သတင်းနှင့် လှုပ်ရှားမှုများ

           ဧရာဝတီတိုင်းဒေသကြီး၊ မြောင်းမြခရိုင်၊ အိမ်မဲမြို့နယ်တာဝန်ခံဒေါ်ဇင်မာသန်းသည် ပြန်ကြားရေးနှင့်  ပြည်သူ့ဆက်ဆံရေးဦးစီးဌာနတို့နှင့် စားသုံးသူရေးရာဦးစီးဌာနတို့ပူးပေါင်း၍ (၁၃.၃.၂၀၂၆)ရက်နေ့၊ မွန်းလွှဲ(၁၅:၀၀)နာရီအချိန်တွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန၊ Community Centre ခန်းမတွင် ကမ္ဘာ့စားသုံးသူအခွင့်အရေးများနေ့ အသိပညာပေး Talk Show ပြုလုပ်ခဲ့ပါသည်။

          ထိုသို့ဟောပြောဆွေးနွေးရာတွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ အိမ်မဲမြို့နယ်တာဝန်ခံမှ ကမ္ဘာ့စားသုံးသူအခွင့်အရေးများနေ့ပေါ်ပေါက်လာပုံမှာ ကမ္ဘာ့စားသုံးသူများနေ့ ကိုအစပြုခဲ့ကြတာကတော့ အနောက်နိုင်ငံသားများဖြစ်ကြောင်း၊ (၁၉၆၀)နောက်ပိုင်းလောက်မှာ အနောက်နိုင်ငံသားတွေဟာ စားသုံးသူများကိုကာကွယ်ပေးရန်နှင့် စားသုံးသူအခွင့်အရေးများ ရရှိနိုင်စေရေးတို့အတွက် အရေးဆိုမှုများကိုတွင်တွင်ကျယ်ကျယ်ဆောင်ရွက်လာခဲ့ကြပြီး အနောက်နိုင်ငံသားတွေရဲ့ အရေးဆိုဆောင်ရွက်မှုတွေရှိလာတဲ့အပေါ်အမေရိကန်သမ္မတဂျွန်အက်ဖ်ကနေဒီက(၁၉၆၂)ခုနစ်၊ မတ်လ(၁၅)ရက်နေ့မှာ ကျင်းပပြုလုပ်သည့် ကွန်ဂရက်လွှတ်တော်၌  မိန့်ခွန်းပြောကြားရာတွင်     “စားသုံးသူကာကွယ်ရေးနှင့် ပက်သက်သည့်အချက်အလက်များအား”အလေးထားထည့်သွင်းပြောကြားရာမှအစပြုပြီး နှစ်စဉ်မတ်လ(၁၅)ရက်နေ့ရောက်တိုင်းစားသုံးသူများ၏အခွင့်အလမ်းများကို ဂရုပြုကာအလေးထားမြှင့်တင်သည့်အနေဖြင့် “ကမ္ဘာ့စားသုံးသူအခွင့်အရေးများနေ့”အခမ်းအနားအား အပြည်ပြည်ဆိုင်ရာ စားသုံးသူများအဖွဲ့(ConsumerInternational)မှဦးဆောင်၍နှစ်စဉ်နှစ်တိုင်းကျင်းပဆောင်ရွက်နေကြောင်း၊ မြန်မာနိုင်ငံအနေဖြင့်လည်း စားသုံးသူကာကွယ်ရေးလုပ်ငန်းများ ဆောင်ရွက်ခြင်းနှင့် စားသုံးသူကာကွယ်ရေး ဥပဒေရေးဆွဲပြဌာန်းခြင်းများကို ၂၀၁၄ခုနှစ် တွင် စတင်၍ နှစ်စဉ်မတ်လ(၁၅)ရက်နေ့ရောက်တိုင်း “ကမ္ဘာ့စားသုံးသူအခွင့်အရေးများနေ့”(World Cosumer Right Day) ကို ကျင်းပခဲ့ရာ ယခုနှစ်တွင် (၁၁) နှစ်သို့ပြည့်မြောက်ခဲ့ပြီး၊ စာတမ်းများဖက်ကြားခြင်း၊ လက်ကမ်းစာစောင်များဖြန့်ဝေခြင်း ၊Billboardများ စိုက်ထူခြင်းနှင့် Media Campaignများ ပြုလုပ်ခြင်းစသည့် လုပ်ငန်းများကိုလည်းဆောင်ရွက်ခဲ့ကြောင်း၊ စားသုံးသူအခွင့်အရေးများနေ့အကြောင်းကို အသိပညာပေးTalk Showတွင် အကျယ်တဝံ့ဆွေးနွေးခဲ့ကြောင်း သိရှိရပါသည်။

