သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ မြန်အောင်မြို့နယ်ဦးစီးမှူးနှင့်ဝန်ထမ်းများသည် (၂၀.၅.၂၀၂၅)ရက် နေ့၊ နံနက် (၁၀:၃၀) နာရီအချိန်တွင် မိတ်ဘက်ဌာနဆိုင်ရာများနှင့် ပူးပေါင်း၍  မြန်အောင်မြို့မနေခြည် ဈေးအတွင်းရှိ ကုန်မျိုးစုံဆိုင်များတွင် ရောင်းချသော အသင့်စားကုန်စည်များတွင် ကုန်အညွှန်းအမှတ် အသား‌ဖော်ပြထားမှု ရှိ/မရှိ  ဈေးကွက်စောင့်ကြည့်စစ်ဆေးခြင်းများ ဆောင် ရွက်ခဲ့ပါသည်။

     ထိုသို့ကွင်းဆင်းစစ်ဆေးခဲ့ရာတွင် စားသုံးသူမိဘပြည်သူများ ဘေးအန္တရာယ်ကင်းရှင်းစေရန် အတွက် ဈေးကွက်အတွင်းရောင်းချနေသော ကုန်စည်များပေါ်တွင် ကုန်စည်အမျိုးအစားကိုလိုက်၍ ကုန်အညွှန်းအမှတ်အသားများ ပြည့်စုံမှန်ကန်စွာ ဖော်ပြခြင်းရှိ/မရှိ၊ သက်ဆိုင်ရာဌာန၏ထောက်ခံချက် ရှိ/မရှိတို့ကိုစစ်ဆေးခဲ့ပြီး၊ မြန်မာနိုင်ငံ စားသုံးသူကာကွယ်ရေးကော်မရှင်မှ ထုတ်ပြန်ကြော်ငြာထားသော ညွှန်းကြားချက်အမှတ် (၂/၂၀၁၉) နှင့်အညီ မြန်မာဘာသာဖြင့် ပြည်စုံစွာဖော်ပြထားသော ကုန်စည် များကိုသာ ရောင်းချရန်နှင့် စီးပွားရေး လုပ်ငန်းရှင်များအနေဖြင့် ထုတ်ပြန်ထားသော ညွှန်ကြားချက်များ အတိုင်း လိုက်နာဆောင်ရွက်ရန်၊  ကုန်စည်နှင့် စပ်လျဉ်း၍ အာမခံချက်ပေးရာတွင် စားသုံးသူများ စိတ် ကျေနပ်မှုရှိစေရေးနှင့် သတ်မှတ်အရည်အသွေးပြည့်မီသောကုန်စည်များကိုသာရောင်းချရန်၊ စားသုံးသူ ကာကွယ်ရေးဥပဒေပါ စီးပွားရေး လုပ်ငန်းရှင်၏ တာဝန်များအကြောင်း၊ တားမြစ်ချက်များ အကြောင်း နှင့် ပြစ်မှုပြစ်ဒဏ်များအကြောင်း စသည်တို့ကို အသိပညာပေး ဆွေးနွေးခဲ့ပြီး၊ ကုန်မျိုးစုံဆိုင် (၈)ဆိုင် အား ဈေးကွက်စောင့်ကြည့်စစ်ဆေးခြင်းများဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

     စားသုံးသူရေးရာဦးစီးဌာန၊မြန်အောင်မြို့နယ်ဦးစီးမှူးနှင့်ဝန်ထမ်းများသည်(၂၀.၅.၂၀၂၅)ရက်နေ့ နေ့လည်(၁၃:၃၀)နာရီအချိန်တွင် သက်ဆိုင်ရာအဖွဲ့နှင့်ပူးပေါင်း၍ မြန်အောင်မြို့နယ်၊ အမှတ်(၄)ရပ် ကွက်၊ ကညင်ငူနှင့် လက်ပံရပ်၊အမှတ်(၅)ရပ်ကွက်ရှိ စားအုန်းဆီအရောင်းဆိုင်များအားဈေးနှုန်းမြှင့်တင် ရောင်းချမှုရှိ/မရှိ ကွင်းဆင်းစစ်ဆေးခြင်း ကိုဆောင်ရွက်ခဲ့ပါသည်။

