သတင်းနှင့် လှုပ်ရှားမှုများ

   ကျောက်ဆည်ခရိုင်၊ စားသုံးသူရေးရာဦးစီးဌာနသည် စားသုံးသူများ ဘေးအန္တရာယ် ကင်းရှင်း စေရေး၊ ထုတ်ကုန်များလုံခြုံစိတ်ချရမှုရှိစေရေးအတွက် စားသုံးသူကာကွယ်ရေး အသိပညာပေး ဟောပြောဆွေးနွေးပွဲများကျင်းပခြင်းနှင့် စျေးကွက်စောင့်ကြည့်စစ်ဆေးခြင်းလုပ်ငန်းတို့ကို စဉ်ဆက် မပြတ်ဆောင်ရွက်လျှက်ရှိရာ အောက်တိုဘာလ(၁၆)ရက်နေ့တွင် စဉ့်ကိုင်မြို့ ၊ အုန်းပင်ခြံရပ်ကွက်၌ စားသုံးသူကာကွယ်ရေးအသိပညာပေး ဟောပြောဆွေးနွေးပွဲ ကျင်းပြုလုပ်ခဲ့ပါသည် ။ ဟောပြောဆွေးနွေးပွဲတွင်ကျောက်ဆည်ခရိုင်စားသုံးသူရေးရာဦးစီးဌာနမှ ဦး‌ဇော်မင်းလတ်(ဒု-ရိုင်ဦးစီးမှူး) က တက်ရောက်လာသည့် ကျေးရွာသူ/ကျေးရွာသားများအား စားသုံးသူကာကွယ်ရေး ဥပဒေ၏ ရည်ရွယ်ချက်များ၊ စားသုံးသူကာကွယ်ရေး ဥပဒေပါ အချက်များဖြစ်သည့် စားသုံးသူများ၏ အခွင့်အရေးနှင့်တာဝန်များ ၊ စီးပွားရေးလုပ်ငန်းရှင်များ လိုက်နာရမည့် တာဝန်များ ၊ ကုန်စည်ဝန်ဆောင်မှုနှင့်စပ်လျဉ်း၍ အာမခံပေးထားမှုအပေါ် စားသုံးသူက တောင်းဆိုနိုင်သည့် အခွင့်အရေးများနှင့်စားသုံးသူများနစ်နာဆုံးရှုံးမှုများဖြစ်ပေါ်ပါက တိုင်းဒေသကြီး / ပြည်နယ် များရှိ Consumer Information & Complaint Center (CICC)များ နှင့် Consumer Call Center ဖြစ်သည့်(1535)သို့ ခေါ်ဆိုတိုင်ကြားနိုင်သည့်အပြင် စားသုံးသူရေးရာဦးစီးဌာန၏ Website ဖြစ်သော www.doca.gov. mm ထဲသို့ဝင်‌ရောက်ပြီး တိုင်ကြား နိုင်ပါကြောင်းဆွေးနွေးပြောကြားခဲ့ပြီး  အသိပညာပေးဟောပြောဆွေးနွေးပွဲသို့ ကျေးရွာသူ/ကျေးရွာသားများစုစုပေါင်း(၁၀၀)ဦး တက်ရောက်ခဲ့ကြပြီးတက်‌ရောက်လာသော ကျေးရွာသူ/ကျေးရွာသားများအား စားသုံးသူအသိပညာပေးလက်ကမ်း စာစောင်များဖြန့်ဝေပေးခဲ့ကြောင်းသိရှိရ ပါသည်။

DOCA(မန္တလေး)

         ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်အတွင်းရှိ ဆန်ဈေးနှုန်းများ ကြီးမြှင့်မှုမရှိစေရေးနှင့် စားသုံးသူများ သင့်တင့်မျှတသောဈေးနှုန်းများဖြင့် ဝယ်ယူနိုင်စေရန်အတွက် စားသုံးသူရေးရာဦးစီးဌာန၊ ခရမ်းမြို့နယ်တာဝန်ခံသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ နိုဝင်ဘာလ(၁၇)ရက်နေ့၊ နံနက်(၁၄:၃၀)နာရီအချိန်တွင် စည်ပင်သာယာမြို့မဈေးအတွင်းနှင့် ဈေးပြင်ပဆန်ဆိုင်များအား ကွင်းဆင်းစစ်ဆေးခဲ့ကြောင်း သိရှိရပါသည်။