DOCA (ဧရာဝတီ)  

            စားသုံးသူရေးရာဦးစီးဌာန၊ ဟင်္သာတခရိုင်၊ လေးမျက်နှာမြို့နယ်တာဝန်ခံသည်(၁၂.၃.၂၀၂၆) ရက်နေ့ နံနက်(၁၀:၃၀)နာရီအချိန်တွင် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန(Community Centre)ခန်းမ၌ စားသုံးသူကာကွယ်ရေးဥပဒေဖော်ပြချက်ပါ ပြစ်မှုပြစ်ဒဏ်များအား အသိပညာပေး Talk Show အစီအစဉ်ကို ဆောင်ရွက်ခဲ့ကြောင်း သိရသည်။

       အဆိုပါအစီအစဉ်တွင် မြို့နယ်တာဝန်ခံ ဦးအောင်သန်းဌေးက  ၂၀၁၉ခုနှစ် မတ်လ(၁၅)ရက်နေ့တွင်  ပြဌာန်းခဲ့သောစားသုံးသူကာကွယ်ရေးဥပဒေ၏ ပုဒ်မ ၆၃ အရ  စီးပွားရေးလုပ်ငန်းရှင်များအနေဖြင့် ကုန်စည်၏အရည်အသွေး၊ အရေအတွက်၊ ပါဝင်သောပစ္စည်းများ၊အသုံးပြုပုံ၊ ဈေးနှုန်း၊  ဝန်ဆောင်မှုနှုန်းထား၊ ကုန်စည် သို့မဟုတ် ဝန်ဆောင်မှု၏ အာမခံပေးထားမှု၊ ပေးအပ်နိုင်သည့်အချိန်နှင့် စပ်လျဉ်း၍ လိမ်လည်လှည့်ဖြားခြင်းပြုထားသော ကြော်ငြာများ၊ မဟုတ်မမှန်သော သတင်းအချက်အလက်များ၊ အသုံးပြုခြင်းဖြင့် အန္တရာယ်ရှိမှုကို စားသုံးသူအား အသိပေးခြင်းမရှိသော ကြော်ငြာများ၊ တည်ဆဲဥပဒေများ၊ လူမှုကျင့်ဝတ်များနှင့် ကိုက်ညီမှုမရှိသော ကြော်ငြာများကိုမပြုလုပ်ရန်နှင့် ကုန်စည် သို့မဟုတ် ဝန်ဆောင်မှုကို သတ်မှတ်ထားသောကာလအတွင်း ကြော်ငြာထားသောပမာဏ၊ အရေအတွက်အတိုင်းရောင်းချရန် အစီအစဉ်မရှိဘဲ အချိန်ကာလတစ်ခုအတွင်း အထူးဈေးနှုန်းဖြင့် ရောင်းချရန်ကမ်းလှမ်းခြင်း၊ ကုန်စည်တစ်ခုကို ဆုကြေး သို့မဟုတ် အခမဲ့ဝန်ဆောင်မှုပေးရန် ကတိပြုထားသော်လည်း အမှန်တကယ်ပေးအပ်နိုင်ခြင်းမရှိဘဲ ရောင်းချခြင်း၊ စားသုံးသူ၏ ရုပ်ပိုင်းဆိုင်ရာကိုဖြစ်စေ၊ စိတ်ပိုင်းဆိုင်ရာကိုဖြစ်စေ အနှောင့်အယှက်ဖြစ်စေမည့် နည်းလမ်းများဖြင့် အရောင်းမြှင့်တင်ခြင်းမပြုရန် ပုဒ်မ ၆၄ အရ တားမြစ်ထားကြောင်း၊ ထိုပုဒ်မ ၆၃နှင့် ၆၄ ပါ တားမြစ်ချက်တစ်ရပ်ရပ်ကို ဖောက်ဖျက်ကျူးလွန်၍ ပြစ်မှုထင်ရှားစီရင်ခြင်းခံရလျှင် ပုဒ်မ ၇၀ အရ  ခြောက်လထက်မပိုသော ထောင်ဒဏ်ဖြစ်စေ၊ ကျပ်သိန်း ၂၀ ထက်မပိုသော ငွေဒဏ်ဖြစ်စေ ပြစ်ဒဏ်ချမှတ်နိုင်ကြောင်းတို့အားလည်းကောင်း၊ စီးပွားရေးလုပ်ငန်းရှင်များအနေဖြင့် အထက်ပါပြစ်ဒဏ်များအား စီရင်ခြင်းခံရပြီးနောက် အဆိုပါပြစ်မှုကို ထပ်မံကျူးလွန်ကြောင်း ပြစ်မှုထင်ရှားစီရင်ခြင်းခံရလျှင် တစ်နှစ်ထက်မပိုသော ထောင်ဒဏ်ဖြစ်စေ၊ ကျပ်သိန်း ၁၀၀ ထက်မပိုသော ငွေဒဏ်ဖြစ်စေ ချမှတ်နိုင်ကြောင်းတို့အားလည်းကောင်း အကျယ်တဝင့် ရှင်းလင်းဆွေးနွေးခဲ့ကြောင်း သိရှိရပါသည်။

