ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့ အထွေထွေအုပ်ရေးဦးစီးဌာန၊ အစည်းအဝေးခန်းမတွင် မျိုးစေ့ထုတ်နှင့်Rice Export Zone အကောင်အထည်ဖော်ဆောင်ရေး တောင်သူတွေဆုံပွဲအခမ်းအနားကို ၂၀၂၆ခုနှစ် ဖေဖော်ဝါရီလ ၃ရက်နေ့က မအူပင်ခရိုင်နှင့် မြို့နယ်စိုက်တိုးမြှင့်အဖွဲ့များနှင့်အတူ မအူပင်ခရိုင် စားသုံးသူရေးရာဦးစီးဌာနမှ တက်ရောက်ခဲ့သည်။

           အခမ်းအနားတွင် မအူပင်ခရိုင် စိုက်တိုးမြှင့်အဖွဲ့ ဥက္ကဌမှ ပန်းတနော်မြို့နယ် စပါးစိုက်တောင်သူများနှင့် ဌာနဆိုင်ရာများအား ဟောပြောဆွေးနွေးရာ ဧရာဝတီတိုင်းဒေသကြီးအနေဖြင့် ကောင်းမွန်သော စပါးများကိုစိုက်ပျိုးပြီး အရည်အသွေးကောင်းမွန်သောဆန်များကို နိုင်ငံခြားသို့တင်ပို့နိုင်ရန် စီမံဆောင်ရွက်လျက်ရှိပြီး၊ စပါးစိုက်ပျိုးရန် လျာထားချက် ၁သိန်း စိုက်ပျိုးရမည်ဖြစ်ကြောင်း မအူပင်မြို့နယ်အနေဖြင့် စပါး ၂သောင်း စိုက်ပျိုးရန်၊ ပန်းတနော်မြို့နယ်အနေဖြင့် စပါး ၅ထောင် စိုက်ပျိုးရန်လိုအပ်ကြောင်း၊ စိုက်ပျိုးသော စပါးမျိုးစေ့မျိုးသန့်များကို ကုမ္ပဏီများမှာ မျိုးသန့်စိုက်ပျိုးနိုင်ရေး ထုတ်ပေးသွားမည်ဖြစ်ကြောင်း၊ စိုက်ပျိုးရေးနည်းပညာရှင်များမှ စိုက်ပျိုးစပါးများကို ကွင်းဆင်း ပညာပေးဆောင်ရွက်ပြီး ဆန်များကို နိုင်ငံခြားသို့ တင်ပို့နိုင်ရန် ဌာနဆိုင်ရာများ ကလည်း ချိတ်ဆက်ဆောင်ရွက် ပေးသွားမည်ဖြစ်ကြောင်း၊ တောင်သူများ စပါးမျိုးသန့် စိုက်ပျိုး နိုင်ရန်အတွက် ချေးငွေများ ထုတ်ချေးဆောင်ရွက်မည်ဖြစ်ကြောင်းကို ရှင်းလင်းပြောကြားပြီး လိုအပ်သည်များ လမ်းညွှန်မှာကြား ဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

     စားသုံးသူပြည်သူများ စားသုံးဆီဝယ်ယူစားသုံးရာတွင် ဘေးအန္တရာယ် ကင်းရှင်းသော စားသုံးဆီများကို သင့်တင့်သောဈေးနှုန်းဖြင့် ဝယ်ယူစားသုံးနိုင်စေရန်နှင့် ပြည်တွင်းလိုအပ်ချက် များကို ဖြည့်ဆည်းပေးနိုင်ရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်း သိုလှောင် ဖြန့်ဖြူးခြင်း လုပ်ငန်း ကြီးကြပ်ရေးကော်မတီက ဆောင်ရွက်ပေးလျက်ရှိ ကြောင်း သိရပါသည်။

          ပြည်တွင်းလိုအပ်ချက်ကိုဖြည့်ဆည်းပေးနိုင်ရေးစားအုန်းဆီကို ပြည်ပမှဝယ်ယူတင်သွင်း ရာတွင် စားအုန်းဆီတင်ပို့သည့်နိုင်ငံများ၏ စျေးနှုန်းအတက်အကျပေါ်မူတည်၍ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေးကို ထိန်းကျောင်းဆောင်ရွက်လျက်ရှိသည်။

          ပြည်ပမှစားအုန်းဆီထုတ်လုပ်တင်ပို့သည့်နိုင်ငံများတွင် ဈေးကွက်နှင့်ဈေးနှုန်းဖြစ်ပေါ်မှု များအရ ၂၀၂၆ ခုနှစ်၊ ဖေဖော်ဝါရီလ  ၁၃  ရက်နေ့မှ ၁၉  ရက်နေ့အထိ ရန်ကုန်အထိုင်ဈေး အခြေခံ လက်ကားရည်ညွှန်းဈေးနှုန်းမှာ စားအုန်းဆီ တစ်ပိဿာလျှင်ငွေကျပ် ၆,၂၅၀ ဖြစ်ကြောင်း စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက အသိပေး ထုတ်ပြန် ကြေညာထားကြောင်း သိရှိရပါ​သည်။       

