သတင်းနှင့် လှုပ်ရှားမှုများ

    မန္တလေးတိုင်းဒေသကြီး၊ပြင်ဦးလွင်ခရိုင်၊ စားသုံးသူရေးရာဦးစီးဌာနမှ ဇန်နဝါရီလ (၁၇)ရက် နေ့တွင် ပြင်ဦးလွင်မြို့နယ်၊ကြီးကိုင်ကျေးရွာ၌ ခရိုင်အသေးစားစက်မှုလက်မှု လုပ်ငန်းဦးစီးဌာနမှ ဖွင့်လှစ်သည့် အိမ်တွင်း လျှပ်စစ် သွယ်တန်းမှုနည်းပညာပေးသင်တန်း တွင်စားသုံးသူကာကွယ်ရေး ဆိုင်ရာအသိပညာပေးဆွေးနွေးခဲ့ပါသည်။ပြင်ဦးလွင်ခရိုင်၊စားသုံးသူရေးရာဦးစီးဌာနခရိုင်ဦးစီးမှူး ဦးသက်လွင်ထူးက ၂၀၁၉ခုနှစ်၊မတ်လ ကစတင်ပြဌာန်းလိုက်သော စားသုံးသူကာကွယ်ရေးဥပဒေအရ ကုန်စည်နှင့်ဝန်ဆောင်မှုများကိုရယူ သုံးစွဲသောပြည်သူများ၏ စားသုံးသူအခွင့်အရေးများ၊ သိရှိလိုက်နာ ရမည့်အချက်များ၊ စီးပွားရေးလုပ်ငန်းရှင်များ၏လိုက်နာရမည့်တာဝန်များ၊ အခန်း(၁၈)ပါ ကုန်အညွှန်းအမှတ်အသားဆိုင်ရာပြဌာန်းချက်များနှင့် မြန်မာနိုင်ငံစားသုံးသူကာကွယ်ရေး ကော်မရှင်  မှထုတ်ပြန်သော ညွှန်ကြားချက်များကို အသေးစိတ်ရှင်းလင်းပြောကြားခဲ့ပြီး တက်ရောက်လာသူ များမှ မိမိတို့သိလိုသည့်အချက်များကို ပြန်လည်ဆွေးနွေးခဲ့ကြောင်းနှင့်အဆိုပါသင်တန်းသို့ သင်တန်းသား(၃၀)ဦးတက်ရောက်ကြောင်းသိရှိ ရပါသည်။

DOCA(မန္တ‌လေး)

          စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံး စားသုံးသူကာကွယ်ရေးနှင့် ပြည်တွင်းကုန်သွယ်မှုဖွံ့ဖြိုးတိုးတက်ရေးလုပ်ငန်းများ ဆောင်ရွက်လျက်ရှိရာ ပြည်နယ်၊ ခရိုင် များရှိ ဝန်ထမ်းများအနေဖြင့် လူ့စွမ်းအားအရင်းမြစ်ဖွံ့ဖြိုးတိုးတက်ပြီး လုပ်ငန်းစွမ်းဆောင် ရည်မြင့်မားတိုးတက်စေရန် ရည်ရွယ်၍ မိတ်ဖက်ဌာနများနှင့် ပေါင်းစပ်ပြီး ဝန်ထမ်းများစွမ်းဆောင်ရည်မြှင့်တင်ရေးသင်တန်း (၁/၂၀၂၃) ကို ၁၈-၁-၂၀၂၃ မှ   ၁၉-၁-၂၀၂၃ ရက်နေ့ထိ နံနက် ၀၉:၀၀ နာရီအချိန်မှစ၍ ညနေ ၁၅:၅၀ နာရီအချိန်ထိ စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံး၌ သင်းတန်းဖွင့်လှစ်ပွဲ ကျင်းပခဲ့ကြောင်း သိရှိရပါသည်။  အခမ်းအနားတွင် စားသုံးသူရေးရာဦးစီးဌာန ပြည်နယ်ဦးစီးမှူးက သင်တန်းဖွင့်လှစ်ရခြင်း၏ ရည်ရွယ်ချက်ကိုရှင်းလင်း၍ အဖွင့်အမှာစကားပြောကြားခဲ့ပြီး သင်တန်းနည်းပြများဖြစ်သော မိတ်ဖက်ဌာနဆိုင်ရာများက သင်တန်းသားများနှင့် ရင်းနှီးစွာ မိတ်ဆက်စကား ပြောကြားခဲ့ပြီး မှတ်တမ်းတင်ဓာတ်ပုံရိုက်ကူးခဲ့ကြသည်။

