သတင်းနှင့် လှုပ်ရှားမှုများ

   ၁၅.၅.၂ဝ၂၆ ရက်နေ့၊ နေ့လယ် (၁၃းဝဝ) နာရီအချိန်တွင် စားသုံးသူ‌ရေးရာဦးစီးဌာန၊ မွန်ပြည်နယ်၊ မော်လမြိုင်ခရိုင်၊ မော်လမြိုင်မြို့နယ်တာဝန်ခံ ဦးအောင်ညီညီခန့်သည် ပြန်ကြားရေးနှင့်ပြည်သူဆက်ဆံရေးဦးစီးဌာနတို့နှင့် ပူးပေါင်း၍ မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာနခန်းမ၌ “စစ်ဆေးရေးအရာရှိ ၏ လုပ်ငန်းတာဝန်များဆိုင်ရာ သိကောင်းစရာ အသိပညာပေး Talk Show” ကျင်းပ ပြုလုပ်ခဲ့ကြောင်း သိရှိရ ပါသည်။

    ဆွေးနွေးပွဲတွင် မော်လမြိုင်မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ‌‌ဒေါ်ခင်စန်းရီက Talk Show ကျင်းပပြုလုပ်ရခြင်း၏ ရည်ရွယ်ချက်အား ရှင်းလင်းပြော ကြားခဲ့ပြီး စားသုံးသူရေးရာဦးစီးဌာန၊ မော်လမြိုင်မြို့နယ်တာဝန်ခံ ဦးအောင်ညီညီခန့်က စားသုံးသူကာကွယ်ရေးဥပဒေ၌ ပြဌာန်းထာသည့် စစ်ဆေးရေးအရာရှိ၏ အဓိပ္ပာယ် ဆိုသည်မှာ စားသုံးသူရေးရာဦးစီးဌာနက စစ်ဆေးရေးမှူးအဖြစ် တာဝန်ပေးအပ်ခြင်းခံရသူ ကို  ဆိုလိုတာဖြစ်ကြောင်း၊ အခန်း(၆) ပါ စစ်ဆေးရေးအရာရှိ၏ လုပ်ငန်းတာဝန် (၁၁) ချက် ဖြစ်သော ပြည်တွင်း၌ ထုတ်လုပ်သောကုန်စည်များ၊ ပြည်ပမှ တင်သွင်းသော ကုန်စည် များကို ဈေးကွက်မရောက်မီ(သို့) ဈေးကွက်ရောက်ပြီး ကုန်စည်များ ဘေးအန္တရာယ် ရှိ/မရှိ စောင့်ကြည့်စစ်ဆေးခြင်း၊ ကုန်အညွှန်းအမှတ်အသားတွင် ဖော်ပြရမည့် အချက်များ ပါဝင်မှု ရှိ/မရှိ စောင့်ကြည့်စစ်ဆေးခြင်း၊ ကုန်စည်(သို့) ဝန်ဆောင်မှုနှင့် စပ်လျဉ်း၍ စားသုံးရန်(သို့) အသုံးပြုရန် သင့်/ မသင့်နှင့် ဘေးအန္တရာယ် ရှိ/မရှိ စောင့်ကြည့်စစ်ဆေးရမှာ ဖြစ်ကြောင်း စသည်ဖြင့် အကျယ်တဝင့် ရှင်းလင်းဆွေးနွေးခဲ့ကြောင်း သိရသည်။

DOCA (မွန်)

          ၁၃.၅.၂၀၂၆ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ သထုံခရိုင်၊ သထုံမြို့နယ်တာဝန်ခံနှင့် ဝန်ထမ်းများသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ သထုံမြို့မဈေးအတွင်းရှိ ကုန်စုံဆိုင်များတွင် စည်သွပ်ဗူးအမျိုးမျိုးအား ကွင်းဆင်းစစ်ဆေး ခြင်းများ ဆောင်ရွက်ခဲ့ကြောင်း သိရသည်။

          ထိုသို့ ကွင်းဆင်းစစ်ဆေးရာတွင် အဆိုပါ ကုန်စုံဆိုင်များတွင် ရောင်းချနေသော စည်သွပ်ဗူးအမျိုးမျိုးတို့တွင် ကုန်အညွှန်းအမှတ်အသားပြည့်စုံစွာ ဖော်ပြထားခြင်း ရှိ/မရှိ၊ ဘေးအန္တရာယ်ဖြစ်စေနိုင်သော စည်သွပ်ဗူးများကို ဈေးကွက်အတွင်း ရောင်းချခြင်း ရှိ/မရှိ တို့အား စစ်ဆေးခဲ့ပြီး ကုန်အညွှန်းအမှတ်အသားပြည့်စုံစွာဖော်ပြထားပြီး စားသုံးသူများ ဘေးအန္တရာယ်ကင်းသော စည်သွပ်ဗူးများကိုသာ ရောင်းချနေကြောင်း သိရှိရပါသည်။