          ထိုသို့ ကွင်းဆင်းစစ်ဆေးခဲ့ရာတွင် စည်ပင်သာယာမြို့မဈေးအတွင်းရှိ ပြည့်ဝဆန်ဆိုင်၊ ကရင်ကန်ဆန်ဆိုင်နှင့် ဈေးပြင်ပရှိ ဒေါ်သောင်းသောင်းဆန်ဆိုင်များတွင် ရောင်းချလျက်ရှိသော ဆန်အမျိုးအစားအလိုက်ရောင်းချသော ဈေးနှုန်းများအား ကောက်ခံခဲ့ပြီး အဆိုပါ ဆန်ဆိုင်များတွင် ဧရာဝတီပေါ်ဆန်းဆန်နှင့် ရွှေဘိုပေါ်ဆန်းဆန်များ ရောင်းချမှုမရှိဘဲ ကျောက်တန်းဒေသထွက် ကြားပျံဆန်၊ ခရမ်းဒေသထွက် ဆင်းသုခဆန်နှင့် ရွှေမန်းဆန် အမျိုးအစားများသာ ရောင်းချလျက်ရှိပြီး ဆန်ဈေးနှုန်းမှာ ယခင်အပတ်နှင့် ယခုအပတ်ဈေးနှုန်းများ ကွာခြားမှုမရှိဘဲ ဆန်ဈေးနှုန်းများ တည်ငြိမ်မှုရှိကြောင်း စစ်ဆေးတွေ့ရှိရကြောင်း သိရှိရပါသည်။

DOCA(ရန်ကုန်)

         (၁၈.၁၁.၂၀၂၅)ရက်နေ့၊ နံနက်(၁၂:၀၀)နာရီအချိန်တွင် စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဦးဇော်မင်းလတ်(ခရိုင်ဦးစီးမှူး)နှင့်ဝန်ထမ်းများသည် ဒဂုံမြို့သစ်ခရိုင်၊ အရှေ့ဒဂုံမြို့နယ်၊ အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးကော်မတီမှ တာဝန်ရှိသူများနှင့် ပူးပေါင်းပြီး ဆန်ရောင်းချမှုအခြေအနေများကို ကွင်းဆင်းအသိပညာပေးမှုများ ဆောင်ရွက်လျက်ရှိရာ အရှေ့ဒဂုံမြို့နယ်အတွင်းရှိ ဆန်လက်လီရောင်းချနေသော(၇)ရပ်ကွက်၊ တပင်ရွှေထီလမ်း၊ အရှေ့ဒဂုံမြို့နယ်ရှိ “ပြည့်ဝ”ဆန်ရောင်းဝယ်ရေးအရောင်းဆိုင်သို့သွားရောက်၍ ကွင်းဆင်းအသိပညာပေးမှုများ ဆောင်ရွက်ခဲ့ကြကြောင်း သိရှိရပါသည်။

       ထိုသို့ ကွင်းဆင်းအသိပညာပေးရာတွင် ဆန်ဆိုင်များရှိ ရောင်းချနေသောဆန်များသည် ရက်(၉၀)၊ ကြားပျံ ရွှေဘိုပေါ်ဆန်း၊ ရွှေဝါထွန်၊ ဧည့်မထ၊ ဆင်းသွယ်(ရှယ်)၊ ဖျားပုံကြားပျံ၊ ဆန်များကိုဝါးတန်းကုန်စည်ဒိုင်မှ အများဆုံးဝယ်ယူရောင်းချလျက်ရှိကြောင်း စစ်ဆေးတွေ့ရှိခဲ့ရာ ဆန်ရောင်းချမှုမှာလည်းပုံမှန်အတိုင်းရှိပြီး ဆန်သိုလှောင်မှုအိတ်အရေအတွက်များစွာမရှိပဲ ပုံမှန်ဖြန့်ဖြူးရောင်းချလျက်ရှိကြောင်း ဆန်ဈေးနှုန်းကြီးမြှင့်မှုမဖြစ်ပေါ်စေရေးအတွက် ဈေးကစားရန်အလို့ငှာ ဆန်များသိုလှောင်ထားခြင်းမပြုရန် လိုက်နာမှုမရှိပါက ဥပဒေအရအရေးယူခံရမှာဖြစ်ကြောင်း အသိပညာပေးပြောကြားခြင်းများ ဆောင်ရွက်ခဲ့ကြောင်း သိရှိရပါသည်။