DOCA (ဧရာဝတီ)

       ဧရာဝတီတိုင်းဒေသကြီး၊ မြောင်းမြခရိုင် ၊မြောင်းမြမြို့နယ်ဦးစီးမှူးဦးလှထွဋ်ဦးသည် ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့နှင့် စားသုံးသူရေးရာဦးစီးဌာနတို့ ပူးပေါင်း၍(၁၃.၃.၂၀၂၆)ရက်နေ့၊ မွန်းလွှဲ(၁၄:၀၀)နာရီအချိန်တွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန၊ Community Centre ခန်းမတွင် ကမ္ဘာ့စားသုံးသူအခွင့်အရေးများနေ့ အသိပညာပေး Talk Show ပြုလုပ်ခဲ့ပါသည်။

          ထိုသို့ဟောပြောဆွေးနွေးရာတွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မြို့နယ်ဦးစီးမှူးမှ ကမ္ဘာ့စားသုံးသူအခွင့်အရေးများနေ့ပေါ်ပေါက်လာပုံမှာ ကမ္ဘာ့စားသုံးသူများနေ့ကို အစပြုခဲ့ကြတာကတော့ အနောက်နိုင်ငံသားများဖြစ်ကြောင်း၊ (၁၉၆၀)နောက်ပိုင်းလောက်မှာ အနောက်နိုင်ငံသားတွေဟာ စားသုံးသူများကိုကာကွယ်ပေးရန်နှင့် စားသုံးသူအခွင့်အရေးများ ရရှိနိုင်စေရေးတို့အတွက် အရေးဆိုမှုများကိုတွင်တွင်ကျယ်ကျယ်ဆောင်ရွက်လာခဲ့ကြပြီး အနောက်နိုင်ငံသားတွေရဲ့ အရေးဆိုဆောင်ရွက်မှုတွေရှိလာတဲ့အပေါ် အမေရိကန်သမ္မတ ဂျွန်အက်ဖ်ကနေဒီက(၁၉၆၂)ခုနစ်၊ မတ်လ(၁၅)ရက်နေ့မှာ ကျင်းပပြုလုပ်သည့် ကွန်ဂရက် လွှတ်တော်၌ မိန့်ခွန်းပြောကြားရာတွင် “စားသုံးသူကာကွယ်ရေးနှင့် ပက်သက်သည့်အချက်အလက်များအား” အလေးထား ထည့်သွင်းပြောကြားရာမှ အစပြုပြီး နှစ်စဉ်မတ်လ(၁၅)ရက်နေ့ရောက်တိုင်း စားသုံးသူများ၏အခွင့်အလမ်းများကို ဂရုပြုကာ အလေးထားမြှင့်တင်သည့်အနေဖြင့် “ကမ္ဘာ့စားသုံးသူအခွင့်အရေးများနေ့”အခမ်းအနားအား အပြည်ပြည်ဆိုင်ရာ စားသုံးသူများအဖွဲ့(Consumer International)မှ ဦးဆောင်၍ နှစ်စဉ်နှစ်တိုင်း ကျင်းပဆောင်ရီက်နေကြောင်း၊ မြန်မာနိုင်ငံအနေဖြင့် လည်းစားသုံးသူကာကွယ်ရေးလုပ်ငန်းများ ဆောင်ရွက်ခြင်းနှင့်စားသုံးသူကာကွယ်ရေး ဥပဒေရေးဆွဲပြဌာန်းခြင်းများကို ၂၀၁၄ခုနှစ် တွင် စတင်၍ နှစ်စဉ်မတ်လ(၁၅)ရက်နေ့ရောက်တိုင်း “ကမ္ဘာ့စားသုံးသူအခွင့်အရေးများနေ့”(World Cosumer Right Day) ကို ကျင်းပခဲ့ရာ ယခုနှစ်တွင် (၁၁) နှစ်သို့ပြည့်မြောက်ခဲ့ပြီး၊ စာတမ်းများဖက်ကြားခြင်း၊ လက်ကမ်းစာစောင်များဖြန့်ဝေခြင်း ၊Billboardများ စိုက်ထူခြင်းနှင့် Media Campaignများ ပြုလုပ်ခြင်းစသည့် လုပ်ငန်းများကိုလည်းဆောင်ရွက်ခဲ့ကြောင်း၊ စားသုံးသူအခွင့်အရေးများနေ့အကြောင်းကို အသိပညာပေးTalk Showတွင် အကျယ်တဝံ့ဆွေးနွေးခဲ့ကြောင်း သိရှိရပါသည်။