DOCA (မွန်)

          ၁၃.၅.၂၀၂၆ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ မော်လမြိုင်ခရိုင်၊ မုဒုံမြို့နယ်တာဝန်ခံသည် မုဒုံမြို့နယ်၊ ညောင်ကုန်းကျေးရွာရှိ ပြည်သူများအား စားသုံးသူ ကာကွယ်ရေးဆိုင်ရာ အသိပညာပေး ဟောပြောပွဲကျင်းပပြုလုပ်ခဲ့ကြောင်း သိရှိရပါသည်။

          အဆိုပါ အသိပညာပေးဟောပြောပွဲတွင် မုဒုံမြို့နယ်တာဝန်ခံ ဦးညီလွင်အေးက စားသုံးသူကာကွယ်ရေးဆိုင်ရာလုပ်ငန်းများနှင့် ပတ်သတ်၍ စားသုံးသူကာကွယ်ရေးဥပဒေ စတင်ဖြစ်ပေါ်လာပုံ၊ စားသုံးသူ ကာကွယ်ရေးဥပဒေပါ စားသုံးသူအခွင့်အရေးနှင့် တာဝန်များ အကြောင်း၊ စားသုံးသူနစ်နာဆုံးရှုံးမှုများ ဖြစ်ပေါ်လာပါက တိုင်ကြားနိုင်ကြောင်းကို လည်းကောင်း၊  စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက် ရေးစင်တာ CICC ဖွင့်လှစ်ထားရှိမှုအခြေအနေ၊ စားသုံးသူရေးရာဦးစီးဌာန၏ လုပ်ငန်း ဆောင်ရွက်ချက်များအကြောင်း သိရှိလိုပါက www.doca.gov.mm Website တွင် ဝင်ရောက် လေ့လာနိုင်ကြောင်းနှင့် Consumer Call Center 1535 သို့ ဆက်သွယ်မေးမြန်း နိုင်ကြောင်းကိုလည်းကောင်း အသေးစိတ်ပြောကြားခဲ့ကြောင်း သိရှိရပါသည်။

     DOCA (မွန်)

          စားသုံးသူရေးရာဦးစီးဌာန၊ မကွေတိုင်းဒေသကြီး၊ မကွေးခရိုင်၊ တောင်တွင်းကြီးမြို့နယ်ဦးစီးမှူး ရုံးမှ စားသုံးသူများ ဘေးကင်းလုံခြုံစိတ်ချရမှုရှိစေရေး၊ ထုတ်ကုန်လုံခြုံစိတ်ချရမှုရှိစေရန်နှင့် စားသုံးသူ ကို အလေးပေး၍ စီးပွားရေးဝန်းကျင်ကောင်းများ ဖန်တီးလာနိုင်စေရန်ရည်ရွယ်၍ တောင်တွင်းကြီး မြို့နယ်တာဝန်ခံသည် (၇.၅.၂၀၂၆)ရက်နေ့၊ နံနက်(၁၀:၀၀)အချိန်တွင် ဒေသအတွင်း စားသောက်ကုန် ဖြန့်ဖြူးထုတ် လုပ်ရောင်းချလျက်ရှိသော “ခန့်” သောက်ရေသန့်လုပ်ငန်းအား ကွင်းဆင်းဆွေးနွေးခဲ့ ပါသည်။

          ထိုသို့ တွေ့ဆုံဆွေးနွေးရာတွင် မြို့နယ်တာဝန်ခံမှ လုပ်ငန်းရှင်များအနေဖြင့် စားသုံးသူကာကွယ် ရေးဥပဒပါ စီးပွားရေးလုပ်ငန်းရှင်၏ တာဝန်များ၊ ကုန်စည်များနှင့်စပ်လျဉ်း၍ ကုန်အညွှန်းအမှတ် အသားဖော်ပြခြင်းနှင့်ပတ်သက်သည့် ပြဌာန်းချက်များ၊ စီမံခန့်ခွဲရေးနည်းလမ်းအရ အရေးယူတားမြစ် ချက်များ၊ ပြစ်မှုပြစ်ဒဏ်များအကြောင်းသိရှိစေရန်နှင့် လုပ်ငန်းရှင်များမှလည်း မိမိတို့ ထုတ်လုပ်သော ကုန်စည်အမျိုးအစားအလိုက် စားသုံးသူကာကွယ်ရေးဥပဒေ ၂၀၁၉ အခန်း (၁၈)ပါ ကုန်အညွှန်း အမှတ်အသားဖော်ပြချက်များနှင့် ကိုက်ညီမှုရှိ/မရှိ စိစစ်ပေးနိုင်ရန် နမူနာပုံစံများနှင့် တကွ စားသုံးသူ ရေးရာဦးစီးဌာနသို့ တင်ပြလျှောက်ထားနိုင်ပြီး စိစစ်ပြန်ကြားပေးလျက်ရှိကြောင်း၊ ကုန်အညွှန်း အမှတ် အသားတွင် မြန်မာဘာသာဖြင့် ဖော်ပြရန် သတ်မှတ်ချက်များနှင့်အညီ ပြည့်စုံမှုမရှိသေးလျှင် နမူနာပုံစံ များတင်ပြစေ၍ ကိုက်ညီမှု ရှိ/မရှိ စိစစ်ပေးမည်ဖြစ်ပြီး အကယ်၍ စျေးကွက်အတွင်း ရောင်းချ ရာတွင် ကုန်အညွှန်းအမှတ်အသားများ မပါရှိပါက ဥပဒေအရ အရေးယူဆောင်ရွက်သွားမည်ဖြစ်ကြောင်း အသိ ပညာပေးဆွေးနွေးခဲ့ပါသည်။

