိုးမျိုးတို့တွင် ကုန်စည်အမျိုးအစားအလိုက် သတ်မှတ် ချက်များနှင့်အညီ မြန်မာဘာသာဖြင့် ပြည့်စုံစွာ ဖော်ပြရမည့် ကုန်စည်၏ အမျိုးအမည်၊ အရွယ်အစား၊ အရေအတွက် အသားတင်ပမာဏနှင့် သုံးစွဲပုံနည်းလမ်းတို့ကို ကုန်အညွှန်းအမှတ်အသား ဖော်ပြထား ခြင်း ရှိ/မရှိ ဈေးကွက်စောင့်ကြည့်စစ်ဆေးခဲ့ရာ ကုန်အညွှန်းအမှတ်အသား ပြည့်စုံစွာ ဖော်ပြထားရှိကြောင်း စစ်ဆေးတွေ့ရှိရပြီး ကုန်စုံဆိုင်ပိုင်ရှင်အား ကုန်စည်အမျိုးမျိုး ဖြန့်ဖြူးရောင်းချရာတွင် ကုန်အညွှန်းအမှတ် အသား ပြည့်စုံမှန်ကန်စွာ ဖော်ပြထားသောကုန်စည်များကိုသာ ဝယ်ယူဖြန့်ဖြူးရောင်းချရန် အသိပညာပေး ဆွေးနွေးခဲ့ပြီး ကုန်အညွှန်းအမှတ်အသားဖော်ပြခြင်းဆိုင်ရာ လက်ကမ်းစာစောင်များ ဖြန့်ဝေခဲ့ပါသည်။

DOCA(ကချင်)