     ထိုသို့စစ်ဆေးရာတွင် မြန်အောင်မြို့နယ်အနေဖြင့် ခွဲတမ်းရရှိသောစားအုန်းဆီများ အားဖြန့်ဖြူး ရာတွင် ပြည်သူများထံသို့ သတ်မှတ်ရည်ညွှန်းဈေးဖြင့် စနစ်တကျဖြန့်ဖြူးရောင်းချမှုရှိ/မရှိ၊ ဆီဝယ်ယူ ခွင့်စာအုပ်ရှိသော ပြည်သူများအား ဖြန့်ဖြူးရောင်းချနေမှုတို့ကိုစစ်ဆေးခဲ့ပြီး၊   ဆီထုတ်ကိုယ်စားလှယ်မှ ဖြန့်ဖြူးပေးသည့် ခွဲတမ်းရစားအုန်းဆီများသတ်မှတ်ရည်ညွှန်းဈေးအပေါ်(၂%)အမြတ်ဖြင့်သာ ရောင်းချ လျက်ရှိပြီး ဈေးနှုန်းမြှင့်တင်ရောင်းချမှုမရှိကြောင်း၊ ဗွီနိုင်းချိတ်ဆွဲရောင်းချခြင်း၊ သတ်မှတ်ရည်ညွှန်း ဈေးများ ဖော်ပြကာ ရောင်းချလျက်ရှိကြောင်း စိစစ်တွေ့ရှိရသည်ဟု သတင်းရရှိပါသည်။

DOCA(ဧရာဝတီ)

     တနင်္သာရီတိုင်း၊ မြိတ်ခရိုင်တွင် ကြက်ဥစျေးနှုန်းများ အနည်းငယ်စျေးနှုန်း မြင့်တက်လာခြင်းကြောင့် ကုန်စျေးနှုန်းတည်ငြိမ်ရေးအဖွဲ့ဝင်များဖြစ်သော စားသုံးသူရေးရာဦးစီးဌာန၊ ခရိုင်ကျေးလက်ဖွံ့ဖြိုးရေးဦးစီးဌာန၊ ခရိုင်ပြည်သူ့ကျန်မာရေးဦးစီးဌာန၊ ဗဟိုစာရင်းအင်းအဖွဲ့၊ ခရိုင်စီမံကိန်းနှင့် မြို့နယ်စည်ပင်သာယာရေးအဖွဲ့တို့သည် ၂၀၂၅ခုနှစ်၊ ဧပြီလ(၂၅)ရက်နေ့တွင် မြိတ်မြို့၊ ဆိပ်ငယ်ရပ်၊ စည်ပင်သာယာစျေးကြီးနှင့် မြို့သစ်ရပ်ရှိ သီဟဇေယျာစျေးကြီးအပြင် မြို့ပေါ်ရှိ ကုန်စုံဆိုင်များသို့ သွားရောက်ပြီး ကြက်ဥစျေးနှုန်းစျေးကွက်များအား ကွင်းဆင်းစစ်ဆေးခဲ့ကြကြောင်း သတင်းရရှိပါသည်။

     ဒေသထွက်ကြက်ဥရှားပါခြင်းနှင့် အခြားတိုင်း/ပြည်နယ်များမှသယ်ယူလျက်ရှိသော ကြက်ဥများ ကားလမ်းခရီသယ်ယူပို့ဆောင်မှုအခြေအနေမကောင်းသောကြောင့် မရောက်ရှိဘဲ ဒေသတွင် ကြက်ဥစျေးနှုန်းများအနည်းငယ်မြှင့်တက်လာပြီး အရောင်ဆိုင်များတွင် ကြက်ဥများ ပြတ်လပ်လျက်ရှိကြောင်း သိရှိရပါသည်။ ကွင်းဆင်းစစ်ဆေးရာတွင် ပူးပေါင်းအဖွဲ့များမှ ကြက်ဥရောင်းချသူများအား စျေးနှုန်း အဆမတန်မြှင့်တင်ရောင်းချခြင်းမပြုရန်ပြောကြားခဲ့ပြီး စျေးကစားရန်ရည်ရွယ်ချက်ဖြင့် ရောင်းချခြင်း မရှိစေရေးနှင့် ရေလမ်းခရီးဖြင့်ဖြစ်စေ ကြက်ဥရောက်ရှိလာစေရေးဆောင်ရွက်ရန် ပြောကြားခဲ့ကြောင်း သတင်းရရှိပါသည်။