DOCA(ရန်ကုန်)

          ရန်ကုန်အရှေ့ပိုင်းခရိုင်စားသုံးသူရေးရာဦးစီးမှူးရုံးမှ ဒေါ်လဲ့လဲ့ဌေး (ဒုဦးစီးမှူး)သည် (၁၈-၁၁-၂၀၂၅) ရက်နေ့၊ နေ့လယ်(၁၃:၀၀) နာရီအချိန်တွင် ဧရာဝဏ်လမ်း၊ စက်မှုလက်မှုရပ်ကွက်၊ သာကေတမြို့နယ် Petro APM စက်သုံးဆီ အရောင်းဆိုင်သို့သွားရောက်၍  PPRD မှ သတ်မှတ်ထားသော ဈေးနှုန်းများအတိုင်းရောင်းချခြင်းရှိ/ မရှိ ကွင်းဆင်းစစ်ဆေးခြင်း ဆောင်ရွက်ခဲ့ပါသည်။

         ထိုသို့စစ်ဆေးခြင်း ဆောင်ရွက်ရာတွင် စက်သုံးဆီအရောင်းဆိုင်များ၏ LED ဘုတ်တွင် ယနေ့ရောင်းဈေးတစ်လီတာလျှင် (92-၂၅၈၅ ကျပ်)၊ (95-၂၆၆၀ကျပ်)၊ (HSD-၂၅၄၀ကျပ်)၊ (PHSD-၃၀၈၅ကျပ်)တို့ဖြင့် ရောင်းချနေကြောင်းတွေ့ရှိရပြီး၊ စက်သုံးဆီရောင်းချမှုအခြေအနေ များ၊ စက်သုံးဆီဈေးနှုန်း၊ စက်သုံးဆီအရည်အသွေး၊ အခြင်အတွယ်မှန်ကန်မှုရှိ/ မရှိ၊ ဆီကား ရောက်ရှိမှုအခြေအနေများနှင့် ဆီလက်ကျန်အခြေအနေများအား စစ်ဆေးမေးမြန်းခြင်းဆောင်ရွက်ခဲ့ပြီး မြို့နယ်အတွင်း စက်သုံးဆီပြတ်လပ်မှုမရှိစေရေးနှင့် စက်သုံးဆီဈေးနှုန်းအဆမတန်မြှင့် တင်ရောင်းချမှုများမရှိစေရေး အသိပေးဆွေးနွေးခဲ့ကြောင်း သိရှိရပါသည်။

DOCA(ရန်ကုန်)