       သင်တန်းတွင် ပြည်နယ်စိုက်ပျိုးရေးဦးစီးဌာနက စိုက်ပျိုးရေးဆိုင်ရာကိစ္စရပ်များနှင့်ပတ်သက်၍ ကရင်ပြည်နယ်တွင် အများဆုံးစိုက်ပျိုးထုတ်လုပ်သောသီးနှံများအကြောင်း၊ သီးနှံများ စိုက်ပျိုးထုတ်လုပ်မှုနည်းလမ်းများအကြောင်း၊ မြေဩဇာဥပဒေအကြောင်း၊ မျိုးစေ့ဥပဒေအကြောင်းနှင့် ပိုးသတ်ဆေးအကြောင်းကို ပို့ချဆွေးနွေးခဲ့ပြီး ပြည်နယ်စက်မှုကြီးကြပ်ရေး နှင့်စစ်ဆေးရေးဦးစီးဌာနက ဌာန၏ဥပဒေအကြောင်းနှင့်  ဌာနတွင်လုပ်ကိုင်နေရသောလုပ်ငန်း အကြောင်းကို အသေးစိတ်ရှင်းလင်းပို့ချဆွေးနွေးခဲ့ပြီး၊ ပြည်နယ်အသေးစားနှင့်အလတ်စားစက်မှုလက်မှုဦးစီးဌာနက ဌာနတွင် အသေးစားလုပ်ငန်း၊ အလတ်စားလုပ်ငန်း၊ အကြီးစားလုပ်ငန်း နှင့်ပတ်သက်၍ လုပ်ငန်းမှတ်ပုံတင်၊ လုပ်ငန်းလိုင်စဉ်လုပ်ပေးခြင်းအကြောင်းနှင့် ဌာန၏ လုပ်ငန်းအကြောင်းကို အသေးစိတ်ရှင်းလင်းဆွေးနွေးပို့ချခဲ့ပြီး ပြည်နယ်စီမံကိန်းရေးဆွဲရေးဦးစီးဌာနက ဌာန၏မျှော်မှန်းချက်၊ ရည်မှန်းချက်အကြောင်း၊ ဌာန၏ လုပ်ငန်းဆောင်ရွက်မှုအကြောင်းနှင့် ဈေးကွက်စီးပွားရေးစနစ်အကြောင်းကို အသေးစိတ်ရှင်းလင်းဆွေးနွေးပို့ချခဲ့ပြီး ပြည်နယ်ရသုံးမှန်း ခြေငွေစာရင်းဦးစီးဌာနက ဌာန၏လုပ်ငန်းအကြောင်းနှင့် ဘဏ္ဍာရေးစည်းမျဉ်းစည်းကမ်းအကြောင်းကို အသေးစိတ်ရှင်းလင်းဆွေးနွေးပို့ချခဲ့ပြီး ပြည်နယ်အစားအသောက်နှင့်ဆေးဝါးကွပ်ကဲရေးဦးစီးဌာနက ဌာန၏ မျှော်မှန်းချက်၊ ရည်မှန်းချက်အကြောင်းနှင့် ဌာန၏ လုပ်ငန်းအကြောင်းကို အသေးရှင်းလင်းဆွေးနွေးပို့ချဆွေးခဲ့ပြီး၊  မြန်မာကုန်သွယ်မှုမြှင့်တင်ရေးအဖွဲ့ (ဇွဲကပင်ကုန်သွယ်မှုဗဟိုဌာန)က ဌာန၏ မျှော်မှန်းချက်၊ ရည်မှန်းချက်အကြောင်းနှင့် ဌာန၏ လုပ်ငန်းအကြောင်းကို အသေးရှင်းလင်းဆွေးနွေးပို့ချဆွေးခဲ့ပြီး၊   ဌာနအလိုက် သင်ခန်းစာများကို (၂) ရက်တာ ပို့ချခဲ့ပြီး သင်တန်းသားဦးရေ(၁၆)ဦး တက်ရောက်ခဲ့ကြောင်းနှင့် သင်တန်းဆင်းဂုဏ်ပြုလွှာများ ပေးအပ်ကြောင်း သိရှိရပါသည်။