DOCA(တနင်္သာရီ)

    ၂၃.၄.၂၀၂၅ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ မော်လမြိုင်ခရိုင်၊ မုဒုံမြို့နယ်တာဝန်ခံ ဦးညီလွင်အေးသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ မုဒုံမြို့နယ်ရှိ ရွှေစံပယ်မုန့်လုပ်ငန်းသို့ ဈေးကွက်ကွင်းဆင်းစစ်ဆေးခဲ့ကြောင်း သိရှိရသည်။

    ထိုသို့ ကွင်းဆင်းစစ်ဆေးခဲ့ရာ မော်လမြိုင်ခရိုင်၊ မုဒုံမြို့နယ်၊ မြို့မ (၁) ရပ်ကွက်၊ မြနန္ဒာ လမ်းရှိ ရွှေစံပယ်မုန့်လုပ်ငန်းမှ ထုတ်လုပ်ရောင်းချလျက်ရှိသော မုန့်များတွင် မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက် အမှတ်(၂/၂၀၁၉)အရ ကုန်အညွှန်းအမှတ် အသားပြည့်စုံမှန်ကန်စွာ ဖော်ပြထားမှု ရှိ/မရှိ စစ်ဆေးခဲ့ကြောင်း၊ အဆိုပါ ရွှေစံပယ်မုန့်လုပ်ငန်းမှ ထုတ်လုပ်သည့် မုန့်များတွင် ကုန်အညွှန်းအမှတ်အသားပြည့်စုံမှန်ကန်စွာ ဖော်ပြထားသည်ကို စစ်ဆေးတွေ့ရှိရကြောင်း သိရှိရပါသည်။

DOCA(မွန်)

   ၂၄.၄.၂၀၂၅ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ မော်လမြိုင် ခရိုင်၊ မော်လမြိင်မြို့နယ်တာဝန်ခံ ဦးအောင်ညီညီခန့်နှင့် ဝန်ထမ်းများသည် အစားအသောက်နှင့် ဆေးဝါးကွပ်ကဲရေးဦးစီးဌာန၊ ပြည်သူ့ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့နှင့် ပူးပေါင်း၍ ‌မော်လမြိုင်မြို့နယ်ရှိ ကောင်းသစ်ကြေးအိုးဆိုင်၊ အပျိုကြီးထမင်းဆိုင်သို့ သွားရောက်၍ ကွင်းဆင်းစစ်ဆေးခဲ့ကြောင်း သိရှိရသည်။

  ထိုသို့ ကွင်းဆင်းစစ်ဆေးခဲ့ရာ အစားအသောက် ပြုပြင်ရောင်းချသည့် နေရာများတွင် သန့်ရှင်းသပ်ရပ်မှု ရှိ/မရှိ၊ အစားအသောက်ကိုင်တွယ်ချက်ပြုတ်သူများ၊ ဝန်ဆောင်မှုပေးသူများ၏ တစ်ကိုယ်ရည်သန့်ရှင်းမှု ရှိ/မရှိ၊ အစားအသောက်များ လတ်ဆတ် သန့်ရှင်းမှု ရှိ/မရှိ စစ်ဆေးခဲ့ရာ စားသုံးသူပြည်သူများ ဘေးအန္တရာယ်ကင်းရှင်းစေရေးသတ်မှတ်ချက်များနှင့်အညီ ဆောင်ရွက် ထားသည်ကို စစ်ဆေးတွေ့ရှိကြောင်း သိရှိရပါသည်။

DOCA( မွန်)