DOCA (ဧရာဝတီ)   

     စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးတာဝန်ခံ ဦးဝင်းသိန်းဦး (ရုံးအုပ်) ဦးဆောင်၍

ဒေါ်ခင်ရတနာမျိုး(အငယ်တန်းစာရေး)တို့သည် (၁၇-3-၂၀၂၆) ရက်နေ့ (၁၁:၀၀)နာရီ အချိန်တွင် မိုးညှင်းမြို့၊အောင်သပြေရပ်ကွက်ရှိစားသုံးသူများအား အသိပညာပေးဟောပြောပွဲ ပြုလုပ်ဆောင်ရွက် ခဲ့ပါသည်။

          ထိုသို့ စားသုံးသူကာကွယ်ရေး အသိပညာပေးဟောပြောရာတွင် စားသုံးသူကာကွယ်ရေးနှင့် စားသုံးသူ၏ အဓိပ္ပါယ်ဖွင့်ဆိုချက်အကြောင်း၊အခန်း(၉)ပုဒ်မ19ပါ စားသုံးသူ၏ အခွင့်အရေးများ အကြောင်း၊ အခန်း(၉)ပုဒ်မ20ပါ စားသုံးသူ၏ တာဝန်များဖြစ်သော ကုန်စည် သို့မဟုတ် ဝန်ဆောင်မှု နှင့်စပ်လျဉ်းသည့် သတင်းအချက်အလက်နှင့် လမ်းညွှန်ချက်များအတိုင်း လိုက်နာဆောင်ရွက်ခြင်း၊ ကုန်စည် သို့မဟုတ် ဝန်ဆောင်မှုကို ရွေးချယ် ဝယ်ယူရာတွင် သဘောတူညီထားသည့် တန်ဖိုးနှင့်အညီ ပေးချေခြင်း၊ စီးပွားရေးလုပ်ငန်းရှင်အပေါ် ထိခိုက်နစ်နာစေရန်ရည်ရွယ်၍ မဟုတ်မမှန် စွပ်စွဲပြောဆို မှု၊ ပြုလုပ်မှုတို့ကိုရှောင်ကြဉ်ခြင်း၊ အငြင်းပွားမှုကို ညှိနှိုင်ဖြေရှင်းနေစဉ် လူထုဆက်သွယ်ရေးနည်း လမ်းများဖြင့်ဖြစ်စေ၊ အခြားနည်းလမ်းများဖြင့်ဖြစ်စေ၊ သက်ဆိုင်ရာ စီးပွားရေးလုပ်ငန်းရှင်အပေါ် ထိခိုက်နစ်နာစေရန်မဟုတ်မမှန် ပြောဆိုခြင်း၊ ရေးသားခြင်းနှင့် ပြုမူခြင်းတို့ကိုရှောင်ကြဉ်ခြင်းများ အကြောင်း၊ ကုန်စည်/ဝန်ဆောင်မှုနှင့်စပ်လျဉ်း၍ အာမခံပေးထားမှုအပေါ် စားသုံးသူက တောင်းဆို နိုင်သည့် အခွင့်အရေးနှင့် စားသုံးသူများအား Consumer Call Center လိုင်းခွဲ(1)သို့ လက်တွေ့ ခေါ်ဆို၍ တိုင်ကြားရမည့်နည်းလမ်းများ၊ တရားမဝင်ကုန်သွယ်မှု တိုက်ဖျက်ရေးဆိုင်ရာ အသိပညာ များ၊ အစားအသောက်နှင့် ဆေးဝါးဆိုင်ရာအသိပညာများ၊ ရောနှောဆီအပါအဝင် စားသုံးဆီအမျိုးမျိုး နှင့်စပ်လျဉ်း၍ သက်ဆိုင်ရာဌာနမှ သတ်မှတ်ထားသည့် စံချိန်စံညွှန်းများနှင့် ကိုက်ညီမှုမရှိသော စားသုံးဆီများကို ရေရှည်စားသုံးမိပါက ဘေးအန္တရာယ်ဖြစ်စေနိုင်မှု၊ စားသုံးသူနှင့်ကိုက်ညီသည့် စားသုံးဆီများကိုသာ ရွေးချယ်ဝယ်ယူအသုံးပြုရန်၊ စားအုန်းဆီနှင့်ပတ်သက်၍ သိကောင်းစရာများ အား  အသိပညာပေးဟောပြောခဲ့ကြောင်း သတင်းရရှိပါသည်။