DOCA(ကရင်)

     မန္တလေးတိုင်းဒေသကြီး၊ကျောက်ဆည်ခရိုင် ၊ စားသုံးသူရေးရာဦးစီးဌာနသည် စားသုံးသူများ ဘေးအန္တရာယ်ကင်းရှင်း စေရေး ၊ ထုတ်ကုန်များလုံခြုံစိတ်ချရမှုရှိစေရေးအတွက် စားသုံးသူ ကာကွယ်ရေးအသိပညာပေး ဟောပြောဆွေးနွေးပွဲကျင်းပခြင်းနှင့် စျေးကွက်စောင့်ကြည့် စစ်ဆေး ခြင်းလုပ်ငန်းများအား စဉ်ဆက်မပြတ်ဆောင်ရွက်လျှက်ရှိပါသည်။ကျောက်ဆည်ခရိုင် ၊ စားသုံးသူ ရေးရာ ဦးစီးဌာန ၊ ခရိုင်ဦးစီးမှူးဦးဆောင်သော စစ်ဆေးရေးအရာရှိများသည် (၁၃-၁-၂၀၂၃) ရက်နေ့တွင် ကျောက်ဆည်မြို့နယ် ၊ ငါးအိုးကျေးရွာ၌ ကျေးရွာသူ၊ကျေးရွာသားများအား စားသုံးသူ ကာကွယ်ရေး ဥပဒေနှင့်ပတ်သက်သည့် အကြောင်းအရာများဟောပြော ဆွေးနွေး ခဲ့ပါ သည်။ရှေးဦးစွာ စားသုံးသူရေးရာဦးစီးဌာန၊ခရိုင်ဦးစီးမှူး ဦးကျင်ဌေးက အဖွင့်အမှာစကားပြောကြား ပြီး စားသုံးသူရေး ရာဌာနခွဲတာဝန်ခံ ဦးဇော်မင်းလတ် (ဦးစီးမှူး)က စားသုံးသူကာကွယ်ရေးဥပဒေပါ အချက်များဖြစ်သည့် စားသုံးသူများ၏အခွင့်အရေး ၊ စီးပွားရေးလုပ်ငန်းရှင်များ၏တာဝန်၊ ကုန်စည် နှင့်ဝန်ဆောင် မှုနှင့် စပ်လျဉ်း၍အာမခံပေးထားမှုအပေါ် စားသုံးသူကတောင်းဆိုနိုင်သည့် အခွင့် အရေးများနှင့် စားသုံးသူ များနစ်နာဆုံးရှုံးမှုများဖြစ်ပေါ်ပါက တိုင်းဒေသကြီး၊ပြည်နယ်များရှိ Consumer Information & Complaint Center (CICC)များ နှင့် Consumer Call Center 1535 သို့ ခေါ်ဆို၍ တိုင်ကြားနိုင်သည့်အပြင် စားသုံးသူရေးရာ ဦးစီးဌာန၏ Website ဖြစ်သော www.doca.gov.mm ထဲသို့ဝင်ရောက်ပြီး တိုင်ကြားနိုင်ပါကြောင်း ဆွေးနွေးပြောကြားခဲ့ပြီး အသိပညာပေး ဟောပြောဆွေးနွေးပွဲသို့ တက်ရောက်လာသော ကျေးရွာသူ၊ ကျေးရွာသား(၁၀၀)ဦးအား စားသုံးသူ ကာကွယ်ရေးနှင့်ပတ်သက်သည့် လက်ကမ်းစာစောင်များ ဖြန့်ဝေခဲ့ပါသည်။ ထို့နောက် ခရိုင် ဦးစီးမှူးဦးဆောင်သော စစ်ဆေးရေးအရာရှိများသည် ကျေးရွာ အတွင်းရှိစားသုံးသူပြည် သူများ အား ကျောက်ဆည်ခရိုင်၊ဆီကုန်သည်နှင့်ဆီလုပ်ငန်းရှင်များအသင်းမှ စားအုန်းဆီများအား သက်သာ သောစျေးနှုန်းများဖြင့် ရောင်းချနေမှုအား စျေးကွက်စောင့်ကြည့် စစ်ဆေးခဲ့ကြောင်း သတင်း ရရှိ ပါသည်။