          တောင်တွင်းကြီးမြို့၊ မောင်းတိုင်(၂)ရပ်ကွက်ရှိ ခန့်သောက်ရေသန့်လုပ်ငန်းအား ကွင်းဆင်းလေ့ လာရာတွင် ရေကို အဆင့်ဆင့်သန့်စင်ပြီးမှ မိမိလိုအပ်သောအနေအထားရှိမှသာ လီတာ(၂၀)ဗူးများတွင် ထည့်၍ မြို့နယ်အတွင်း လက်လီ/လက်ကား ဖြန့်ဖြူးရောင်းချကြောင်း၊ စျေးနှုန်းအနေဖြင့် (၂၀)လီတာ ဗူး(၁)ဗူးလျှင် (၁၅၀၀)ကျပ်စျေးနှုန်းဖြင့် ရောင်းချကြောင်း၊ စျေးကွက်အနေဖြင့် တောင်တွင်းကြီးမြို့ပေါ် ရပ်ကွက်များရှိ စတိုးဆိုင်နှင့်စျေးဆိုင်များသို့ ဖြန့်ဖြူးရောင်းချနေကြောင်း၊ အလုပ်သမားဦးရေ (၅)ဦးခန့် ရှိကြောင်း၊ လုပ်အားခ (၁)ဦးလျှင် (၁၅၀၀၀-၂၀၀၀၀)ကျပ်ပေးရကြောင်း၊ ရာသီဥတုအပေါ်မူတည်၍ (၁)ရက်လျှင် ရေသန့် (၂၀)လီတာဗူး (၃၀၀)ကျော်ထုတ်လုပ်နိုင်ကြောင်း၊ ရပ်ကွက်အတွင်းရှိပြည်သူများ အား အလုပ်အကိုင်အခွင့်အလမ်းများပေးနိုင်ကြောင်း သိရှိရပါသည်။

DOCA(မကွေး)

          (၃၂) ကြိမ်မြောက် အာဆီယံစားသုံးသူကာကွယ်ရေးကော်မတီအစည်းအဝေး ဖွင့်ပွဲအခမ်း အနားကို မြန်မာနိုင်ငံတွင် အိမ်ရှင်အဖြစ် ရန်ကုန်မြို့၊ Chatrium Hotel ၌ ၂၀၂၆ ခုနှစ် မေလ ၁၈ ရက် နံနက် ၀၉:၀၀ နာရီတွင် ကျင်းပရာ အာဆီယံအတွင်းရေးမှူးချုပ်ရုံးမှ တာဝန်ရှိသူများ၊ မြန်မာနိုင်ငံ အပါအဝင် အာဆီယံစားသုံးသူကာကွယ်ရေးကော်မတီ အဖွဲ့ဝင်နိုင်ငံများမှ ကိုယ်စားလှယ်များ အပါအဝင် စုစုပေါင်း (၂၄) ဦး တက်ရောက်ခဲ့ကြောင်း သတင်းရရှိပါသည်။