          ပြည်တွင်းဈေးကွက်အတွင်း အဆိုပါထုတ်ပြန်ကြေညာထားသည့် စျေးနှုန်းထက်  ဈေးနှုန်း မြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းအပါအဝင် မသမာသည့် လုပ်ဆောင်မှုများ ပြုလုပ်ပါက အရေးကြီးကုန်စည်နှင့်ဝန်ဆောင်မှုဥပဒေအရ အရေးယူဆောင် ရွက်သွားမည် ဖြစ်ကြောင်း သိရှိရသည်။

          စားအုန်းဆီ အခြေခံလက်ကားရည်ညွှန်းဈေးနှုန်းကို အပတ်စဉ် သောကြာနေ့တိုင်း ထုတ် ပြန်ကြေညာလျက်ရှိပြီး စားသုံးသူပြည်သူများအနေဖြင့် စားသုံးသူရေးရာဦးစီးဌာန၏ Website: www.doca.gov.mm၊  Facebook Page  နှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း၏ Facebook Page တို့တွင် ဝင်ရောက် ကြည့်ရှုလေ့လာနိုင်ကြောင်း သိရှိရပါသည်။

    ၆.၂.၂၀၂၆ ရက်နေ့၊ နံနက် ၁၀:၀၀ နာရီအချိန်တွင် မွန်ပြည်နယ်၊ စားသုံးသူရေးရာ ဦးစီးဌာန၊ မော်လမြိုင်ခရိုင်၊ ချောင်းဆုံမြို့နယ်တာဝန်ခံ ဒေါ်ထက်ထက်နွေဦးသည် မြို့နယ်ပြည်သူ့ကျန်းမာရေးဦးစီးဌာန၊ မြို့နယ်မွေးမြူရေးနှင့်ကုသရေးဦးစီးဌာန၊ မြို့နယ် အထွေထွေအုပ်ချုပ်ရေးဦးစီးဌာန၊ မြို့မရဲစခန်း၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ ပန်းကမ္ဘာဆေးဆိုင်၊ စိန်ဆေးဆိုင်၊ လင်းလက်ဆေးဆိုင်၊ အေးရတနာဖြိုး ဆေးဆိုင်များအား ဈေးကွက်ကွင်းဆင်းစစ်ဆေးခဲ့ကြောင်း သိရသည်။

     ထိုသို့ ဈေးကွက်ကွင်းဆင်းစစ်ဆေးရာ ၎င်းဆေးဆိုင်များတွင် ဆေးဝါးအတုများ ရောင်းချခြင်း ရှိ/မရှိ၊ ဆေးဝါးရောင်းချသည့်နေရာအကျယ်အဝန်း၊ ဆေးဝါးရောင်းချခွင့် လိုင်စင်၊ အလင်းရောင်နှင့် လေဝင်/လေထွက်၊ တိရစ္ဆာန်/ ပိုးကောင်များ ဝင်ရောက်နိုင်ခြင်း၊ သန့်ရှင်းမှု ရှိ/မရှိ၊ ဆေးဝါးရောင်းချမှုကို တာဝန်ယူကြီးကြပ် ရှိ/မရှိ၊ ဆေးဝါးလက်ခံ/ သိုလှောင်/ရောင်းချခြင်း ဆောင်ရွက်မှုသည် ဆေးဝါးအာနိသင် ပျက်ဆီးခြင်း ရှိ/မရှိ၊ တိရစ္ဆာန်သုံးဆေးဝါးများနှင့် လူသုံးဆေးဝါးများကို သီးခြားဆိုင်ခွဲ၍ ရောင်းချခြင်း ရှိ/မရှိ ကွင်းဆင်းစစ်ဆေးခဲ့ကြောင်း သိရှိရပါသည်။

     DOCA (မွန်)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်း ဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်းများသည် စားသုံးသူများ စားသုံးသူကာကွယ်ရေးဥပဒေအား သိရှိလိုက်နာစေရေး၊ အခွင့် အရေးနှင့်တာဝန်များအား သိရှိပြီး ဘေးအန္တရာယ်ကင်းရှင်းစေရန် ရည်ရွယ်၍ စဉ်ဆက်မပြတ် အသိ ပညာပေးဆောင်ရွက်လျက်ရှိပါသည်။