DOCA(ကချင်)

             စားသုံးသူရေးရာဦးစီးဌာန၊ စစ်ကိုင်းခရိုင်၊ ခရိုင်ဦးစီးမှူးနှင့် ဝန်ထမ်းများသည် ၂၀၂၆ခုနှစ်၊ မတ်လ ၁၄ရက်နေ့ နံနက်(၀၈း၀၀)အချိန်တွင် ကမ္ဘာ့စားသုံးသူအခွင့်အရေးများနေ့ကျရောက်မည့်  အထိမ်းအမှတ်အဖြစ် ရတနာပုံ တံတားပေါ်တွင် သွားလာနေသော ခရီးသွားပြည်သူများအား စားသုံးသူကာကွယ်ရေးအကြောင်း သိကောင်းစရာများ အချက်အလက်များပါဝင်သော လက်ကမ်းစာစောင်များ ဖြန့်ဝေခြင်းနှင့် အသိပညာပေးခြင်းများ ဆောင်ရွက်ခဲ့ကြောင်း သိရှိရသည်။

               ထိုသို့ဆောင်ရွက်ခဲ့မှုတွင် ခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဌ ဦးဆောင်၍ ခရိုင် /မြို့နယ်အဆင့်ဌာနဆိုင်ရာများ ပူးပေါင်းဆောင်ရွက်ခဲ့ကြောင်း သိရှိရပါသည်။ စားသုံးသူရေးရာဦးစီးဌာနမှ ခရိုင်ဦးစီးမှူးသည် မတ်လ ၁၅ရက်နေ့သည် ကမ္ဘာ့စားသုံးသူအခွင့်အရေးများနေ့ ဖြစ်ကြောင်း၊ ကုန်စည် /ဝန်ဆောင်မှုနှင့်စပ်လျဉ်း၍ စားသုံးသူများ နစ်နာဆုံးရှံးမှုရှိလာပါက စားသုံးသူရေးရာဦးစီးဌာနသို့ တိုင်ကြားနိုင်ကြောင်း၊ လက်ကမ်းစာစောင်တွင် တိုင်ကြားနိုင်သည့် နည်းလမ်းများ၊ တိုင်ကြားနိုင်သည့်နေရာနှင့် ဖုန်းနံပါတ်များ ဖော်ပြပါရှိသည့်အကြောင်းကို ခရီးသွား ပြည်သူများအား အသိပညာပေးရှင်းလင်းပြောကြားခဲ့ကြောင်း သိရှိရပါသည်။

DOCA(စစ်ကိုင်း)