          အဆိုပါအခမ်းအနား၌ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာ ဦးစီးဌာန၊ ညွှန်ကြားရေးမှူးချုပ် ဦးခင်မောင်လှိုင်က နှုတ်ခွန်းဆက်အမှာစကားပြောကြားရာတွင် (၃၂) ကြိမ်မြောက် အာဆီယံစားသုံးသူကာကွယ်ရေးကော်မတီ အစည်းအဝေးကို ရန်ကုန်မြို့၌ အိမ်ရှင် အဖြစ်  လက်ခံကျင်းပရသည့်အတွက် များစွာဝမ်းမြောက်ပါကြောင်း၊ (၁၆) ကြိမ်မြောက် အာဆီယံ စားသုံးသူကာကွယ်ရေးကော်မတီ အစည်းအဝေးကို မြန်မာနိုင်ငံက အိမ်ရှင်နိုင်ငံအဖြစ် ၂၀၁၇ ခုနှစ် တွင် ပထမအကြိမ် လက်ခံကျင်းပခဲ့ပါကြောင်း၊ လူဦးရေ သန်း ၆ဝဝ ကျော်ရှိသည့် အာဆီယံဒေသ အတွင်းတွင် ဒီဂျစ်တယ်စီးပွားရေးစနစ် တစ်ရှိန်ထိုးပြောင်းလဲလာမှုကြောင့် တိုးတက်ပြောင်းလဲမှုများ နှင့်အတူ စိန်ခေါ်မှုများလည်းရှိပါကြောင်း၊ ထို့ကြောင့် စားသုံးသူများအနေဖြင့် အီလက်ထရောနစ် ကူးသန်းရောင်းဝယ်မှုနှင့် ဒီဂျစ်တယ်ငွေကြေးဝန်ဆောင်မှုများတွင် စားသုံးသူစွမ်းဆောင်ရည်ပြည့်ဝ ရန် လိုအပ်လျက်ရှိကြောင်း၊ အာဆီယံနိုင်ငံများအကြား စည်းမျဉ်းမူဘောင် ကွာဟမှုများကို ဖြည့် ဆည်းပေးနိုင်ရန်၊ နိုင်ငံဖြတ်ကျော် ပူးပေါင်းဆောင်ရွက်မှုများ တိုးတက်ရန်နှင့် စားသုံးသူများအနေဖြင့် အခြားအာဆီယံနိုင်ငံတစ်ခုက ထုတ်ကုန်များကို ပြည်တွင်း၌ ဝယ်ယူသည်ဖြစ်စေ၊ အွန်လိုင်းမှ တစ်ဆင့်ဝယ်ယူသည်ဖြစ်စေ လုံခြုံစိတ်ချရမှုရှိစေရန် လိုအပ်ကြောင်း၊ မြန်မာနိုင်ငံအနေဖြင့် ကနေဒါ နိုင်ငံမှ ကျွမ်းကျင်ပညာရှင်များ၊ အာဆီယံစားသုံးသူကာကွယ်ရေးကော်မတီ အဖွဲ့ဝင်နိုင်ငံများနှင့် အာဆီယံအတွင်းရေးမှူးချုပ်ရုံးတို့၏ ကူညီထောက်ပံ့ပေးမှုဖြင့် ကြော်ငြာနှင့်ဈေးကွက်၊ ကိန်းဂဏန်း သတင်းအချက်အလက် ကာကွယ်ထိန်းသိမ်းမှုကဏ္ဍများတွင် သင်ခန်းစာများရေးဆွဲပြုစုခဲ့ကြောင်း ပြောကြားခဲ့ပါသည်။

          အဆိုပါ (၃၂) ကြိမ်မြောက် အာဆီယံစားသုံးသူကာကွယ်ရေးကော်မတီအစည်းအဝေးကို ၂၀၂၆ ခုနှစ်၊ မေလ ၁၈ ရက်နေ့မှ ၂၀ ရက်နေ့အထိ ကျင်းပသွားမည်ဖြစ်ပြီး အာဆီယံစားသုံးသူကာကွယ်ရေး ကော်မတီအဖွဲ့ဝင်နိုင်ငံများမှ ကိုယ်စားလှယ်များက အာဆီယံစားသုံးသူကာကွယ်ရေးမဟာဗျူဟာ လုပ်ငန်းစီမံချက် (၂ဝ၂၆-၂ဝ၃ဝ) ပါ လုပ်ငန်းစဉ်များ၊ အာဆီယံနိုင်ငံများ၏ စားသုံးသူကာကွယ်ရေး ဥပဒေပြဋ္ဌာန်းမှုနှင့် အကောင်အထည်ဖော်ဆောင်ရွက်မှုအခြေအနေများ၊ ထုတ်ကုန်လုံခြုံစိတ်ချရမှု လုပ်ငန်းများ၊ အွန်လိုင်းအငြင်းပွားမှုဖြေရှင်းရေးလုပ်ငန်းစဉ် တည်ထောင်မှုအခြေအနေများနှင့် စားသုံးသူ စွမ်းဆောင်မှုမြင့်မားရေးအတွက် အရင်းအမြစ်တည်ဆောက်ရေးဆိုင်ရာ နည်းပညာအကူအညီပေးမှု ကိစ္စရပ်များကို အဓိကဆွေးနွေးသွားမည်ဖြစ်ကြောင်း သတင်းရရှိပါသည်။