DOCA(မန္တလေး)

      စစ်ကိုင်းတိုင်းဒေသကြီး၊ ကလေးခရိုင်၊ ဖောင်းပြင်မြို့၊ စည်ပင်သာယာဈေးအတွင်းရှိ  ကုန်စုံဆိုင်များအား စားသုံးသူရေးရာဦးစီးဌာနမှ ဦးဆောင်၍ မြို့နယ်အထွေထွေအုပ်ချုပ်ရေးဦးစီးဌာန၊ ကျန်းမာရေးဦးစီးဌာန၊ မြို့နယ်စည်ပင်သာယာရေးကော်မတီနှင့် မြန်မာနိုင်ငံရဲတပ်ဖွဲ့ဝင်များပူးပေါင်း၍ ဈေးကွက်အတွင်းရောင်းချနေသည့် စားသောက်ကုန်များအနက် Very Good အမှတ်တံဆိပ်ပါ တရားမဝင်ကော်ဖီမစ်များ ရောင်းချခြင်း ရှိ/မရှိ ဈေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက်ခဲ့ကြောင်း သိရှိရပါသည်။

          ထိုသို့ Coffee Shop ( Very Good ) အမှတ်တံဆိပ်ပါ တရားမဝင် ကော်ဖီမစ်များ ရောင်းချခြင်း ရှိ/မရှိ စစ်ဆေးရာတွင် ယင်းအမှတ်တံဆိပ်များအား ရောင်းချခြင်း မရှိပါကြောင်းနှင့် မိမိတို့ ရောင်းချသော ကုန်စည်များတွင် ကုန်ညွှန်းအမှတ်အသားများ ပြည့်စုံစွာဖော်ပြပါရှိသည့် ကုန်စည်များကိုသာ ရောင်းချမှု ပြုလုပ်ကြရန် အသိပညာပေးဆွေးနွေးခဲ့ကြောင်း သိရှိရပါသည်။   

DOCA(စစ်ကိုင်း)

     စားသုံးသူရေးရာဦးစီးဌာန၊ ကချင်ပြည်နယ်၊ ဗန်းမော်ခရိုင်ဦးစီးမှူးရုံးမှ ဝန်ထမ်းများသည် ၁၉.၁.၂၀၂၃ ရက်နေ့ နေ့လယ် (၁၃:၀၀) နာရီအချိန်တွင် သတင်း၊ဆောင်းပါးရေးသားမှုဆိုင်ရာ စွမ်းဆောင်ရည်တိုးတက်လာစေရန် Thursday Talk အသိပညာပေးဆွေးနွေးပွဲတွင် သတင်း၊ဆောင်းပါးရေးသားမှုဆိုင်ရာခေါင်းစဉ်ဖြင့် ဆွေးနွေးခဲ့ပါသည်။

       အဆိုပါ အသိပညာပေးဆွေးနွေးပွဲတွင် ဗန်းမော်ခရိုင်ဦးစီးမှူးရုံးမှ သတင်းအချက်အလက်နည်းပညာနှင့်အရည်အသွေးစီမံခန့်ခွဲရေးဌာနခွဲတာဝန်ခံ ဒေါ်နှောင်းနှောင်းဝင်းက သတင်း၊ဆောင်းပါးရေးသားရာတွင် ပါဝင်သင့်သည့် အချက်များ၊ ရှောင်ကြဉ်ရမည့်အချက်များ၊ သတိပြုရမည့်အချက်များ၊ သတင်းခေါင်းစဉ်ရေးသားရာတွင် ဂရုစိုက်ရမည့်အချက်များ၊ ဌာနခွဲအလိုက်ရေးသားပေးပို့နိုင်သည့် သတင်း၊ဆောင်းပါးအမျိုးအစားများ ရှင်းလင်းဆွေးနွေးခဲ့ပြီး တက်ရောက်လာသည့် ဝန်ထမ်းများမှ သိရှိလိုသည်များကို အပြန်အလှန်မေးမြန်းဆွေးနွေးခဲ့ပါသည်။ThursdayTalk အသိပညာပေးဆွေးနွေးပွဲသို့ ဝန်ထမ်း(၅)ဦး  တက်ရောက်ကြောင်း သတင်းရရှိပါသည်။

DOCA(ကချင်)