          ပြည်ထောင်စုနယ်မြေ၊ နေပြည်တော်ဦးစီးမှူးရုံးအနေဖြင့် စားသုံးသူကာကွယ်‌ရေးလုပ်ငန်း များဆောင်ရွက်ရာတွင် စားသုံးသူအသိပညာပေးခြင်း၊ စီးပွားရေးလုပ်ငန်းရှင်များနှင့်တွေ့ဆုံခြင်း၊ အလုပ်ရုံဆွေးနွေးပွဲ စသည့်လုပ်ငန်းများကို ဆောင်ရွက်လျက်ရှိရာ ၂၀၂၅ခုနှစ်၊ အောက်တိုဘာလအတွင်း နေပြည်တော်ဦးစီးမှူးရုံးအနေဖြင့် အသိပညာပေးဆွေးနွေးခြင်းအား ၁၀-၁၀-၂၀၂၅ ရက်နေ့၊ နံနက် (၁၀:၀၀) နာရီအချိန်တွင် ဇမ္ဗူသီရိမြို့နယ်၊ အသေးစားစက်မှုလက်မှုလုပ်ငန်းဦးစီးဌာနတွင် ဦးမြင့်နိုင် ဦးစီးအရာရှိက စားသုံးသူကာကွယ်ရေးအသိပညာပေးခြင်း ဆိုင်ရာကိစ္စရပ်များ၊ ကုန်အညွှန်းအမှတ် အသားများအကြောင်း၊ Online Sale မှတ်ပုံတင်ခြင်းဆိုင်ရာ ကိစ္စရပ်များနှင့် စားသုံးသူအခွင့်အ‌ ရေးနှင့်တာဝန်များအကြောင်းအသိပညာပေးခြင်း၊ ၂၂-၁၀-၂၀၂၅ ရက်နေ့၊ နံနက်(၁၁:၀၀)နာရီ အချိန်တွင် ဇေယျာသီရိမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနတွင် ဦးမြင့်နိုင် ဦးစီးအရာရှိက စားသုံးသူကာကွယ်ရေးအသိပညာပေးခြင်း ဆိုင်ရာကိစ္စရပ်များ၊ ကုန်အညွှန်းအမှတ် အသားများအကြောင်း၊ Online Sale မှတ်ပုံတင်ခြင်းဆိုင်ရာ ကိစ္စရပ်များနှင့် စားသုံးသူအခွင့် အ‌ရေးနှင့် တာဝန်များအကြောင်း အသိပညာပေးခြင်း၊ ၂၃-၁0-၂၀၂၅ ရက်နေ့၊ နံနက်(၁၁:၀၀) နာရီအချိန်တွင် ဒက္ခိဏသီရိမြို့နယ်၊  အခြေခံပညာ မူလတန်းကျောင်း(ရွှေပြည်)တွင် ဦးမြင့်နိုင် ဦးစီးအရာရှိက စားသုံးသူကာကွယ်ရေး အသိပညာပေးခြင်းဆိုင်ရာကိစ္စရပ်များ၊ ကုန်အညွှန်းအမှတ် အသားများအကြောင်း၊ Online Sale မှတ်ပုံတင်ခြင်းဆိုင်ရာကိစ္စရပ်များနှင့် စားသုံးသူအခွင့်အ‌ရေး နှင့်တာဝန်များအကြောင်း အသိပညာပေးခြင်း၊ ၃၀-၁၀-၂၀၂၅ ရက်နေ့၊ နံနက်(၁၁:၀၀) နာရီအချိန်တွင် ပျဉ်းမနားမြို့နယ်၊ အခြေခံပညာအလယ်တန်းကျောင်း(ဂဲကြီးသာစည်)တွင် ဦးမြင့်နိုင် ဦးစီးအရာရှိ Online Sale မှတ်ပုံတင်လက်မှတ် ရရှိပြီးသူများ၏ တာဝန်နှင့် အခွင့်အရေးများအကြောင်း၊ လုပ်ငန်းရှင်များနှင့်တွေ့ဆုံခြင်းအား ၃၁-၁၀-၂၀၂၅ ရက်နေ့၊ နေ့လည်(၁၄:၀၀)နာရီအချိန်တွင် ပြည် ထောင်စုနယ်မြေ၊ နေပြည်တော်ဦးစီးမှူးရုံး၌ ဦးနေဝေယံဦး လက်ထောက်ညွှန်ကြားရေးမှူးက စီးပွား‌ရေးလုပ်ငန်းရှင်များလိုက်နာရမည့် တာဝန်ဝတ္တရားများနှင့်ကုန်ပစ္စည်းများ ထုတ်လုပ်ဖြန့်ဖြူး ရောင်းချရာတွင် ကုန်အညွှန်းအမှတ်အသားများ ပြည့်စုံစွာပါရှိရေးနှင့် အရေးကြီးကုန်စည်နှင့် ဝန်ဆောင်မှုဥပဒေအကြောင်း ဆွေးနွေးခဲ့ပါကြောင်း သတင်းရရှိပါသည်။

DOCA(ပြည်ထောင်စုနယ်မြေ)