    ပခုက္ကူခရိုင်အနေဖြင့် ဇန်နဝါရီလ အတွင်း ခရိုင်ဦးစီးမှူး၏ လမ်းညွှန်မှုဖြင့်  ဒု-ခရိုင်ဦးစီးမှူး၊ စားသုံးသူရေးရာဌာနခွဲတာဝန်ခံ၊ ပခုက္ကူမြို့နယ်တာဝန်ခံနှင့် ဝန်ထမ်းများသည်  အ.မ.က(၄၊ ၁၅)နှင့် ရွှေချောင်း၊အ.ထ.က(၅)ကျောင်းများ၌ ဆရာ /ဆရာမနှင့် ကျောင်းသား/သူများ၊ စားသုံးသူကာ ကွယ်ရေးအသိပညာပေးခြင်း၊ ဆိပ်ဖြူမြို့နယ်အနေဖြင့် မြို့နယ်တာဝန်ခံမှ ယောဝရပ်ကွက်ရှိ အ.မ.က ကျောင်း၌ အသိပညာပေးခြင်း၊ ဂန့်ဂေါခရိုင်အနေဖြင့် မြို့နယ်တာဝန်ခံမှ ဂန့်ဂေါခရိုင် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၌ Talk Show ဖြင့် အသိပညာပေးခြင်း၊ မြို့မရပ်ကွက် ရှိအ.ထ.ကကျောင်းတွင် ဆရာ/ဆရာမနှင့် ကျောင်းသား/ကျောင်းသူများအား စားသုံးသူကာကွယ် ရေးအသိပညာပေးဆွေးနွေးခဲ့ပြီး ပခုက္ကူခရိုင်မှ(၆)ကြိမ်နှင့် ဂန့်ဂေါခရိုင်မှ(၂)ကြိမ်၊စုစုပေါင်း (၈)ကြိမ် ဟောပြောဆွေးနွေးခဲ့ပြီး လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မကွေး)

     ကချင်ပြည်နယ်၊ မြစ်ကြီးနားခရိုင်အတွင်း အွန်လိုင်းစနစ်ဖြင့်ရောင်းချခြင်းလုပ်ငန်းများနှင့်စပ်လျဉ်း၍ အသိပညာပေးဆောင်ရွက်မှုအနေဖြင့် စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးရုံးမှ‌ ‌ဦးဇေယျာအောင်(ခရိုင်ဦးစီးမှူး)သည် ၁၀-၂-၂၀၂၆ ရက်နေ့(၁၁:၀၀)နာရီအချိန်တွင် မြစ်ကြီးနားမြို့၊ အောင်နန်းရပ်ကွက်ရှိ ပယင်း၊ ကျောက်စိမ်းလက်ဝတ်ရတနာအမျိုးမျိုးရောင်းဝယ်ရေး လုပ်ငန်းရှင်(၁)နှင့်တွေ့ဆုံ၍ အသိပညာပေးဆောင်ရွက်ခဲ့ပါသည်။

          ထိုသို့အသိပညာပေးဆောင်ရွက်ခဲ့ရာတွင် ဦးဇေယျာအောင်(ခရိုင်ဦးစီးမှူး)က စားသုံးသူ ကာကွယ်ရေးဥပဒေပါ စီးပွားရေးလုပ်ငန်းရှင်၏ အဓိပ္ပာယ်ဖွင့်ဆိုချက်နှင့်တာဝန်များ၊ စားသုံးသူ အခွင့်အရေးနှင့်တာဝန်များ၊စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏အမိန့်ကြော်ငြာစာအမှတ်၅၀/၂၀၂၃အရအွန်လိုင်းစနစ်ဖြင့်ရောင်းချခြင်းလုပ်ငန်းကိုအရေးကြီးဝန်ဆောင်မှုလုပ်ငန်းအဖြစ်သတ်မှတ် ထားရှိမှုအခြေအနေ၊ အွန်လိုင်းရောင်းချခြင်းလုပ်ငန်း၏ အဓိပ္ပာယ်ဖွင့်ဆိုချက်၊ အွန်လိုင်းစနစ်ဖြင့် ရောင်းချခြင်းလုပ်ငန်းမှတ်ပုံတင်ခြင်းဆိုင်ရာ အမိန့်ကြော်ငြာစာအမှတ် ၅၁/၂၀၂၃ အရ မှတ်ပုံတင် လျှောက်ထားခြင်းနှင့်လျှောက်ထားမှုအတွက် သတ်မှတ်ချက်၊ ပြင်ဆင်လျှောက်ထားခြင်းအကြောင်း၊ သက်တမ်းတိုးလျှောက်ထားခြင်းအကြောင်း၊ မှတ်ပုံတင်လက်မှတ်ရရှိသူ၏ တာဝန်နှင့်အခွင့်အရေးများ အကြောင်း၊ မှတ်ပုံတင်လက်မှတ်ရရှိထားသော်လည်း သတ်မှတ်ချက်နှင့်ကိုက်ညီမှုမရှိက (ဆိုင်းငံ့ခြင်း၊ ပယ်ဖျက်ခြင်းဆိုင်ရာကိစ္စရပ်များဆောင်ရွက်နိုင်သည့်အကြောင်း၊ eComReg System ၏ Reportနှင့် ပတ်သက်သည့် အသုံးပြုရန်နည်းလမ်းများအား အသိပညာပေးဆွေးနွေးခဲ့ပါသည်။

DOCA(ကချင်)